Category: Lajme

Izraeli është bashkuar zyrtarisht me Bordin e Paqes, nisma e presidentit amerikan Donald Trump për rindërtimin dhe qeverisjen e Gazës e jo vetëm.

Kryeministri izraelit Benjamin Netanyahu tha se nënshkroi pranimin e Izraelit në këtë mekanizëm ndërkombëtar gjatë një vizite në Uashington, ku u takua me kreun e shtëpisë së bardhë dhe sekretarin e shtetit MARCO Rubio.

Bordhi i Paqes është autorizuar me një rezolutë të Këshillit të Sigurimit në Kombet e Bashkuara që të krijojë një forcë ndërkombëtare stabilizimi në Gaza pas arritjes së armëpushimit vitin e kaluar.

Bordi do të mbajë takimin e tij të parë më 19 shkurt në Uashington për të diskutuar rindërtimin e Gazës. Pjesëmarrëse në këtë bord janë edhe Shqipëria e Kosova.

Faza tjetër e planit të Trump për Gazën kërkon zgjidhjen e çështjeve komplekse si çarmatimi i Hamasit, të cilin grupi e ka refuzuar prej kohësh, tërheqjen e mëtejshme të Izraelit nga Gaza dhe vendosjen e një force paqeruajtëse ndërkombëtare.

Ndërkohë takimi mes Trump dhe Netanyahu u përqendrua kryesisht te Irani, një tjetër çështje e nxehtë në Lindjen e Mesme.

Trump, tha se këmbënguli që bisedimet me Iranin të vazhdojnë gjatë takimit me kryeministrin izraelit, por paralajmëroi se mund të ndërmarrë veprime kundër Teheranit nëse nuk arrihet një marrëveshje bërthamore.

Ndërkohë një paralajmërim për Iranin e pati edhe Zëvendëspresidenti JD Vance, i cili tha se ekziston “një mundësi tjetër në tryezë” nëse Uashingtoni nuk arrin të arrijë një marrëveshje me Teheranin.

Vizita e Netanyahut shënon udhëtimin e tij të gjashtë në SHBA që nga rikthimi i Trump në detyrë më shumë se çdo udhëheqës tjetër botëror, shkruan Abcnews.al.

Të dy folën për gati tre orë në një takim jashtëzakonisht të qetë, në të cilin Netanyahu u fut nga një hyrje anësore, larg pamjes së kamerave.

Sot është dita e fundit absolute për dorëzimin e aplikimeve për legalizimin e objekteve në Preshevë. Institucionet kompetente kanë paralajmëruar se pas përfundimit të afatit nuk do të ketë shtyrje, raporton Presheva.al.

Sot është dita e fundit absolute për dorëzimin e aplikimeve për legalizimin e objekteve në Preshevë. Institucionet kompetente kanë paralajmëruar se pas përfundimit të afatit nuk do të ketë shtyrje.

Qytetarët që nuk veprojnë sot, do të humbasin të drejtën për legalizim sipas kushteve aktuale. Autoritetet bëjnë thirrje për përgjegjësi dhe veprim të menjëhershëm.

Policia e Kosovës, përmes Drejtoria për Bashkëpunim Ndërkombëtar Policor, në koordinim me institucionet e drejtësisë ka realizuar dy ekstradime ndërkombëtare.

• I pari u arrestua nga autoritetet gjermane, pasi që kërkohej nga Kosova për veprën penale “lëndim i rëndë trupor”. Pas ekstradimit, i dyshuari iu dorëzua njësive përkatëse të policisë për procedurat e mëtejshme ligjore.

• Sot, u realizua ekstradimi nga Kosova për në Gjermani i një shtetasi kosovar, i kërkuar nga Gjermania për përfshirje në veprat penale “vrasje në tentativë” dhe “grabitje”.

Të dy ekstradimet u realizuan në përputhje me ligjet në fuqi, marrëveshjet ndërkombëtare dhe bashkëpunimin e ngushtë midis institucioneve të Kosovës dhe Gjermanisë.

Kryeministri i Kosovës, Albin Kurti, gjatë mbledhjes së parë të Qeverisë së re, bëri të ditur se Projektligji për Buxhetin e vitit 2026 përfshin një ndryshim që dyfishon shtesën për përvojën e punës për punonjësit e sektorit publik.

Sipas këtij ndryshimi, shtesa rritet nga 0.25% në 0.50% për 15 vitet e para të përvojës.

Përveç kësaj, buxheti për vitin 2026 parashikon edhe paga e 13-të për punëtorët e sektorit publik, që do të paguhet sapo të hyjë në fuqi Ligji i Buxhetit.

Kryeministri Kurti shtoi se ky kabinet ka të gjitha parakushtet për të qenë më i suksesshmi në historinë e re të Kosovës dhe se pritjet e qytetarëve janë dëshmi e standardit të vendosur.

Ai po ashtu përmendi se Kuvendi i legjislaturës së 10-të do të ratifikojë marrëveshje ndërkombëtare të rëndësishme, përfshirë Planin e Rritjes së BE-së në vlerë prej 882.6 milionë euro dhe tri marrëveshjet me Bankën Botërore mbi 120 milionë euro.

Këshilli i Bashkimit Evropian ka vendosur të zgjatë mandatin e emisarit të tij për dialogun Beograd–Prishtinë, Peter Sorensen, për dy vjet, deri më 29 shkurt 2028.

Sorensen ishte emëruar për herë të parë në këtë pozitë në janar të vitit 2025. Ai vizitoi për herë të fundit Kosovën më 14 janar 2026, duke shprehur shpresën se ky vit do t’i sjellë Kosovës rezultate që viti 2025 nuk ia dha.

Gjatë vizitës, Sorensen uroi për Vitin e Ri dhe për zgjedhjet, duke theksuar pritjen që Kuvendi të konstituohet dhe Qeveria të formohet, gjë që sipas tij do të mundësojë përparim në dialogun ndërmjet Kosovës dhe Serbisë.

Në Peqin kanë mbërritur në orët e para të ditës së sotme 4 arkëmortet e familjes Kola.

Kryefamiljari Arti Kola, bashkëshortja e tij Jonida dhe dy fëmijët, Hajdari 22 vjeç dhe Xhesika 15 vjeçe, do të përcillen mesditën e sotme për në banesën e fundit në fshatin Gryksh i Madh të Peqinit, vendlindjen e tyre.

Qindra njerëz të pranishëm në përcjelljen e fundit të familjes Kola. Familjarët më të afërt, nëna e Arti Kolës dhe vëllai i tij e familjarë të tjerë do të presin ngushëllimet për vdekjen tragjike të 4 personave nga e njëjta familje.

Sipas hetimeve paraprake italiane, shkak i tragjedisë dyshohet të ketë qenë helmimi nga monoksidi i karbonit, i çliruar nga një kaldajë gazi e vendosur së fundmi në banesë. Trupat iu nënshtruan analizave toksikologjike nga autoritetet italiane përpara se të lejohej transporti drejt Shqipërisë.

Për të mbuluar shpenzimet e kthimit të familjes, vëllai i viktimës, Durim Kola, hapi një fushatë në platformën GoFundMe, e cila brenda pak ditësh siguroi mbi 75 mijë euro nga dhurues të shumtë

Kryeministri grek Kyriakos Mitsotakis nuk do t’i bashkohet Bordit të Paqes i Presidentit të SHBA-së Donald Trump, i cili do të mbajë seancën e parë më 19 shkurt në Uashington.

“Nuk është në axhendën e kryeministrit”, tha zëdhënësi i qeverisë Pavlos Marinakis në një konferencë për shtyp të enjten.

“Bordi” fillimisht u prezantua si një grup i vogël udhëheqësish që do të mbikëqyrnin posaçërisht armëpushimin në Gaza. Presidenti i SHBA-së më pas ftoi dhjetëra vende të merrnin pjesë dhe sugjeroi që organizata mund të fillonte të funksiononte si një organ më i gjerë për zgjidhjen e konflikteve.

Policia e Kosovës ka publikuar fotografinë e një personi të kërkuar për “Mashtrim”, “Falsifikim të dokumenteve” dhe “Legalizm i rremë”.

Policia e Kosovës kërkon nga qytetarët e Republikës së Kosovës që kushdo që ka informacion për vendndodhjen e personit të dyshuar në foton e bashkangjitur, të lajmërojë Policinë e Kosovës apo të lajmërohet në stacionin më të afërt policor. Numrat e telefonit dhe adresat elektronike kontaktuese për të kontaktuar Policinë e Kosovës:

– 192 dhe 080019999 (pa pagesë)

– 039 432 327-Drejtoria Rajonale Pejë

– E-mail adresa: [email protected]”

Gjykimi në rastin e krerëve të UÇK-së në Hagë është duke vazhduar.

Megjithatë, fjalët e gjata, duket se e kanë ‘molisur’ njërin prej gjyqtarëve.

Fjala është për Kristof Barthe, i cili është parë teksa ‘kotet’ pak.

Avokati i Kadri Veselit, Rodney Dixon tha se Gjykata Speciale duhet të ketë kujdes nga dëshmitë e dhëna nga Serbia.

Përveç kësaj, ai tha se mbështetja e autoriteteve ndaj kësaj gjykate duhet të merret parasysh, raporton “Betimi për Drejtësi“.

“Autoritetet serbe dhe mbështetja e tyre për këtë gjykatë po ashtu duhet të merren parasysh në veçanti kur flitet për qëllime forenzike për vlerësimin e provave që ata i kanë dhënë gjykatës”, tha Dixon.

Avokati Dixon tha se nuk është e ndershme në aspektin intelektual që të argumentosh që mund të anashkalosh politikat serbe.

“Sikurse e kam theksuar edhe më herët, në aspektin intelektual nuk është e ndershme që të argumentosh që mund të anashkalosh politikat serbe dhe dominim serb, ndërkohë që vlerësohet nëse UÇK-ja ka pasur në thelb të njëjtën politikë dhe në të njëjtën kohë të thuash se ka shkuar në drejtim tjetër”, tha ai.

Avokati shtoi se Serbia ka kryer aparteid në Kosovë ngjashëm si në Afrikën e Jugut. Por, dallimi sipas Dixon është që Serbia u mundua të gjykojë ata që kishin vuajtur nën sistemin e tyre, ndërsa në Afrikën e Jugut, ekzekutorët kishin pranuar fajin.

Përpara kësaj, Dixon tha se Dhomat e Specializuara të Kosovës (DHSK) në Hagë janë të rëndësishme për Kosovën në aspekt të sundimit të ligjit.

“Rëndësia e DhSK-së për Kosovën është absolutisht e rëndësishme për sundimin e ligjit dhe për pajtime të ardhshme, edhe për një vend të tillë të botës që nuk është në qendër të vëmendjes së botës apo që nuk tërheq vëmendje kryesore në titujt e gazetave ose të lajmeve kryesore, përsëri është e rëndësishme që të merret parasysh e gjithë mbështetja e vendit për këtë gjykatë”, tha ai.

Në deklaratën e tij përmbyllëse, avokati Rodney Dixon i cili përfaqëson Kadri Veselin, deklaroi se nuk mund të injorohet ajo se çfarë ka bërë Serbia në Kosovë dhe se ata nuk kanë qenë thjesht “dele që kalonin gjatë natës”.

“Ju nuk mund të injoroni atë e çfarë ka bërë Serbia sikur Serbia të ishin thjesht dele që kalonin gjatë natës”, tha Dixon, raporton “Betimi për Drejtësi“.

Ai tha se në Kosovë ka pasur aparteid ngjashëm qysh si ndodhur në Afrikën e Jugut. Por, për dallim të fundit kishin kërkuar falje ndaj viktimave, ndërsa Serbia ka akuzuar persona që kanë vuajtur nën sistemin e tyre.

“(Ata në Afrikën e Jugut) kërkuan ndjesë për atë se çfarë kishin bërë. Në Kosovë, arkitektët serbë dhe ekzekutuesit e bënë të kundërtën. Ata akuzuan persona që kanë vuajtur në atë sistem dhe kërkuan që ata që kanë vuajtur të gjykoheshin dhe në fakt jo vetëm kaq por dhanë prova që kjo të bëhej për t’iu thënë ndërkombëtarëve që ‘ju kemi thënë se këta të UÇK-së janë rrugaçë e janë të pabindur. Ne kemi pasur të drejtë për atë se çfarë kemi bërë në Kosovë”, tha Dixon.

Përpara kësaj, Dixon tha se angazhimi i Kosovës ndaj drejtësisë duhet të përgëzohet.

“Ngjarjet që mbulon kjo çështje gjyqësore kanë ndodhur 25 vite më përpara ndërkohë që procesi gjyqësor nuk është se ndiqet shumë jashtë Kosovës. Megjithatë, në një peizash ndërkombëtar që përfshinë shtete që atashohen me gjykatat ndërkombëtare dhe është e rëndësishme që të theksohet se Kosova ka dhënë mbështetjen e plotë. Kështu që për këtë arsye angazhimi i Kosovës ndaj drejtësisë duhet të përgëzohet dhe duhet të jepet roli që meriton në shtete dhe në kombe të ndryshme në botë dhe duhet të sigurohet respektimi i sundimit të ligjit”, tha ai.

Avokati i Kadri Veselit, Rodney Dixon, gjatë elaborimit të fjalës përfundimtare para trupit gjykues në Hagë, të enjten, tha se fjalët e ministrit kryesor të mbretit Luigj XIII mbesin shqetësuese edhe pse u thanë që në vitin 1620.

Ai tha se ky ministër kishte thënë se po t’i jepen gjashtë rreshta të shkruara nga dora e njeriut të ndershëm, përsëri do të gjendej diçka për të çuar në varje, raporton “Betimi për Drejtësi“.

“Ministri kryesor i mbretit Luigj XIII nga viti 1620, fjalët e tij mbesin shqetësuese siç kanë qenë edhe atëherë dhe po citoj: po të më japësh gjashtë rreshta të shkruara nga dora e njeriut më të ndershëm unë përsëri do të gjej diçka për të cilën do ta çojë në varje”, tha ai.

Përpara kësaj, Dixon tha se Prokuroria po bën “akrobaci” në argumentet e saj në rastet kur nuk ka prova ndaj Veselit.

“Fatkeqësisht, Prokuroria bën akrobaci në argumentet e saj në rastet kur nuk ka prova kundër klientit tim dhe është pikërisht kjo që në fakt të shqetëson tej mase. Kjo është në kundërshtim me traditat krenare të gjykatave të shkuara dhe të tanishme”, deklaroi Dixon.

Ai shtoi se klienti i tij mund të ndihet në ankth gjatë kohës sa po qëndron në burg.

“Mund ta imagjinoni se si ndihet klienti im në burg- plot ankth në një çështje e cila të mund të perceptohet e vërtetë vetëm se argumenti është vendosur këtu”, u shpreh ai.

Rrjedhimisht, avokati tha se kjo çështje ka në nocion shfrytëzimin e copëzave të informacionit, thashethemeve, spekulime e propaganda.

“Në Amerikë është që një prokuror mund të ngrejë një çështje edhe kundër një sandviçi me proshutë dhe ky rrezik ekziston gjithë kohën në kushtet e një lufte guerilese, nuk nuk ka procesverbale të rregullta por copëza letrash, kur niveli i propagandës dhe mburrja është e nivelit të lartë”, tha ai ndër tjerash.