Category: Lajme

Stërvitja e ushtrisë serbe pranë kufirit të Kosovës, po shihet me shqetësim të madh nga mazhoranca e partitë opozitare. Lidhja Demokratike e Kosovës dhe Lëvizja Vetëvendosje, thonë për Ekonomia Online se stërvitje të tilla janë për konsum të brendshëm politik, teksa Serbinë e quajnë destruktive.

Nga mazhoranca thonë se edhe shtimi i trupave të KFOR-it ndërlidhet me këto stërvitje, ndërsa nga LDK konsiderojnë se stërvitje të tilla janë si synim për të shpërfaqur “brengën” që ka Serbia për komunitetin serb në Kosovë.

Deputeti i Lëvizjes Vetëvendosje, Enver Dugolli, thotë për Ekonomia Online se edhe bashkësia ndërkombëtare e sheh Serbinë si faktor destabiluzues në Ballkan.

Ai thotë se edhe shtimi i forcave të KFOR-it ndërlidhet me stërvitjet e Serbisë dhe po i marrin seriozisht këto “lëvizje provokuese të Serbisë”.

“Është e vërtetë që Serbia ka zhvilluar një manovër, stërvitje të madhe edhe ka demonstruar forcë, ka demonstruar një lloj superioriteti që pretendon ta ketë në Ballkan. Ka testuar disa lloj armatimesh, disa lloj dronësh të cilët janë të destinuar kryesisht për sulm edhe kjo është një lëvizje e radhës pra e Serbisë e cila tani po konsiderohet edhe nga shtetet e NATO-së si faktor me potencial për të shkaktuar destabilitet. Pra vetë rritja e prezencës së NATO-së në Ballkan pra në Kosovë përreth tregon se ata po i marrin seriozisht këto lëvizje provokuese të Serbisë të cilat kryesisht janë të drejtuar drejtë demonstrimit të atyre potencialeve sulmuese të ushtrisë serbe”, thotë Dugolli.

Në mënyrë që të mos përsëritet sulmi i 24 shtatorit në Banjskë, Dugolli thekson se institucionet kosovare janë duke punuar ngushtë me ndërkombëtarët, duke shkëmbyer edhe informata. Thotë se janë të gatshëm të përballen me çfarëdo provokimi nga Serbia.

“Ne si institucione vendore pra Ministria e Punëve të Brendshme, Policia e Kosovës, Ministria e Mbrojtjes, Forca e Sigurisë së Kosovës, Agjencia e Inteligjencës, e kështu më radhë po bashkëpunojnë ngushtë edhe me prezencën e NATO-së këtu në Kosovë, KFOR-in EULEX-in e kështu më radhë po bashkëpunojmë ngushtë me faktorët ndërkombëtar me miqtë tanë të cilët janë këtu dhe po shkëmbejmë informacione në mënyrë që  të mos jemi të befasuar siç ndodhi pra në vitin e kaluar që e kishim një sulm me 24 shtator direkt të ardhur nga Serbia. Po punojmë në atë drejtim që të jemi të gatshëm të përballemi me çfarëdo provokimesh të llojit të tillë”, thotë Dugolli.

E deputeti i Lidhjes Demokratike të Kosovës, Anton Quni, thotë për Ekonomia Online se stërvitje të tilla ka pasur edhe në të kaluarën por që kërkon nga institucionet të jenë të vëmendshme dhe të jenë në koordinim me partnerët ndërkombëtar.

Ai thotë se këto stërvitje kanë si mesazh se kinse institucionet e Serbisë po brengosën për komunitetin serb që jeton në Kosovë.

“Është një fushë që çdo ditë evoluohet, çdo ditë ka risi, ka zhvillime të reja, por në fakt është ripërsëritje e situatave e proceseve më të cilën kemi kaluar, kur Serbia për çështje politike për konsum të brendshëm kohë pas kohë demonstron forcën e saj ushtarake policore me të cilën jep mesazh qytetareve të saj kinse për brengën që e kanë për komunitetin serb që e kanë brenda territorit të Kosovës, përkundër asaj që ata fare nuk janë të rrezikuar nga askush”, thotë Quni, teksa apelon tek institucionet kosovare që çdo veprim ta bëjnë me partnerët ndërkombëtar.

“Të vetme çështjen që unë e kisha ngritur që Qeveria duhet të ketë në konsideratë që çdo veprim çdo aktivitet duhet të jetë mirë i bashkërenduar me partnerët tanë strategjikë. Ne jemi dëshmitarë se për disa situata, ka pas do të thotë vërejtje Kryeministri Kurti përderisa veprime që partnereve tanë i ka sjell para disa akteve të kryera”, thotë Quni.

Rreth 40 mijë përdorues të drogës konsiderohet se janë në Kosovë, prej tyre afër 10 mijë janë në kategorinë e përdoruesve problematikë. Kështu thonë për Ekonomia Online nga Qendra Rehabilituese “Labiyrinth” në Prishtinë. Ndërsa nga Instituti i Psikiatrisë Forenzike të Kosovës thonë se prej vitit 2019, nuk kanë vende të lira për arsye të numrit të madh të përdoruesve.

Sipas tyre, mosha mesatare e përdoruesve sillet rreth 30 vjeç ndërsa mosha mesatare e atyre që fillojnë të përdorin narkotikë është 16 vjeç.

Muharrem Ademi nga Qendra Rehabilituese “Labiyrinth” në Prishtinë, ka thënë për Ekonomia Online se kjo qendër ka prezantuar situatën aktuale mbi përdorimin e drogave, ofrimin e shërbimeve dhe trajtimit të përdoruesve të drogave në Kosovë.

“Në bazë të statistikave në bazë të punës tonë të përditshme në terren edhe kërkesave për trajtim ne aktualisht besojmë dhe vlerësojmë se në Kosovë janë diku rreth 30 mijë përdorues aktiv të drogave prej tyre janë rreth 10 mijë përdorues problematikë të drogave. Ne përdorues problematikë i quajmë personat të cilët përdorin së paku tri herë brenda javës, apo personat të cilët janë të varur prej substancave narkotike”, ka thënë Ademi.

Ademi ka treguar se mosha mesatare e përdoruesve sillet rreth 30 vjeç ndërsa mosha mesatare e atyre që fillojnë të përdorin narkotikë është 16 vjeç.

“Na e kemi një data bazë  ku secili person që kërkon ndihmë në qendrën tonë ne i regjistrojmë mirëpo jo secilin person ne e regjistrojmë, ne e regjistrojmë persona të cilët kërkojnë ndihmë ma të thellë edhe mjekësore ose që marrin shërbime pak më të thella jo çdo person edhe dëshiron të identifikohet. Ne aktualisht i kemi 2850 persona në databazën tonë ku prej tyre rreth 91% janë meshkuj dhe rreth 9 % janë gra dhe vajza. Mosha mesatare e gjithë këtyre përdoruesve sillet rreth 30 vjeç, ndërsa mosha mesatare e fillimet të përdorimit të drogave është 16 vjeç”, ka thënë Ademi.

Ai ka përmendur edhe sfidat me të cilat përballen çdo ditë duke theksuar se financat janë ato të cilat u sjellin problemet më të mëdha, sepse sipas tij pasi që nuk po arrijnë të sigurojnë fonde nuk po arrijnë as t’i mbajnë profesionistët që i duhen qendrës për trajtimin e rasteve.

“Ne sfida kemi gjithmonë. Ne si qendër punojmë si një ekip multidisiplinar, përbëhen prej psikologut punëtorëve socialë, doktorit, psikiatrit, infermierit. Jena një ekip i gjerë që kryen detyra të ndryshme. Sa i përket trajtimeve ka shumë raste që trajtohen suksesshëm. Gjithmonë ka sfida, për me braktis përdorimin e drogave nuk është edhe lehtë. Sfida ka si në aspektin  e fondeve, aktualisht ne e kemi një projekt që na financon fondi global, i marrur ky fond prej CDF-it ku detyrat kryesore janë parandalimi i Hiv-it dhe i sëmundjeve infektuese që do të thotë direkt për përdorim të drogave apo për parandalim, trajtim të drogave aktualisht nuk kemi ndonjë projekt konkret. Domethënë sfida më e madhja është financat se për shkak që me i mbajt profesionistët patjetër që duhesh me pas një fond të sigurte edhe kjo është sfidë goxha e madhe për neve”.

“Problemet më të mëdha që i kemi janë financat. Për t’ i mbajtur profesionistët duhesh edhe me i pagu. Vitin e kaluar komuna  e Prishtinës na ka ndihmu me një projekt gjithashtu edhe ministria e Shëndetësisë na ka ndihmu me një projekt të vogël po janë projekte afatshkurta jo të qëndrueshme dhe përderisa nuk bëhet një rregullore apo një ligj i cili kishte mundësu financimin afatgjatë dhe të qëndrueshëm ka me pas sfida. Aktualisht droga më e përdorur në Kosovë është kanabisi apo marihuana. Pas kanabisit vjen kokaina dhe pas kokainës vijnë këto drogat e club që quhen droga trekrative qysh janë ekstazia amfitamina. Javën e kaluar e patëm një rast ku ka disa droga të reja sintentike që për neve kenë goxha shqetësuese siç ke tusi shembull ajo drogë është kogja in nëpër Evropë dhe shtetet kryesisht në Amerikën Latine ndërsa te ne është hera e parë që është nxanë ajo lloje droge dhe është kogja shqetësuese”, ka thënë në fund Ademi.

Nga ana tjetër Ass.Dr.sc. Shpend Haxhibeqiri drejtor i Institutit të Psikiatrisë Forenzike të Kosovës ka thënë për Ekonomia Online se prej viti 2019 Instituti i Psikiatrisë së Forenzikës së Kosovës nuk ka vende të lira për arsye të numrit të madh te personave që kanë kryer vepra penale nën ndikimin e substancave dhe nën ndikimin e ndonjë çrregullimi mendor.

“Siç kemi thënë edhe më herët prej viti 2019 Instituti i Psikiatrisë së Forenzikës së Kosovës nuk ka vende të lira për arsye të numrit të madh te personave që kanë kryer vepra penale nën ndikimin e substancave dhe nën ndikimin e ndonjë çrregullimi mendor. Situata aktuale është bukur e vështirë për arsye se duhet të themi se nuk ka preventiva adekuate nuk janë duke punuar qendrat në mënyrë siç është dashur të punojnë andaj dhe po vijmë deri të dhuna në familje po vijmë deri te recidivizmat edhe pastaj personi me çrregullime mendore ose si pasojë e përdorimit të substancave psikoaktive po e kryejnë ndonjë vepër penale por po bjen në konflikt me ligjin dhe po përfundon në Institutin e Psikiatrisë së Forenzikës, ku tek ne për trajtim të detyrueshëm me ndalim mesatarisht pacienti qëndron nëntë muaj dhe natyrisht se pas nëntë muajsh gjendja e tij shëndetësore është shumë më e mirë është risocializu është riintegru dhe faktikisht kthehet në familje si një person jashtëzakonisht me gjendje më të përmirësuar se çka qenë dhe ai nëse ka përdorur substanca psikoaktive pas një abstinencë bukur të gjatë 6 deri në 9 muaj ka mundësi që i njëjti edhe të nxirret prej vazhdimit të përdorimit të substancave psikoaktive”, ka thënë ai.

Specialisti Haxhibeqiri ka thesuar se asnjë pacient nuk lirohet nuk shkon në shtëpi pa u pastruar mirë.

“Asnjë rast nuk lirohet nuk shkon në shtëpi nuk u rekomandohet gjykatave të Kosovës pa u pastru pacienti mirë dhe pa e arrit një besueshmëri se i njëjti nuk do të gabojë pra faktikisht tek ne nuk ka rast që nuk zgjidhet por është me rëndësi përkrahja motivimi i familjes një kohezion familjar dhe i njëjti që të mos motivohet dhe mos të bie ndesh me  njerëz të cilët kanë probleme të njëjta faktikisht rrjetet sociale duhet të privohen në takimin e personave që kanë problematikë të njëjtë”, është shprehur ai.

Haxhibeqiri thënë se është një alarm jashtëzakonisht i madh sepse sipas tij janë të regjistruar rreth 40 mijë abuzues të substancave psikoaktive por këto shifra ai thotë se janë dyfish më shumë pasi që  nuk janë të regjistruar.

“Për ne është një alarm jashtëzakonisht i madhe sipas disa informatave që ne i kem zyrtare ose jo zyrtare diku të regjistruar janë 40 mijë abuzues të substancave psikoaktive por këto shifra ne mendojmë se janë dyfish më shumë sepse normalisht të gjithë nuk janë të regjistruar dhe të gjithë nuk kanë kërkuar ende ndihmë shëndetësore ose profesionale psikiatrike psikologjike dhe një argument të iu them se para disa viteve rastet e para të cilat kemi pas dhunë në familje si pasojë e përdorimit të substancave psikoaktive ka qenë 16 vjet ndërsa tani rastet po vijnë edhe të moshës 12 vjeçare pra ai pragu i përdorimit të substancave që ka qenë ndonjëherë 16 17 apo 18 tash ka ra në moshën ende më poshtë 11 dhe 12 vjet që do të thotë se është alarmante jo vetëm për ne që punojmë në sistemin publik ose shëndetësor por për gjithë popullatën. E shoh jashtëzakonisht të rrezikshme sepse Kosovës fillimisht i mungon një institucion i veçantë për trajtimin e sëmundjeve të vartësisë ai ka filluar si një projekt në vitin 2008 është nda edhe një lokacion për trajtimin e këtyre sëmundjeve ne nuk kemi një institucion të tipit të tillë dhe faktikisht barra momentalisht në Kosovë më e madhe na bjen neve pastaj edhe institucioneve tjera si klinika ose edhe reparte edhe qendra të njohura në Kosovë si “Labirinth”, ka thënë Haxhibeqiri.

Haxhibeqiri ka treguar edhe për bashkëpunimet që kanë me institucione e organizata duke treguar edhe për mbështetjet që kanë herë pas here.

“Po na kemi mbështetje institucionale. Me kapacitetet të cilat i kemi ne kemi bërë kërkesë të vazhdueshme që kapacitet tona duhet të rriten por për institucion të specializuar të sëmundjeve të vartësisë ai duhet të krijohet si nga aspekti legjislativ ashtu edhe nga aspekti i ndërtesës, objektit e tjera. Ne momentalisht me 36 shtretër jemi me listë të pritjes sepse nuk kemi mundësi të pranojmë më shumë persona se që kemi shtretër. Për momentin ne kemi sfidën prioritare, është mungesa e vendeve të lira dhe e dyta mungesa e infermierëve. Vetëm këtë muaj 4 infermierë e kanë lëshuar Kosovën e kanë paraqitur kërkesën ose tërheqjen dhe kanë kërkuar të lirohen nga obligimet prej vitit 2019 ne jemi mangu 10 infermierë dhe nuk na janë zëvendësuar”, ka thënë Haxhibeqiri për Ekonomia Online.

Lëvizja Vetëvendosje dhe Lidhja Demokratike e Kosovës, kanë mirëpritur vendimin e Këshillit të Ministrave të Bashkimit Evropian (BE) i cili ka marr vendimin përfundimtar për të ndryshuar kornizën negociuese për anëtarësim me Serbinë, duke e kushtëzuar pranimin e saj me normalizimin e marrëdhënieve me Kosovën, raporton Ekonomia Online.

Ata kanë thënë se ky vendim ka ardhur si rezultat i presionit që Serbia ka ushtruar mbi serbet e veriut të Kosovës që të mos marrin pjesë në procesin e votimit për shkarkimin ose jo të kryetrarëve në veri me 21 prill. Ndërkaq, njohës të politikës kanë thënë se BE-ja është duke ushtruar një politik kontradiktore, ku në njërën anë bënë presion mbi Serbinë dhe në anën tjetër, sipas tyre, Serbia është njëri nga vendet ku investojnë më së shumit BE-ja.

Deputeti i VV-së, Driton Hyseni, ka thënë për Ekonomia Online se pavarësisht që institucionet e Kosovës kanë marr të gjitha hapat e nevojshme në përmbushjen e kërkesave të BE-së sa i përket veriut të Kosovës, BE-ja e ka parë qasjen racionale të Kosovës në këtë çështje dhe e ka parë në mënyrë të qarët qasjen shumë jo racionale të Serbisë.

“Ju e keni parë që institucionet e Kosovës bënë të gjitha hapat e nevojshme, le të themi në përmbushjen e atyre kërkesave që zyrtarët e BE-së i vunë Kosovës sa i takon qasjes në pjesën veriore të vendit. Sidomos atij klasifikimit që zyrtarët e BE-së i bënë lë të themi situatës në veri se është e tensionuar dhe ka nevojë për masat që do ta shtensionim situatën. Institucionet e Kosovës bënë maksimumin që një gjë e tillë të ndodh. Kemi një situatë jashtëzakonisht të qetë, kemi një punë shumë të mirë te mekanizmave shtetëror, të sigurisë në pjesën veriore. Mendoj që edhe BE-ja e ka parë qasjen racionale të Kosovës sa i takon kësaj çështje, por edhe e ka parë në mënyrë të qarët qasjen shumë jo racionale të Serbisë karshi Kosovës”, ka thënë ai.

Ai ka thënë se që hapa të tillë të ngjashëm duhet të ndërmerr BE-ja ne të ardhmen edhe sa i takon përfshirjes së Serbisë në përfitimin e fondeve që ka BE-ja për Ballkanin Perëndimor.

“Do të donim që hapat të tillë BE-ja të ndërmerr vazhdimisht me qëllim që Serbisë e cila është shumë e pozicionuar kundër Kosovës, ka ambicie armiqësore ndaj Kosovës ti vazhdoj hapat e tillë dhe hapat të tillë të bëjnë trysnin dhe të arrijnë deri tekë pika ku Serbia duhet ta kuptoj qartësi se pa një fqinjësi të mirë pa një qasje racionale ndaj fqinjëve, në këtë rast ndaj Kosovës ajo nuk mund të ec përpara në rrugën integruese drejt BE-së. Konsideroj që hapa të tillë të ngjashëm duhet të ndërmerr BE-ja ne të ardhmen edhe sa i takon përfshirjes së Serbisë në përfitimin e fondeve që ka BE-ja për Ballkanin Perëndimor, për arsye se mendoj që Serbia nuk njeh këtë gjuhen e deklaratave të buta por njehë gjuhen e masave të plota”, ka thënë ai.

Deputetja e LDK, Rrezarta Krasniqi, ka thënë për Ekonomia Online se e kanë mirëpritur këtë vendim i cili sipas saj është i vonuar dhe se do të duhej që të merrej qysh nga sulmi i 24 shtatori që bëri Serbia në Kosovë.

Sipas saj, BE-ja këtë qëndrim e ka marr pas presionit që Serbia bëri në pjesën veriore duke dështuar procesin e votimit të 21 prillit.

“Unë mendoj që është dashur më herët të merret ky vendim, për arsye sepse ju e dini se çfarë ka ndodhur me datën 24 shtator, se çfarë ka bërë Serbia në shtetin e Kosovës. Tash është një lajm i mirë, është dashur që edhe qeveria të punoj më shumë sepse i gjithë fokusi i datës 24 shtator është harruar. Po shpresojmë që tani BE-ja po e kupton Serbinë dhe shpresoj që edhe të hiqen masat nga BE-ja dhe të sanksionohet Serbia dhe të mos ketë integrim në proceset që ka mbetur Serbia”.

“Gjendja ndryshoj pas mos daljes në votime në pjesën veriore dhe po shpresoj që edhe datën 24 shtatorit ta fusin aty dhe të ndëshkohet Serbia”, ka thënë ajo.

Profesori universitar Milazim Krasniqi, ka thënë për Ekonomia Online, se BE-ja ka një politikë të pa qartë ndaj Kosovës për faktin që pesë shtet të saj ende nuk e njohin pavarësinë e saj.

Sipas tij, BE-ja ka një politik kontradiktore pasi në njërën anë ajo “kinse” bënë presion ndaj Serbisë dhe në anën tjetër vetëm vitin e kaluar në Serbi BE-ja ka investuar katër miliard e gjysmë investime direkte.

“BE-ja nuk ka një politik të qartë në këtë proces për vetë faktin që BE-ja në tërësinë e vetë nuk e njeh Kosovën si shtet, ka qëndrim të pa barabarte dhe kjo është njëra nga pasojat të kësaj që është prodhuar deri me tash. Kjo mënyrë jo proporcionale e raporteve në fakt e ka nxitur Serbinë që të jetë me agresive ndaj Kosovës. Unë besoj që BE-ja është jo realist në politikën e vetë që po mendon se përmes kushtëzimit të integrimit në BE mund ta nxitë Serbinë në proces sepse e vërtete është që Serbia nuk është e interesuar për pranim në BE. Vitin e kaluar ka pasur katër miliard e gjysmë investime direkte, kryesisht nga Gjermani edhe shtetet e BE-së. Pra është një politikë kontradiktore, në njërën anë shpallen se gjoja mund ti bëjnë presion, dhe në anën tjetër Serbia është njëri nga vendet ku investojnë më së shumit BE. Prandaj po them që është një politik konfuze”, ka thënë Krasniqi.

Ministri i Mjedisit Planifikimit Hapësinor dhe Infrastrukturës, Liburn Aliu, ka deklaruar për Ekonomia Online se kundërshtitë e banorëve të fshatrave Rixhevë, Gllarevë dhe Stapanicë të Klinës, nuk mund t’i ndalin punimet.

Ministri i MMPHI-së, ka thënë se diskutimet për devijimin e kësaj rruge me banorët e kanë bërë para se projekti të vendoset në prokurim dhe se Ministria ka pasur takime të vazhdueshme me ta duke shqyrtuar variantet edhe problemet që dalin nga devijimi i rrugës.

Ai ka thënë se varianti i cili është marr për bazë është më optimali dhe se ky devijim nuk është bërë për çështje politike, por sipas tij, për çështje teknike.

“Të gjitha diskutimet gjatë kohës sa është vendos, para se të vendoset prokurimi janë kryer, ka pasur takime të vazhdueshme tek Ministria Infrastrukturës me zv.ministrin i cili aspektin teknik e njehë shumë mirë të situatës edhe i ka shqyrtuar edhe variantet edhe problemet që dalin nga devijimet e rrugëve. Varianti cili është marr për baze është konsideruar varianti më optimal dhe kjo është çështje teknike nuk është çështje politike”, ka thënë ai.

Aliu ka thënë se me banorët tani mund të bisedohet se çka mund të kihet parasysh gjatë ndërtimit të rrugës dhe se tani punimet kanë filluar dhe se ato nuk mund të ndalen.

“Unë mendoj se çështja e ndërtimit të rrugës është vendos edhe laborati i shpronësimit edhe rregullat e shpronësimit edhe krejt, marrëdhëniet me ta mbase mund të diskutohet se çka mund të kihet parasysh gjatë ndërtimit. Po kontratat janë nënshkruar punimet kanë filluar, ato nuk mund të ndalen”, ka thënë ai.

Gjatë kësaj javë tre persona janë arrestuar gjatë protestave në kundërshtim të këtyre punimeve, e lëndime trupore kanë pësuar dy zyrtarë policorë dhe dy të dyshuar.

Shefi i Zyrës së BE-së në Kosovë, Tomas Szunyog, ka folur në ‘Forumin për Siguri të mbajtur në Budapest të Hungarisë. Ai ka folur për rrugën e Kosovës drejt BE-së.

Ai tha se rruga evropiane e Kosovës dhe Serbisë kalon përmes Dialogut të lehtësuar nga BE dhe normalizimit të marrëdhënieve.

“E ritheksova se e ardhmja e Kosovës është padyshim në Bashkimin tonë dhe shtova se ne jemi të gatshëm të vazhdojmë ta ndihmojmë Kosovën të afrohet me BE-në dhe të shfrytëzojë mundësitë që ofron procesi i zgjerimit të BE-së”, ka shkruar ai në platformën ‘X’.

Sipas tij, duke qenë se zgjerimi është i bazuar në merita, tha se ritmi i reformave duhet të përshpejtohet.

“Kosova duhet të bëjë progres të prekshëm dhe të pakthyeshëm, duke filluar nga bazat, përkatësisht sundimi i ligjit, të drejtat e njeriut, ekonomia dhe funksionimi i institucioneve demokratike. BE pret që Kosova dhe Serbia të zbatojnë Marrëveshjen për Rrugën e Normalizimit dhe Aneksin e Zbatimit të saj pa asnjë vonesë apo parakusht”, shefi i Zyrës së BE-së në Kosovë, Tomas Szunyog.

Disa të shtëna armësh janë dëgjuar në orët e vona të së premtes, ku dyshohet se nga ky incident dy persona kanë mbetur të plasogur.

Sinjali mëson se ngjarja ka ndodhur në rrugën “Zenel Hajdini” në Ferizaj, teksa ende nuk dihen motivet e këtyre të shtënave.

Mësohet se dy të plagosurit tashmë janë dërguar për tretman mjekësor si pasojë e plagëve të marra.

Sot në Kosovë parashihet të mbajë mot me diell dhe vranësira, ku gjatë pasdites pritet të ketë reshje të izoluara shiu, kryesisht në zonat malore dhe përreth tyre, specifikisht zona jugore dhe juglindore.

Sipas Meteo Kosova, do të fryjë erë nga drejtime të ndryshme me shpejtësi prej 9 deri në 27 km/h.

Temperaturat minimale do të lëvizin prej 4 deri në 6 gradë Celsius, ndërsa ato maksimale prej 19 deri në 22 gradë Celsius.

Përgatiti: Arian Hajdaraj

Plumbat që u shkrepën mbrëmjen e 26 marsit, kishin qëlluar 48 vjeçaren e cila po qëndronte brenda veturës në këtë rrugicë të lagjes Kolovicë.

Si pasojë e plagëve, viktima vdiq një ditë më vonë në Qendrën Klinike Universitare, derisa të dyshuarit edhe për vrasjen e një 30 vjeçari tjetër po atë ditë, vazhdojnë të jenë në arrati, edhe 1 muaj pas ngjarjes.

“Po punohet intensivisht për kapjen e tyre, dhe sigurimin e ekzistencës së tyre në seancat gjyqësore”, tha zëdhënësja e Prokurorisë Themelore të Prishtinës, Laureta Ulaj.

Për kapjen e tyre, sipas institutit të Kosovës për drejtësi, institucionet e drejtësisë duhet të bashkëpunojnë me organizata ndërkombëtare.

“Institucionet duhej të ishin më efikase në zbardhjen e rasteve. Por, duhet marrë parasyshë që të dyshuarit kur janë në arrati kanë mundësi të largohen larg shtetit. Kështu duhet më shumë kohë për shkak të procedurave sic është kërkimi përmes interpolt”, tha Ehat Miftaraj nga Instituti i Kosovës për Drejtësi.

Sidoqoftë, pasojat e moskapjes së të dyshuarve, sipas njohësve të drejtësisë, janë disa.

Pikërisht në mesditën e 26 marsit, kishte ndodhur një tentim vrasje në qendër të Prishtinës. Njëri nga dy të dyshuarit u dorëzua në polici tek të mërkurën e 24 prillit. Viktimë e këtij rasti, ishte njëri nga personat e dyshuar për vrasjen e dyfishtë.