ATV

Category: Lajme

  • AAK-ja insiston në hetim ndërkombëtar për sulmin në veri – Çeku kërkon ngritjen e kapaciteteve ushtarake e policore

    AAK-ja insiston në hetim ndërkombëtar për sulmin në veri – Çeku kërkon ngritjen e kapaciteteve ushtarake e policore

    Grupi Parlamentar i AAK-së, ka organizuar të martën tryezë diskutimi në lidhje me situatën e sigurisë pas sulmeve terroriste në veri të vendit, raporton Ekonomia Online. Në këtë tryezë kanë marr pjesë ish-kryeministri i Kosovës Agim Çeku, ish-ministra të Sigurisë, ish-drejtor të Policisë së Kosovës, ekspert  të çështjeve të sigurisë në vend si dhe deputet të Kuvendit të Kosovës.

    Para diskutimit të pjesëmarrësve është mbajtur edhe një minutë heshtje në nderim të rreshterit të vrarë, Afrim Bunjaku.

    Kryetari i AAK-së, Ramush Haradinaj, tha se ndodhia e 24 shtatorit është sulm terrorist dhe se sponsor i këtij terrorizmi është Serbia.

    Ai kërkoj që në lidhje me këtë sulm dihet që të ketë hetim ndërkombëtar.

    “Një mundësi e mirë për një diskutim sa më të kujdesshëm që përputhet me situatën e sigurisë që është e ndjeshme. Unë kam tri momente që i kish prezantuar e para është ajo që ka ndodh me 24 shtator është terrorizëm, edhe po ashtu edhe Serbia në bazë të gjitha të gjeturave e kualifikimeve si sponsor i terrorizimit. Është interes i paqes në rajon që bashkësia ndërkombëtare të merr një pozicion të qartë që të ndëshkohet Serbia për sponsorizoi sulmin terrorist. Për këtë duhet një hetim ndërkombëtar. Pjesa tjetër është që Kosova nuk bënë asnjë herë me humb fokusimin nga obligimet e marra pra nga plani franko-gjerman. Nuk duhet me heq dorë nga qëllimi ynë i arritjes së paqes në Kosovë dhe rajon. I përgëzoj institucionet e vendit për punë ë që e kanë bërë në ditën kritike”, tha ai.

    Agim Ceku, ish-kryeministër i Kosovës, tha se sulmi që ka ndodhur me 24 shtator është sulm terrorist i mbështetur nga Serbia.

    Sipas tij, Kosova duhet që të fokusohet në politikën të jashtme si dhe e rëndësishme sipas tij, është ndërtimi i kapaciteteve ushtarake e policore në vend.

    “Ajo çka është deri më tani kemi të bëjmë fjalë me terrorizëm dhe me Serbin si sponsor të terrorizimit. Unë mendoj se sot situatë e sigurisë sot është stabile por na ka ardhur edhe një mundësi që këtë stablitite të shfrytëzojmë. Është më se e qartë se Serbia si sponsor tani është në një pozicion sa ka qenë të dielën, para kësaj ka qenë me e favorshme se sa Kosova. Tani ajo është në fazën defanzive për t’u shfajësuar nga ky veprim terrorist. Ka humbu fuqia e tyre. Mendoj se në anë tjetër ne kemi dalë faqe bardhë fitues, reagimi ka qenë bindës i suksesshëm, fatkeqësisht e kemi humb një policë. Ajo pozitive është se Policia jonë gjatë ballafaqimit pati një veprim ku u përcjell edhe me taktikë edhe veprime reale. Këtë test e dha me shumë sukses është pritur kjo që do të ndodh një ditë. Nga kjo dolëm fitimtar u rrit edhe besimi i PK. U pa që Kosova ka kapacitet dhe potencial për ta mbrojtur vetën. U pa së sa është e rëndësishme bashkëveprimi më NATO-n, ShBA, BE-së, shihet sa i vlefshëm është kjo”.

    “Gjithë e dimë se siguria kombëtare mbështet në pesë shtylla, e para dhe më shumë rëndësi është politika e jashtme. Apeloj që diplomacia jonë të jetë bindës dhe shumë aktive. E dyta është ndërtimi i kapaciteteve, e treta është Policia, e katërta është inteligjenca që është kyçe në paralajmërimin e hershëm. E pesta është plani kombëtar i reagimit në çfarëdo lloj emergjence, çfarë do lloj emergjence. Këto janë pesë shtyllat që duhet të fuqizohen”, tha ai.

    Sheremet Ahmeti ish-drejtor i Policisë së Kosovës, tha se në këtë rast është shumë e nevojshme mbështetja materiale e PK, raporton EO.

    “Njësia Speciale i ka ë dhënë kapacitetet e veta të nevojshëm për të ndal atë sulm terrorist. PK ka mjete për t’u ballafaquar por jo mjaftueshëm. Për këto 24 vite ne nuk kemi helikopter. Kujdesi duhet që të jetë në nivelin e duhur. Në këtë kohë e dini që PK duhet mbështetur materialisht, sepse nuk i ka të rregulluar statusin, që 25 vite nuk ka sigurim, nuk ka shtesa, nevoja e pensionimit të parakohshme është e nevojshme”, tha ai.

    Profesori i çështjeve të sigurisë Avni Islami, tha se duke parë rrezikun në veriun e vendit do të duhet që të shikohet edhe një herë marrëveshja e ish-kryeministrit Thaçi, që e ndalon FSK-në që të patrullojë në veri.

    Sipas tij, kjo duhet që të diskutohet dhe FSK të lejohet në atë pjesë.

    “Ngjarja e fundit ka vënë në pah institucionet e Kosovës dhe ka vënë në provë institucionet e sigurisë. Kur një shtet është pjesëmarrës ky është një terrorizëm shtetëror i Serbisë i kryer në një vend tjetër, kjo e bënë drejtpërdrejt shtetin Serb fajtor. Institucionet e Kosovë s’duhet ta shikoj ë marrëveshjen e ish-peridentit Thaçi në atë kohë, që FSK të jetë në atë pjesë”, tha ai.

    Eksperti i sigurisë Nuredin Ibishi, tha se në këtë çështje duhet që të diskutohet edhe përfshirja e Rusisë, sipas tij, “Serbia është dorë e zgajtur e Rusisë”.

    Ai tha se gjendja e sigurisë në vend e mirë dhe se i gjithë suksesi për neutralizimin e sulmit terrorist i atribuohet Policisë së Kosovës.

    Drizan Shala, ekspert i sigurisë, tha se pas këtij sulmit duhet që të rritet vigjilenca dhe të analizohet çdo i huaj që hynë në Kosovë, pasi sipas tij, mund të ketë persona që mund të hyjnë që të marrin informacione.

  • PDK-ja e LKD-ja e kritikojnë Muratin – kundërshton deputetja e VV-së, prezanton projektet e Qeverisë

    PDK-ja e LKD-ja e kritikojnë Muratin – kundërshton deputetja e VV-së, prezanton projektet e Qeverisë

    Deputetja e Lidhjes Demokratike të Kosovës, Hykmete Bajrami, ka adresuar një varg kritikash në adresë të ministrit të Financave, Punës dhe Transfereve, Hekuran Murati, raporton Ekonomia Online.

    Bajrami tha se të hyrat financiare janë rritur për shkak të inflacionit.

    “Nëse një produkt ka kushtuar një euro dhe TVSh-ja është 18 për qind, atëherë shteti i inkasuar 18 cent dhe nëse produkti është rritur në 1.50, atëherë i keni inkasuar 27 cent dhe arsyeja e rritjes së të hyrave është inflacioni dhe kjo i bie që në kurriz të qytetarëve”.

    E pas kritikave të Bajramit, reagoi deputetja e Lëvizjes Vetëvendosje, Mirlinda Tishukaj-Sadriu.

    Ajo tha se për shkak të neglizhencës, Vitia është lënë pa u kyçur në autostradë. Dhe sipas saj, kyçjen po e bën kjo Qeveri.

    “Kyçja e Vitisë në autostradë nuk është bërë për 12 vite dhe është lënë për shkak të 2 milionë eurove anash. Është pikërisht LDK që Ligjin për Çmimin për Tavan e ka dërguar në Kushtetuese dhe pikërisht një kryetar komune nga PDK e ka dërguar në Gjykatë Kushtetuese Ligjin për Tatimin në Pronë”, tha ajo.

    E deputeti i Partisë Demokratike të Kosovës, Hajdar Beqa, tha se gjetjet e vitit 2021 me atë të vitit 2022 janë të njëjta. Ai si shembull e mori pagesat e qytetarëve serbë të punësuar në bazë të Marrëveshjes së Brukselit, të cilët paguhen pa shkuar në punë.

  • Kurti: Këtë vit kemi rritur mbështetjen për komunitetet jo shumicë

    Kurti: Këtë vit kemi rritur mbështetjen për komunitetet jo shumicë

    Kryeministri i Kosovës, Albin Kurti në takimin me zyrtarët komunalë për Komunitete dhe Kthim ka thënë se një qeveri e mirë është ajo që është më afër popullit. Për këtë Kurti tha se këtë vit kanë rritur mbështetjen për komunitete jo shumicë duke ndarë mbi 3 milionë euro për qytetarët e këtij komuniteti.

    Kurti tha se për të qenë sa me afër qytetarëve, prioritet ishin edhe vizitat në teren për fëmijët në situatë rruge përkatësisht ato me komunitet.

    Ai tha se këto vizita do të jenë urë lidhëse edhe për partnerët ndërkombëtarë që të ndajnë ndihma për këto komunitete.

    Ndërsa, ministri për Komunitete dhe Kthim, Nenad Rashiq, tha se për herë të parë në historinë e kësaj ministrie janë shpallur subvencione të përbashkëta edhe për komunitete.

  • ​Kurti: Çështja më urgjente sot është siguria për Kosovën dhe ndëshkimi për Serbinë

    ​Kurti: Çështja më urgjente sot është siguria për Kosovën dhe ndëshkimi për Serbinë

    Kryeministri i Kosovës, Albin Kurti, ka kërkuar nga bashkësia ndërkombëtare që të dënojë Serbinë për sulmin terrorist të 24 shtatorit në Banjskë të Zveçanit, ku mbeti i vrarë rreshteri policor, Afrim Bunjaku. Kurti nënvizoi se çështja me e rëndësishme dhe urgjente sot është siguria për Kosovën dhe ndëshkimi për Serbinë.

    Derisa foli të martën në tryezën e Institutit të Prishtinës për Studime Politike (PIPS) për Procesin e Berlinit, Kurti tha se Serbia nuk është e interesuar për bashkëpunim rajonal dhe as anëtarësim në Bashkimin Evropian, derisa planifikon aneksimin e territorit të Kosovës.

    Ai bëri të ditur se nga informatat e para preliminare, shumica e sulmueseve të përfshirë në sulmin terrorist në veri janë pjesëtarë të organizatave “Mbrojta Civile” apo “Brigada Veriore”, të cilat janë shpallur terroriste nga qeveria më 29 qershor të këtij viti.

    “Çështja më e rëndësishme dhe urgjente sot është siguria për Kosovën e sulmuar dhe ndëshkimi për sulmuesit. Ndëshkimi për sulmuesit nënkupton, ndëshkimin e Serbisë e cila e mbështeti financiarisht, ushtarakisht, logjistikisht, politikisht, publikisht dhe zyrtarisht atë që ndodhi në Banjskë të Zveçanit të dielën e 24 shtatorit. Por të njëjtën kohë edhe ekstradimi dhe dorëzimi i të gjithë atyre që janë duke u përndjekur, sepse ikën nga vendi i krimit dhe shteti ynë. Gjithashtu më lejoni të iu përkujtoj se me 29 qershor ne kemi shpallur dy organizata terroriste “Mbrojtjen Civile” dhe “Brigadën Veriore” të cilat kanë vepruar dhe veprojnë në territorin e Kosovës në mënyrë ilegale dhe klandestine. Nëse diçka tregojnë informatat preliminare është se shumica dërrmuese e atyre të përfshirëve në këtë sulm terrorist dhe kriminal që rezultoi me vrasjen e rreshterit policor Afrim Bunjaku është se ata ishin pjesëtarë ose të “Mbrojtjes Civile” ose të “Brigadës Veriore” apo të dyja këtyre”, tha ai.

    Sipas tij, pas sulmit terrorist në veri në asnjë forum apo samit ndërkombëtar nuk duhet të vazhdohet sikur asgjë nuk ka ndodhur, por duhet të dënohet dhe ndëshkohet sjellja e Serbia.

    “Pas sulmit terrorist të Serbisë kundër Kosovës, por edhe marrëdhënies të tyre të hapur dhe bashkëpunimit gjithnjë më të ngushtë me Rusinë tregon se mungesa e bashkëpunimit rajonal është për shkak të dallimeve të vrazhda në orientimin strategjik. Derisa unë kam qenë në tavolinën e dialogut në Bruksel dhe në samitet e Procesit të Berlinit për të lidhur marrëveshjet për të ardhmen, siç kemi parë para një jave Serbia po punonte në plane ushtarake për aneksimin e territorit tonë. Kjo tregon që fqinji jonë në veri nuk është e interesuar për bashkëpunim rajonal, për anëtarësim në BE. Por, në vend të kësaj ka orientime alternative gjeopolitike të cilat janë në frymën e ambicieve hegjemonike ndaj fqinjëve. Është me rëndësi që pas sulmit terrorist të Serbisë ndaj Kosovës të mos vazhdon se asgjë nuk ka ndodhur. Duhet të ketë pasoja për këtë sjellje dhe të gjithë autorët duhet të mbahen llogaridhënës për frymëzimin, përgatitjen dhe pjesëmarrjen në këtë sulm terrorist”, tha Kurti.

    Dy javë para samitit të radhës të Procesit të Berlinit që pritet të mbahet në Tiranë, Kurti tha se bashkëpunimi rajonal duhet të bazohet në parimet e barazisë dhe reciprocitetit të palëve.

    Ai përmendi edhe tri marrëveshjet e vitit të kaluar të Procesit të Berlinit të cilat Kosova i ka miratuar, derisa tha se Bosnje Hercegovina nuk ka miratuar marrëveshjen për liri të lëvizjes me karta të identitetit.

    “Qeveria jonë ka një qëndrim të qartë për bashkëpunimin rajonal. Ne besojmë që bashkëpunimi i tillë duhet të bazohet në parimet e barazisë dhe reciprocitetit të palëve. Duhet të bazohet në rregullat, vlerat dhe standardet e BE-së që do t’i mundësonte rajonit të lëvizë më shpejtë në Bashkimin Evropian. Bashkëpunimi rajonal nuk është zëvendësim për anëtarësim në BE, por është një proces komplementar për anëtarësim të plotë. Kjo është sesi Kosova e sheh këtë dhe angazhohet në këtë drejtim…Trembëdhjetë ditë para Samitit të Tiranës duhet të vëmë re se jo të gjitha vendet i kanë ratifikuar këto marrëveshje dhe është për keqardhje që Bosnje Hercegovina është përcaktuar që të miratojë vetëm dy nga tre marrëveshjet, që nuk përfshinë marrëveshjen për liri të lëvizjes me letërnjoftime”, tha Kurti.

    Samiti i radhës i Procesit të Berlinit do të mbahet në Tiranë më 16 tetor. Vitin e kaluar gjashtë vendet e Ballkanit Perëndimor kanë miratuar tri marrëveshje, ku përfshihet liria e lëvizjes në rajon, njohja e kualifikimit të arsimit të lartë në rajon si dhe njohja e kualifikime profesionale të mjekëve, stomatologëve dhe arkitektëve./KP

  • Kërkojnë kushte më të mira, policët dalin me 10 kërkesa

    Kërkojnë kushte më të mira, policët dalin me 10 kërkesa

    Anëtarja e Komisionit Hetimor për të Drejta të Njeriut, Ariana Musliu-Shoshi, ka njoftuar se kanë pranuar një peticion nga Sindikata e Policisë së Kosovës, nëpërmjet të cilit kërkohet përmirësim i kushteve të punës.

    Ajo ka shkruar në Facebook se peticionin e kanë nënshkruar 5623 pjesëtarë të Policisë, e në mesin e kërkesave janë shtesa e rrezikshmërisë në punë, shtesa për punë të veçantë, klasifikimi në koeficient për stafin civil, shujta mujore, shpërblimi për fund të vitit për përformancë të mirë, tri paga përcjellëse për të pensionuarit, zbritje e përvojës së punës, sigurim shëndetësor e jetësor dhe Ligji për pensionim në Polici.

    Deputetja e Partisë Demokratike të Kosovës ka thënë se nëpërmjet votës, pushteti duhet të dëshmojë përkrahjen.

  • Rama: Çmimet e “Internetit Roaming” ndërmjet Evropës dhe Ballkanit Perëndimor janë ulur 99 për qind

    Rama: Çmimet e “Internetit Roaming” ndërmjet Evropës dhe Ballkanit Perëndimor janë ulur 99 për qind

    Kryeministri i Shqipërisë, Edi Rama, ka ndarë një lajm se prej 1 tetorit, çmimet e “Internetit Roaming” mes Europës dhe Ballkanit Perëndimor janë ulur mesatarisht deri 99 për qind.

    Gjithashtu shtoi se është konkretizuar pas firmosjes së marrëveshjes në samitin historik të dhjetorit, në Tiranë.

    “Mirëmëngjes dhe me lajmin e mirë se prej 1 tetorit, çmimet e “Internetit Roaming” mes Europës dhe Ballkanit Perëndimor janë ulur mesatarisht deri 99%, të konkretizuar pas firmosjes së marrëveshjes në samitin historik të dhjetorit në Tiranë, ju uroj një ditë të mbarë”, shkruan Rama.

  • “Vala”, të gjitha shërbimet jashtë funksionit, sqarohet Telekomi

    “Vala”, të gjitha shërbimet jashtë funksionit, sqarohet Telekomi

    Ka kohë që operatori pubik, ka probleme me rrjetin. Si pasoj shërbimet e thirrjeve, internetit dhe dërgesat e SMS-ve po hasin në vështirësi.

    Ndërsa, sot nga mëngjesi të gjitha shërbimet kanë qenë jashtë funksionit.

    Fadil Lepaja UD Drejtor për Relacione me Publikun, tha se sot në mëngjes, në orën 8:48 minuta, për arsye të vjetërsisë së pajisjeve, të cilat edhe ashtu sipas planit do të ndërrohen shumë shpejt, pati një rënie të përgjithshme të shërbimeve të telefonisë mobile në tërë vendin.

    “Ekipet teknike po punojnë që shpejt ta sanojnë gjendjen dhe të rikthejnë shërbimet.

    Duke ju kërkuar ndjesë konsumatorëve, për shqetësimin e arsyeshëm, ju njoftojmë se këto pajisje do të ndërrohen shumë shpejt dhe qytetarët do të kenë shërbime të nivelit evropian, falë teknologjisë së fjalës së fundit që e kemi instaluar në disa pjesë të Kosovës dhe të cilën do ta instalojmë së shpejti në tërë vendin, kur të gjitha shërbimet të zhvendosen në platformat e reja”, tha Lepaja.

  • Kurti: Sulmi terrorist mos të kalohet pa asgjë, të sanksionohet Serbia

    Kurti: Sulmi terrorist mos të kalohet pa asgjë, të sanksionohet Serbia

    Kryeministri i Kosovës, Albin Kurti, ka thënë se Procesi i Berlinit i bashkon vendet e Ballkanit Perëndimor dhe i afron drejt Bashkimit Evropian.

    Dy javë para samitit të radhës të Procesit të Berlinit, që pritet të mbahet në Tiranë, Kurti theksoi nevojën për liri të lëvizjes me karta identitet në gjashtë vendet rajonale.

    Ai tha se Kosova ka zbatuar tri marrëveshjet e vitit të kaluar të Procesit të Berlinit, ndërkaq, Bosnje Herzegovina jo.

    Kurti në organizimin e PIPS për Procesin e Berlinit përmendi edhe sulmin terrorist në veri të Kosovës më 24 shtator.

    Ai nënvizoi se ky sulm nuk duhet të kalohet pa asgjë, derisa theksoi nevojën për sanksionim të Serbisë nga bashkësia ndërkombëtare.

  • KFOR-i: Po e shtojmë praninë dhe aktivitetin në veri të Kosovës

    KFOR-i: Po e shtojmë praninë dhe aktivitetin në veri të Kosovës

    KFOR-i po shton praninë dhe aktivitetin e tij në veri të Kosovës pas sulmit terrorist në veri, kështu thanë nga KFOR-i.

    ”Në dritën e zhvillimeve të fundit, KFOR-i po shton gjithashtu praninë dhe aktivitetin e tij në veri të Kosovës”, thuhet në përgjigjen e KFOR-it.

    Tutje ritheksohet se qëllimi i KFOR-it është ruajtur e një mjedis të sigur dhe lirinë e lëvizjes për të gjithë njerëzit që jetojnë në Kosovë.

    ”Vendimi vjen pas sulmit të dhunshëm ndaj Policisë së Kosovës më 24 shtator dhe rritjes së tensioneve në rajon. Ky është një hap i kujdesshëm për të siguruar që KFOR-i ka forcat, aftësitë dhe fleksibilitetin e nevojshëm për të përmbushur mandatin e tij të OKB-së për të ruajtur një mjedis të sigurt dhe të sigurt dhe lirinë e lëvizjes për të gjithë njerëzit që jetojnë në Kosovë. KFOR-i do të vazhdojë të veprojë në mënyrë të paanshme për të mirën e sigurisë në Kosovë dhe në rajon. KFOR-i do të vazhdojë të rregullojë qëndrimin e tij, sipas nevojës”, thuhet në pergjigjen e KFOR-it.

    Gjithashtu në përgjigjen e KFOR-it thuhet se përforcime të trupave do të pasojnë nga aleatët e tjerë.

    ”Mbretëria e Bashkuar po vendos rreth 200 ushtarë nga Batalioni i Parë i Regjimentit Mbretëror të Princeshës së Uellsit për t’iu bashkuar një kontingjenti prej 400 trupash të Mbretërisë së Bashkuar që tashmë po ushtrohet në Kosovë, dhe përforcime të mëtejshme do të pasojnë nga aleatët e tjerë”, tha ndër tjera KFOR-i.

    KFOR-i gjithashtu ka kërkuar riangazhim në dialog, pasi që sipas tyre është mënyra e vetme për të arritur paqe dhe stabilitet të qëndrueshëm për të gjitha komunitetet

    ”Ne i bëjmë thirrje Beogradit dhe Prishtinës që të riangazhohen në dialogun e lehtësuar nga BE-ja, i cili është mënyra e vetme për të arritur paqen dhe stabilitetin e qëndrueshëm për të gjitha komunitetet. Të gjitha palët duhet gjithashtu të përmbahen nga retorika nxitëse, e cila është kundërproduktive dhe rrezikon përkeqësimin e mëtejshëm të tensioneve” tha KFOR ndër tjera.

  • Avdullah Hoti në cilësinë e dëshmitarit në rastin e “53 milionëshit”

    Avdullah Hoti në cilësinë e dëshmitarit në rastin e “53 milionëshit”

    Ish-kryeministri i Kosovës, Avdullah Hoti do të dëshmojë para trupit gjykues në rastin e njohur si afera e 53 milionëshit, ku i akuzuar është ish-ministri i Infrastrukturës Pal Lekaj.

    Ditë më parë në ketë rast ka dëshmuar edhe ish kryeministri Ramush Haradinaj, ku në kohën sa ishte në qeverisje ishte marr vendimi për te paguar 53 milionë euro, kompanisë që kishte ndërtuar autostradën Arbën Xhaferi.

    Hoti do të dëshmojë në cilësinë e ish-ministrit të Financave në Qeverinë Haradinaj.

    Haradinaj kishte deklaruar se nëse shteti i Kosovës nuk do e paguante vlerën prej 53 milionë euro ndaj Bechtel Enkës, çështja do të shkonte në Gjykatën e Arbitrazhit.

    Bashkëpartiaku i tij Pal Lekaj, është deklaruar i pafajshëm për rastin.