ATV

Category: Lajme

  • Kurti e pranon sot Raportin e Progresit, aty i kërkohet Asociacioni dhe qortohet për ‘veprimet e pakoordinuara’

    Kurti e pranon sot Raportin e Progresit, aty i kërkohet Asociacioni dhe qortohet për ‘veprimet e pakoordinuara’

    Kryeministri i Kosovës, Albin Kurti, sot zyrtarisht do ta pranojë Raportin e Progresit dhe këtë e ka bërë të ditur gjatë një konference të mbajtur dje në Qeveri.

    Kurti tha se raporti është shumë voluminoz dhe thekset kryesore do të shqyrtohen menjëherë.

    “Për çështjen e integrimit evropian, raporteve me Bashkimin Evropian, nesër do ta pranojë edhe zyrtarisht Raportin e Progresit për vendin tonë dhe do të mundemi që t’ju drejtohemi lidhur me të gjitha gjërat të cilat thuhen e shkruhen e aludohen aty, sepse është shumë voluminoz, por besoj që qysh në ditën e parë, për thekset kryesore do të mund të diskutojmë e t’i shqyrtojmë ato”, është shprehur Kurti.

    Komisioni Europian pritet të kërkojë nga Kosova dhe nga Serbia që të shpejtojnë në ndërmarrjen e hapave në zbatimin e Marrëveshjes drejt normalizimit të raporteve.

    Raporti e kritikon Kosovën për “veprimet e pakoordinuara” të cilat thuhet se kanë nxitur tensione.

    Vendit i kërkohet të nisë procedurën për themelimin e Asociacionit të komunave me shumicë serbe, mbi bazën e draft-statutit të propozuar nga Bashkimi Evropian.

    Kosova nuk e kishte dërguar në Gjykatën Kushtetuese draft-statutin e propozuar nga BE-ja, duke e refuzuar këtë kusht të ndërkombëtarëve që vendi të anëtarësohej në Këshillin e Evropës në maj.

    Raporti i Progresit, ndër tjerash, përmend edhe përpjekjen e pushtetit për të ushtruar kontroll ndaj mediave.

  • Sekretari Rutte takohet me Von der Leyen për herë të parë mas marrjes së detyrës

    Sekretari Rutte takohet me Von der Leyen për herë të parë mas marrjes së detyrës

    Sekretari i ri i NATO-s, Mark Rutte është takuar me presidenten e Komisionit Evropian, Ursula von der Leyen për herë të parë që kur mori detyrën.

    Gjatë takimit të tyre, u diskutua për rëndësinë e partneritetit strategjik midis BE-së dhe NATO-s dhe po ashtu, ata ranë dakord të punojnë më shumë për të rritur bashkëpunimin.

    “Diskutimi i tyre u fokusua po ashtu në rëndësinë e një partneriteti të ngushtë dhe strategjik midis NATO-s dhe Bashkimit Evropian. Të dy ranë dakord se në një botë gjithnjë e më të rrezikshme, ky partneritet është jetik për të mbrojtur paqen, lirinë dhe prosperitetin. Lufta e agresionit të Rusisë në tokën evropiane është kërcënimi i vetëm më i madh për paqen dhe sigurinë në kontinentin evropian. Sekretari i Përgjithshëm, Rutte dhe Von der Leyen theksuan se vendosja e ushtarëve të Koresë së Veriut në mbështetje të luftës së agresionit të Rusisë përfaqësonte një përshkallëzim të rëndësishëm të luftës kundër Ukrainës, si dhe një kërcënim serioz për sigurinë evropiane dhe paqen globale”, thuhet në njoftim.

    Rutte dhe Von der Leyen folën gjithashtu mbi vendosmërinë në rritje të shteteve autoritare në skenën botërore.

    “Këto shtete sfidojnë interesat, vlerat dhe parimet tona të përbashkëta demokratike, duke përdorur mjete të shumta – politike, ekonomike, teknologjike dhe ushtarake. Për të adresuar këto kërcënime dhe sfida në zhvillim, Rutte dhe Von der Leyen kanë rënë dakord të krijojnë një task forcë të re të nivelit të lartë për të forcuar bashkëpunimin ekzistues NATO-BE. Planifikimi për takimin e parë të task-forcës pritet të ecë përpara në javët në vijim”, thuhet më tej në njoftim.

  • Kryeministri Kurti mori pjesë në shënimin e 101-vjetorit të themelimit të Republikës së Turqisë

    Kryeministri Kurti mori pjesë në shënimin e 101-vjetorit të themelimit të Republikës së Turqisë

    Kryeministri i Republikës së Kosovës, Albin Kurti, mori pjesë në pritjen e organizuar nga ambasada turke në Kosovë, me rastin e shënimit të 101- vjetorit të shpalljes së Republikës së Turqisë.

    Gjersa uroi popullin turk në këtë ditë të rëndësishme dhe të veçantë, kryeministri shprehu në të njëjtën kohë edhe nderimin për të rënët e sulmit terrorist të javës së kaluar në selinë e Industrive Turke të Aviacionit dhe Hapësirës, TUSAŞ, në Ankara. “Sot ne nderojmë këta pesë martirë, dhe Republikën për të cilën ata ranë, teksa i shërbenin asaj.” tha kryeministri.

    Në vijim të fjalës së tij, ai nënvizoi bashkëpunimin e vazhdueshëm dypalësh gjatë katër viteve të fundit, duke veçuar ato në fushën e ekonomisë, mbrojtjes dhe sigurisë.

    “Gjatë vizitës sime të fundit në vendin tuaj në qershor, pata kënaqësinë të vizitoj kompaninë e njohur Baykar Technologies, me Heluk dhe Selçuk Bayraktar, të njohur në mbarë botën për prodhimin e dronëve Bayraktar TB2, të cilët tani janë pjesë thelbësore e arsenalit mbrojtës të Kosovës. Krahasuar me periudhën 2018-2020, Kosova ka rritur investimet e saj në blerjet e armëve në vitet 2021-2023 nga 4 milionë në 239 milionë euro. Republika e Turqisë është një anëtare shumë e vlefshme dhe e fuqishme e NATO-s. Ne duam t’i bashkohemi aleancës euroatlantike jo vetëm për të përfituar, por edhe për të kontribuar – Kosova tashmë ka tejkaluar ndarjen buxhetore prej 2% të PBV-së për mbrojtjen e saj, duke përmbushur kriteret e NATO-s të vendosura në Samitin e saj në Uells dhjetë vjet më parë.” u shpreh kryeministri.

    Ai shtoi se në kuadër të vizitës këtë vit në Turqi, qëllimi kryesor ishte edhe hapja e Forumit të parë të Biznesit Kosovë–Turqi, të mbajtur në Stamboll më 3 qershor, gjersa shkëmbimi vjetor tregtar me Turqinë po rritet duke tejkaluar gati një miliard euro.

    “Siç e kam theksuar në Stamboll, nuk ka pasur kurrë kohë më të mirë se tani që kompanitë turke të përfitojnë nga potenciali investues në Kosovë. Kjo vlen veçanërisht në tre fusha specifike. E para është bujqësia dhe përpunimi i ushqimit; e dyta është prodhimi, pajisjet elektrike, metali, plastika dhe druri; dhe e treta është shërbimet e jashtme të biznesit të mundësuar nga sektori i IT, zhvillimi i softuerit, kontabiliteti digjital dhe marketingu digjital.”. Nënvizoi se në raportin e ri të këtij gushti nga fDi Intelligence, Kosova është vlerësuar si një destinacion investimi, duke e renditur atë në vendin e dytë ndër ekonomitë e reja dhe në zhvillim të Evropës, dhe të pestën në të gjithë botën, për tërheqjen e nivelit më të lartë të investimeve të huaja direkte në raport me PBV-në.

    “Këtu në Kosovë, ku rritja ekonomike dhe progresi demokratik, avancimi social dhe stabiliteti institucional të gjitha vazhdojnë të ecin krah njëra tjetrës, ne jemi shumë të lumtur të shërbejmë si konfirmim për tezën e profesor Acemoglu.” përfundoi kryeministri Kurti, duke ritheksuar dhe traditën dhe historinë e marrëdhënieve shqiptaro-turke.

  • Këshilli i Sigurimit të OKB-së sot diskuton për Kosovën

    Këshilli i Sigurimit të OKB-së sot diskuton për Kosovën

    Këshilli i Sigurimit i Kombeve të Bashkuara sot do të diskutojë raportin e ri gjashtëmujor të Sekretarit të Përgjithshëm të OKB-së, Antonio Guterres, për punën e Misionit të OKB-së në Kosovë (UNMIK).

    Seanca e Këshillit të Sigurimit të OKB-së për punën e UNMIK-ut, do të fillojë në ora 16:00.

    Sipas raportit të Guterres i publikuar ditë më parë nga mediat serbe, atmosfera në Kosovë është ende e tensionuar dhe ekziston rreziku i përshkallëzimit të tensioneve.

    “Atmosfera në veri të Kosovës është ende e tensionuar, me mundësinë e përshkallëzimit ende të pranishme. U bëj thirrje të gjitha palëve që të përsërisin angazhimin e tyre për dialogun me ndërmjetësimin e Bashkimit Evropian dhe të zbatojnë plotësisht marrëveshjet ekzistuese”, ka thënë Guterres.

    Në raportin për periudhën nga 16 marsi deri më 15 shtator 2024, i cili do të prezantohet në seancë nga kryetarja e UNMIK-ut – Caroline Ziadeh, Guterres u bëri thirrje të dyja palëve që të konfirmojnë përkushtimin e tyre për dialog dhe të zbatojnë plotësisht marrëveshjet e mëparshme.

  • Kuvendi mban sot vazhdimin e seancës plenare

    Kuvendi mban sot vazhdimin e seancës plenare

    Kuvendi i Kosovës pritet të mbajë sot vazhdimin e seancës plenare.

    Në rend dite janë pikat e papërfunduara nga seancat e kaluara.

    Seanca pritet fillojë nga ora 11:00.

    Rendi i ditës:

    I. Pikat e papërfunduara nga Seanca plenare, e mbajtur më 12, 26 shtator dhe 10 tetor 2024:

    5. Votimi për emërimin e shtatë (7) anëtarëve të Këshillit të Kosovës për Trashëgimi Kulturore,
    6. Votimi i Projektligjit nr.08/L-309 për ratifikimin e Marrëveshjes së financimit, për programin e parë për “Financimin e politikave zhvillimore për efektivitetin fiskal, konkurrueshmërinë dhe rritjen e gjelbër”, në mes të Republikës së Kosovës e përfaqësuar nga Ministria e Financave, Punës dhe Transfereve dhe Asociacionit Ndërkombëtar për Zhvillim,
    7. Votimi i Projektligjit nr.08/L-313 për ratifikimin e amendamentimit të Marrëveshjes për anëtarësimin e Republikës së Kosovës në Fondin Monetar Ndërkombëtar dhe organizatat e grupit të Bankës Botërore,
    8. Votimi i Projektligjit nr.08/L-314 për ratifikimin e Marrëveshjes së kredisë mes të Republikës së Kosovës dhe Bankës Evropiane për Investime për Projektin Energjia diellore fotovoltaike në KEK – Porta Globale,
    9. Votimi në lexim të dytë i Projektligjit nr.08/L-212 për shëndetin riprodhues dhe fertilizim të asistuar mjekësor,
    10. Votimi në lexim të dytë i Projektligjit nr.08/L-294 për ndryshimin dhe plotësimin e Ligjit nr.08/L-197 për Zyrtarët Publikë,
    11. Shqyrtimi i dytë i Projektligjit nr.08/L-287 për Këshillin e Sigurisë të Republikës së Kosovës,
    12. Shqyrtimi i dytë i Projektligjit nr.08/L-275 për rrugët,
    13. Shqyrtimi i dytë i Projektligjit nr.08/L-290 për ndryshimin dhe plotësimin e Ligjit nr.08/L-013 për të drejtat pronësore të shtetasve të huaj në Republikën e Kosovës,
    14. Votimi në parim i Projektligjit nr.08/L-266 për gjendjen civile,
    15. Votimi në parim i Projektligjit nr.08/L-300 për provimin e maturës shtetërore,
    16. Shqyrtimi i parë i Projektligjit nr.08/L-306 për ndryshimin dhe plotësimin e Ligjit nr.05/L-132 për automjete,
    17. Shqyrtimi i parë i Projektligjit nr.08/L-311 për menaxhimin e resurseve ujore,
    18. Shqyrtimi i Programit Kombëtar për Integrim Evropian 2024-2028,
    19. Votimi i Projekt-rezolutës për adresimin e gjetjeve të Raportit të Departamentit Amerikan të Shtetit-DASH,
    20. Shqyrtimi i Projekt-Deklaratës për raportet e Republikës së Kosovës me Shtetet e Bashkuara të Amerikës,
    21. Shqyrtimi i Projekt-rezolutës për adresimin e çështjes së emigrimit të qytetarëve nga Republika e Kosovës,
    22. Shqyrtimi Projekt-Rezolutës për tërheqjen e tri (3) projektligjeve nga shqyrtimi në Kuvend,
    23. Shqyrtimi i Projekt-Rezolutës për arratisjen e personave të dënuar – degradimi i institucioneve të sigurisë,
    24. Shqyrtimi i Raportit me rekomandime për mbikëqyrjen e zbatimit të Ligjit nr.05/L-090 për sponsorizime në fushën e kulturës, rinisë dhe sportit, i ndryshuar dhe plotësuar me Ligjin nr.06/L-116,
    25. Shqyrtimi i Propozim-rezolutës për vlerësimin e punës së Agjencisë për Informim dhe Privatësi për vitin 2022,
    26. Shqyrtimi i Raportit të Performancës së ndërmarrjeve publike për vitin 2022,
    27. Raportimi i Qeverisë së Republikës së Kosovës për progresin mbi zbatimin e Objektivave të Zhvillimit të Qëndrueshëm dhe reflektimin e Agjendës Transformuese të Kosovës në buxhet dhe politika qeveritare,
    28. Themelimi i Komisionit Ad-Hoc për përzgjedhjen e kandidatëve për dy (2) anëtarë të Bordit të Radiotelevizionit të Kosovës, prej tyre, një nga komuniteti shqiptar dhe një nga komuniteti serb.

    II. Pika e papërfunduar nga Seanca e Jashtëzakonshme, e mbajtur më 11.10.2024:

    1. Votimi i Projekt-Rezolutës nga Debati Parlamentar për komunikimet e kryetares së Grupit Parlamentar të Lëvizjes Vetëvendosje Mimoza Kusari – Lila me Milan Radojiçiç.

    III. Pika e papërfunduar nga Seanca e Jashtëzakonshme, e mbajtur më 14.10.2024:

    1. Votimi i Projekt-Rezolutës nga debati Parlamentar për mungesën e ushqimit në Ushtrinë e Republikës së Kosovës.

    IV. Vazhdimi i Seancës së Jashtëzakonshme, të filluar më 16.10.2024:

    1. Debat Parlamentar për procesin e përllogaritjes së borxheve të kompanive ambalazhuese të ujit, si dhe mënyrën dhe bazën e shlyerjes së borxheve nga Ministria e Mjedisit, Planifikimit Hapësinor dhe Infrastrukturë

    V. Pika e papërfunduar nga Seanca e Jashtëzakonshme, e mbajtur më 24.10.2024:

    1. Votimi i Projekt-Rezolutës nga debati parlamentar për skandalet dhe keq menaxhimi në Korporatën Energjetike të Kosovës.

  • Mjegull e vranësira, parashikimi i motit për të mërkurën

    Mjegull e vranësira, parashikimi i motit për të mërkurën

    Për të mërkurën parashikohet të mbajë mot kryesisht me diell gjatë ditës, ndërsa në orët e mëngjesit pritet të ketë mjegull e vranësira të ulëta nëpër lugina dhe ultësira.

    Era do fryjë kryesisht nga drejtimi i veriut me shpejtësi prej 6-30 km/h.

    Temperaturat minimale do të lëvizin prej 6 deri në 8°C, ndërsa ato maksimale prej 16 deri në 19°C. /MeteoKosova/

  • Lushtaku: Sektori publik nuk e ka pritur mirë rritjen të pagave, Qeveria ka luajtur me termin ‘rritje të koeficientit’

    Lushtaku: Sektori publik nuk e ka pritur mirë rritjen të pagave, Qeveria ka luajtur me termin ‘rritje të koeficientit’

    Deputeti i Kuvendit të Kosovës nga radhët e PDK-së, Mërgim Lushtaku, në emisionin COMPAS në ATV, duke komentuar rritjen e pagave nga Qeveria e Kosovës, tha se sektori publik nuk e ka pritur mirë këtë rritje të pagave.

    “Besoj se në fund të mandatit po shihet se kjo Qeveri është shumë e lodhur dhe njëkohësisht po dërgon dobësi edhe në arritjen e kërkesave që e kanë edhe sektori publik edhe privat dhe në këtë aspekt, ne i shohim edhe sindikatat, i shohim edhe sektorin publik në përgjithësi në të gjitha kategoritë, nuk e kanë pritë mirë këtë rritje të pagave nëse mund të quajmë rritje të pagave. Këta kanë luajtur me termin rritje të koeficionetit që pastaj mos me ra keq në publik, sidomos ndaj atyre që marrin paga në sektorin publik”, tha Lushtaku.

    Ai ka thënë se kjo vlerë e koeficientit nuk është një rritje e madhe në krahasim me rritjen e çmimeve në përditshmëri, që sipas tij, e ka varfëruar edhe Qeverinë Kurti. /atvlive.tv

    Më shumë detaje i gjeni në emisionin COMPAS në ATV, në videon më poshtë:

  • Tragjedia në Burgun e Hajvalisë në Prishtinë, gazetari zbulon detajet e fundit nga vendi i ngjarjes

    Tragjedia në Burgun e Hajvalisë në Prishtinë, gazetari zbulon detajet e fundit nga vendi i ngjarjes

    Brenda qelisë së tij në Burgun e Hajvalisë në Prishtinë, duke e përdorur jelekun e burgut, një person është vetëvrarë, raporton për emisionin COMPAS gazetari i ATV-së, Armand Hoti, direkt nga vendi i ngjarjes.

    Shërbimi Korrektues i Kosovës, tashme ka themeluar një komision hetimor që po mirret me rrethanat e zbardhjes së këtij rasti, ndërkaq nga komunikata nga SHKK ka lëshuar oficerët që gjendeshin aty brenda, kanë tentuar që ta dërgojnë atë në QKUK, por ai nuk arriti të mbërrij atje me shenja jete.

    “Ajo çka ne kemi kuptuar nga burimet tona, është se personi i cili ka bërë vetëvrasjen, është Aleks Gerbi, pra është po i njëjti person, i cili gjatë muajit shtator është kapur në një plantacion droge, ku Prokuroria Themelore e Pejës në bashkëpunim me Policinë kanë kapur rreth një ton drogë”, raporton gazetari Hoti.

    Më shumë detaje i gjeni në emisionin COMPAS në ATV, në videon më poshtë:

  • A ka dështuar vettingu në drejtesi? – Flet Albert Zogaj nga KGJK

    A ka dështuar vettingu në drejtesi? – Flet Albert Zogaj nga KGJK

    Kryesuesi i Këshillit Gjyqësor të Kosovës, Albert Zogaj, në emisionin CONTEXT në ATV, duke folur për idenë e vettingut, tha se pako e reformës që tashmë është e dakortësuar tanimë në mes të Qeverisë dhe Këshillit Gjyqësor dhe Këshillit Porkurorial, po edhe e Akademisë së Drejtësisë është një pako gjithëpërfshirëse që ka adresu të gjitha çështjet që kanë qenë objekt diskutimi për shumë çështje në sistemin e drejtësisë.

    “Është një pako që ka edhe vlerësimet e partnerëve ndërkombëtarë, por sigurisht ka edhe përspektivën e raportit të Venecias, vendimit të Gjykatës Kushtetuese dhe të vlerësimit që ne e kemi i bërë bashkë të gjitha institucionet. Është një pako që në momentin që miratohet, besoj se ka me e përmbyll për një kohë të gjatë çështjen e nevojës për reformë në sektorin e drejtësisë dhe sigurisht që ka me e hapë një pjesë të dytë për diskutimin e saj që është pjesa e insititucioneve dhe që besoj se kjo pako duhet të çmohet dhe vlerësohet nga të gjithë, për faktin që ka legjitimuar të gjitha institucionet dhe ka edhe zotime të institucioneve për zbatimin”, tha Zogaj.

    Ai tha se kjo pako e dakortësuar dhe që pritet miratimi, është që nuk varet më as nga KGJK dhe as nga Këshilli Prokurorial, por ekskluzivisht nga Qeveria.

  • Zogaj për rastin Sekiraqa: Në asnjë vend në botë, nuk mund të shkarkohet një gjyqtar nëse nuk ka marrë një vendim në kundërshtim me ligjin

    Zogaj për rastin Sekiraqa: Në asnjë vend në botë, nuk mund të shkarkohet një gjyqtar nëse nuk ka marrë një vendim në kundërshtim me ligjin

    Kryesuesi i Këshillit Gjyqësor të Kosovës, Albert Zogaj, në emisionin CONTEXT në ATV, i pyetur që nëse një gjyqtar që merr vendim për me e mabjtë të lirë Enver Sekiraqën apo një tejtër që shqipton 8 muaj burgim për dhunimin e një të miture, ai tha se në asnjë vend të botës, nuk shkarkohet një gjyqtar për një vendim në këtë mënyrë apo në një mënyrë tjetër, por thotë ai, nëse merr një vendim në kundërshtim me ligjin.

    “Secili gjyqtar që merr një vendim në kundërshtim me ligjin me qëllim me e ndihmu një palë, me e dëmtu një palë apo me përfitu për veti, kryen vepër penale. Pra, ne duhet me e provu në çdo rast kur kemi diskutim mbi një vendimmarrje se gjyqtari ka pasur një motivacion, me e dëmtu dikë, me e favorizu dikënd ose me përfitu për veti, pastaj ne nuk flasim për një standard të aplikimit të ligjit, por po flasim për një konsum të veprës penale nga ana e gjyqtarit, i cili automatikisht nënkupton që të suspendohet dhe kalon në një proces dhe shkarkohet. Për derisa, nuk mund të rrëzohet prezumimi i paanësisë së gjyqtarit në proces, pra për derisa ekziston prezumimi se ai ka qenë i paanshëm në proces, por mund të ketë pasë vlerësime të gabuara, absolutisht nuk mund të shikohet vendimmarrja”, tha Zogaj.