Category: Lajme

Reshjet e shiut në 24 orët e fundit në zonën e komunave Jabllanicë, Konjiq, Kiseljak, Fojnicë dhe Kreshevë kanë shkaktuar probleme të mëdha për banorët e këtyre komunave në Bosnje dhe Hercegovinë.

“Për shkak të reshjeve të mëdha dhe rrëshqitjeve të dheut, një popullatë e madhe është në rrezik, me informacione se ka viktima si dhe një numër të madh të të lënduarve dhe personave të zhdukur”, njoftoi Administrata Federale e Mbrojtjes Civile atje. Ministri i linjës konfirmoi informacionin se ka viktima.

“Trafiku, lidhjet telefonike dhe interneti janë të ndërprera. Duke filluar nga Mostari, në Dreznicë, një përrua i madh i Drezhankës shkatërroi disa ura, rrëmbeu rreth 20 vetura dhe tani për tani nuk kemi informacion për viktima njerëzore në atë zonë. Për shkak të rrëshqitjes së dheut rruga M-17 në drejtim të Jabllanicës së Jashtme është e pakalueshme”, thuhet në raport, ndërsa nga terreni ka ardhur informacione se dy persona kanë mbetur të vdekur, raporton N1.

“Situata më e vështirë theksohet të jetë në Jabllanicë dhe në rrethinë, ku ka pasur një numër të madh të rrëshqitjeve të dheut nëpër shtëpi, rrëshqitje të dheut në rrugë dhe vërshime të shtëpive që ndodhen te liqeni”, njoftoi Mbrojtja Civile.

Policia e Kosovës ka njoftuar se gjatë 24 orëve janë shqiptuar 2 mijë e 600 tiketa trafiku.

Sipas Policisë gjatë 24 orëve kanë ndodhur 24 aksidente me të lënduar, 53 aksidente trafiku me dëme materiale.

Poashtu 21 persona janë arrestuar ndërsa 19 janë në mbajtje.

Në vuajtje të dënimit sipas policisë është 1 person.

Persona të panjohur kanë hedhur një shishe plastike me lëndë djegëse (dyshohet benzinë) me ç’rast e njëjta është ndezur dhe ka dëmtuar murin e rrethojës së një shtëpie.

Sipas Policisë, rasti ka ndodhur në rrugën “Rifat Krasniqi”, në Prishtinë.

Në vendin e ngjarjes kanë dalë njësitë përkatëse policore. Rasti nën hetime.

Në territorin e komunës së Jabllanicë është raportuar për viktima pas reshjeve të shiut gjatë natës, që shkaktuan rrëshqitje të dheut në Bosnje e Hercegovinë.

Kështu tha Marija Buhaç, kryeministrja e Qarkut të Hercegovinës dhe Neretvës (HNK).

Ajo nuk specifikoi për sa viktima bëhet fjalë.

“Fatkeqësisht, sipas informacioneve të para, kemi edhe viktima njerëzore. Kemi kërkuar ndihmë nga Forcat e Armatosura të Bosnjës dhe Hercegovinës që të dërgojnë një helikopter për të shpëtuar jetën e një fëmije në Jabllanicë”, tha ajo gjatë një konference të jashtëzakonshme për media në Mostar më 4 tetor.

Deputetja e PDK-së, Ganimete Musliu, ka bërë me dije se Qeveria Kurti ende nuk ia ka plotësuar kërkesat Policisë së Kosovës.

Ai beson se kandidati i PDK-së për kryeministër Bedri Hamza do t`i realizon këto kërkesa.

Në profilin e saj në “Facebook”, Musliu ka shkruar se nëse Hamza brenda 100 dite të qeverisjes së tij nuk i adreson këto çështje, ajo do t`i kërkonte llogari atij.

“Policia e Kosovës para një viti kishte këto kërkesa, edhe një vit pas gjendja është e njjtë. Nëse Kryeministri i ri Bedri Hamza brënda 100 dite të qevrrisjes së tij nuk i adreson këto çështje unë përsonalisht do ti kërkoj llogari”, ka shkruar Musliu.

Një 55-vjeçare është goditur nga një furgon në rrugën Transballkanike në Vlorë.

Bëhet e ditur se gruaja është dërguar në spitalin e Vlorës dhe sipas mjekëve është jashtë rrezikut për jetë, shkruan TCh.

Policia e Shqipërisë e ka shoqëruar drejtuesin e furgonit dhe ka nisur hetimet për shkaqet e këtij aksidenti.

Presidentja Vjosa Osmani është takuar dje me mërgimtarë gjatë vizitës që po zhvillon në Francë.

Sipas njoftimit të Presidencës, Osmani ka shprehur mirënjohjen për angazhimin e tyre ndaj Republikës sonë, duke thënë se shteti i Kosovës mban edhe vulën e mërgatës.

“Dje, Presidentja Vjosa Osmani takoi mërgatën tonë të jashtëzakonshme në Francë. Në fjalën e saj, Presidentja Osmani shprehu mirënjohjen për angazhimin e pakursyer të tyre ndaj Republikës sonë, duke thënë se shteti i Kosovës mban edhe vulën e mërgatës sonë të çmuar”, thuhet në njoftim.

Ambasadori kinez në Serbi, Li Ming ka thënë se lidhja miqësore e Kinës me Serbinë duhet të shërbejë si model për marrëdhëniet mes Kinës dhe Bashkimit Evropian.

Me rastin e 75-vjetorit të themelimit të Republikës Popullore të Kinës, ai ka shprehur mirënjohjen e tij për “miqtë serbë që mbështesin zhvillimin e marrëdhënieve kino-serbe të cilat vendosin një pikë referimi për bashkëpunim mes Kinës dhe BE-së dhe një model për komunitetin ndërkombëtar”.

“Sapo kemi festuar 75-vjetorin e themelimit të Republikës Popullore të Kinës dhe dua të shpreh mirënjohjen time të sinqertë për miqtë tanë serbë, të cilët i kushtojnë vëmendje dhe mbështesin zhvillimin e marrëdhënieve kinezo-serbe për një kohë të gjatë”, tha ambasadori, deklarata e të cilit u transmetua nga Tanjug.

Li Ming lartësoi raportet mes vendit të tij dhe Serbisë dhe tha se Kina dhe Serbia janë “miq të çeliktë që kanë ndarë të mirat dhe të këqijat së bashku – vitet e fundit, nën udhëheqjen strategjike të krerëve të shteteve të dy vendeve, marrëdhëniet kino-serbe kanë hyrë në një fazë të re të zhvillimit të fuqishëm me të dyja palët që mbështesin me vendosmëri njëra-tjetrën, ato mbështesin interesat thelbësore dhe rrugët e zhvillimit”.

Ai ka folur edhe për bashkëpunimin në biznes mes Serbisë, e cila është një kandidate për anëtarësim në Bashkimin Evropian por që nuk e pengon të ruajë marrëdhënie të tilla me Kinën, si dhe me Rusinë.

“Ne gjithashtu arritëm rezultate të frytshme të bashkëpunimit në projekte të mëdha si fabrika e çelikut HBIS Smederevo dhe hekurudha e shpejtë Beograd-Budapest, ku Kina u bë burimi më i madh i investimeve në Serbi dhe partneri i saj i dytë tregtar. Në maj të këtij viti presidenti Xi Jinping erdhi në një vizitë shtetërore në Serbi dhe arriti një konsensus të rëndësishëm me presidentin Aleksandar Vuçiq, duke udhëhequr bashkërisht marrëdhëniet kinezo-serbe në një rrugë të re të ndërtimit të një komuniteti me të ardhme të përbashkët”, tha ambasadori kinez.

“Marrëdhëniet midis Kinës dhe Serbisë kanë vendosur një pikë referimi për bashkëpunimin midis Kinës dhe BE-së dhe një model për komunitetin ndërkombëtar. Kina dhe Serbia kanë perspektiva të gjera për bashkëpunim dhe miqësi të thellë. Le të bashkohemi dhe të jemi gjithmonë miq të mirë që trajtojnë njëri-tjetrin sinqerisht, partnerë të mirë në bashkëpunim në të cilin fitojnë të gjithë, një shembull i mirë në promovimin e drejtësisë dhe një besimtar i mirë në komunikimin ndërpersonal, së bashku do të ushqejmë marrëdhëniet tona dhe do të dëshmojmë se si pema e miqësisë kino-serbe bëhet më e fortë dhe jep më shumë fryte, të mirën e dy kombeve”, tha ambasadori Li Ming dhe në fund shtoi: I uroj Republikës Popullore të Kinës prosperitet, rroftë miqësia mes Kinës dhe Serbisë!”.

Kina e sheh Serbinë dhe Hungarinë si porta hapëse për ta shtrirë ndikimin e saj në Bashkimin Evropian, si dhe ka interesa të tjera që dëshiron t’i realizojë duke lidhur aleanca me dy autokratët Aleksandar Vuçiq dhe Viktor Orban.

Për shembull, BYD e Kinës, një komani e automjeteve elektrike, e cila vitin e kaluar shiti më shumë automjete elektrike se Tesla, planifikon të ndërtojë fabrikën e saj të parë në Evropë në Hungari. Duke ndërtuar makina brenda BE-së, Pekini mund të shmangë kërcënimin e tarifave për makinat elektrike të importuara nga Kina.

Në maj 2024, presidenti kinez Xi Jinping udhëtoi për të takuar qeveritë pro Pekinit në Serbi dhe Hungari.

Sidoqoftë përfitimet më të mëdha Serbia i merr nga Bashkimi Evropian edhe pse ka dështuar që të harmonizojë politikën e saj të jashtme me BE-në edhe kësaj radhe. Partnerët kryesorë tregtarë të saj janë Gjermania, Italia, si dhe Kina e Rusia.

Shefi i NATO-s Mark Rutte siguroi presidenti ukrainas Volodymyr Zelenskyy se qëllimi i tij si kreu i aleancës ushtarake është të sigurojë mbështetjen që Ukraina të fitojë.

Rutte vizitoi në kryeqytetin ukrainas në udhëtimin e tij të parë si sekretar i përgjithshëm i aleancës.

Ai tha se ai zgjodhi Kievin si udhëtimin e tij të parë “për t’jua bërë të qartë Ukrainës, popullit të Ukrainës dhe të gjithëve se NATO qëndron me Ukrainën”.

Nga ana tjetër Zelenskyy kritikoi tha se Perëndimi nuk duhet të vonojë, por duhet të ndihmojë Ukrainën për furnizimin e armëve me rreze të gjatë.

Shefi i NATO-s Mark Rutte siguroi presidenti ukrainas Volodymyr Zelenskyy se qëllimi i tij si kreu i aleancës ushtarake është të sigurojë mbështetjen që Ukraina të fitojë.

Rutte vizitoi në kryeqytetin ukrainas në udhëtimin e tij të parë si sekretar i përgjithshëm i aleancës.

Ai tha se ai zgjodhi Kievin si udhëtimin e tij të parë “për t’jua bërë të qartë Ukrainës, popullit të Ukrainës dhe të gjithëve se NATO qëndron me Ukrainën”.

Nga ana tjetër Zelenskyy kritikoi tha se Perëndimi nuk duhet të vonojë, por duhet të ndihmojë Ukrainën për furnizimin e armëve me rreze të gjatë.

“Ne kemi nevojë për sasi dhe cilësi të mjaftueshme të armëve, duke përfshirë armë me rreze të gjatë, që për mendimin tim partnerët tanë tashmë po e zvarritin”, tha Zelenskyy.

Udhëheqësi ukrainas u bëri thirrje gjithashtu anëtarëve të NATO-s që të marrin një rol më aktiv për të ndihmuar vendin e tij për të shmangur sulmet ajrore ruse.

“Ne do të vazhdojmë të bindim partnerët tanë për nevojën për të rrëzuar raketat dhe dronët rusë,” tha më tej Zelenskyy.