Kryetari i NISMA-s, Fatmir Limaj, në emisionin CONTEXT në ATV, tha se nëse opozita në Kosovë vazhdon kështu si ka qenë, rrezikohet demokracia në vend dhe i jepet mundësi krijimit të hapësirës për regjime autoritare.
“Nisjen e opinionit publik e shtyrë pak a shumë nga Qeveria dhe eksponentë opozitarë me u kthy si temë që kur të përmendet bashkëpunimi opozitar, 100 mijë pengesa e telashe me e i çitë e mos me i lanë me u ba bashkë. Unë e kuptoj që kjo i shërben shumicës, por jo opozitës. Një shumicë e cila ka njëfarë instikti autoritar, do me e pa ashtu. Dhe çka kam parë, kam parë rrezikun e demokracisë. Cila është? Nëse një opozitë qysh ka qenë këtu e vazhdon me u topitë, e me u ba copa copa e me nisë me u marrë opozita njëra me tjetrën e me gju temat që nuk bashkojnë, po temat ndajnë, vijmë në një situatë ku potenciali demokratik, reagues e alternativ i opozitës dobësohet deri në atë nivel sikur që e kemi në vendet në rajon dhe aty lëndohet demokracia dhe aty krijohet hapësira për regjime autoritare. Kqyrne sot Serbinë, gati e njëjta logjikë ka shku në 10 vitet e kaluara, e ka shkatërrua opozitën, opozita veten, nuk e ka ruajtur demokracinë. Ka vende demokratike rajoni, por ka demokraci pesë sekondëshe, këtu ku na rrethojnë neve.”, tha Limaj. /atvlive.tv
Intervistën e plotë të Fatmir Limajt në CONTEXT në ATV, e gjeni në videon më poshtë:
Kryetari i NISMA-s, Fatmir Limaj, në emisionin CONTEXT në ATV, tha se Qeveria aktuale, mos kryerjen e punëve, po e arsyeton duke akuzuar qeveritë e kaluara.
“Nuk kemi thënë ne pse ata tjerët nuk e bënë, por e kemi bërë punën tonë dhe e kemi marrë përgjegjësinë për punën tonë”, tha Limaj.
Ai tha se kur kanë ardhur në pushtet, për aeroport i kanë dhënë nga 12 milionë nga buxheti i Kosovës që t’i mbajë puntorët, ndërsa tani shton ai, aeroporti i sjell Kosovës 26 milionë euro në vit.
“Një aeroport i cili 26 milionë në vit ia bjen buxhetit të Kosovës, një aeroport që është dhënë për 20 vite me koncesion e që parashikohet dikun, me rritjen e pasagjerëve, atëherë u kanë e projektuar diku 420 milionë euro me i ardhë Kosovës në buxhet për 20 vite, nga tash rritja që po del, unë besoj që ka me shku deri në 600 milionë të hyra për Kosovën. Një aeroport i cili është ndërtuar me zero buxhet të Kosovës. Një aeroport kur ne e kemi marrë, kemi dhënë nga 12 milionë euro nga buxheti i Kosovës me i mbajtë punëtorët”, tha Limaj.
Limaj thotë se në vitin 2008, qeverisjen e kanë marrë me 690 milion buxhet, ndërsa pushteti aktual e ka gjetë shtetin me 2.3 milardë buxhet.
“Mos harroni nuk është njëjtë si me e marrë shtetin zero me e çu dikun, si me e marrë të gatshëm. Kur u ardh kjo Qeveri e ka marrë një buxhet me 2 miliardë e 300 milionë. Ne e kemi fillu me buxhetin me 690 milionë. Këtë çka po e flas unë, në vitin 2008, Republika e Kosovës, si Kosovë e pavarur, jemi futë me buxhet shtetëror me 692 milionë euro, në vitin 2011, buxheti i Republikës së Kosovës ka qenë 1 miliard e 420 milionë, që do të thotë rritje 100 për qind, me investime që po flas”, tha Limaj. /atvlive.tv
Intervistën e plotë të Fatmir Limajt në CONTEXT në ATV, e gjeni në videon më poshtë:
Kryetari i NISMA-s, Fatmir Limaj, në emisionin CONTEXT në ATV, tha se nga viti 2010, Kosova ka pasur pak zhvillim ekonomik.
Këto deklarata ai i bëri pasi u pyet nga gazetarja për deklaratën e përbashkët të koalicionit me AAK-në, ku përmenden gjërat esenciale si për shëndetësi, për arsim, sistem gjyqësor etj.
“A kaq keq keni punuar ju, a kaq keq ka qenë situata që të flasim për këto tema që të jenë prioritet, sepse këto janë esenciale, nuk po flasim për investime strategjike, por po flasim për shëndetësi, për arsim për sistem gjyqësor?”, iu drejtua gazetarja e ATV-së, Albina Haliti.
Limaj tha se u duhet me e vazhdua aty ku ka mbetë në vitin 2010.
“Pikërisht po them duhet me e vazhdua aty ku kemi mbetë, sepse nuk kemi pasë një zhvillim prej 2010-tës në zhvillimin ekonomik të këtij vendi. Në fakt, kjo po tregon që mbas 2010-tës, pak ka pasë një zhvillim në vend dhe duam që atë frymë, atë energji, atë mobilizim të zhvillimit të projekteve të ndërtimit të vendit, duhet me e kthy një frymë që menaxhon dhe drejton vendin. Ne jemi në një vend ku 70-80 për qind e ministrave kurrë s’kanë ardhë me dhanë raport për sektorët që kanë drejtu. 70-80 për qind e Qeverisë të Kosovës, të ministrave të fushave përkatëse, opinioni publik nuk i ka pasur. Për tri vite, asnjë ministër nuk ka ardhë me çu një raport, me dalë me e ba një deklarim, me pasë mundësi me e pyet dikush çka keni ba në sektorin e juaj për tri vite”, tha Limaj. /atvlive.tv
Intervistën e plotë të Fatmir Limajt në CONTEXT në ATV, e gjeni në videon më poshtë:
Kryetari i NISMA-s, Fatmir Limaj, në emisionin CONTEXT në ATV, tha se koalicioni NISMA-AAK ka me qenë alternativë politike serioze në Kosovë.
“Është një bazë e gjerë, goxha e gjerë që me një punë efektive, me qartësi, me një program të çartë, edhe me angazhim, me një dimanizim të opozitës, besoj që ky koalicion edhe duke qenë i hapur për të tjerët për tu zgjedhuar, ka me qenë serioze në skenën politike të Kosovës. Unë nuk flas me shifra, por e di saktë që ka me qenë një alternativë serioze edhe besoj që ka ndryshuar nga bashkimi, mënyrën e të bërit opozitë”, tha Limaj.
Ai tha se NISMA, rezultatin më të mirë zgjedhor e ka pasur rreth 46 mijë vota, ndërsa AAK, 80-90 mijë sosh.
“Ajo çka besoj unë është se NISMA veç në zgjedhjet e fundit e ka pasë atë. Me 28 shkurt, ne jemi një parti 10-vjeçare, 10 vite i mbushim. Kemi kaluar diku 10 procese zgjedhore edhe lokale edhe qendrore. Në çfarëdo rrethane, përjashto këtë 14 shkurtin, ne kemi shkuar deri në 5-6-4 për qind, këto kanë lëvizur në nivel nacional. Është një bazë e gjerë që njerëzit kanë votuar. NISMA ka pasur rezultatin më të mirë në zgjedhjet, rreth 46 mijë vota në nivel nacional, në nivel lokal ka pasur edhe më shumë. Në 80 për qind të komunave jemi të përfaqësuar me asamblistë. Kështu që është një bazë e gjerë. Edhe Aleanca ka në ditët më të mira 80 mijë, 90 mijë nëse nuk gaboj, këtu është sillë”, tha Limaj. /atvlive.tv
Intervistën e plotë të Fatmir Limajt në CONTEXT në ATV, e gjeni në videon më poshtë:
Ministria e Punëve të Jashtme dhe Diasporës tha se në autobusin kosovar që u aksidentua në afërsi të Dubrovnikut kanë qenë rreth 30 udhëtarë. Sipas informatave të para, asnjë nga udhëtarët nuk është lënduar dhe s’ka kërkuar ndihmë mjekësore.
MPJD thekson se aksidenti ka ndodhur në vendin e quajtur Orashac, në afërsi të Dubrovnikut, sonte rreth orës 18:00.
Njoftimi i plotë i MPJD-së:
Lidhur me aksidentin e autobusit nga Kosova në Kroaci, nga informacionet e deritanishme, të marra nga autoritetet kroate, Ministria e Punëve të Jashtme dhe Diasporës njofton opinionin e gjerë se rreth orës 18:00, një autobus me rreth 30 udhëtarë ka pësuar një aksident në vendin e quajtur Orashac, në afërsi të Dubrovnikut.
Sipas informacioneve të deritanishme asnjë nga udhëtarët nuk duket të jetë lënduar dhe as të ketë kërkuar ndihmë mjekësore.
Informacionet rreth këtij aksidenti do t’i përditësojmë sapo të kemi të dhëna më të detajuara nga organet kompetente kroate.
Kryetari i NISMA-s, Fatmir Limaj, në emisionin CONTEXT në ATV, tha se Kosova ka hyrë në vitin zgjedhor.
“Ne tanimë jemi në vitin zgjedhor dhe a do të mbahen zgjedhjet ne gjatë mujorin e parë apo në gjashtë mujorin e dytë, kjo tani është çështje që i mbetet shumicës ta diktojë. Por, Kosova është futur në vitin zgjedhor, ky është viti i fundit prandaj është më se normale që ky vit do të karakterizohet me dinamizim dhe aktivitete të tilla”, tha Limaj.
Ai tha se arsyeja pse koalicionin me AKK-në e kanë bërë në këtë kohë, është se sipas tij, koalicionet në ditën e fundit të zgjedhjeve, nuk ka rezultuar të suksesshme.
“Koalicionet e tilla nuk duhet të imponohen në ditën e fundit të zgjedhjeve, koha ka treguar në të kaluarën që vështirë të jenë të suksesshme dhe shumë më me rëndësi kur doni me ba një projekt, është që ta bëni me kohë për t’i dhënë mundësi dhe kohë qytetarit, elektoratit, strukturave dalë ngadalë të ambientohen dhe të njihen edhe të ketë kohë për punimin e një projekti ose programi të përbashkët”, tha Limaj.
Intervistën e plotë të Fatmir Limajt në CONTEXT në ATV, e gjeni në videon më poshtë:
I dyshuari për organizimin e vrasjes së Liridona Ademajt, Naim Murseli, gjatë intervistimit në Prokurorinë Themelore të Prishtinës, ka pranuar se e ka blerë armën për Granit Plavën.
Në Prokurori, bashkëshorti i viktimës, i cili u soll nga burgu nën masa të rrepta të sigurisë, sipas burimeve të televizionit pranoi se i ka dhënë paratë për armën, me të cilën dyshohet se u vra Liridona, përkundër faktit se ka thënë se ka qenë hera e tretë që e ka takuar në jetën e tij.
“Naimi tha se ai ia bleu armën Granitit dhe se ka qenë hera e tretë që e ka taku Granitin. Naimi e ka pranu që në kohëra të ndryshme i ka dhanë para Granitit dhe Kushtrim Kokallës”.
Po të njëjtat burime kanë treguar se Tomë Dodaj, nga i cili dyshohet se Murseli dhe Plava e blenë armën, para organit të akuzës pranoi se ua ka shituar armën dy të dyshuarve, në vlerë prej vetëm 280 eurosh.
Jozyrtarisht, ATV-ja mëson se kur i është prezantuar arma e sekuestruar, Dodaj e ka identifikuar se ka qenë arma e njëjtë që ua ka shitur Granitit dhe Naimit. Armën dyshohet, se ata e provuan në oborrin e tij.
Versionin e Dodajt, se armën e kanë provuar duke shtënë nga një plumb secili, e ka konfirmuar edhe Murseli gjatë dhënies së mbrojtjes së tij.
“Naimi bashkë me Granitin kanë shku të autoservisi i Tomës, edhe kanë kërku një gomë me ndreq. Por ai ju ka tregu që nuk kanë për me rregullu gomë, Naimi e ka hapë temën se ka mbetur pa revole, dhe se e kishte ble, nëse e gjen një. E kanë provu në oborr, kanë qitë edhe Naimi edhe Graniti, e kanë ble 250 euro një revole dhe 30 euro plumba, 20 plumba kanë qenë në të. Naimi ka tentuar ta arsyetojë dorëzimin e armës Te Graniti, si arsye që Graniti nuk ka pasur para të mjaftueshme për ta blerë një armë “, tha Dodaj.
Por Granit Plava është mbrojtur në heshtje duke thënë që deklaratat e tij në Polici i ka dhënë nën presion. Ndërsa, Kushtrim Kokalla do të intervistohet gjatë muajit shkurt, pasi mbrojtja ka kërkuar që fillimisht të pajiset me prova.
E, mbrojtja e Naim Murselit në një përgjigje me shkrim, ka thënë se versioni i të dyshuarit i dhënë në Prokurori, është ndryshe nga ajo çfarë është publikuar në media dhe rrjete sociale.
Sot para Prokurorisë Themelore – departamenti për Krime të Rënda, në cilësinë e të pandehurit është dëgjuar i pandehuri Naim Murseli, dyshimi i bazuar për të cilin është i orientuar në drejtim të veprës penale Vrasje e Rëndë në bashkëkryerje.
“I pandehuri ka rrëfyer versionin e vet të mbrojtjes dhe mbrojtja e tij lidhur me ngjarjen është tërësisht ndryshe nga ajo që është publikuar në rrjetet e informimit dhe ato sociale. Ne të ardhmen kanë mbetur të dëgjohen edhe dëshmitarët e tjerë dhe pas dëgjimit të tyre do t’ju informojmë lidhur me rrjedhën e procedurës dhe përmbajtjen e deponimeve të tyre”, thuhet në njoftimin e Prokurorisë Themelore.
Më shumë detaje i gjeni në Edicionin Qendror të lajmeve në videon më poshtë:
Aterrimi i parë nga Tirana në Kosovë, përmes korridoreve ajrore të reja u bë.
Më të arritur në Aeroportin “Adem Jashari”, i gjithë ekuipazhi shkrepi fotografi, për ta kujtuar gjatë momentin që u quajt historik.
Hapja e korridoreve ajrore me Shqipërinë u cilësua historike edhe nga Kryeministri I Kosovës Albin Kurti.
“Përtej përfitimeve mjedisore dhe infrastrukturore, koha e shkurtuar e fluturimit sjell benefite edhe për mërgatën tonë. Rriten mundësitë për çmime më të përballueshme të biletave, si dhe për destinacione të reja për dhe nga Aeroporti i Prishtinës ‘Adem Jashari”, tha Kurti.
Hapja e këtyre korridoreve, sipas ministrit të Infrastrukturës Liburn Aliu, shton edhe një mundësi tjetër për hyrje ajrore në Kosovë.
Më parë ishte mundësia e vetme për hyrje në Kosovës nëpërmjet Maqedonisë së Veriut, tash i kemi shtuar edhe korridoret e reja e që krahas punëve që janë bërë në zgjerimin e pistës dhe avancimin e sistemeve të navigimit, personeli dhe mundësitë e agjencive tona tashmë janë të shtuara”, tha Aliu.
Derisa shtoi se do të punojnë për hapjen e korridoreve ajrore edhe me Malin e Zi, Ambasadori i Gjermanisë në Kosovë, Jorn Rohde, tha se kjo ngjarje është tregim suksesi.
“Kjo është një storje suksesi e përbashkët. Kjo hapje e hapësirës ajrore duhet të ishte hapur më herët. E planifikueshme për fluturim ku të gjithë do të përfitojnë shumë. Kjo është një e mirë edhe për mjedisin, por edhe për çmimet e biletave. Sot kemi një arsye për të festuar dhe dua të falënderoj të gjithë ata që kanë dhënë kontribute dhe do të punojmë për hapjen e një korridori me Malin e Zi”, tha Rohde.
Marrëveshja me Shqipërinë, për ta shfrytëzuar korridorin ajror të këtij vendi, është arritur në vitin 2020. Kjo marrëveshje ka paraparë hapjen e dy pikave koordinuese ajrore, Kukad dhe Arbër.
Në mungesë të Bordit të Komisionit të Pavarur për Miniera dhe Minerale, aplikimi për shfrytëzim të resurseve, i biznesmenit, Daut Fazlija, i cili është pronar i një gurthyesi në Caralevë të Shtimes, ka mbetur pa u shqyrtuar.
Rrjedhimisht, Fazlija nuk mund ta shfrytëzojë gurin në pronën e tij.
“Mua më është ndërprerë puna në qershor të vitit të kaluar, mirëpo, duke falënderuar policinë dhe drejtorinë për miniera më janë lejuar dy minime speciale për rehabilitim të zonës… Jo, jo nuk sjell shumë përfitime, sepse janë minime të vogla, por të më lejojnë që gjatë kësaj me e rehabilitu këtë zonë, unë do e kisha përfundu këtë zonë dhe do e prisja Bordin”, tha Fazlija.
Në mungesë të licencës për shfrytëzim, ai detyrohet ta blejë gurin, pasi që kompania e tij është fituese e projektit për kryerjen e punëve anësore në hekurudhën Fushë Kosovë – Hani Elezit.
“Unë e kam një projekt ndërkombëtar, hekurudhën e trenit, d.m.th. Han i Elezit Fushë Kosovë, e kom marrë shumë të “Alba” në Kaçanik dhe disa kompani në Kaçanik, pra janë çmimet asi soji që nëse nuk e kam gurin tim është problem të fitoj, po duhet me humb nga pak”, tha Fazlija.
Por aplikimi i Fazlijës nuk është i vetmi që nuk është shqyrtuar. Referuar të dhënave të KPMM-së, saktësisht 303 aplikime të kategorive të ndryshme ende s’janë shqyrtuar.
“Po, ka ndërmarrje që kanë projekte kapitale nga Bashkimi Evropian dhe janë peng i mospajisjes me licencë dhe leje. Kemi shumë ndërmarrje që e kanë dorëzuar aplikacionin e kompletuar në KPMM për vazhdim të Licencës /Lejes. Në mungesë të Bordit nuk mund të pajisen, çka nënkupton se ndërmarrjet nuk e kanë statusin aktiv, por të skaduar. Nëse ato zhvillojnë aktivitet konsiderohet veprim i jashtëligjshëm, si veprime të tilla ka disa tek lejet për aktivitete të veçanta”, thuhet në njoftimin KPMM-së.
Më 20 janar ka përfunduar afati për aplikimin e kandidatëve që synojnë pozitën e anëtarit të bordit të KPMM-së.
“Numri i kandidatëve që kanë aplikuar për anëtarë të bordit të KPMM-së është gjashtëdhjetegjashtë (66). Anëtarët e komisionit janë njoftuar për mbylljen e konkursit për anëtarë të Bordit të KPMM-së, dhe komisioni do të takohet në ditët në vijim për fillimin e shqyrtimit të CV-ve. Komisioni posa t’i përfundojë procedurat, do t’ia propozojë Qeverisë kandidatët për miratim. Pas miratimit në Qeveri, kandidatët e përzgjedhur do t’i dërgohen Kuvendit të Kosovës”, thuhet në njoftimin nga Zyra e Kryeministrit.
Tashmë është bërë mbi një vit që KPMM-ja ka mbetur pa bord aktiv që do t’i shqyrtonte aplikimet. Bordi i KPMM-së përbëhet nga pesë anëtarë.
Ideja për ndarjen e procesit të dialogut nga ai i integrimit në Bashkimin Evropian, nuk mbeti veç në Shkup.
Pas kryeministrit Kurti, nevojën për këtë ndarje e theksoi edhe zëvendëskryeministri Besnik Bislimi, madje në krah të Martin Dvorakut, ministrit për çështje Evropiane të Çekisë, shtet ky që për 6 muaj të vitit të shkuar mbajti presidencën e Këshillit të Bashkimit Evropian.
“Duhet të ndahet procesi i dialogut nga Bashkimi Evropian. Sepse masat e vendosura nga Bashkimi Evropian, po na pengojnë në punën për t’u integruar”, tha Bislimi.
Por, përgjigjja e 67-vjeçarit çek për këtë propozim qe e shpejtë dhe me pak shpresë për Bislimin.
“Një shprehje e miqësisë përfshin gjithashtu të qenit i hapur dhe i sinqertë. Integrimet e mëtutjeshme të Kosovës në BE janë të lidhura ngushtë me Beogradin dhe dialogun. Pyetja e mbylljes së lidhjes së fqinjësisë së mirë dhe procesit të integrimit evropian kanë të bëjnë me të gjitha vendet e Ballkanit Perëndimor”, ka thënë ministri për Çështje Evropiane i Çekisë, Martin Dvorak.
Në pjesën tjetër të konferencës, nuk pati divergjenca mes politikanëve. Të dy, folën për raportet mes dy shteteve dhe rëndësinë e heqjes së vizave për Kosovën.
“Më vjen mirë që qytetarët e Kosovës mund të udhëtojnë aq lehtësisht në shtetet e BE-së, sikurse unë kam ardhur në Kosovë. Mbështetja e vazhdueshme e Çekisë në organizata ndërkombëtare, përfshirë edhe anëtarësimin në Këshillin e Evropës, janë disa nga to. Çekia ka qenë dhe vazhdon të jetë një mik i afërt i Kosovës”, tha Dvorak.
“Kemi histori të mirë me Çekinë, sidomos për kohën kur ishte në krye të presidencës së Këshillit të Bashkimit Evropian…”, tha Bislimi.
Ministri çek me profesion ekonomist, pak minuta pas aterrimit në Prishtinë u prit në takim nga Presidentja Vjosa Osmani. Një orë më vonë u takua me zëvendëskryeministrin Besnik Bislimi e pastaj edhe me Kryeministrin Albin Kurti.
