Category: Lajme

Në Dhomat e Specializuara të Kosovës (DhSK) në Hagë po vazhdon dëshminë dëshmitari i 65-të i Zyrës së Prokurorit të Specializuar i cili mbanë kodin W04710 në procesin gjyqësor ndaj Hashim Thaçit, Kadri Veselit, Rexhep Selimit dhe Jakup Krasniqit.

Ky dëshmitar e filloi ditën e djeshme dëshminë e tij dhe sipas përmbledhjes së lexuar nga prokurorja Alexandra Insinga ai është i afërm i një viktime e cila është zhdukur dhe vrarë nga Drenoci, raporton “Betimi për Drejtësi”.

Përpara se të vazhdohet me dëgjimin e dëshmisë së këtij dëshmitari, kryetari i trupit gjykues Charles Smith III tha se do të diskutojnë lidhur me një çështje fillimisht, por që seanca kaloi në sesion privat me arsyetimin e mbrojtjes së dëshmitarit dhe informacionit konfidencial.

Megjithatë, vlen të theksohet se është bërë modifikimi për pushimet në orarin e sotëm të seancës për sesionin e paradites ndërsa, orari i pasdites mbetet i pandryshuar.

“Seanca e parë do të zgjasë deri në orën 10:30, pasuar nga një pushim prej 15 minutash. Seanca e dytë do të vazhdojë deri në orën 12:00. Pushimi i drekës do të jetë prej orës 12:00 deri në ora 14:30, ndërsa seanca e fundit do të mbahet prej orës 14:30 deri në 16:30”, thuhet gjithashtu edhe në njoftimin e DhSK-së.

Kujtojmë që gjatë fundit të seancës së djeshme, kryegjykatësi Charles Smith III tha se ZPS-ja ka propozuar që dy dëshmitarë të tjerë të dëshmojnë përmes video-lidhjes për çka tha se vendimi do të merret me vonë. Ndryshe, palët mbrojtëse nuk e kundërshtuan këtë parashtrim të ZPS-së.

Ndryshe, Zyra e Prokurorit të Specializuar, më 30 shtator 2022 ka dorëzuar aktakuzën e konfirmuar të ndryshuar ndaj Hashim Thaçit, Kadri Veselit, Jakup Krasniqit dhe Rexhep Selimit, e cila përbëhet nga dhjetë pika me akuza, ku këta të fundit ngarkohen për krime lufte e krime kundër njerëzimit.

Më 29 prill 2022, Zyra e Prokurorit të Specializuar kishte dorëzuar një aktakuzë të ndryshuar ndaj Hashim Thaçit, Kadri Veselit, Rexhep Selimit e Jakup Krasniqit, ku pretendohet se katër të akuzuarit kanë kryer krime lufte edhe në Gjilan, Budakovë e Semetishtë.

Më 9 nëntor të vitit 2020, në paraqitjet e tyre të para, Jakup Krasniqi e Hashim Thaçi janë deklaruar të pafajshëm për akuzat që u vihen në barrë. Njëjtë është deklaruar edhe Veseli në paraqitjen e tij më 10 nëntor, sikurse edhe Rexhep Selimi më 11 nëntor.

Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020. /BetimipërDrejtësi

Sot në Gjykatën Themelorë në Prishtinë, në ora 13:00 do të shpallet aktgjykimi ndaj dy të dyshuarave për vrasjen e 18 vjeçarit, Lulzim Fejzullahu.

Kështu ka thënë avokati i familjes së të ndjerit Lulzim Fejzullahut, Tomë Gashi.

Tutje Gashi ka shkruar:

Drejtësi për Lulin.

Postimi i plotë pa ndërhyrje i avokatit Tomë Gashi:

A do te vras perseri !

Ky trup gjykues vetem dy vite me pare e kishte ” denuar ” me kusht per vrasje ne tentative njerin per vrasjen qe mbetu ne tentative e cila kushte ndodhur ne oborr te shkolles apo afer oborrit te shkollesi ne Besian qe ende zyrtarisht po i thone Besian

Nji djale i ri si Yll , nje nxenes i asj shkolle thuhet se mbeti me pasoja te perjeteshme nga goditja me thike.

Kete ky trup gjykues e ka pa e ka dite dhe …

Nje djale i ri i trimeruar nga “fuqia” e tije e i pafrikesuar nga drejtesia vrau perseri

Tani e vrane Lulin ne rinin e tije te 18

I njejti – pra ky trup gjykues sot do te vendose se ky ” trim ” a do te vras perseri

Shpallja e Aktgjykimit

NE EMER TE POPULLIT por pa Lulin sot do te behet nga po njjeti trup gjykies ne Gjykaten Themelore. ne Prishtine ne ora 13:00

Drejtesi per LULIN

P.S. ne sisteme te avancuara juridike nuk lejohet qe Gjyqtare per te mitur te jene nen moshen 35-40 vjeqare dhe as ata qe nuk kan femije sepse ata me mire e kuptojne kur ndodhe nje tragjedi .!

Në mesditë kambanat do të bien në kishat ortodokse në Serbi pak përpara votimit të sotëm, 23 maj, në Asamblenë e Përgjithshme të Kombeve të Bashkuara, të rezolutës për shpalljen e 11 korrikut ditë përkujtimi të gjenocidit në Srebrenicë.

Patriarku serb Porfirije ka thënë se kambanat do të bien për “shpëtimin e shtetit dhe popullit serb”, raportoi Telegrafi serb.

Sipas tij, kambanat do t’u bëjnë thirrje njerëzve që të luten “në qetësi e solidaritet pavarësisht akuzave tërësisht false dhe të padrejta që u ekspozohen nga OKB-ja”.

Rezoluta e propozuar për gjenocidin në Srebrenicë do të jetë në agjendën e Asamblesë së Përgjithshme të Kombeve të Bashkuara të enjten, 23 maj.

Me këtë rezolutë synohet që 11 korriku të shpallet “Ditë Ndërkombëtare e Kujtimit dhe Shënimit të Gjenocidit të vitit 1995 në Srebrenicë”.

Rezoluta e sponsorizuar nga Gjermania dhe Ruanda nuk e përmend Serbinë si fajtore, por kjo nuk e ka ndaluar fushatën lobuese të liderit serb të Bosnjës, Milorad Dodik, kundër saj, ashtu si edhe të presidentit të Serbisë, Aleksandës Vuçiq.

Një ngjarje e rëndë ka ndodhur në orët e para të mëngjesit të kësaj të enjteje në Tiranë, ku një 52-vjeçar ka qëlluar me thikë në qafë dhe trup bashkëshorten tij.

Ngjarja ndodhi rreth orës 02:15, në rrugën “Xhanfize Keko”, ndërkohë që autori është identifikuar si shtetasi Jakup Shahu, një person me precedentë të mëparshëm penal.

Xhelozia dyshohet se është shkaku që 52-vjeçari ka qëlluar me thikë disa herë gruan e tij.

Shahu rezulton person me precedent të mëparshëm penal, pasi në vitin 2011 ka kryer vrasje dhe ka bërë 13 vite burg.

Ai u dënua për vrasjen e Arjan Mejdanit dhe plagosjen e Bujar Mejdanit e Arben Muharremit.

Çifti Shahu raportohet se kanë një fëmijë, i cili në momentin e incidentit nuk kanë qenë në banesë.

Kanë qenë komshinjtë që kanë lajmëruar policinë, duke bërë që 52-vjeçari të arrestohej në flagrancë.

46-vjeçarja ndodhet në spital nën kujdesin e mjekëve. Grupi hetimor po punon për sqarimin e rrethanave të ngjarjes. /Euronews.al/

Me 7 vota për dhe dy abstenime, Komisioni për Legjislacion, Mandate, Imunitete, Rregulloren e Kuvendit dhe Mbikëqyrjen e Agjencisë Kundër Korrupsionit ka miratuar Projektligjin për Ratifikimin e Traktatit ndërmjet Kosovës dhe Danimarkës për shfrytëzimin e Institucionit Korrektues në Gjilan me Qëllim të Ekzekutimit të Dënimeve Daneze, raporton EO.

Ndërkaq gjatë kësaj mbledhje u miratua edhe Propozimi i deputetit të Lëvizjes Vetëvendosje, Dimal Basha paraqiti raportin e amandamentit të propozuar për noteri

“Kemi marr parasysh gjitha projektet ka qenë punë e mirë, një propozim e kemi me një regjistër te noterëve rezervë ku me automatizëm hyjnë në funksion, e për afate ka mbetur koordinimi me deputet tjerë”, tha Basha.

Dimitar Kovaçevski e ka konfirmuar zyrtarisht dorëheqjen e tij nga posti i kryetarit të partisë LSDM.

Kjo u bë e ditur në një dokument të publikuar nga partia në fjalë, ku thuhet se dorëheqja e Kovaçevskit u bë në seancën e sotme të Bordit Ekzekutiv të LSDM-së.

“Ju njoftojmë se në seancën e sotme të Bordit Ekzekutiv të LSDM-së, kryetari Dimitar Kovaçevski konfirmoi dorëheqjen nga posti i kryetarit të LSDM-së, të cilën e kishte shpallur më 8 maj, si akt tejet moral dhe në përputhje me Statutin e Partisë”, thuhet në njoftim.

Policia e Kosovës ka dhënë detaje lidhur me plagosjen e së mërkurës mbrëma në Prizren.

Sipas njoftimit, një person është plagosur me armë zjarri e një tjetër është lënduar me mjete të forta, pas një mosmarrëveshjeje mes 11 personash.

Rastin në Polici e ka njoftuar një burrë i cili ka deklaruar se së bashkë me dy viktimat është sulmuar me armë zjarri dhe mjete të forta nga tetë persona të dyshuar. Njëri prej tyre është arrestuar pas një bastisjeje.

Sipas raportit 24-orësh të Policisë, dy nga viktimat kanë pranuar tretman mjekësor dhe më pas njëri nga ta është liruar, ndërsa tjetri është transferuar për trajtim të mëtutjeshëm.

“Në vendin e ngjarjes në dy lokacione janë gjetur dhe konfiskuar tre gëzhoja. Me vendim të prokurorit është bërë bastisja në dy lokacione, ku gjatë kontrollit është hasur dhe arrestuar njëri nga të dyshuarit, po ashtu është hasur dhe një kamionetë që dyshohet se është përdorur në kryerjen e veprës ku brenda saj janë gjetur dhe konfiskuar 37 fishekë që dyshohet të jenë të armës me gaz. Pas intervistimit me vendim të prokurorit i dyshuari është dërguar në mbajtje”, thuhet në njoftim.

Ish-kryetari i Odës Ekonomike të Kosovës, Safet Gërxhaliu, e quan kampanjë elektorale përdorimin e shifrave të mëdha nga institucionet për numrin e të punësuarve në Kosovë.

Sipas tij, nuk ja vlen as të komentohen deklaratat e kryeministrit Albin Kurti, rreth krijimit të rreth 90 mijë vendeve të reja të punës, raporton EO.

Kjo, për shkak që si ç thotë Gërxhaliu sikur të krijoheshin vende të reja të punës nuk do të kishte rënie të eksporteve.

“Komentet që vijnë nga insititucionet qeveritare sa i përket punësimit në Kosovë nuk ja vlen edhe të komentohen është mëse e vërtetë që Kosova po zbrazet, është mëse e vërtetë që nga Kosova po iket dhe po të kemi do të thotë një sektor privat aq të zhvilluar dhe të krijohen vende të reja të punës, atëher definitivisht nuk do të kishim rënie të eksporteve nuk do të kishim një numër kaq të vogël të investimeve të huaja qoftë direkte, qoftë indirekte nuk do të kishim rritje të importeve dhe me siguri diaspora do të investonte në prodhim, në teknologji, në edukim dhe jo vetem në konsum”, është shprehur Gërxhaliu për EO.

Ai shton se në Kosovë shkalla e papunësisë është mjaftë e madhe.

Derisa ka edhe një pyetje për institucionet e vendit.

“Në këtë drejtim kuptohet që është një vit zgjedhor, kampanjat politike pothuajse kanë filluar dhe është për të ardhur keq se si institucionet e Kosovës nuk e dallojnë termin regjistrim apo zyrtarizim të punësuarve e jo punësim, dhe në këtë drejtim besoj që në Kosovë kemi një shkallë shumë të madhe të papunësisë, në çoftëse ju referoni të dhënave statistikore Kosova ka afër 1 milionë e 150 mijë qytetarë të gatshëm për punë duke pasur parasysh se në sektorin publik janë të punësuar afër 470, në zyre të punësimit presin masksimum 51 mijë, dhe lind pyetja ku ështe fati i 700 mijë qytetarëve të tjerë të Kosovës prandaj është një shifër shumë më tepër e frymëzuar nga dimensioni politik dhe zgjedhor se sa është real dhe kontribut ekonomik dhe social i qeverisë aktuale”, ka shtuar ai.

Ish-kryetari i Odës Ekonomike, Safet Gërxhaliu ka folur edhe për fenomenin e ikjes së qytetarëve nga vendi, duke thënë se në Kosovë po ndodhë një ikje e heshtur.

Por, ka shtuar se mëkati më i madh në këtë drejtim është se përse askush nuk kërkon llogaridhënie se qfarë po bëhet nga Qeveria në këtë drejtim.

“Është e vertetë që në Kosovë është një fenomen dhe po ndodh një ikje e heshtur dhe në këtë drejtim nuk ka reagim nga qeveria, dhe besoj që mëkati më i madh që po i bëhet Kosovës është fakti që po numërohen të ikurit, por askush nuk e kalkulon atë, apo nuk kërkon llogaridhënie çka po bëhet nga ana qeveritare që qytetarët të rimbesin në Kosovë”, është shprehur ai.

Ai thotë se një ndër sëmundjet më të mëdha që i ka ndodhur Kosovës në vitin 2023, dhe në këta muaj të vitit 2024 është ikja masive.

“Ndoshta është dashtë të mendojmë më tepër në aspektin social dhe shëndetsor. Pse nuk miratohet ligji për sigurime shëndetësore, pse nuk ka lehtësira në shëndetsi, pse nuk rriten pagat dhe përgjegjësia në këto sektore dhe tek atëherë mund të motivohen ndoshta të rinjtë që të mbesin në Kosovë. Prandaj vërtetë një ndër sëmundjet më të mëdha që po i ndodhë Kosovës në vitin 2023, dhe fillimi i vitit 2024 është një ikje masive, një ikje e cila ndoshta në të parë nuk lë gjurmë, por me kalimin e kohës vëtetë do të jetë një indikator mjaft shqetësues”, ka thënë ndër të tjera Gërxhaliu për EO.

Gërxhaliu, ka folur edhe për stagnimin e investimeve në Kosovë, duke shtuar se derisa nga politikanët e vendit tonë përmendet lufta apo edhe ndonjë konflikt i mundshëm atëherë ky është dëmi më i madh që mund t’i bëhet Kosovës.

“Në qoftë se çdo ditë kemi një okabular të tillë të shprehjeve nga politik bërësit kryesor se në Kosovë dotë ketë luftë, do të ketë sulme do të ketë terrorizëm është dëmi më i madh që mund t’ia bëjnë Kosovës në heshtje, prandaj besoj që dialogu dhe partneriteti nuk kanë alternativë. Çdo devijim apo hap i marrur nga institucionet pa kordinim me SHBA-në është në dëm të Kosovës dhe në këtë drejtim besoj që duhet të kuptohet që vetëm me aleatë dhe me miq mund të ecë Kosova përpara”, është shprehur Gërxhaliu për EO.

Shton se çdo lëkundje për ta minuar partneritetin me SHBA-në dhe vendet mike evropiane është përsëri në dëm të Kosovës.

“Armata apo armatimi më modern edhe më i fuqishëm që posedon Kosova është partneriteti me SHBA-në, dhe me vendet mike evropiane dhe në këtë drejtim se të kemi partneritet me ta Kosova do të ketë siguri, Kosova duhet të ketë prespektiv dhe ardhmëri. Çdo lëkundje apo devijim për të minuar këtë partneritet është në dëm të Kosovës dhe në interes të armiqve të Kosovës, prandaj besoj që është koha kur duhet të promovohet një frymë e re pro-amerikane, pro-evropiane demokratike ku definitivisht imazhi i Kosovës do të përmirësohet”, ka thënë Gërxhaliu.

Është paralajmëruar së numri i popullsisë në vend do të jetë më i vogël sesa ai i vitit 2011.

E, për këtë Gërxhaliu ka pohuar se kjo është shqetësuese, pasi sipas tij parashikimet dhe planifikimet për projekte kapitale lidhen me numrin e popullsisë.

“Parashikmet dhe planfikimet për projekte të ndryshme kapitale janë shumë të lidhura me numin e popullatës dhe në këtë drejtim me të vërtetë është shqetësuese që kemi një numër më të v ogël të qytetarëve të Kosovës se sa në të kaluarën por dua të besoj që është koha kur duhet vërtetë të kemi kampanja vetëdijësuese për të motivuar qytetarët për të jetuar në Kosovë, për të krijuar kushte më të mira dhe ato kushte duhet të jenë obligim dhe definitivisht performanc e qeverisë deri më tani. Vertetë pritjet kanë qenë shumë më të mëdha se sa që është realizuar, por besoj që demokrafia është një ndër shtyllat kryesore të zhvillmit ekonomik qoftë në aspektin kohor afat –shkurtë, qoftë afat- mesëm, qoftë afat-gjatë” , ka deklaruar ai.