Category: Lajme

Kryetari i Prishtinës, Përparim Rama, së bashku me drejtoreshën e Bujqësisë dhe Zhvillimit Rural, Jeta Rafuna Hasani, morën pjesë në hapjen e “Tregut në Rrota”, një iniciativë që synon afrimin e prodhuesve vendorë me qytetarët dhe promovimin e produkteve lokale.

“Tregu në Rrota”, i organizuar nga PepeKo, është një treg lëvizës që krijon mundësi të reja për fermerët dhe prodhuesit vendas, duke u ofruar atyre hapësirë për të prezantuar produktet e tyre dhe për t’i sjellë ato më afër konsumatorëve.

Gjatë hapjes së këtij aktiviteti u theksua rëndësia e mbështetjes së prodhimit vendor dhe krijimit të mundësive të reja për zhvillimin e bujqësisë dhe ekonomisë lokale.

Qytetarët e Prishtinës do të kenë mundësi të kenë qasje më të lehtë në produkte të freskëta vendore, ndërsa fermerët dhe prodhuesit do të kenë një kanal shtesë për promovimin dhe shitjen e produkteve të tyre.

Përfaqësuesit e Kryeqytetit kanë përshëndetur këtë iniciativë, duke vlerësuar kontributin e saj në fuqizimin e prodhuesve lokalë dhe në promovimin e konsumit të produkteve vendore.

Një person është gjetur pajetë brenda mjetit të tij në lagjen nr. 10 të qytetit të Korçës.

Shtetasi është gjetur i djegur ndërsa dyshohet se ka kryer akt vetëvrasje.

Po ashtu, mendohet se ka lënë një letër lamtumire në banesë ndërsa ditën e djeshme ka përcjellë bashkëshorten drejt Greqisë, raporton a2cnn.

Policia në vendin e ngjarjes për zbardhjen e rrethanave të rastit.

Një aksident i rëndë trafiku ka ndodhur sot në Komoran, ku si pasojë një person ka humbur jetën, ndërsa tre të tjerë kanë mbetur të lënduar.

Në vendin e ngjarjes kanë dalë njësitet e Policisë së Kosovës, zjarrfikësit dhe ekipet emergjente, të cilat kanë intervenuar për t’u ofruar ndihmë të lënduarve dhe për të menaxhuar situatën.

Sipas informacioneve të para, viktima dhe personat e lënduar janë nga Prishtina.

Rrethanat që çuan te aksidenti ende nuk janë bërë të ditura, ndërsa policia ka nisur hetimet për të sqaruar shkaqet e kësaj ngjarjeje tragjike.

Sinjali mëson ekskluzivisht se viktima është R.R(24-vjeç).

Aksidenti raportohet se ka ndodhur rreth orës 05:30, kur një veturë me targa vendore, për rrethana që ende nuk janë sqaruar, dyshohet se ka shkaktuar vetaksident.

Me urdhër të Prokurorit kujdestar, rasti po hetohet nga njësia përkatëse e Hetimeve të Trafikut, ndërsa trupi i pajetë i viktimës është dërguar në Institutin e Mjekësisë Ligjore në Prishtinë për obduksion.

Instituti Evropian eksprerimental për Parashikimin e Stuhive Estofex i cili bën parashimet gati çdo ditore për territorin e tërë Evropes ka treguar për një atmosferë jashtëzakonisht jo-stabile që potencialisht mund të ndodhë edhe sot në Republikën e Kosovës.

ESTOFEX (European Storm Forecast Experiment) i harton parashikimet e motit të ashpër duke kombinuar ekspertizën njerëzore me modelet numerike të motit.

Përveç hartës, ata publikojnë edhe një diskutim meteorologjik, ku shpjegojnë arsyet pse kanë vendosur secilin nivel rreziku dhe cilat fenomene presin (breshër, erëra shkatërruese, tornado, reshje intensive, etj.), raporton Meteo Ballkan

Pra, Kosova sot me 21.07.2026 është vendosur në numrin 3 nivelin më të lartë të rrezikshmërisë që ndodhë jashtëzakonisht rrallë, prandaj rekomandohet kujdes i lartë sonte pasdite dhe në mbrëmje.

Me rrezikshmëri shumë të lartë është vendosur zona ajrore që nga një pjesë e Detit Adriatik në verilindje të Italisë, pastaj pjesa qendrore e Detit Adriatik, Dalmacia e Kroacisë, Mali i Zi, Jugu i Bosnjës dhe Hercegovinës veriu i Shqipërisë dhe Kosova.

Atmosfera sot në këto zona parashihet të jetë jashtëzakonisht jo-stabile me potencial të mundshëm për stuhi shumë të fuqishme, breshër masiv dhe me përmasa të mëdha, erëra shumë të fuqishme dhe mundësi edhe pët tornado. Pra, kemi të bëjmë me nivele shumë të larta të jo-stabiliteteve atmosferike.

Duhet potencuar: këto fenomene janë plotësisht normale gjatë stinës së verës, edhe pse janë të rralla në nivele kaq të larta janë plotësisht normale. Gati çdo verë përpos nxehtësisë ka edhe stuhi të fuqishme. Kjo ka ndodhur gjithmonë, ndodhë tani dhe do të ndodhë edhe në të ardhmen, prandaj duhet pasur kujdes deri të kalojnë dhe dëmtimet lokale nga këto stuhi janë të pashmangshme.

Sonte atmosfera do të jetë jashtëzakonisht e destabilizuar orëve të pasdites dhe mbrëmjes. Kjo nuk do të thotë që stuhitë dhe rreziku i madh do të ndodhin 100%, por ekziston potenciali në parametrat meteorologjik. Fenomenet e rrezikshme nëse ndodhin do të kenë karakter lokal, por sonte i vlen kujdesi i shtuar./MeteoBallkan

Drejtoria e Arsimit në Komunën e Prishtinës ka njoftuar se programi i mësimit të notit për nxënësit e shkollave publike ka zgjuar interesim të madh, me mbi 500 aplikime të regjistruara brenda më pak se 24 orëve nga hapja e thirrjes.

Sipas njoftimit, programi është planifikuar për 700 nxënës, ndërsa numri i lartë i aplikimeve në ditën e parë tregon interesimin e madh të prindërve dhe nevojën për iniciativa të tilla në arsimin publik.

Nga Drejtoria e Arsimit u vlerësua se ky interes dëshmon rëndësinë e programeve që u ofrojnë fëmijëve mundësi të reja për të mësuar, zhvilluar aftësi të reja dhe për të qenë më aktivë.

Nis projekti “Not për çdo nxënës”: Pishina e Gërmisë hap dyert falas për fëmijët e Prishtinës

Institucioni falënderoi prindërit për besimin dhe interesimin e treguar, duke theksuar se do të vazhdojë të investojë në programe që krijojnë më shumë mundësi për nxënësit e shkollave publike dhe kontribuojnë në zhvillimin e tyre.

Sipas Drejtorisë së Arsimit, ky program është vetëm fillimi i iniciativave të reja që synojnë përmirësimin e përvojës edukative dhe zhvillimore të nxënësve në kryeqytet.

Komuna e Pejës ka njoftuar për shpërndarjen e traktorëve për fermerët përfitues në kuadër të programit për mekanizimin bujqësor, i cili bashkëfinancohet nga komuna dhe vetë fermerët.

Sipas njoftimit, faza e parë e projektit u realizua këtë të martë, ku 19 fermerë morën traktorët e tyre në kuadër të Thirrjes Publike “Furnizim me mekanizëm bujqësor – Traktor”.

Në ceremoninë e dorëzimit morën pjesë kryetari i Komunës së Pejës, Gazmend Muhaxheri, dhe drejtori i Drejtorisë për Bujqësi, Pylltari dhe Hidroekonomi, Tahir Shala, të cilët uruan përfituesit dhe theksuan rëndësinë e investimeve në sektorin e bujqësisë.

Muhaxheri deklaroi se mekanizimi bujqësor mbetet një nga prioritetet e komunës, duke shtuar se investimet e tilla synojnë rritjen e prodhimit vendor, modernizimin e fermave dhe përmirësimin e kushteve të punës për fermerët.

Ndërsa, drejtori Shala tha se interesimi i fermerëve për këtë program ka qenë i madh, ndërsa vlerësoi se pajisja me mekanizëm modern do të ndikojë drejtpërdrejt në rritjen e produktivitetit dhe zhvillimin e ekonomive familjare në zonat rurale.

Sipas Komunës së Pejës, në total do të shpërndahen 65 traktorë për fermerët përfitues, ndërsa projekti pritet të përfundojë deri më 20 gusht.

Një grua kosovare është gjetur pa shenja jete në Prishtinë.

Sipas raportit të Policisë, rasti ka ndodhur më 20 korrik 2026, rreth orës 23:15, ku njësitë policore dhe ekipi mjekësor kanë dalë në vendin e ngjarjes dhe kanë konstatuar vdekjen e viktimës.

Me vendim të prokurorit, trupi i pajetë është dërguar në Institutin e Mjekësisë Ligjore (IML) për obduksion.

HETIM I VDEKJES Prishtinë / 20.07.2026-23:15. Lidhur me rastin njësitë policore dhe ekipi mjekësor kanë dalë vendin e ngjarjes ku edhe është konstatuar vdekja e viktimës femër kosovare. Me vendim të prokurorit, trupi i pajetë i viktimës është dërguar në IML për obduksion. Rasti duke u hetuar.
Rasti është duke u hetuar.