ATV

Category: Lajme

  • IKShPK-ja paralajmëron personat e ndjeshëm, ajri sot në Prishtinë i cilësisë mesatare

    IKShPK-ja paralajmëron personat e ndjeshëm, ajri sot në Prishtinë i cilësisë mesatare

    Instituti Kombëtar i Shëndetësisë Publike të Kosovës u ka bërë thirrje personave të ndjeshëm për kujdes, meqë sot cilësia e ajrit është mesatare.

    Lidhur me këtë, IKShPK-ja ka dalë me disa rekomandime:

    -Të reduktohen daljet në vendet me ajër të ndotur, në mëngjes dhe mbrëmje, sidomos për personat që kanë sëmundje kronike kardiovaskulare dhe respiratore, fëmijët dhe shtatzënat.

    -Të reduktohet përdorimi në shtëpi i lëndëve të ngurta të djegies dhe gatimit, që të zvogëlohen emetimet.

    -Qendroni në shtëpi dhe mos i hapni dritaret për ajrosjen e dhomave kur ndotja është e lartë

    -Të reduktohet pirja e duhanit jashtë ku ka qarkullim të njerëzve, e domosdoshmërisht të ndalohet pirja e duhanit brenda hapësirave të mbyllura

    -Të përdoret më shumë transporti publik dhe ecja, e më pak veturat

    -Të mos digjet vaj i përdorur, goma plastike, mbeturina, thëngjill, drunjë të lagësht për ngrohje

    -Personat që duhet të dalin në aktivitetet e tyre, të përdorin maska mbrojtëse, të mbulojnë gojën e hundën me shall, si dhe

    -Të bëhet izolimi termik (për aq sa është e mundur) i shtëpive në zonat urbane.

  • Podujevë: Policia kap një 37-vjeçar që synonte të shiste monedha 2 euroshe false – i sekuestrohen 10 mijë euro

    Podujevë: Policia kap një 37-vjeçar që synonte të shiste monedha 2 euroshe false – i sekuestrohen 10 mijë euro

    Policia e Kosovës ka arritur që përmes masave të fshehta të hetimit ta arrestojë një 37-vjeçar që synonte të shiste monedha 2 euroshe të falsifikuara. Rasti ka ndodhur në fshatin Shakovicë të Podujevës.

    I dyshuari gjatë realizimit të masave të fshehta të hetimit nga hetuesit policorë, ka ofruar për shitje 5000 copë monedha nga 2 euro (5000×2=10000). I dyshuari këtu monedha synonte t’i shiste për 6 mijë euro.

    Gjatë kontrollit në veturën e tij, Policia ka gjetur dhe sekuestruar 5 mijë monedha 2 euroshe që dyshohet se janë të falsifikuara, 3 kartëmonedha 20 euro që dyshohet të jenë poashtu të falsifikuara, veturën e përdorur dhe një telefon celular.

    “I dyshuari është intervistuar në prezencën e avokatit mbrojtës të caktuar sipas detyrës zyrtare. Me aktvendim të prokurorit kujdestar, i dyshuari dërgohet në mbajtje për 48 orë”, thuhet në njoftim.

  • Mehmeti: Rritja e kredive ekonomive familjare, sinjal i qytetarëve për t’i tejkaluar problemet nga inflacioni

    Mehmeti: Rritja e kredive ekonomive familjare, sinjal i qytetarëve për t’i tejkaluar problemet nga inflacioni

    Ish-guvernatori i Bankës Qendrore të Kosovës, Fehmi Mehmeti, në një intervistë për Ekonomia Online ka thënë se kreditë e ekonomive familjare kanë shënuar rritje me rreth 17.4 për qind, e që këtë ai e konsideron si një rritje me përqindje shumë të lartë. Këtë e sheh sinjal të qytetarëve për t’i tejkaluar problemet më të cilat ballafaqohen si rezultat i inflacionit.

    Mehmeti ka thënë se pritjet janë që në fund të viti 2025 inflacioni do të jetë në niveli rreth 2 për qind, që më pastaj do të ketë edhe vendime të cilat do të merren nga Banka Qendrore Evropiane për të ulur normën e interesit, të cilat sipas tij, në mënyrë direkte do ta ndikoj edhe në uljen e normës së interesit në kredi.

    Ish-guvernatori i BQK-së ka thënë se duke ju referuar janarit të viti 2024 janë rrethe 4.8 miliard euro kredi. Ai ka thënë se në strukturën e ekonomive familjare përfshihen kredit konsumuese dhe kredit hipotekare.

    “Nëse e shohim sot në Kosovë janë diku rreth 4.8 miliardë euro, po i referohemi janarit 2024, kredi, rreth 17 për qind kemi rritje të kredive, pastaj nëse shohim vetëm kreditë e ekonomive familjare, diku rreth 17.4 për qind kemi rritje të kredive për ekonomit familjare. Kur flasim për strukturën e ekonomive familjare, këtu përfshihen kredit konsumuese dhe kredit hipotekare. Për këtë arsye edhe norma e interesit dhe kredit konsumuese arrin, nëse e shohim normën efektive të interesit në kredi, është diku rreth 6.4 për qind, po nëse e shohim normën e interesit në kredi, po i referohem janarit të 2024 kemi një 6.5 për qind vetëm tek kredit konsumuese. Pra kemi një rritje 17.4 për qind të kredive për ekonomit familjare”, ka thënë ai.

    Mehmeti ka thënë se rritja prej 17.4 për qind e kredive për ekonomit familjare, është një përqindje shumë e lartë, sipas tij, kjo tregon që ka një rritje të kërkesave nga ana e qytetarëve për t’i tejkaluar problemet më të cilat ballafaqohen si rezultat i inflacionit dhe rrethanave të tjera të cilat kanë vështirësuar jetën e tyre.

    “Kemi një rritje të theksuar mund të themi në përqindje rreth 17 për qind rritja e kredive ose 17.4 për qind është një rritje e kredive për ekonomit familjare, është një përqindje shumë e lartë. Unë gjithmonë kam qenë dhe vazhdoj që të jem pro rritjesë së krediev, por duhet që të kemi shumë kujdes që rritjen e kredive ta kemi një rritje të shëndosh, një rritje që e ruan stabilitetin financiar në vend dhe për këtë duhet të kemi rritje në sekotret të cilët ne i konsiderojmë në më pak rrisk. Për shembull rasti konkret, nëse kemi rritje te sektorët e ndërtimit, konisderohte një prej sektorve me rrisk shumë të lartë. Kjo rritje prej 17.4 për qind vetem për ekonmit familjare është një përqindje e lartë dhe kjo tregon që kemi një rritje të kërkesave me siguri për të tejlakuar problemt më të cilat ballafaqohen qytetarët e Kosovës si rezultat i inflacionit dhe rrethanave të tjera të cilat në një mas e kanë vështirësuar jetën e tyre”, ka thënë ai.

    Mehmeti ka thënë se si shkak i pandemisë ka qenë e pritshme që të ketë edhe rritje të inflacionit, sipas tij, për këtë arsye Banka Qendrore Evropiane ka marr vendim për rritjen e normës së interesit dhe kjo më pastaj e ka dërguar EURIBOR-in në një përqindje me rreth 4 për qind, e cila ka ndikuar në rritjen e normave të interesit.

    “Ka qenë e pritshme për gjithë neve që pas pandemisë do të kemi një rritje të inflacionit për arsye që ka një ndërprerje në zinxhir të furnizimit. Pastaj pas pandemisë kërkesat janë rrit dhe për ne ka qenë e pritshme që do të kemi një rritje të inflacionit dhe kjo ka ndodhur dhe për këtë arsye më pastaj erdhën masat që janë marr për të parandaluar ose minimizuar rritjen e inflacionit nga Banka Qendrore Evropiane, për këtë arsye Banka Qendrore Evropiane murr vendim për rritjen e normës së interesit dhe kjo më pastaj e dërgoj EURIBOR-in në një përqindje diku përafërsisht rreth 4 për qind dhe kjo e ka ndikuar rritjen e normave të interesit jo vetëm në Kosovë por edhe në vendet e BE-së por edhe në nivel lokal. Pra është një dukuri që ka ndodhur në nivel global”, ka thënë ai.

    Mehmeti ka thënë se këtë vit në Eurozon pritët që inflacioni të jetë me rreth 3 për qind, ndërsa në vitin 2025 inflacioni do të jetë në niveli rreth 2 për qind, që më pastaj do të ketë edhe vendime të cilat do të merren nga Banka Qendrore Evropiane për të ulur normën e interesit, të cilat sipas tij, në mënyrë direkte do ta ndikoj edhe në uljen e normës së interesit në kredi.

    “Për faktin që pritet që këtë vit inflacioni të jetë diku përafërsisht rreth 3 për qind, po flas edhe në eurozonë dhe unë po besoj që edhe vitin e ardhshëm tekë në fund të vitit të ardhshëm inflacioni do të jetë nënë normën të cilën e dëshiron Banka Qendrore Evropiane rreth 2 për qind dhe pastaj presim që të kemi masa të reja të cilat do ti zvogëlojnë normat e interesit. Pastaj kjo në mënyrë direkte e ndikon edhe uljen e EURIBOR-it e më pastaj ndikon edhe në uljen e normës së interesit. Kjo do të reflektoj për arsye se shumica e kontratave në mesë të Bankës dhe bizneseve në Kosovë, qoftë edhe personave fizik janë kontrata mund të themi variabile”.

    “Duke u nisur nga fakti pra kanë një normë variabile, ka edhe kontrata që kanë normë fikës, por sidomos po i referohemi atyre kontratave që kanë normën variabile të interesit. Varësisht nga lëvizja e EURIBOR-it, lëviz edhe norma e interesit, kështu që pritjet janë që në fund të viti të ardhshëm do të kemi inflacion në niveli rreth 2 për qind e më pastaj do të kemi edhe vendime të cilat do të merren për të ulur normën e interesit nga Banka Qendrore Evropiane, dhe kjo më pastaj do të ndikoj në uljen e EURIBOR-it në mënyrë direkte do ta ndikoj edhe në uljen e normës së interesit në kredi”, ka thënë ai.

  • Zyrtari i një banke në Prishtinë deponon në BQK mbi 2 mijë monedha të falsifikuara, nisin hetimet

    Zyrtari i një banke në Prishtinë deponon në BQK mbi 2 mijë monedha të falsifikuara, nisin hetimet

    Një zyrtar i një banke në Prishtinë ka deponuar në Bankën Qendrore të Kosovës 2 mijë e 239 monedha metalike të falsifikuara.

    Policia ka nisur hetimet për këtë rast, derisa monedhat janë sekuestruar dhe janë dërguar për ekzaminime të mëtutjeshme.

    “FALSIFIKIM I PARASË- Rr. Luan Haradinaj, Prishtinë 15.03.2024 – NN. Ankuesi mashkull kosovar, zyrtar i BQK-së, ka raportuar se një zyrtar i një banke ka deponuar në BQK 2239€ monedha metalike të falsifikuara. Monedha janë sekuestruar për ekzaminime të mëtutjeshme. Rasti duke u hetuar”, thuhet në raport.

  • Aksidenti ku vdiq 26-vjeçari, të dyshuarës i zëvendësohet paraburgimi me arrest shtëpiak

    Aksidenti ku vdiq 26-vjeçari, të dyshuarës i zëvendësohet paraburgimi me arrest shtëpiak

    Gjykata Themelore në Prishtinë, të pandehurës Y.G, ia ka zëvendësuar masën e paraburgimit me arrest shtëpiak, e cila dyshohet se më 26 shkurt 2024, në rrugën “Agim Ramadani”, ka shkaktuar aksidentin ku mbeti i vdekur këmbësori Sh.H (26-vjeçar).

    Këtë e ka bërë të ditur për “Betimi për Drejtësi” mbrojtësi i të dyshuarës G., avokati Nasuf Hasani, i cili tha ky vendim është marrë pas kërkesës së Prokurorisë Themelore të Prishtinës.

    Masa e arrestit shtëpiak të njëjtës do t’i zgjas deri më 14 prill 2024.

    Ndryshe, më 28 shkurt të këtij viti Gjykata Themelore në Prishtinë, të dyshuarës Y.G, ia kishte ia caktuar masën e paraburgimit në kohëzgjatje prej një muaji.

    Në vendimin për caktimin e paraburgimit thuhej se e dyshuara ka vepruar në kundërshtim me rregulltat e trafikut rrugor, duke mos përshtatur shpejtësinë e automjetit dhe kushteve të rrugës dhe se si pasojë e kësaj, kishte goditur shtyllën e semaforit, e më pas shtylla kishte goditur tani të ndjerin Sh.H.

  • Nushi: PSD-ja do të ofrojë një opozitë të mirëfilltë, duhet angazhim të mos mashtrohen sërish qytetarët

    Nushi: PSD-ja do të ofrojë një opozitë të mirëfilltë, duhet angazhim të mos mashtrohen sërish qytetarët

    Sekretari organizativ i Partisë Socialdemokrate (PSD), Nol Nushi, ka shprehur zhgënjimin me partitë opozitare parlamentare për mënyrën se s’i po e kundërshtojnë Qeverinë. Në një intervistë për Ekonomia Online, Nushi thotë se opozita është dorëzuar karshi problemeve.

    Sekretari i PSD-së ka folur për mundësinë e zgjedhjeve të reja e veprimet të dëmshme siç i quan ai të Qeverisë Kurti.

    Ndonëse nuk kanë marrë pjesë tash e sa zgjedhje, Nushi thotë se kjo parti do të angazhohet që t’i ofrojnë votuesve një opozitë të mirëfilltë.

    “Ne jemi totalisht të zhgënjyer nga opozita parlamentare dhe nuk po besoj që veç ne, edhe votuesit e opozitës parlamentare janë të zhgënjyer sepse ka një dorëzim, ka njëfarë heshtje karshi gjitha këtyre problemeve që tashmë po bëhen të përditshme. Ne po flasim për këto vendime të mëdha por qeverisja është e mbushur edhe me vendime përditshme të vogla për të cilat duhet angazhim i çdoditshëm dhe njëfarë aktivizimi politik i pashtershëm për cilën nuk po ndodh nga opozita parlamentare. Rrjedhimisht PSD po qëndron këtu pothuajse e vetme si opozitë e vetme dhe prandaj edhe po garojmë këto zgjedhje që me i ofru Kosovës një opozitë çfarë i nevojitet”, thotë Nushi.

    E duke folur për Rregulloren e Bankës Qendrore të Kosovës, Nushi thekson se vendimi është marrë politikisht. Ndërsa për BQK-në thotë se është e mbushur me militantë të VV-së.

    “Kjo është taktikë e vazhdueshme e Kurtit për me i fut të tjerët në problem, dhe vetë me i qëndrua i pa prekur. Ne kemi dëgjuar Kurtin që është një vendim i një agjencie të pavarur qysh është Banka Qendrore. Ne të gjithë e dimë se kjo nuk është e vërtetë sepse figurat kyçe të BQK-së janë militantë të Vetëvendosjes krejt rrëfimi i VV-së ishte që ata e ndalin dinarin jo Banka Qendrore dhe kjo mundet me pi ujë ndoshta te populli jonë, që nuk kanë shumë shpresë ose nuk i besojnë shumë Kurtit po kjo nuk pinë ujë tek ata që marrin vesh këto raporte qysh janë partnerët e ndërmjetësit ndërkombëtar”, thotë Nushi.

    Ndërsa vendimin e fundit për bartjen e pronës Manastirit të Deçanit, Nushi thotë se kryeministri Kurti po mundohet t’ia faturojë Gjykatës Kushtetuese. Thotë se kur vendimet nuk ishin në favor të VV-së, fajësoheshin gjyqtarët.

    “Absolutisht vazhdimisht ndërhyn për çdo vendim që nuk i pëlqen, pra ne kemi pa qysh i kanë quajtur të korruptuar, hajna, shërbëtorë të Serbisë, shërbëtorë të regjimit të kaluar, të gjithë gjyqtarët që eventualisht kanë marrë ndonjë vendim që nuk ju ka pëlqyer po qysh e pamë në fund, këta e zbatuan një vendim që thonin që është i Millosheviqit. Por këta këtu nuk janë fare parimorë këtë punë e kanë lojë me publikun, në mënyrën që për dështimet e veta ta gjejnë një fajtor, kjo është tipikë për populistët edhe autoritarët kur nuk mbërrin me i realizu premtimet e veta, ata duhet me gjet fajtor e jo zgjidhje, e këtu shpesh gjejmë fajtorë të organet gjyqësore”, u shpreh Nushi.

    E 2024-ën, Nushi e quan vit zgjedhor, prandaj kërkon më shumë angazhim që siç thotë të mos mashtrohen sërish qytetarët nga VV-ja. Ai beson se punët e Qeverisë gjatë kësaj kohe do të jenë për fushatë elektorale.

    “Unë nuk besoj që do të ketë zgjedhje të reja, se ne praktikisht jemi në atë vitin zgjedhor qysh quhet në ciklin politik, në vitin e fundit të mandatit, ku tashti besoj që Qeveria do të bëjë shumë veprime që qojnë në veprime të fushatës, do të rrisë numrin e të punësuarve, do të bëj fushata investime kapitale, të cilët nuk i ka bërë për tre vite në mënyrë që ta mbledh sa më shumë elektoratin rreth punëve të saj por nuk mundet me i kry të gjitha ato që i ka premtu në vitin e fundit të mandatit dhe ne këtu duhet të jemi të vëmendshëm që të ja përmendim çdo ditë dhe ta bëjmë opozitën që mos t’i lejmë qytetarët të mashtrohen përsëri”, thotë Nushi.

  • Blinken jep mesazh për Kosovën dhe Serbinë: Dialogu i ndërmjetësuar nga BE-ja është mekanizmi i vetëm i zbatueshëm

    Blinken jep mesazh për Kosovën dhe Serbinë: Dialogu i ndërmjetësuar nga BE-ja është mekanizmi i vetëm i zbatueshëm

    Sekretari amerikan i Shtetit, Antony Blinken, kërkoi nga Kosova dhe Serbia që të zbatojnë të gjitha marrëveshjet e arritura në dialogun e ndërmjetësuar nga Bashkimi Evropian.

    Ai tha se procesi i dialogut në Bruksel, që mbështetet nga Shtetet e Bashkuara, është mekanizmi i vetëm që Kosova dhe Serbia të normalizojnë raportet.

    Gjatë një konference për media në Vjenë, së bashku me homologun e tij austriak, Alexander Schallenberg, kryediplomati amerikan tha se njerëzve në rajonin e Ballkanit Perëndimor nuk iu duhet kthim prapa, por të lëvizin para dhe të integrohen në Bashkimin Evropian.

    “Ne po ashtu po punojmë së bashku [me Austrinë] për të përmirësuar raportet midis Kosovës dhe Serbisë. Dialogu i ndërmjetësuar nga BE-ja është mekanizmi i vetëm i zbatueshëm, rruga e vetme përpara. Ne duhet të shohim përpjekje në mirëbesim dhe përpjekje konstruktive nga të dyja palët, nga Kosova dhe Serbia, për të stabilizuar raportet e tyre dhe të lëvizim drejt kësaj rruge. T’i mbajnë tensionet në nivel të ulët, të rrisin koordinimin, të rrisin transparencën me partnerët ndërkombëtarë dhe të zbatojnë të gjitha zotimet e dialogut”, tha Blinken.

    SHBA-ja dhe Bashkimi Evropian vazhdimisht i bëjnë thirrje Kosovës dhe Serbisë që të angazhohen në dialogun e Brukselit dhe të zbatojnë të gjitha marrëveshjet e arritura deri më tani.

    Vitin e kaluar, palët arritën Marrëveshjen në rrugën drejt normalizimit të raporteve. Kjo marrëveshje, prej 11 nenesh ndër tjerash parasheh edhe një nivel të vetëmenaxhimit për komunitetin serb në Kosovë dhe njohje të ndërsjellë të simboleve shtetërore, ndërsa kërkon nga Prishtina dhe Beogradi që t’i zbatojnë, po ashtu, të gjitha marrëveshjet e mëhershme të arritura gjatë dialogut.

    BE-ja ka thënë se palët ende nuk kanë nisur ta zbatojnë marrëveshjen.

    Faktori ndërkombëtar insiston se dialogu është platforma për të zgjidhur të gjitha çështjet e hapura mes Kosovës dhe Serbisë, teksa tensionet mes tyre kanë qenë të larta.

    Tensionet janë të rritura që nga maji i vitit të kaluar, kur serbët kundërshtuan kryetarët e rinj shqiptarë në katër komunat në veri të Kosovës, të banuara me shumicë serbe. Tensionet u përkeqësuan edhe më shumë pasi më 24 shtator, një grup terrorist sulmoi policinë e Kosovës në Banjskë të Zveçanit, duke vrarë një rreshter./REL

  • Për dy vjet sistemi i hetuesisë mbetet pa kryeprokuror – Njohësit i bëjnë fajtor KPK-në e Presidencën

    Për dy vjet sistemi i hetuesisë mbetet pa kryeprokuror – Njohësit i bëjnë fajtor KPK-në e Presidencën

    Për më shumë se dy vjet, sistemi i hetuesisë ka mbetur pa kryeprokuror, për shkak të propozimit të Blerim Isufajt nga Këshilli Prokuroria i Kosovës. Në anën tjetër, Presidentja e Kosovës, Vjosa Osmani, nuk ka vendosur për dekretimin ose jo të Isufajt për Kryeprokuror të Shtetit, raporton Ekonomia Online.

    E këto vonesa po konsiderohen si të dëmshme nga njohës të proceseve, teksa fajtor i bëjnë institucionet përgjegjëse.

    Mosemërimin e Kryeprokurorit të Shtetit, avokati Ardian Bajraktari, e konsideron të papranueshëm dhe mesazh të keq për vendin.

    “Pozita e Kryeprokurit të Shtetit është njëra prej pozitave tërëndësishme jo vetëm brenda për brenda sistemit të drejtësisëpor edhe në nivel të institucioneve, andaj fakti që pas më shumëse dy vitesh kemi ushtrues detyre është i papranueshëm dhe në këtë drejtim është një sinjal dhe mesazh tepër i keq për institucionet”, tha Bajraktari.

    Marrë parasysh afatin kohor në kohëzgjatje prej dy vitesh Bajraktari konsideron se përgjegjës për këtë janë dy institucione Këshilli Prokurorial dhe Institucioni i Presidencës.

    “Kjo për faktin se Këshilli Prokurorial në dy drejtime ështëpërgjegjës sepse ka dështuar ta administrojë mirë procesin dhe ta bind publikun se procesi është zhvilluar brenda parametrave dhe standardeve normale për të garantuar një proces korrekt dhe transparent si dhe institucioni i Presidencës i cili e ka mbajt për kohë të tërë në sirtarë të saj qoftë dekretimin ose mos dekretimin e kandidatit të propozuar nga ana e Këshillit Prokurorial”, tha tutje Bajraktari.

    Bajraktari vlerëson se procesi është dashur të kthehet në pikën zero, në momentin e kundërshtimit nga ana e Presidencës.

    “E kam thënë edhe ditën kur kemi pas njoftimin nga zyra e presidentes për mos dekretim, Këshilli Prokurorial i Kosovës sa më parë duhet ta shpallë konkursin të sigurohet që procesi tëzhvillohet si proces transparent në monitorim të mekanizmave qoftë të organizatave të shoqërisë civile poashtu edhe partnerëve ndërkombëtarë të cilët vetëm e kanë shprehur gatishmërinë për ta bërë një gjë të tillë dhe të sigurohet se kushdo që zgjidhet cilido kandidat të zgjidhet mbi baza meritore që pastaj të mos kemi situata të tillë që kanë ndodhur në të kaluarën”, tha Bajraktari për EO.

    Ndërsa avokatja, Albulena Ukimeri tha për Ekonomia Online se vonesa në emërimin e Kryeprokurorit të Shtetit, ndikon në uljen e kapacitetit brenda këtij institucioni.

    “Duke qenë se pozita e Kryeprokurorit të Shtetit është një prej figurave kyçe në kuadër të sistemit të drejtësisë në përgjithësi e atë prokurorial në veçanti meqenëse Kosova tash e dy vite ka ushtrues të detyrës se Prokurorit të Shtetit këtë çështje e konsideroj si diçka të dëmshme jo vetëm për çështjen e kryeprokurorit të shtetit por edhe për pozitat të cilat vazhdojnë të jenë pozita të larta dhe kyçe e që akoma janë më ushtrues detyre. Kjo pashmangshëm ndikon në uljen e kapacitetit brenda për brenda atij institucioni dhe uljen e progresit në përgjithësi dhe mos procedimit të procedurave në kuadër të një institucioni”, tha Ukimeri.

    Fajtor për këtë, Ukimeri i bën institucionet përgjegjëse. Konsideron se dozë të fajit më shumë ka institucioni që ka zhvilluar procedurat e rekrutimit për këtë pozitë.

    “Sa i përket përgjegjësisë lidhur me këtë çështje konsideroj se kemi një ndërlidhje të institucioneve në aspektin e përgjegjësisë. E para të institucionit i cili ka zhvilluar të gjitha procedurat e rekrutimit për këtë pozitë të lartë e po ashtu edhe çështjen tjetër e cila është te institucioni i presidencës, përfundimisht sa i përket këtij procesi kujtoj që është pritur gjatë dhe është një proces i vonuar derisa në prill të vitit 2022 Këshilli Prokurorial i Kosovës i ka dërguar presidencës emrin e kandidatit të propozuar nga ana e tyre për tu dekretuar e njëjta ka njoftuar në atë kohë opinionin publik se nuk do të ngutet në dekretimin e kryeprokurorit të shtetit por do të sheh mundësinë që do të shtjeren të gjitha apelimet dhe të gjitha mjetet e tjera ligjor dhe më pastaj do të shoh që të bëjë dekretimin e Prokurorit të Shtetit”, u shpreh ajo.

    Duke e konsideruar të dëmshëm faktin që për më shumë se dy vite Kosova vazhdon të ketë vetëm ushtrues detyre në këtë pozitë, avokatja Ukimeri tha se ky proces duhet të mbështetet në meritokraci dhe transparencë.

    “Mendoj se institucionet përgjegjëse për këtë proces duhet që të lëvizin me shpejtësi të jenë më serioze në këtë aspekt dhe të vazhdojnë me procedurat e paracaktuara në këtë drejtim do të shtoja edhe thirrjet dhe zërat të cilët kanë ardhur edhe nga ana e ShBA-ve dhe të BE-së, vendeve perëndimore por edhe të shoqërisë civile që edhe ky proces duhet të mbështetet në meritokraci, në transparencë të jetë i drejtë të jetë ligjor dhe gjithë këtë proces e shoh si një nismë të re për dizajnimin e një procesi të ri për zgjedhjen e kryeprokurorit të shtetit por gjithnjë duke shtuar se Këshilli Prokurorial i Kosovës është institucion i pavarur dhe nuk ka ndonjë mekanizëm apo instrument ligjor apo kushtetues që të them do ta detyronte kushtimisht Këshillin Prokurorial të Kosovës që të përshpejtojë procedurat dhe të rinis për zgjedhjen e Prokurorit të Shtetit”, tha ajo.

  • Parashikimi i motit për sot

    Parashikimi i motit për sot

    Për të shtunën parashikohet të mbajë mot me vranësira dhe intervale me diell, ku pritet lokalisht të ketë reshje shiu, kryesisht gjatë orëve të pasditës dhe mbrëmjes. Reshjet në zona të caktuara mund të jenë në formë të rrebesheve afatshkurtër.

    Era do fryjë drejtimesh të ndryshme me shpejtësi prej 10-33 km/h.

    Temperaturat minimale do të lëvizin prej 4 deri në 6°C, ndërsa ato maksimale prej 15 deri në 17°C.

  • Ukraina sulmon me dron rafinerinë e naftës në Rusi

    Ukraina sulmon me dron rafinerinë e naftës në Rusi

    Guvernatori i rajonit të Samara të Rusisë tha të shtunën se dronët ukrainas kishin goditur dy rafineri të naftës që i përkisnin gjigantit shtetëror të naftës Rosneft. Nuk raportohet për viktima por objekti është përfshirë nga flakët.

    “Këtë mëngjes ka pasur një sulm në rafinerinë e naftës Syzran dhe një tentativë sulmi në rafinerinë e naftës Novokuybyshevsk. Si rezultat, një njësi e përpunimit të produkteve të naftës ka marrë flakë në territorin e rafinerisë së naftës Syzran. Tentativa për sulm në rafinerinë e naftës Novokuybyshevsk u ndalua dhe nuk pati viktima”, tha shërbimi për shtyp i guvernatorit.

    Ukraina javët e fundit ka shënjestruar rëndë infrastrukturën e naftës të Rusisë.

    Guvernatori i provincës kufitare të Belgorodit, nën sulm pothuajse të vazhdueshëm muajt e fundit, tha se pesë persona, përfshirë një fëmijë, ishin plagosur në një sulm me dron në një makinë që udhëtonte pranë kufirit me Ukrainën.