Përfaqësuesin e BE-së për dialogun ndërmjet Kosovës dhe Serbisë, Miroslav Lajçak, sot pasdite do të takohet me presidentin serb, Aleksandar Vuçiq.
Sipas kumtesës së shërbimit për media të Vuçiqit, takimi do të fillojë në ora 18, dhe do të mbahet në ndërtesën e Sekretariatit të përgjithshëm të presidencës serbe.
Instituti Kombëtar i Shëndeti Publik të Kosovës ka njoftuar banorët e Prishtinës se ajri nuk është i shëndetshëm.
Ndër të tjera IKShPK-ja bën apel për personat e ndjeshëm të kenë kujdes.
Përndryshe në foton e postuar të institutit në Facebook, shihet se indeksi i cilësisë së ajrit është 151.
Një grua është gjetur e vdekur në Mitrovicë në afërsi të shtëpisë së saj. Kështu ka njoftuar Policia e Kosovës derisa ka bërë më dije se ekipet kanë dalë në vendin e ngjarjes.
“Raportohet se në afërsi të shtëpisë së saj, është gjetur pa shenja jete, viktima femër kosovare. Në vendin e ngjarjes kanë dalur njësitet përkatëse, ndërsa ekipi mjekësor ka konstatuar vdekjen e viktimës”, thuhet në raport.
Sipas policisë, me vendim të prokurorit trupi i pa jetë është dërguar në IML për obduksion.
Është arrestuar një femër kosovare në Fushë Kosovë me dyshimin se e braktisi fëmijën e saj duke e lënë vetëm në banesë.
Rastin e ka konfirmuar Policia e Kosovës, ndërsa e dyshuara është dërguar në mbajtje.
Fëmija në bashkëpunim me Qendrën për Pune Sociale është dërguar tek një familjar i tij.
“Është arrestuar e dyshuara femër kosovare, nën dyshimin, se e njëjta dyshohet se ka braktisur fëmiun e saj duke e lënë vetëm në banesë. Me vendim të prokurorit, e dyshuara është dërguar në mbajtje”, ka thënë Policia.
Është miratuar kërkesa e Ministrisë së Drejtësisë për ndarjen e 520 mijë eurove për financimin shtesë të projektit “Renovimi i kulmit dhe rikonstruktimi i hapësirave të brendshme në objektin e Institutit të Mjekësisë Ligjore”.
Nga Ministria bënë të ditur se ky buxhet do të shfrytëzohet për renovimin e hapësirave të IML-së që ishin dëmtuar si pasojë e incidentit me zjarrin në nëntor të vitit të kaluar, mirëpo në të njëjtën kohë do të intervenohet në tërë objektin e Institutit të Mjekësisë Ligjore.
“Ky renovim do të realizohet në bazë të projektit të përgatitur nga departamenti i inxhinieringut në MD, i cili përfshin rekomandimet e dhëna nga Komisioni i Universitetit të Prishtinës për vlerësimin e dëmeve dhe rritjen e sigurisë së objektit”, thuhet në njoftimin e Ministrisë së Drejtësisë.
Në njoftim Ministria e Drejtësisë ka dhënë detaje se cilat do të jenë pikat kryesore që do të investohen.
“Pikat kryesore në të cilat do te investohet do të jenë instalimi i sistemit kundër zjarrit, instalimi i sistemit të ri elektrik, vendosja e ventilimit qendror, përmirësimi i kushteve dhe funksionalizimi i sallave të autopsisë, si dhe ridizajnimi i hapësirave të brendshme të punës në përputhje me standardet dhe praktikat më të mira ndërkombëtare”, vijon njoftimi.
Ndryshe, për zjarrin që kishte shpërthyer në Institutin e Mjekësisë Ligjore, Prokuroria në Prishtinë ka nisur hetimet.
Ministri i Bujqësisë, Pylltarisë dhe Zhvillimit Rural, Faton Peci ka nënshkruar sot një Udhëzim Administrativ lidhur me kafshët.
Sipas një postimi të tij, ky Udhëzim ka të bëjë me përcaktimin e rregullave të Identifikimit dhe Regjistrimit të Kafshëve.
“Mundësohet gjurmueshmëria, ri-regjistrimi i tërësishëm i fondit blegtoral, si dhe menaxhohet në mënyrë transparente çështja e matrikulave e nga ana tjetër eleminohen abuzimet me numrat e matrikulave tek kafshët”, ka thënë Ministri Peci.
“Andaj fermerë e blegtorë, nuk do të keni asnjë pengesë rreth matrikulimit për të aplikuar në Programin për Pagesa Direkte / Subvencione 2024”, shtoi më tutje ai.
Ku udhëzim, do të hyjë në fuqi pas shtatë ditëve kur publikohet në gazetën zyrtare.
Këtë të premte, Grupi i Grave Deputete të Kuvendit të Republikës së Kosovës organizon një seancë të veçantë në sallën plenare të Kuvendit. Tema e diskutimit është “Historia e deputeteve në Kuvendin e Kosovës – përparim dhe proces”, e cila do të bashkojë të gjitha ish-deputetet e legjislaturave të mëparshme.
Grupi Grave Deputete të Kuvendit të Republikës së Kosovës këtë të premte do të mbajë një seancë ndryshe nga ato atë të zakonshmet.
Kjo seancë shënjuese do të bashkojë të gjitha ish-deputetet e legjislaturave të mëparshme të Kuvendit të Republikës së Kosovës, me temën “Historia e deputeteve në Kuvendin e Kosovës – përparim dhe proces”.
Seanca mbahet në sallën plenare të Kuvendit të Kosovës.
Siç bëhet e ditur në njoftimin e Kuvendit, seanca do të nisë në ora 11:00.
Fjalimet hyrëse do të mbahen nga Glauk Konjufca, kryetar i Kuvendit të Republikës së Kosovës, dhe Tinka Kurti, kryetare e Grupit të Grave Deputete.
“Po ashtu fjalime do të mbajnë: Albana Gashi nga LVV, Flora Brovina nga PDK, Besa Gaxherri nga LDK, Teuta Haxhiu nga AAK dhe Müfera Srbica-Şinik nga Grupi Multietnik. Ky aktivitet përkrahet nga UNWOMEN në Kosovë”, thuhet në njoftimin e Kuvendi të Kosovës.
Zhytuni në zemër të një destinacioni ende pak të njohur në Evropë: Shqipërisë. Vendi i aventurave dhe peizazheve që të lënë pa frymë dhe një perlë për të apasionuarit e udhëtimeve, shkruan në një artikull revista franceze e udhëtimeve “A Vous Poitiers”.
Duke udhëtuar në rrugët e saj gjarpëruese, mes maleve madhështore, liqeneve të kaltra dhe brigjeve të egra të detit Jon, Shqipëria ju premton kujtime të paharrueshme. Përgatituni të eksploroni një sërë kulturash, historish dhe peizazhesh mes gjurmëve të natyrës së pacënuar dhe mikpritjes së pashembullt.
ITINERARI
Filloni aventurën tuaj në Tiranë, kryeqytetin plot ngjyra, përpara se të niseni në jug, ku mund të shijoni brigjet e pacenuara të Rivierës Shqiptare. Mes plazheve sekrete dhe vendeve arkeologjike, itinerari juaj do të jetë sa i larmishëm aq edhe magjepsës. Zbuloni vendet e njohura si Saranda dhe mrekullitë e fshehura si Parku Kombëtar i Llogarasë, që ofron një kombinim perfekt mes aventurës dhe relaksit.
BREGDETI I JONIT
Vija bregdetare shqiptare është ende e panjohur, por është shtëpia e disa prej plazheve më të bukura në Evropë. Nga ujërat e kristalta të Ksamilit e deri te qetësia e Dhërmiut, çdo ndalesë në këtë shtrirje bregdetare të Jonit ka pjesën e saj të surprizave. Gjeni kohë për t’u zhytur në ujin e pastër kristal dhe për t’u çlodhur në plazhet që nuk kanë asgjë për t’u pasur zili fqinjëve të tyre grekë. Gjithashtu, mos humbisni fshatin piktoresk të Himarës, një vend i përsosur për të shijuar ushqime të freskëta deti dhe përjetuar kulturën vendase shqiptare. Udhëtimi në Shqipëri do t’ju mundësojë gjithashtu të vizitoni vende të tilla si Kalaja e Ali Pashës në Porto Palermo, një dëshmi historike që integrohet në mënyrë harmonike në peizazhin bregdetar.
PEIZAZHET MALORE
Përtej plazheve, malet e Shqipërisë ofrojnë një panoramë të jashtëzakonshme për adhuruesit e natyrës. Rrugët gjarpëruese të veriut, si ato që të çojnë në Luginën e Valbonës apo Parkun Kombëtar të Thethit, ofrojnë pamje mahnitëse dhe eksperienca të paharrueshme. Veriu i Shqipërisë është gjithashtu vendi i traditave shekullore ku mund të takoni komunitetet lokale dhe të ndani një moment të përditshmërisë së tyre. Këto rajone malore ofrojnë një shpirt të thellë dhe autentik për çdo udhëtar në kërkim të autenticitetit.
TRASHËGIMIA HISTORIKE DHE KULTURORE
Udhëtimi në Shqipëri nuk do të ishte i plotë pa eksploruar trashëgiminë e pasur që mbulon vendin. Vendet e lashta si Apolonia apo Butrinti janë ndër vendet kryesore për t’u vizituar, që do t’ju kthejnë pas në kohë. Këto mbetje arkeologjike, disa prej të cilave janë përfshirë në listën e Vendeve të Trashëgimisë Botërore të UNESCO-s, janë dritare që hapen në disa mijëvjeçarë të historisë. Për një eksperiencë të gjallë kulturore vizitoni muzetë e Tiranës dhe qytetin e vjetër të Beratit, i quajtur ndryshe “qyteti i një mijë dritareve”. Këto mjedise historike ndërthurin arkitekturën e stilit osman, ndikimet italiane dhe kujtimet e epokës komuniste, duke formuar një peizazh unik urban. Udhëtimi drejt Shqipërisë është një mundësi për të kuptuar më mirë aspektet e shumta të historisë evropiane.
GASTRONOMIA LOKALE DHE MIKPRITJA MIQËSORE
Shqipëria ofron një kuzhinë të shijshme me produkte vendase. Restorantet e vogla lokale ofrojnë pjata tradicionale mesdhetare me ndikime orientale. Ju mund të provoni gatimet tradicionale shqiptare duke filluar nga byreku deri te ushqimet e freskëta të detit. Shqiptarët shquhen për mikpritjen e tyre. Ndarja e një vakti me ta është shpesh sinonim i momenteve të paharrueshme. Shqipëria është vendi i kontrasteve dhe zbulimeve. Mes peizazheve madhështore, pasurisë kulturore dhe gastronomisë mahnitëse, ky destinacion ballkanik ju pret të zbuloni sekretet e tij.
Komisioni Qendror i Zgjedhjeve sot do të mbajë mbledhjen e radhës duke filluar nga ora 10:30.
Në rendin e ditës janë një sërë pika ku më kryesorja është pika e gjashtë, që thotë “Shqyrtimi dhe miratimi i formimit të Këshillit Mbikëqyrës për IP, për procesin e votimit për apo kundër largimit të kryetarëve nga funksioni në komunat Leposaviq, Zubin Potok, Zveçan dhe Mitrovicë e Veriut”, njofton Klankosova.tv.
Ndërkaq ky është rendi i ditës i mbledhjes së KQZ-së:
Hyrje: z.Kreshnik Radoniqi, Kryesues i mbledhjes së KQZ-sëShqyrtimi dhe miratimi i procesverbalit Nr. 14/2024Aktivitetet e SKQZAktivitetet e Zyrës
– Raporti njoftues për pranimin e Raporteve vjetore financiare 2023, të dorëzuara nga subjektet politike
Raport i Këshillave të KQZ
5.1.Këshilli për Personel
Njoftim lidhur me shqyrtimin e Kornizes Afatmesme te Shpenzimeve per vitet 2025-2027
5.2.Këshilli për Operacione Zgjedhore
-Njoftim lidhur me shqyrtimin e Shqyrtimi e Kornizes Afatmesme te Shpenzimeve per vitet
2025-2027
-Analizë e modhës dhe gjinisë për vëzhguesit e subjekteve politike në Zgjedhjet e vitit 2021
5.3.Këshilli për Buxhet dhe Financa
– Shqyrtimi dhe miratimi i Kornizes Afatmesme te Shpenzimeve per vitet 2025-2027
Shqyrtimi dhe miratimi i formimit të Këshillit Mbikqyrës për IP, për për procesin e votimit për apo kundër largimit të kryetarëve nga funksioni në komunat Leposaviq, Zubin Potok, Zveçan dhe Mitrovicë e VeriutShqyrtimi dhe miratimi i ftesës së IDEA për të marrë pjesë në Konferencë “Roli i inteligjencës artificiale në proceset zgjedhore?”, që do të zhvillohet në Sarajevë, Bosnje dhe Hercegovinë më 16 prill 2024Të ndryshme
Një këmbësore është goditur mbrëmë në vendkalimin e rrugës “Agim Ramadani”, në Prishtinë.
Sipas një video të siguruar nga KosovaPress, ajo është goditur nga ngasësi i veturës golf 4 dhe gjendja e saj dukej e rëndë. Aty shihen policia dhe auto-ambulanca.