Gjykata Themelore në Prizren ka njoftuar se deri më tani ka pranuar katër kërkesa për caktimin e masës së paraburgimit ndaj 11 personave, pjesë e 109 të arrestuarve për manipulim të votave në Komunën e Prizrenit.
Zëdhënësi i Gjykatës Themelore të Prizrenit, Marcel Lekaj, tha se procesi vazhdon dhe janë ende në pritje të pranimit të kërkesave të tjera nga Prokuroria Themelore e Prizrenit.
“Ju njoftoj se deri në këto momente Gjykata Themelore në Prizren ka pranuar katër kërkesa për caktimin e masës së paraburgimit ndaj 11 personave, dhe në ora 14:00 është caktuar një seancë dëgjimore, ndërsa në ora 15:00 është caktuar seanca e radhës dhe jemi ende në pritje të pranimit të kërkesave nga Prokuroria Themelore në Prizren”, tha Lekaj.
Policia e Kosovës ka gjetur dhe sekuestruar një arsenal armësh dhe municioni në një shtëpi të braktisur në fshatin Joshevik, komuna e Zveçanit.
Sipas njoftimit të Policisë, më 24 janar 2026, rreth orës 09:20, pas pranimit të informatave përmes rrugëve operative, u zhvillua kontrolli i shtëpisë, ku u gjetën:
1 armë automatike AK-47
1 pushkë gjysmë automatike dy tytëshe
10 karikatorë të zbrazët
6 karikatorë të mbushur me nga 30 fishekë
84 copë fishekë për pushkë automatike
14 copë fishekë për pushkë gjysmë automatike
1 rrip për fishekë
2 granata dore M50
Pajisje për pastrimin e armëve
Lidhur me rastin, është njoftuar Prokurori i Shtetit, i cili ka udhëzuar inicimin e hetimeve për veprën penale “Mbajtje në pronësi, kontroll ose posedim të paautorizuar të armëve”.
Policia bën të ditur se deri në këtë fazë nuk ka persona të arrestuar në lidhje me rastin.
Në fund, Policia e Kosovës falënderon qytetarët për bashkëpunimin dhe ndihmën e vazhdueshme, duke inkurajuar që çdo rast të dyshimtë ose veprim të kundërligjshëm të raportohet në numrin emergjent 192 ose në stacionin më të afërt policor. “Vetëm përmes bashkëpunimit të ndërsjellë mund të sigurojmë një ambient më të sigurt për të gjithë qytetarët, pa dallim”, thuhet në njoftim.
109 persona janë ndaluar dje për rastin e manipulimit të rezultatit të zgjedhjeve të parakohshme të 28 dhjetorit në Prizren.
Seanca ndaj tyre do mbahet sot në ora 14:00.
Lajmin e ka konfirmuar për Insajderin avokati i njëri prej të dyshuarive, Blend Gjini.
Të dyshuarit po hetohen kryesisht për veprën penale “Falsifikim i rezultateve të votimit”, ndërsa një person është trajtuar edhe për “Kanosje”, vera të dyshuara të kryera në periudhën 29.12.2025 deri më 02.01.2026.
Aksioni është realizuar më 23.01.2026, nga Drejtoria për Hetimin e Krimeve Ekonomike dhe Korrupsionit (DHKEK), përkatësisht Njësia Rajonale në Prizren, me asistimin e njësive tjera policore, në bazë të autorizimit të Prokurorisë Themelore në Prizren.
Sindikata e Bashkuar e Arsimit, Shkencës dhe Kulturës (SBASHK) ka shprehur shqetësim se vonesat në konstituimin e institucioneve të reja, si pasojë e rinumërimit të votave, mund të çojnë në bllokada buxhetore dhe vonesa në pagesat e punëtorëve të sektorit publik, përfshirë mësimdhënësit, policët dhe administratën, raporton Ekonomia Online.
Kryetari i SBASHK-ut, Rrahman Jashari në një interivistë për Ekonomia Online, tha se vendimi për rinumërim mund të ndikojë drejtpërdrejt në shtyrjen e mëtejme të procesit zgjedhor, duke vonuar formimin e Kuvendit dhe Qeverisë së re, çka sipas tij rrezikon funksionimin normal financiar të shtetit dhe pagesat mujore për punëtorët.
“Kjo situatë që është krijuar është tepër e rëndë, nga se ne pritëm gati një vit që të formohen institucionet dhe pastaj shkuam më 28 dhjetor në zgjedhje, tash doli kjo sihariqi tjetër, dhe me siguri do të shtyhet formimi i institucioneve. Ka pyetje të arsyeshme të njerëzve, por madje edhe në arsim se çka nëse nuk bëhen pagat, nga se buxheti, gjegjësisht Ligji për buxhetin e vitit 2026 ende nuk është aprovuar dhe mund të paraqiten bllokada dhe probleme, sepse po shihet institucionet do të vonohen së themeluari, nga se po shkojmë në rinumërimin e votimeve të tërësishme që e kërkon një kohë dhe kjo nuk ka ndodhur ndoshta në këtë masë kaq të madhe në të kaluarën. Si do qoftë, edhe të mos kishte ndodhur ky rinumërim, jemi vonë nga se një vit e më shumë nuk kemi asnjë institucion. SBASHK edhe sindikatat e tjera janë në pritje, kanë pritur që të formohet edhe Këshilli Ekonomik Social. Pastaj kemi pritur që të jemi të pranishëm edhe në Këshillin Shtetëror të licencimit të mësimdhënësve dhe në komisionet e tjera për të dhënë kontributin tonë, mirëpo nuk ka ndodhur kjo me fajin e MASHT-it, po Këshilli Ekonomik Social me fajin e ministrit në detyrë Hekuran Murati, i cili me vite e ka penguar reformimin e këtij Këshilli”, tha ai.
Jashari shtoi se mungesa e dialogut institucional dhe pezullimi i proceseve ligjore po krijojnë pasiguri të madhe për punëtorët e arsimit dhe sektorëve të tjerë publikë.
“Mungon dialogu dhe këto pritje shtojnë numrin e ankesave dhe të kërkesave. Ne kemi pritur se Parlamenti i Kosovës do ta lexojë dhe do ta aprovojë edhe atë kërkesën tonë për ndryshime ligjore për skemat pensionale të financuara nga shteti, nga se padrejtësisht u është mohuar. Kjo skemë u ka mohuar të drejtën punëtorëve të arsimit që t’iu numërohen ato vite si kontributdhënëse dhe kemi pritur me padurim që Parlamenti do ta thotë fjalën e tij, por ja po shihet nuk ka Parlament, nuk ka Qeveri dhe gjërat po rrjedhin kështu. Uroj që të mos ndodh barrikadimi, gjegjësisht bllokimi i pagave, sepse mësimdhënësit e Kosovës, por jo vetëm këta, por edhe policët, edhe administrata dhe zjarrfikësit e të tjerë kryesisht janë në kredi dhe çdo vonesë edhe për kredi do të ketë probleme, por edhe jeta e tyre do të vështirësohej shumë, nga se një pjesë e tyre jetojnë pikërisht me pagën që e marrin”, tha ai.
Ai theksoi se prioriteti i një qeverie të re duhet të jetë rikthimi i dialogut me sindikatat dhe zgjidhja e çështjeve të hapura në arsim.
“Hapat e parë që duhet t’i bëjë (qeveria e re) për mësimdhënësit dhe për sindikatat e tjera është dialogu. Në kohën e qeverisë së kaluar, po them tani, Kurti nuk ka pasur fare dialog, urojmë që të vijë një qeveri e cila do t’i dëgjojë kërkesat e punëtorëve të arsimit dhe të tjerëve për t’u ulur dhe biseduar. Pika më e nxehtë te arsimi është mungesa për momentin e kontratës kolektive, nga se ministrja Nagavci i ka ikur detyrës që ka pasur për t’u ulur me ne për të formuar komision dhe për ta nënshkruar. Shteti ynë në vendet e rralla të botës që nuk ka as marrëveshje kolektive, që vlen për të gjithë, e nuk ka as kontrata kolektive. Asnjëherë nuk pyetëm as për Ligjin e pagave, në vend që të ngritet vlera e koeficientit është rritur vetë koeficienti dhe është krijuar një amulli”, tha ai.
Banorët nga Teksasi në juglindje po zbrazin raftet e dyqaneve nga nevojat themelore, duke e bërë gjithnjë e më të vështirë gjetjen e artikujve si vezët, buka dhe uji.
Në Xhorxhia, dyqanet ushqimore ishin të mbushura plot, ndërsa familjet, studentët e kolegjit dhe gjyshërit nxituan të përgatiteshin përpara stuhisë së akullit, raportoi CNN. Blerësit në disa zona prisnin në radhë, ndërsa blerës të tjerë përshkruan korridore të mbushura me njerëz dhe rafte bosh, ndërsa përpiqeshin të mblidhnin furnizime për t’i bërë ballë stuhisë.
“Po grumbullojmë gjithashtu makarona dhe gjëra të lehta që mund t’i bëjmë. Lloje të ndryshme buke, të cilat njerëzit mendojnë se duhet t’i blejnë por asnjë banane. Asnjë banane”, tha një blerës
Skena të ngjashme u zhvilluan në Virxhinia, ku blerësit që lëviznin nëpër dyqane gjetën rafte të zbrazëta dhe radhë të gjata në arkë.
“E di që njerëzit duan të jenë gati, por qetësohuni, nuk keni nevojë të blini të gjithë letrën higjienike në Virxhinia. Disa nga gjërat që doja të sigurohesha se i kisha, nuk i kam”, tha një tjetër.
Një banore e Dallasit i tha Associated Press se po grumbullonte pula, vezë dhe ushqim të përgatitur përpara stuhisë.
“Do të jetë një stuhi e madhe”, tha Maricela Resendiz për AP. Planet e saj janë të qëndrojë brenda, thjesht të mos ndërhyjë.
Kryeministri në detyrë, Albin Kurti, tha se komisionerët dhe individët që janë përfshirë në manipulim të votave duhet të dënohen.
Në reagimin e parë për këtë çështje, Kurti deklaroi se kjo u bë në “mënyrë klandestine” nga komisionerët brenda subjekteve politike.
“Komisionerë e individë që në mënyrë klandestine janë përfshirë në manipulime votash brenda subjekteve politike duke dëmtuar kolegë e subjekte politike nuk kanë amnisti. I inkurajojmë institucionet përgjegjëse që hetimet të shkojnë deri në fund”.
Ai tha se partia e tij, Lëvizja VETËVENDOSJE!, ka qenë “gjithnjë gardiane e ruajtjes së vullnetit politik të shprehur përmes votës në kuti të votimit dhe ashtu do të qëndrojë përherë”.
“Republika e Kosovës është shembull i demokracisë në rajon dhe i proceseve zgjedhore. Adresimi përmes ligjit dhe llogaridhënies për rastet e dyshimeve të manipulimeve brenda subjekteve politike, është i domosdoshem për integritetin e procesit. Vullneti i qytetarëve është i shenjtë, vota është e lirë, dhe kjo do të garantohet deri në fund. Dyshimet duhet të hetohen, manipuluesit duhet të ndëshkohen, këto raste nuk duhet të na shfaqen kurrë më në të ardhmen”.
Deklarata e Kurtit vjen pas aksionit të djeshëm të Prokurorisë e policisë në Prizren nga i cili 109 persona u ndaluan për falsifikim votash.
Kryeprokurori i Prizrenit, Petrit Kryeziu, dje në konferencën për media pas aksionit tha se ky manipulim votash nuk ka mundur të ndodhë pa ujdi mes partive të mëdha.
“Do të kishte qenë e pamundur që këto vota të ndryshoheshin nëse nuk do të kishte pasur kompromis nga komisionerët për ta bërë këtë nga të katër partitë më të mëdha”, tha Kryeziu.
Katër raste të “dhunës në familje” kanë ndodhur vetëm për 24-orë në Kosovë.
Sipas raportit të Policisë, në të gjitha rastet viktimat janë gra.
Dy raste kanë ndodhur në rajonin e Prishtinës, konkretisht në Obiliq dhe Lipjan, rasti i tretë në Istog, si dhe rasti tjetër në Gjakovë, bëhet e ditur nga Policia.
“Obiliq 23.01.2026-16:12.Është raportuar rasti ku të përfshirë janë viktima femër kosovare dhe bashkëshorti i saj i dyshuari mashkull kosovar me të cilin nuk jetojnë se bashku. Pas intervistimit, me vendim të prokurorit rasti shkon në procedurë të rregullt.
Lipjan 23.01.2026-19:30.Është raportuar se viktima femër kosovare, ka pësuar dhunë nga bashkëshorti i saj i dyshuari mashkull kosovar. Nuk raportohet për të lënduar, ndërsa pas intervistimit të palëve me vendim të prokurorit rasti shkon në procedurë të rregullt.
Istog 23.01.2026-19:00. Është arrestuar i dyshuari mashkull kosovar pasi që i njëjti pas një mosmarrëveshje ka sulmuar fizikisht bashkëshorten e tij. Në rast janë përfshirë edhe babai i viktimës dhe vajza e axhës së saj si e dyshuar. Pas intervistimit të palëve, me vendim të prokurorit të dyshuarit janë liruar dhe rasti shkon në procedurë të rregullt.
Gjakovë 23.01.2026-20:00. Është arrestuar i dyshuari mashkull kosovar pasi që i njëjti nën ndikim të alkoolit ka ofenduar dhe sulmuar bashkëshorten e tij. Viktima ka refuzuar tretmanin mjekësor ndërsa, me vendim të prokurorit i dyshuari dërgohet në mbajtje”, thuhet në raportin policor.
Një operacion i gjerë policor është zhvilluar në Prizren, ku janë ndaluar 109 persona nën dyshimin për manipulim gjatë numërimit të votave në Qendrën Komunale të Numërimit (QKN).
Të dyshuarit po hetohen kryesisht për veprën penale “Falsifikim i rezultateve të votimit”, ndërsa një person është trajtuar edhe për “Kanosje”, vera të dyshuara të kryera në periudhën 29.12.2025 deri më 02.01.2026.
Aksioni është realizuar më 23.01.2026, nga Drejtoria për Hetimin e Krimeve Ekonomike dhe Korrupsionit (DHKEK), përkatësisht Njësia Rajonale në Prizren, me asistimin e njësive tjera policore, në bazë të autorizimit të Prokurorisë Themelore në Prizren.
Sipas të dhënave, në kuadër të plan-operacionit “Manipulimi” janë angazhuar 103 hetues, 25 zyrtarë policorë të uniformuar dhe 6 operatorë të NJSO-së, ndërsa si prova janë sekuestruar 108 telefona mobil.
Pas intervistimit në prezencë të avokatëve, me vendim të prokurorit kompetent, të dyshuarit janë ndaluar për 48 orë, ndërsa hetimet janë në zhvillim dhe priten veprime të tjera.
Gazeta Sinjali ka raportuar për emrat e të ndaluarve:
Komuna e Prishtinës ka paralajmëruar për erë të fortë për të dielën krahas thirrjes për qytetarët që të kenë kujdes të shtuar.
“Bazuar në paralajmërimin e Institutit Hidrometeorologjik të Kosovës, nga mëngjesi i ditës së diel, 25 janar 2026, pritet të ketë erëra të intensitetit mesatar deri të fortë, të cilat do të jenë më të theksuara në zonat lindore dhe ato kodrinoro-malore”, thuhet në njoftimin e Drejtorisë për Siguri dhe Emergjenca të kryeqytetit.
Në këtë njoftim, qytetarët u udhëzuan që të sigurojnë objektet e lehta në ballkone, çati apo oborre dhe që të kenë kujdes kur lëvizin në zona me pemë të larta, tabela reklamuese apo objekte ndërtimore.
Njoftimi i Drejtorisë:
Shpejtësia e erës
• Zona kodrinoro-malore: 11–14 m/s (erë e fortë)
• Zona më të ulëta: 8–11 m/s (erë mesatarisht e fortë)
Sipas parashikimeve, erërat pritet të dobësohen nga mëngjesi i së hënës, 26 janar 2026.
Udhëzime dhe këshilla për qytetarët
Pa krijuar panik, ftojmë qytetarët të tregojnë kujdes të shtuar dhe përgatitje të thjeshtë, veçanërisht gjatë ditës së diel:
• Siguroni ose largoni objektet e lehta në ballkone, oborre apo çati (vazo, reklama, panele të përkohshme).
• Tregoni kujdes gjatë qarkullimit në zona me pemë të larta, tabela reklamuese apo objekte ndërtimore.
• Shmangni qëndrimin e panevojshëm në hapësira të hapura gjatë intervaleve me erë më të fortë.
• Drejtuesit e automjeteve, veçanërisht të mjeteve të larta, të lëvizin me kujdes të shtuar.
• Nëse vëreni rrezik potencial (degë të rëna, objekte të lëvizshme, dëmtime), njoftoni shërbimet kompetente Në raste emergjente, qytetarët mund të kontaktojnë numrat: 0800 122 44 ose 0800 122 33.
Drejtoria për Siguri dhe Emergjenca e Kryeqytetit do të jetë në gatishmëri të vazhdueshme dhe do të informojë qytetarët nëse ka zhvillime të reja.
Qëndroni të informuar, tregoni kujdes dhe bashkëpunim.
Rusia ndërmori një sulm masiv me dronë dhe raketa që synonte dy qytetet më të mëdha të Ukrainës, Kievin dhe Kharkivin, herët në mëngjes të së shtunës, ndërsa negociatorët amerikanë, ukrainas dhe rusë takoheshin në Emiratet e Bashkuara Arabe për ditën e dytë të bisedimeve trefaqëshe për paqen.
Me Kievin dhe qytete të tjera duke përjetuar ndërprerje të gjera të ngrohjes, ujit dhe energjisë pas sulmeve ruse mbi infrastrukturën energjetike, zyrtarët në Kiev thanë se një person kishte humbur jetën dhe të paktën 15 të tjerë ishin plagosur në sulmet që vazhduan deri në mëngjes.
Sulmet ruse, që ndodhën ndërsa po zhvilloheshin bisedimet e para trefaqëshe të luftës, vijnë paralelisht me insistimin e Rusisë se duhet të kontrollojë rajonin lindor të Donbasit në Ukrainë, duke vënë në dyshim seriozitetin e Moskës për paqe, raporton theguardian, transmeton Sinjali.
Kryebashkiaku i Kievit, Vitali Klitschko, tha: “Aktualisht, dihet se një person ka vdekur dhe katër janë plagosur,” shkroi ai në një postim në rrjetet sociale, duke shtuar se tre nga të plagosurit ishin shtruar në spital.
Zjarrëfikësit raportuan se zjarre shpërthyen në disa ndërtesa të goditura nga mbeturinat e dronëve, ndërsa shërbimet e ngrohjes dhe ujit në disa pjesë të kryeqytetit u ndërprenë.
Këto sulme vijnë në një kohë krize të përkeqësuar energjetike në mes të dimrit, e cila ka lënë shumë banorë të kryeqytetit pa ngrohje dhe energji për një periudhë të gjatë.
Të premten, Klitschko tha se rreth 1,940 ndërtesa banimi në kryeqytet mbetën pa ngrohje pas sulmeve të rinovuara, duke shtuar se “dhe kjo mund të mos jetë momenti më i vështirë ende”.
Sipas zyrës së Klitschkos, rreth 600,000 banorë kanë lënë qytetin përkohësisht gjatë krizës energjetike të janarit, e cila ka lënë blloqe të tëra të qytetit në errësirë.
Tymur Tkachenko, kreu i administratës ushtarake të Kievit, raportoi sulme në të paktën katër rrethe. Një objekt mjekësor ishte ndër ndërtesat e dëmtuara.
Kievi ka përjetuar tashmë dy sulme masive gjatë natës këtë vit, që kanë ndërprerë energjinë dhe ngrohjen për qindra ndërtesa banimi. Punonjësit e emergjencës ishin ende duke rikthyer shërbimet për banorët, ndërsa temperaturat gjatë natës ranë në –13°C.
Në Kharkiv, një objektiv i shpeshtë 30 km (18 milje) nga kufiri rus, kryebashkiaku Ihor Terekhov tha se 25 dronë goditën disa rrethe gjatë dy orëve e gjysmë, duke lënë të paktën 14 persona të plagosur.
Duke shkruar në Telegram, Terekhov tha se dronët kishin goditur një konvikt për të zhvendosurit, një spital dhe një maternitet.
Sulmet më të fundit ndodhën pas përfundimit të ditës së parë të bisedimeve për paqen mes negociatorëve nga Ukraina, Rusia dhe SHBA, të cilat synojnë gjetjen e një zgjidhjeje për luftën që ka nisur pothuajse katër vjet më parë.
