Category: Lajme

Policia e Kosovës ka bërë apel për shoferët në komunikacion që të kenë kujdes gjatë drejtimit në mot me mjegull, shkruan EO.

PK thotë se në rajonin e Ferizajt ka filluar shfaqja e mjegullës në disa vende ku pozita gjeografike është më e ulët.

Postimi i plotë i PK-së:

APEL -MJEGULLA PARAQET RREZIK PËR SHOFERËT

Në rajonin e Ferizajt ka filluar shfaqja/prezenca e mjegullës në disa vende ku pozita gjeografike është më e ulët.

Apelojmë tek shoferët e automjeteve që të bëjnë kujdes gjatë drejtimit në mot me mjegull.

Ndërsa, rekomandojmë që:

– Mos harroni se ngasja në mjegull mund të jetë e rrezikshme!

– Mbani në vëzhgim rrugën për ndryshime të papritura të dukshmërisë, mjegulla më e dendur mund të jetë më afër lumenjve.

– Përdorni dritat e mjegullës. Nëse automjeti juaj i ka këto drita, kjo ju ndihmon të ndriçohet rruga para jush dhe këto drita e bëjnë automjetin tuaj më të dukshëm për shoferët tjerë. Disa automjete kanë edhe dritat e pasme të mjegullës, të cilat ndihmojnë shoferët që lëvizin mbrapa t’ju shohin juve edhe nga një distancë më e madhe.

– Mjegulla mund të krijojë një iluzion optik dhe t’i bëjë shoferët të mendojnë se po shkojnë më ngadalë seç janë. – Mbani vëmendjen, mos shpejtoni!

– Ndizni dritat gjatë ngasjes, por mos ndizni dritat me rreze të gjatë!
Ngasja e automjetit me drita të gjata mund të reflektojë jashtë mjegullës dhe mund të kthehet në automjetin tuaj, e cila gjithashtu e bën të pamundur që shoferët tjerë t’ju shohin.

– Mbani ndezur dritat e shkurtra dhe të mjegullës!

– Mbani nën kontroll shpejtësinë e lëvizjes!

– Mbani krahun e djathtë të rrugës gjatë lëvizjes!

Presidentja e Komisionit Evropian, Ursula Von Der Leyen, do të vizitojë Kosovën më 26 tetor. Kështu ka konfirmuar zyra e BE-së në Prishtinë përmes një njoftimi në “X”.

Von Der Leyen në Prishtinë do të takohet ndaras me kryeministrin e Kosovës, Albin Kurti, dhe presidenten e vendit, Vjosa Osmani.

“Presidentja Ursula von der Leyen në Kosovë: takohet me Presidenten Vjosa Osmani Sadriu; takohet me kryeministrin Albin Kurti”, thuhet në agjendën e publikuar në faqen e Komisionit Evropian.

Pas Kosovën, Von Der Leyen do të udhëtojë për në Mal të Zi ku do të takohet me liderët atje. Para Kosovës e Malit të Zi, Von Der Leyen do të vizitojë Serbinë, Shqipërinë dhe Bosnje e Hercegovinën.

On Saturday 26 October, @EU_Commission President Ursula von der Leyen will visit #Kosovo.

She will hold separate meetings with President @VjosaOsmaniPRKS and with Prime Minister @albinkurti.

⬇️https://t.co/7ldzeO6g9W

— European Union in Kosovo (@EUKosovo) October 22, 2024

Kryetari i Partisë Demokratike të Kosovës, Shaqir Totaj, ju shprehi ngushëllime familjes Prallangaj të cilët hmbën jetën dy të rinjët mbrëmë në aksident, shkruan EO.

“Me dhembje të thellë pranova lajmin për vdekjen tragjike të dy të rinjve, Ardit dhe Flurim Parallangaj, në një aksident trafiku, mbrëmë në autostradën “Ibrahim Rugova”, afër Prizrenit. Shpreh ngushëllimet e sinqerta për familjen Parallangaj, të afërmit dhe miqtë e tyre”, ka shkruar Totaj.

Dy të rinjët humbën jetën mbrëmë në një aksident trafiku në autostradën “Ibrahim Rugova”.

Lajmin për medie e ka konfirmuar i ushtruesi i detyrës së kryeprokurorit të Prizrenit, Petrit Kryeziu.

“Dy persona kanë vdekur në vendin e ngjarjes,” deklaroi Kryeziu.

Policia raportoi se në aksident janë përfshirë dy vetura dhe një kamion.

Postimi i plotë i tij:

Rasti i parë i variantit të ri të lisë së majmunëve është regjistruar në Gjermani, raportoi gazeta “Bild” të martën, duke e cituar institutin për shëndet publik, “Robert Koch”.

Instituti refuzoi që të jepte ndonjë koment të menjëhershëm, raporton agjencia e lajmeve “Reuters”.

Organizata Botërore e Shëndetësisë e shpalli linë e majmunëve emergjencë globale të shëndetit publik për herë të parë në dy vitet e fundit në gusht pas përhapjes së rasteve në Republikën Demokratike të Kongos në Afrikë, që tashmë është përhapur edhe në shtetet fqinje.

Shenja e parë e përhapjes së lisë së majmunëve jashtë kontinentit afrikan erdhi më 15 gusht, kur zyrtarët shëndetësorë globalë konfirmuan një infeksion me një variant të ri të virusit në Suedi.

Përfaqësuesi socialist dhe demokrat kroat Tonino Picula (SDP) u zgjodh raportues i Parlamentit Evropian për Serbinë dhe në atë pozitë do të zëvendësojë Vladimir Bilçik, përfaqësuesin sllovak nga Partia Popullore Evropiane (EPP).

Në mbledhjen e fundit të Parlamentit Evropian, Picula ishte koordinator i SD-së në Komisionin për Punë të Jashtme (AFET). Ai ishte i ngarkuar me detyrën e kryetarit të Grupit të Punës për Ballkanin Perëndimor në AFET dhe raportues i përhershëm i PE për marrëdhëniet me SHBA-në dhe Malin e Zi.

Ai gjithashtu ka punuar si raportues i PE për rekomandimet për Ballkanin Perëndimor përpara samitit të Zagrebit, si dhe anëtar i delegacionit për marrëdhëniet me Bosnjë-Hercegovinën dhe Kosovën dhe zëvendës anëtar i delegacionit në Komisionin Parlamentar për Stabilizim dhe Asociim të BE-së dhe të Serbisë.

Në qershor të këtij viti ai u zgjodh për herë të katërt si përfaqësues i Parlamentit Evropian.

“Politika e zgjerimit është një proces kërkues që kërkon një përpjekje të vazhdueshme nga vendi kandidat për të përmbushur kriteret e njohura. Serbia duhet të bindë partnerët e saj në BE se i justifikon ambiciet e saj me ndryshime reale në një numër çështjesh të hapura,” tha Picula gjatë një takimi me ambasadorin serb në BE, Danijel Apostolovic.

Picula ishte Ministër i Punëve të Jashtme në qeverinë e Ivica Raçanit (2000-2003), si dhe përfaqësues i Parlamentit kroat, përfaqësues i Parlamentit në Asamblenë Parlamentare të OSBE-së dhe kryetar i komunës së Goricës së Madhe.

Ministria e Punëve të Jashtme të Sllovenisë në një përgjigje për Gazetën Express kanë thënë se veprimet e pakoordinuara të Qeverisë së Kosovës nuk e ndihmojnë arritjen e një qëndrimin unanim brenda BE-së sa i përket heqjes së masave ndaj Republikës së Kosovës.

Kosova vazhdon të jetë nën masa ndëshkuese të BE-së që nga qershori i vitit 2023. Vendimi për heqjen e tyre është në dorën e shteteve anëtare dhe për një gjë të tillë duhet unitet i plotë mes 27 shteteve të Bashkimit Everopian. Veprimet që ka bërë Qeveria e Kosovës në Veri të vendit, e që nga aleatët janë kritikuar si të njëanshme dhe të pakoordinuara e kanë dëmtuar pozicionin e Kosovës dhe kanë ndikuar negativisht në qëndrimin e disa shteteve anëtare sa i përket asaj nëse Kosovës duhet t’i hiqen masat.

Nga Ministria e Punëve të Jashtme të Sllovenisë që drejtohet nga Tanja Fajon kanë thënë se shteti slloven dhe partnerët ndërkombëtarë në mënyrë të vazhdueshme kanë theksuar rëndësinë e një bashkëpunimi konstruktiv në kuadër të Dialogut mes Prishtinës dhe Beogradit si e vetmja rrugë e vlefshme për Kosovën dhe Serbinë.

“Sllovenia, BE-ja dhe partnerët e tjerë ndërkombëtarë kanë theksuar vazhdimisht rëndësinë e bashkëpunimit konstruktiv në kuadër të Dialogut ndërmjet Beogradit dhe Prishtinës, si e vetmja rrugë e mundshme për Kosovën dhe Serbinë”, kanë thënë nga MPJ e Sllovenisë për Gazetën Express.

Sllovenët thonë se në këtë qasje konstruktive që e kërkojnë përjashtohen hapat e pakoordinuar nga të dy palët dhe theksojnë se veprimet e pakoordinuara s’ndihmojnë për krijimin e konsensusit tek shtete anëtare për çështjen e masave që janë vendosur ndaj Republikës së Kosovës.

“Ne e kemi theksuar gjithmonë në mënyrë të qartë se një mënyrë e tillë veprimi përjashton hapat e pakoordinuar nga të dyja palët. Hapat e tillë nuk janë të favorshëm për ndërtimin e konsensusit midis shteteve anëtare të BE-së për masat për të cilat po pyesni”.

Në fund, MPJ sllovene thekson se Sllovenia gjithmonë ka avokuar për një qasje të balancuar në raport me Prishtinën dhe Beogradin.

Vendimet e njëanshme të Qeverisë së Kosovës në Veri të vendit kanë ndikuar për të keq edhe qëndrimin e Francës. Burime diplomatike nga Parisi javën e kaluar i kanë thënë se për shkak të veprimeve të tilla të cilat kanë prekur edhe drejtpërdrejtë jetën e serbëve lokalë, kanë bërë që Franca të dyshojë nëse kryeministri i Kosovës, Albin Kurti, e ka njëmend de-eskalimin, diçka që është kërkuar nga Bashkimi Evropian.

Italia e kryeministres Meloni është për heqje të masave, por për një heqje graduale. Ndërkohë nga Qeveria gjermane e kancelarit Scholz janë për heqje të masave, por theksojnë se për të ndodhur diçka e tillë duhet një unitet mes 27 shteteve anëtare.

Kryeministri i Kosovës, Albin Kurti, gjatë qëndrimit të tij në Berlin në kuadër të Samitit të Procesit të Berlinit kishte kërkuar heqjen e masave ndaj Kosovës. Qeveria e Kosovës në mënyrë të vazhdueshme ka kërkuar diçka të tillë duke thënë se Kosova ka plotësuar kërkesa për de-eskalim.

13 persona, përfshirë një fëmijë, janë vrarë në një sulm ajror izraelit pranë një spitali në Bejrutin jugor, thotë ministria libaneze e shëndetësisë

Sulmi dukej se goditi parkun e makinave të Spitalit Universitar Rafik Hariri, tha një burim spitalor për agjencinë e lajmeve Reuters.

Ministria e Shëndetësisë tha se numri i personave të lënduar është rritur në 57, me shtatë persona në gjendje kritike, raporton BBC.

Ky ishte ndër 13 sulmet ajrore që goditën Bejrutin jugor të hënën në mbrëmje. Ushtria izraelite tha se po sulmonte objekte të lidhura me Hezbollahun.

Kryetari i Prishtinës, Përparim Rama dhe drejtoresha e Kulturës, Sibel Halimi, kanë vizituar punimet e renovimit të tunelit të Kurrizit, raporton EO.

Punimet sipas Ramës janë duke shkuar sipas planit, ndërsa i gjithë projekti që ka kosto 1.3 milion euro, pritet të përfundojë brenda tetë muajve.

“Nuk është punuar në këtë rrugë prej që është ndërtuar, kemi një projekt shumë interesant cili transformon tunelin e Kurrizit. E vizitova punishten ku janë duke u kryer punë të mëdha transformuese, një gjatësi rreth 280 metra, një projekt prej 1.3 milion euro. Një hapësirë që do të transformohet dhe do të jetë edhe disa funksione për gjera të tjera gjatë vikendit. Është një dizajn ndërkombëtar ku e kemi ekipin fituese ka bërë një projekt shumë të mirë, në një periudhë kohore 8 mujore ku do të përfundoj ky projekt”, ka thënë Rama.

Kreu i Prishtinës ka thënë se ky transformim do të ketë edhe shtigjet e biçikletave, ndërsa do të ruhet edhe historiku i saj.

“Për më shume se 60 mijë banorë në këtë pjesë do të ketë edhe një hapësirë të rigjeneruar. Ky projekt nuk do të përfshijë zona të tjera, kemi renovim dhe një pjesë e saj është edhe si muze ku tregon periudhën kohore kur është ndërtuar ky tunel dhe tregon një pjesë të historisë. Kemi edhe shtegun e biçikletave të cilat po zgjeron dhe po shton alternativa të reja për lëvizje”, u shpreh Rama.

Në kuadër të Speciales në Hagë, sot po zhvillohet seanca e radhës.

Në seancën e sotme është duke vazhduar deklarimi i dëshmitarit Fadil Geci.

E djali i Hashim Thaçit, Endriti padyshim se është duke e përcjellur këtë seancë.

Madje ai publikuar edhe fotografinë e momentit kur ish-presidenti Hashim Thaçi, qeshi me deklaratat e dëshmitarit Geci.

Në deklarim e sipër, Fadil Geci tha se nuk ka marrë urdhra nga LPK-ja që e quante veten UÇK.

Geci po ashtu tha se urdhra merrte nga Ahmeti Krasniqi.

E këto deklarime e bën që të qeshte ish-presidentin Thaçi.

Sekretari amerikan i Shtetit, Antony Blinken, e ka përkujtuar ambasadoren Tina Kaidanow e cila vdiq pak ditë më parë.

Në një postim në “X” ku ka rishpërndarë atë të ambasadorit amerikan në Kosovë, Jeff Hovenier, Blinken thotë se Kaidanow ishte diplomate e jashtëzakonshme.

Më tej, Sekretari smerikan i Shtetit thotë se Kaidanoq ishte edhe shoqe e jashtëzakonshme e tij.

“Ambasadorja Tina Kaidanow ishte një diplomate e jashtëzakonshme që udhëhoqi në disa nga çështjet më sfiduese të politikës së jashtme të kohës së saj. Ajo ishte një kolege dhe shoqe e jashtëzakonshme – thellësisht e zgjuar, qesharake, këmbëngulëse dhe e përkushtuar ndaj diplomacisë amerikane. Qoftë i bekuar kujtimi i saj”, ka shkruar Blinken.

Ambassador Tina Kaidanow was an extraordinary diplomat who led on some of the most challenging foreign policy issues of her time. She was an exceptional colleague and friend – deeply smart, funny, tenacious, and devoted to American diplomacy. May her memory be a blessing. https://t.co/XED8flCW7j

— Secretary Antony Blinken (@SecBlinken) October 21, 2024