Category: Lajme

Në Dhomat e Specializuara të Kosovës (DhSK) në Hagë ka filluar dëshminë dëshmitari i 42-të i Zyrës së Prokurorit të Specializuar (ZPS), cili mban kodin W02082 në gjykimin ndaj Hashim Thaçit, Kadri Veselit, Rexhep Selimit dhe Jakup Krasniqit.

Sipas përmbledhjes së lexuar nga përfaqësuesja e ZPS-së, Jasmine Shahabbudin, pretendohet se dëshmitari është rrëmbyer nga pjesëtarë të Ushtrisë Çlirimtare të Kosovës si dhe është rrahur mizorisht, raporton “Betimi për Drejtësi”.

“Në qershor të 1999, dëshmitari 02082 u rrëmbye nga anëtarë të UÇK-së që dukej se e njihnin identitetin e personit. Atë e dërguan anëtaret e UÇK-së në një vendodhje që përdorej nga UÇK-ja në Prizren ku pa edhe anëtarë të tjerë të UÇK-së jashtë. Gjatë ndalimit ë atë vend, e morën në pyetje, e kërcënuan dhe e rrahën mizorisht anëtarë të ndryshëm të UÇK-së me orë të tëra”, tha prokurorja.

Ajo tha se pjesëtarët e UÇK-së përpara se ta lironin dëshmitarin i kanë thënë që të mos i tregonte askujt për faktin se e kanë mbajtur të ndaluar.

“Dëshmitari me numrin 02082 pa edhe të ndaluar të tjerë që kishin gjak dhe ishin rrahur. Përpara se ta lironin, ushtarët e UÇK-së i thanë dëshmitarit 02082 të mos i tregonte askujt për faktin që e kishin mbajtur të ndalum. Edhe sot e kësaj dite ka probleme shëndetësore për shkak të lëndimeve që i shkaktuan”, tha prokurorja.

Pas kësaj, prokurorja kërkoi që të kalohet në sesion privat në mënyrë që të ruhet identiteti i dëshmitarit gjatë marrjes në pyetje pasi ai është me masa mbrojtëse.

Në fillim të seancës prokurorja tha se asaj nuk i ka shkuar ektekspertiza e psikologut për këtë dëshmitarë si dhe ka njoftuar se transkriptet dhe dokumentet që do i prezantohen duhet të iu lexohen nga dikush për shkak që sipas saj ai ka probleme me shikimin.

Deklaratat e këtij dëshmitari të dhëna më herët për ZPS-në së bashku me materialet përcjellëse u pranuan dhe morën numrat e provave materiale në këtë cështje gjyqësore.

Sipas kryetarit të trupit gjykues Charles Smith III dëshmia e këtij dëshmitari do të zgjasë rreth 5 orë.

Sipas tij, ZPS-ja ka paraparë 1 orë, mbrojtja e viktimave 15 minuta ndërsa ekipet e mbrojtjes së të akuzuarve kanë paraparë rreth 4 orë për marrjen në pyetje të këtij dëshmitari.

Ashtu siç u tha në seancë, për shkak të problemeve shëndetësore, gjyqtari Christoph Barthe dhe dy të akuzuarit Thaçi dhe Krasniqi janë duke e ndjekur seancën përmes videolidhjes

Ndryshe, Zyra e Prokurorit të Specializuar, më 30 shtator 2022 ka dorëzuar aktakuzën e konfirmuar të ndryshuar ndaj Hashim Thaçit, Kadri Veselit, Jakup Krasniqit dhe Rexhep Selimit, e cila përbëhet nga dhjetë pika me akuza, ku këta të fundit ngarkohen për krime lufte e krime kundër njerëzimit.

Më 29 prill 2022, Zyra e Prokurorit të Specializuar kishte dorëzuar një aktakuzë të ndryshuar ndaj Hashim Thaçit, Kadri Veselit, Rexhep Selimit e Jakup Krasniqit, ku pretendohet se katër të akuzuarit kanë kryer krime lufte edhe në Gjilan, Budakovë e Semetishtë.

Më 9 nëntor të vitit 2020, në paraqitjet e tyre të para, Jakup Krasniqi e Hashim Thaçi janë deklaruar të pafajshëm për akuzat që u vihen në barrë. Njëjtë është deklaruar edhe Veseli në paraqitjen e tij më 10 nëntor, sikurse edhe Rexhep Selimi më 11 nëntor.

Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020. /BetimipërDrejtësi

Dubai po prezanton një nismë revolucionare udhëtimi, duke i lejuar udhëtarët të udhëtojnë pa pasaportë dhe vizë, duke përdorur teknologji të avancuar biometrike për të përmirësuar efikasitetin dhe sigurinë në sektorin e udhëtimit dhe mikpritjes.

Në një zhvillim revolucionar që do të ripërcaktojë udhëtimin ndërkombëtar, Dubai ka njoftuar një iniciativë inovative që lejon udhëtarët të udhëtojnë pa pasur nevojë për pasaportë apo vizë.

Lëvizja, e cila do të hyjë në fuqi nga marsi 2024, e para në sektorin global të udhëtimit dhe mikpritjes, nënvizon angazhimin e Dubait për të përmirësuar efikasitetin dhe sigurinë e udhëtimit, duke përdorur teknologji të përparuar për të thjeshtuar përvojat e udhëtimit.

Gjithçka që ju duhet për të kaluar kontrollin e policisë është fytyra juaj.

Më pas kaloni nëpër një tunel dhe nëse ndizet drita jeshile, do të thotë që jeni regjistruar dhe identifikuar dhe mund të kaloni kontrollin.

Komisioni Qendror i Zgjedhjeve në Rusi ka regjistruar presidentin aktual, Vladimir Putin, si kandidat për zgjedhjet e reja presidenciale.

Putin do të garojë për mandatin e pestë presidencial. Për shkak të ndryshimeve kushtetuese, që janë kritikuar nga ekspertët, Putini ka të drejtë të bëhet president edhe për dy mandate. Për herë të parë ai u zgjodh president i Rusisë në vitin 2000.

Putin do të garojë si kandidat i pavarur në zgjedhjet e caktuara për 17 mars. Për t’u regjistruar si kandidat, atij iu kërkua të mblidhte të paktën 300.000 nënshkrime të rusëve nga rajone të ndryshme të shtetit, për të mbështetur kandidaturën e tij. Nga nënshkrimet e dorëzuara, 0.15 për qind e tyre u shpallën të pavlefshme nga Komisioni Qendror i Zgjedhjeve në Rusi.

Gjatë mbledhjes së nënshkrimeve për Putinin u evidentuan një sërë shkeljesh. Në veçanti në Shën Petersburg nënshkrimet u mblodhën nga anëtarët e komisionit të zonës, që drejtpërdrejt përbën shkelje të ligjit.

Putini është bërë kandidati i katërt i regjistruar për zgjedhjet presidenciale ruse, pas Vladislav Davankovit nga partia Populli i Ri, Nikolai Kharitonovit nga Partia Komuniste dhe Leonid Slutskyit nga Partia Liberale Demokratike. Në përgjithësi, 11 kandidatë po synojnë të garojnë në zgjedhje dhe kandidatët kanë afat të mbledhin nënshkrimet e nevojshme deri më 31 janar.

Qytetarja 23-vjeçare, e cila u lëndua nga rënia e kulmit të objektit të Komunës së Prishtinës, po vazhdon të trajtohet në Qendrën Klinik Universitare të Kosovës, në Mjekimin Intensiv.

Shefi i Mjekimit Intensiv, Shaqir Uka, ka thënë se pacientja po vazhdon të qëndrojë e fjetur me barna dhe po ashtu me aparaturë të frymëmarrjes.

“Po vazhdon trajtimin në Mjekimin Intensiv. Gjendja është stabile, por vazhdon të qëndrojë me aparaturë të frymëmarrjes”, tha ai për Telegrafin.

Uka bëri të ditur se pacientja ka pësuar lëndime të rënda në regjionin e kokës, ajo para disa ditësh i është nënshtruar edhe një ndërhyrjeje kirurgjike.

Ndryshe, 23-vjeçarja raportohet se është motra e deputetes së Lëvizjes Vetëvendosje, Fjolla Ujkani.

Presidenti i Serbisë Aleksandar Vuçiq u takua në Beograd me përfaqësuesin special të Bashkimit Evropian për dialogun ndërmjet Prishtinës e Beogradit dhe çështje të tjera rajonale të Ballkanit Perëndimor, Miroslav Lajçak.

Kjo është vizita e parë e Lajçakut në Serbi këtë vit dhe hera e fundit që ai ishte nëBeograd ishte në nëntor të vitit të kaluar.

Lajçak pritet që nesër ta vizitojë Kosovën.

Vizita e tij vjen pak ditë para se të hyjë në fuqi rregullorja e re e Bankës Qendrore të Kosovës sipas së euroja do të jetë valuta e vetme për kryerjen e transaksioneve të pagesave me para të gatshme në Kosovë.

Për këtë temë, janë deklaruar gjatë ditës edhe nga Bashkimi Evropian.

BE-ja i ka bërë thirrje Kosovës që në kuadër të procesit të dialogut me Serbinë, të gjindet edhe zgjidhja për çështjen e përdorimit të dinarit serb në Kosovë.

Ministrat dhe deputetët e Kuvendit të Kosovës do të marrin paga me rritje në fund të këtij muaji.

Pagat e tyre do të rriten për 82 euro.

Nga 1 mijë e 722 euro paga e tyre shkon në 1 mijë e 804 euro nga janari I këtij viti.

Pagat e tyre rriten pasi koeficienti i pagave për këtë vit është rritur në 110 euro nga 105 sa ishte në vitin e kaluar.

Ministri i Financave, Hekuran Murati ka deklaruar se ligji për Tatimin mbi Vlerën e Shtuar (TVSh) është në procesin e përditësimit, dhe se grupet punuese janë duke punuar që deri në fund të këtij viti të jetë ligj i ri i cili do të marrë parasysh kërkesat, nevojat, përshtatjen me trendët, por gjithashtu edhe mbështetjen për bizneset dhe prodhuesit vendor.

Në konferencën e përbashkët për media me drejtorin e Doganës së Kosovës, në të cilën u prezantuan lehtësirat e krijuara për bizneset, Murati tha se për të mbështetur edhe prodhuesit vendor në tetorin e vitit të kaluar kanë miratuar edhe lirimin nga taksa doganore për disa prej lëndëve e gjithashtu edhe për pjesët rezervë të makinerive prodhuese ashtu që ta kenë më të lehtë të shtojnë vlerë në vendin tonë.

Në këtë drejtim, ai ka renditur edhe disa nga hapat tjerë që kanë ndërmarrë si qeveri për t’i dalë në ndihmë bizneseve.

“Disa prej hapave që janë marrë viteve të fundit janë edhe kthimi i terminaleve doganore, pra në pronësi apo në operim shtetëror në mënyrë që të hiqet edhe barra administrative, por edhe kostoja financiare që ka qenë për shumë biznese. Në anën tjetër kemi filluar zhdoganimin e plotë në portin e Durrësit që nga tetori i vitit të kaluar që po ashtu e ulë koston për bizneset, sepse mund të përfshihen apo unifikohen disa prej kontrolleve dhe të ulën kostot financiare për bizneset që kalojnë mallrat e tyre nëpër atë port…Për të mbështetur edhe prodhuesit vendor në tetorin e vitit të kaluar kemi miratuar edhe lirimin nga taksa doganore për disa prej lëndëve e gjithashtu edhe për pjesët rezervë të makinerive prodhuese ashtu që ta kenë më të lehtë të shtojnë vlerë në vendin tonë. Edhe ligji për TVSh-në është në procesin e përditësimit, tashmë kemi grupet punuese dhe jemi duke punuar që deri në fund të këtij viti ta kemi një ligj të ri, i cili do të marrë parasysh kërkesat, nevojat, përshtatjen me trendët por gjithashtu edhe mbështetjen për bizneset dhe prodhuesit vendor”, tha Murati.

Ai shtoi se me mbështetjen e Bankës Botërore kanë miratuar vitin e kaluar themelimin e dritares së vetme kombëtare, e cila do të jetë një platformë, ku të gjithë tregtarët, bizneset që merren me tregti do të mundësohet kryerja e të gjitha shërbimeve në mënyrë digjitale në kohë të shkurt dhe me efikasitet të lartë.

Mes tjerash, Murati tha se gjatë vitit të kaluar Dogana e Kosovës ka iniciuar mbi 1800 kundërvajtjeje dhe 83 kallëzime penale përmes të cilave është synuar mbrojtja tregtarëve në mënyrë që të respektohet rendi dhe ligji.

Ndërkaq, drejtori i përgjithshëm i Doganës së Kosovës, Agron Llugaliu tha se arritjet në këtë institucion do të ishin të pamundura pa partnerët e sektorit privat.

Lluagaliu derisa përmendi rritjen e të hyrave, ka theksuar se ka rritje të eksportit në sasi, ndonëse ka rënie në vlerë, për çfarë ka përmendur edhe faktorët që kanë ndikuar.

“Sa i përket eksportit të vitit të kaluar kemi vërejtur që kemi pas rritje në sasi për tre për qind, ndërsa në vlera vërehet që ka rënie, mirëpo kjo i atribuohet rënies së vlerave të produkteve në eksport, si dhe për shkak tregjet globale kanë qenë të ndryshueshme gjatë viteve që lamë pas. Kemi pasur disa rënie dhe kërkesa të tregut ndërkombëtar që nuk janë trende të zakonshme. Tek rryma si kërkesë që ka qenë eksport në vitin 2022, kemi rënie prej 45 milionë kur e krahasojmë me vitin 2023, në vitin 2022 ka qenë kërkesë e madhe për energjinë dhe çmimet kanë qenë të larta. Ngjashëm është tek një pjesë e mobilierisë, tek dyshekët. Përndryshe të gjitha industritë tjera shohim qe e kanë zgjeruar gamën e eksporteve dhe sasinë. Sa i përket lehtësirave kemi pas një qasje për të adresuar në gamë të përgjithshme, kemi punuar më shumë sa i përket menaxhimit të riskut si dhe avancimit të sistemit, por edhe në llogaridhënie”, tha Llugaliu.

Në fund ai tha se nga kjo pasqyrë vërehet se vit për vit, numri i dërgesave në tregtinë e jashtme rritet me 10 për qind përderisa kapacitetet pothuajse mbesin të njëjta, për çfarë tha se është e domosdoshme që të ngritin nivelin e efikasitetin për të siguruar që numri i dërgesave procedohet brenda kohës.

Sindikatat dhe punëtorët e kompanisë Operatori i Sistemit, Transmisionit dhe Tregut të energjisë elektrike të Kosovës (KOSTT), kanë protestuar të hënë para objektit të kësaj ndërmarrje, raporton EO.

Ata përmes kësaj proteste kanë shprehur pakënaqësinë me “rritjen e përshkallëzuar” prej 15% deri 3% të pagave, që e thellon dallimin mes punëtorëve dhe stafit menaxherial.