Edhe dy të vdekur, pjesë e grupit sulmues ndaj policisë u gjetën të hënën në hapësirat përreth manastirit të Banjskës, në rrugë malore, në distancë rreth 1.5 kilometra larg manastirit.
Të njëjtën rrugë, dyshohet se e përshkuan edhe sulmues të tjerë, që të dielën e 24 shtatorit u konfrontuan me Policinë e Kosovës, për të dalë më pas në territorin e Serbisë.
Televizioni merr vesh nga burime të sigurta se autoriteteve të Kosovës u është kërkuar që sulmuesit t’iu dorëzohet autoriteteve ndërkombëtare, por kjo është refuzuar.
Një gjë e tillë nuk u pohua e as u mohua nga Ministri i punëve të brendshme, kur u pyet se ku është edhe pjesa tjetër e sulmuesve që supozohej se ishin 30.
Teksa konfirmoi vrasjen e 3 sulmuesve, Ministri Sfeçla la të hapur mundësinë që ky numër të jetë më i madh.
Megjithatë, njohësit e fushës së sigurisë lënë hapur dy opsione se si mund të kenë ikur nga Manastiri disa nga sulmuesit e mbetur.
Sipas të dhënave zyrtare, deri më tani dihet fati i 12 prej sulmuesve. 4 nga ta tashmë është konfirmuar se janë të vdekur, dy janë të arrestuar dhe 6 të tjerë të ikur në Serbi.
Me nderime të larta shtetërore iu dha lamtumira e fundit rreshterit të policisë së Kosovës, i cili u vra të dielën në veri, Afrim Bunjaku.
Në ceremoninë e varrimit morën pjesë qindra qytetarë, përfshirë edhe zyrtarët shtetërorë e ndërkombëtarë.
Figura e Bunjakut u lartësua nga liderët e shtetit, duke e falënderuar atë që mbrojti Kosovën me jetën e tij.
“Fituam një hero, afrimi është personifikim i patriotit e profesionistit që e dëshmoi që nga 2001-shi kur e veshi uniformën. Beteja me terroristët ishte beteja e fundit për të, por jo edhe fundi i tij. Afrimi dje mbrojti integritetin e shtetit e dinjitetin e shtetit. Ai do të kujtohet për sa të jetë Republika”, tha presidentja e Kosovës, Vjosa Osmani.
“Afrim Bunjaku u qëllua dhe u vra teksa po kryente detyrën bashkë me kolegët e tij, që morën plagë. Në orët që pasuan gjatë ditës, nën dritën e diellit u ndriçuan rrethanat dhe kryesit e këtij akti kriminal dhe terrorist”, tha kryetari i Kuvendit, Glauk Konjufca.
“U ndriçuan nga kolegët e Afrimit, pjesëtarë të Policisë së Kosovës që me profesionalizmin më të lartë reaguan. Ata e kryen detyrën e tyre, e nderuan Afrimin, na nderuan të gjithë neve dhe Republikën e Kosovës”, tha kryeministri i Kosovës, Albin Kurti.
Derisa tha se sulmuesit do t’i ndjekin pa mëshirë, drejtori i Policisë së Kosovës, Gazmend Hoxha, tregoi se sa të vështirë e kanë humbjen e Bunjakut.
“Rreshteri Afrimi, heroi, dha jetën për rendin kushtetues. Po ndahemi nga prindi, vëllai, kolegu, i cili dha jetën për paqe për Kosovën. Bandat që kanë për qellim destabilizim të shtetit, do të dënohen. Sulmet nuk mund të zbrazin Policinë nga detyra jonë e shenjtë. Dora do t’i luftojë pa mëshirë ku janë ata”, tha Hoxha.
Po pavarësisht dhimbjes, familjarët e rreshterit të vrarë ndienjë edhe krenari.
“Dhimbje, por edhe krenari, kur pranojmë ngushëllime nga i gjithë populli. Kjo është dëshmia më mirë se si ia arrijmë të jemi të unifikuar për dhembjen. Ju pjesëtarë të policisë jeni krenaria e vendit, ku nuk kurseni jetët tuaj. Kemi arsye më shumë për të ecur më përpara”, tha Artan Bunjaku, familjar.
Gjatë ditës është mbajtur edhe një mbledhje komemorative, në të cilën presidentja e vendit, Vjosa Osmani, ka ndarë urdhrin “hero i Kosovës”, për rreshterin Afrim Bunjaku.
Në nderim të Bunjakut, e hëna në Kosovë ishte ditë zie.
Presidentja Vjosa Osmani ka pritur në takim të dërguarin e posaçëm të Gjermanisë për Ballkanin Perëndimor, Manuel Sarrazin. Në takim është biseduar për zhvillimet e fundit në veri pas sulmit terrorist të grupeve kriminale serbe ku një polic mbeti i vrarë dhe disa të tjerë u lënduan.
Osmani ka thënë se akti i agresionit në veri është i orkestruar dhe zbatuar nga struktura të mbështetura nga Beogradi.
“Veprimet e tilla përbëjnë cenim të sovranitetit dhe integritetit territorial të Republikës së Kosovës dhe për këto veprime duhet sanksionuar Serbinë. Pavarësisht këtyre përpjekjeve, Kosova ka ndërmarrë veprime muajt e fundit për ta shtensionuar situatën në veri të vendit dhe se Policia e Kosovës ka treguar profesionalizëm të lartë në përballje me grupet kriminale serbe”, ka thënë Osmani, njofton Presidenca.
Sipas komunikatës, Osmani ka theksuar rëndësinë e mbështetjes së aleatëve ndërkombëtarë dhe koordinimit të vazhdueshëm me ta në përpjekje për paqe, siguri dhe stabilitet të qëndrueshëm.
“Presidentja Osmani ka përsëritur se veprimet e Policisë së Kosovës kundër strukturave ilegale e grupeve kriminale të Vuçiqit janë legjitime, në realizim të detyrave të tyre kushtetuese dhe në mbrojtje të të gjithë qytetarëve, pa dallim”, është theksuar në njoftim.
Në orët e para të mëngjesit të ditës së diel është vrarë rreshteri i Policisë së Kosovës, Afrim Bunjaku, ndërsa janë plagosur edhe policë të tjerë.
Ngjarja e rëndë ka ndodhur në fshatin Banjskë të Zveçanit ku terroristë serbë kanë sulmuar patrullën policore.
Katër sulmues kanë mbetur të vrarë ndërsa janë arrestuar gjashtë persona.
Institucionet e Kosovës kanë deklaruar se aksioni në kërkim të sulmuesve është duke vazhduar.
Franca ka dënuar sulmin ndaj Policisë së Kosovës në veri të vendit, ku mbeti i vrarë rreshteri Afrim Bunjaku.
Përmes një reagimi, Ministria e Jashtme e Francës ka bërë thirrje që autorët e këtij sulmi të dalin para drejtësisë.
“Franca dënon ashpër sulmin e papranueshëm ndaj policisë së Kosovës që ndodhi më 24 shtator, duke lënë të vdekur një polic dhe dy të tjerë të plagosur. Franca shpreh ngushëllimet e saj për familjet e viktimave dhe bën thirrje që autorët të dalin sa më shpejt para drejtësisë”, është theksuar në reagim.
Tutje, Parisi zyrtar ka deklaruar se dialogu i ndërmjetësuar nga Bashkimi Evropian është e vetmja mënyrë “për normalizimin e marrëdhënieve në mes të dy vendeve”.
“Rëndësia e këtyre ngjarjeve nënvizon nevojën urgjente që Serbia dhe Kosova të veprojnë me përgjegjësi për të ulur tensionet dhe për t’u riangazhuar me mirëbesim në Dialogun e lehtësuar nga BE-ja, i cili është e vetmja mënyrë për të pasur sukses në normalizimin e marrëdhënieve midis dy vendeve dhe t’i lejojë ata të bëjnë përparim drejt BE-së”, është thënë në reagim.
Në orët e para të mëngjesit të ditës së diel është vrarë rreshteri i Policisë së Kosovës, Afrim Bunjaku, ndërsa janë plagosur edhe policë të tjerë.
Ngjarja e rëndë ka ndodhur në fshatin Banjskë të Zveçanit ku terroristë serbë kanë sulmuar patrullën policore.
Katër sulmues kanë mbetur të vrarë ndërsa janë arrestuar gjashtë persona.
Institucionet e Kosovës kanë deklaruar se aksioni në kërkim të sulmuesve është duke vazhduar.
Prokuroria Speciale e Republikës së Kosovës (PSRK), në bashkëpunim dhe koordinim të plotë me Policinë e Kosovës dhe mekanizmat relevantë, ka udhëhequr veprimet hetuese edhe gjatë ditës së sotme në vendin e ngjarjes – në Banjskë të Zveçanit.
PSRK-ja, konfirmon se, sot, në vendngjarje është gjetur një trup i pajetë, i personit të tretë të vrarë, që kishte vepruar si pjesë e grupit terrorist që sulmoi Policinë e Kosovës.
“Gjithashtu, po sot, është sekuestruar edhe një sasi e konsiderueshme e armatimit që është përdorur dhe pritej të përdorej në vijimësi nga pjesëtarët e kësaj bande kriminale”, thuhet në njoftimin dërguar mediave.
Lista Serbe ka hedhur kritika dhe akuza ndaj kryeministrit të Kosovës, Albin Kurti, për ngjarjet që kanë ndodhur të dielën në Banjskë të Zveçanit, ku nga strukturat kriminale u vra rreshteri i Policisë së Kosovës, Afrim Bunjaku.
“Në emër të Listës Serbe dhe të gjithë popullit serb nga Kosova shprehim ngushëllimet tona më të thella familjeve të serbëve të ndjerë dhe policit shqiptar të Kosovës në ngjarjen tragjike të djeshme në fshatin Banjskë të komunës së Zveçanit”, tha Lista Serbe në Facebook.
“Po ashtu, themi se do të kërkojmë hetim për vrasjen e së paku dy serbëve të vrarë gjakftohtë edhe pse janë dorëzuar. E pyesim bashkësinë ndërkombëtare pse EULEX-i nuk mori pjesë në operacion, por vetëm policia e Kurtit?. Ne i bëjmë thirrje të gjithëve për paqe dhe vetëpërmbajtje, sepse është e nevojshme që sa më parë të rivendoset paqja në rrugët tona, në këtë kuptim ne kemi nevojë urgjente që KFOR-i dhe EULEX-i të vendosen në veri dhe të parandalojnë përshkallëzimin e mëtejshëm të situatës dhe të parandalojnë politikën ta shpërdorojë këtë ngjarje tragjike”, thuhet në reagimin e tyre.
LS-ja shkruan se prej më shumë se një viti kanë paralajmëruar që “regjimi në Prishtinë po ushtron presion mbi serbët dhe çdo ditë po përshkallëzon situatën dhe po provokon reagimin e popullit”.
“Panumërt kërkuam nga KFOR-i që të ngrejë forcat e veta dhe të veprojë në mënyrë parandaluese, kërkuam nga bashkësia ndërkombëtare që ta frenonte Kurtin, gjithmonë bënim thirrje për paqe… por më kot. Fatkeqësisht, ndodhi ajo që dëshiroi Kurti”.
Deputeti gjerman i Parlamentit Evropian, Reinhard Butikofer, ka thënë se presidenti i Serbisë, Alekasnder Vucic po gënjen me paturpësi. Politikani gjerman i ka reaguar pretendimeve të presidentit serb të bëra në takim me ambasadorin rus, duke thënë se në Kosovë s’ka spastrim etnik, shkruan Express.
Butikofer tutje ka shtuar se gënjeshtrat e Serbisë po krijojnë një mjedis të favorshëm për agresion kriminal kundër Kosovës.
Ai ka pyetur nëse do të ketë pasoja për Serbinë nga Bashkimi Evropian.
“Vuçiq gënjen me paturpësi: në Kosovë nuk ka spastrim etnik. Gënjeshtrat serbe po krijojnë një mjedis të favorshëm për agresion kriminal kundër Kosovës. Narrativa e Vuçiqit i jep justifikim ekstremizmit serb. A do të sjellë BE-ja pasoja?”, ka shkruar Butikofer.
Vučić lies with impudence: there is no ethnic cleansing in Kosovo. The Serbian lies are creating a favourable environment for criminal aggression against Kosovo. Vučić's narrative gives justification to Serbian extremism. Will EU draw consequences? https://t.co/afyZW9XdGq
Në muajin gusht 2023 nga skema e ndihmës sociale kanë përfituar 20 mijë e 810 familje me gjithsej 81 mijë 903 anëtarë, ku krahasuar me periudhën e njëjtë të vitit paraprak që ishte 24 mijë e 627 familje me gjithsej 97 mijë e 124 anëtarë, vërehet një rënie e numrit të familjeve përfituese nga kjo skemë për 3 mijë e 817, ose 15,5 për qind.
Ndërsa, në komunikatën për media lidhur me publikimin e Statistikave të Mirëqenies Sociale për muajin gusht 2023 thuhet se ka rritje të përfituesve nga skemat e pensioneve, krahasuar me një vit më parë.
“Në muajin gusht 2023, krahasuar me muajin gusht 2022 kishte rritje të përfituesve nga: Skema e pensioneve bazike të moshës 18,1%, skema për pensionet e personave paraplegjik dhe tetraplegjik 16,1%, skema për mbështetje materiale familjeve që kanë fëmijë me aftësi të kufizuara 14,7%, skema e pensioneve për Forcën e Sigurisë së Kosovës (FSK) 10,7%, skema e pensioneve për personat me aftësi të kufizuara 7,1%, skema e pensioneve kontribut-paguese të moshës 5,6%, skema e kompensimit për punëtorët e arsimit që punuan gjatë vitit shkollor 1990/91 deri në vitin shkollor 1998/99 5,3%, skema e pensioneve të Trupave Mbrojtëse të Kosovës (TMK) 2,8%, skema për veteranët e luftës 0,2%”, thuhet në komunikatë e Agjencisë së Statistikave të Kosovës.
Sipas këtij raporti ka rënie të përfituesve nga skemat e pensioneve, krahasuar me një vit më parë.
“Në muajin gusht 2023, krahasuar me muajin gusht 2022, kishte rënie të numrit të përfituesve nga: skema për pensionet e Trepçës 18,6%, skema për pensionet invalidore 18,0%, skema për pensionet familjare 9,6%, skema për familjet e dëshmorëve dhe invalidët e luftës 1,6%, skema e kompensimeve për personat e verbër 0,2%”, bën të ditur ASK.
Ambasadori amerikan, Jeffrey Hovenier, shefi i BE-së, Tomas Szunyog e Rifat Jashari janë në mesin e shumëve që po marrin pjesë në varrimin e policit të vrarë të Republikës së Kosovës, Afrim Bunjakut.
Në varrim janë duke marrë pjesë edhe figura të tjera të larta si ministrja e Jashtme, Donika Gërvalla.
Përndryshe, Afrim Bunjaku u vra dje nga grupet serbe kriminale në mëngjesin e djeshëm në Banjskë të Zveçanit.
Kryeministri i Kosovës Albin Kurti, ka thënë se polici Afrim Bunjaku duhet të skalitet në kujtesën e të gjithëve si fytyra e një heroi dhe si vepra e një dëshmori, raporton EO.
Në ceremoninë shtetërore të varrimit të policit të vrarë dje në veri, Kurti ka thënë se kolegët e tij janë ata që i u ndriçuan rrethanat e aktit kriminal dhe terrorist.
“Afrim Bunjaku u qëllua dhe u vra teksa po kryente detyrën bashkë me kolegët e tij që morën plagë. Në orët që pasuan gjatë ditës nën dritën e diellit u ndriçuan rrethanat dhe kryesit e këtij akti kriminal dhe terrorist”.
“U ndriçuan nga kolegët e Afrimit, pjesëtar të Policisë së Kosovës që me profesionalizmin më të lartë reaguan. Ata e kryen detyrën e tyre, e nderuan Afrimin, na nderuan të gjithë neve dhe Republikën e Kosovës. Zbatonin ligjin dhe mbronin territorin, mbanin rendin dhe ruanin qytetarët, për paqe dhe siguri për të gjithë dhe secilin.
“Rreshter Afrim Bunjaku i veshur në uniformën e PK-së është një sakrificë në betejën e Kosovës për ligj dhe Kushtetutshmëri, për drejtësi e për të drejta për çdo qytetar të Kosovës pa dallim. Sot përpara se Afrim Bunjaku të varroset në token e tij, portreti dhe profili i Afrimit le të skaliten në kujtesën tonë fotografike dhe në vëmendjen tonë kolektive si fytyra e një heroi dhe si vepra e një dëshmori. Afër Afrim, larg krimi”, tha ai.
