Category: Lajme

Në qytetin Skrbusha afër Kolashinit, dje rreth orës 16:30, ndodhi një aksident trafiku që përfshinte një automjet zyrtar Mercedes, automjetin e parë në eskortën e personit të mbrojtur dhe një automjet pasagjerësh BMW të drejtuar nga shtetasi ukrainas V.S. (21), raporton RTCG.

Në aksident u plagosën tre oficerë policie, njëri prej të cilëve pësoi lëndime të rënda trupore.

“Pas përfundimit të hetimit dhe marrjes së masave dhe veprimeve të përcaktuara me ligj, me urdhër të prokurorit të shtetit në Prokurorinë Themelore të Shtetit në Kolashin, shtetasi ukrainas V.S. u privua nga liria me dyshimin për kryerjen e një vepre penale të veprave të rënda kundër sigurisë së transportit publik (neni 348, paragrafi 3 i Kodit Penal)”, njoftoi dje Drejtoria e Policisë.

Policia deklaroi se i dyshuari do të çohet në Prokurorinë Themelore të Shtetit në Kolashin për juridiksion dhe veprime të mëtejshme, dhe se trafiku në atë pjesë të rrugës është rivendosur.

Dy incidente të tjera që përfshijnë automjetet që shoqëronin Kryeministrin Milojko Spajiq janë regjistruar më parë, raporton Danas.rs.

I pari ndodhi më 24 mars 2025 në Podgoricë, ku përfshihej një automjet që i përkiste firmës ligjore të avokates Ana Xhukanoviq dhe një automjet që shoqëronte Kryeministrin, duke shkaktuar dëme materiale.

Policia informoi prokurorinë për incidentin. Çështja përfundoi para një gjyqtari për kundërvajtje.

Incidenti i dytë ndodhi kur ish-Ministri i Bujqësisë dhe ish-deputeti nga Partia Demokratike e Socialistëve Petar Ivanoviq preu një konvoj automjetesh që shoqëronin Kryeministrin, pas së cilës ai ndoqi konvojin deri në ndërtesën e Qeverisë së Malit të Zi.

Për shkak të këtij incidenti, Ivanoviç u nxor edhe para një gjyqtari të Gjykatës së Kundërvajtjeve. Megjithatë, Ivanoviç u lirua nga akuzat para Gjykatës së Kundërvajtjeve në Podgoricë se kishte bllokuar rrugën e automjeteve që shoqëronin kryeministrin Milojko Spajiç dhe se kishte fyer oficerët e policisë që shoqëronin kryeministrin.

Kancelari i Gjermanisë, Friedrich Merz, ka uruar kryeministrin e Kosovës, Albin Kurti, për rizgjedhjen e tij në krye të Qeverisë së Republikës së Kosovës.

Përmes letrës, Merz shprehet se mezi pret të punojë me Kurtin, për të thelluar më tej marrëdhëniet e ngushta midis dy shteteve.

“Ju përgëzoj ngrohtësisht për rizgjedhjen tuaj. Pres me padurim të punoj me ju për të thelluar më tej marrëdhëniet e ngushta dhe miqësore midis vendeve tona”, thotë Merz, sipas njoftimit të lëshuar nga Qeveria gjermane.

Ndër të tjera, kancelari gjerman kërkon nga kryeministri të marrë vendimet e duhura dhe të nevojshme për integritetin e vazhdueshëm euroatlantik. Po ashtu, ai ka përmendur edhe dialogun me Serbinë.

“Ju dhe qeveria juaj përballeni me detyra sfiduese. Jam i bindur se, me përvojën tuaj, do të merrni vendimet e duhura dhe të nevojshme për integrimin e vazhdueshëm euroatlantik të Kosovës. Kjo përfshin përparim të mëtejshëm në dialogun e normalizimit me Serbinë, të ndërmjetësuar nga BE-ja”.

“Ju lutem të jeni të sigurt se Kosova ka një partner të fortë dhe të besueshëm në Gjermani në këto përpjekje. Ju uroj fat të mbarë dhe sukses në mandatin tuaj të vazhdueshëm”,thuhet në telegramin e urimit të kancelarit të Gjermanisë”, ka thënë Merz.

Një nënë dhe dy fëmijët e saj në New Jersey shpëtuan mrekullisht pasi u përplasën nga një makinë ndërsa po dilnin nga kopshti.

Një video e publikuar nga kamerat e sigurisë së kopshtit tregon momentin kur Patrice Pisani del nga dera e kopshtit së bashku me dy djemtë e saj. Papritmas, një makinë me shpejtësi të lartë u afrua drejt tyre, ndërsa nëna tentoi të tërhiqte fëmijët.

Ajo arriti të nxirrte njërin nga djemtë nga rruga disa sekonda para se makina të godiste një shtyllë. Më pas makina goditi nënën dhe fëmijën më të madh në pjesën e pasme, duke bërë që të binin në tokë.

Si pasojë, djali më i vogël pësoi djegie në këmbë, nëna u godit në shpinë dhe qafë, ndërsa djali më i madh pësoi lëndime të lehta.

Shoferja 68-vjeçare, Angela Arrigo, u arrestua dhe akuzohet për drejtim mjeti nën ndikimin e alkoolit dhe rrezikim të mirëqenies së një fëmije.

NEW: Drunk driver slams into the front of a preschool in Freehold Township, New Jersey, hits a mother and her children.

68-year-old Angela Arrigo, who was reportedly picking up a child, was arrested and charged with driving while intoxicated.

The back of the car was seen… pic.twitter.com/DAlMpqeMlk

— Collin Rugg (@CollinRugg) February 18, 2026

Në një mbledhje të fundit, Komisioni për Çështje të Sigurisë dhe Mbrojtjes ka miratuar pikat e rendit të ditës, ku ndër të tjera ishte edhe Projektligji për buxhetin e vitit 2026, Ekonomia Online.

Gjatë mbledhjes, anëtarët e komisionit konfirmuan përbërjen e tij dhe përcaktuan fushëveprimin e veprimtarive që do të mbulohen nga ky projektligj. Ky vendim hap rrugën për procedurat e mëtejshme ligjore lidhur me miratimin përfundimtar të buxhetit.

Policia në Prizren, ka njoftuar se duke vepruar sipas një plani taktik-operativ, pa ndërprerë kanë kërkuar personin e shpallur në kërkim sipas tri urdhërarresteve, i dënuari me inicialet A. Q., mashkull nga Prizreni, është vetëdorëzuar në Qendrën e Paraburgimit.

I njëjti, sipas Policisë ka qenë në kërkim me tri urdhëresa dhe ishte i dënuar gjithsej me 3 vjet e 110 ditë burg efektiv, me vendim të plotfuqishëm të Gjykatës Themelore të Prizrenit.

“I arrestuari është dënuar me 3 vjet e 110 ditë burg, në tri raste të ndryshme, për veprën penale ‘blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge’, sipas nenit 267, paragrafi 2 i KPRK-së”, thotë PK.

Kryetari i Partisë Demokratike të Kosovës, Bedri Hamza, priti në takim Ambasadorin e Austrisë në Kosovë, Georg Schnetzer.

Gjatë takimit, Hamza shprehu mirënjohje për përkrahjen e vazhdueshme që Austria i ka dhënë Kosovës ndër vite, si në aspektin politik, ashtu edhe në atë ekonomik, duke e vlerësuar rolin e saj si një partner i rëndësishëm në proceset shtetformuese dhe zhvillimore të vendit.

Duke folur për zhvillimet aktuale politike, Hamza theksoi se mbetet për t’u parë qasja e partive të tjera në fazën e ardhshme, duke shtuar se stabiliteti institucional dhe bashkëpunimi janë thelbësore për tejkalimin e sfidave politike.

Deputeti i Aleancës për Ardhmërinë e Kosovës, Daut Haradinaj, i ftuar mbrëmë në Pressing në T7, ka folur për çështjen e zgjedhjes së presidentit të ri, dhe idesë së kësaj partie, që Ramush Haradinaj, të jetë kryetari i ardhshëm i shtetit

Së pari, Haradinaj, vlerësoi kushdo që rrin në sallën e Kuvendit gjatë procesit të zgjedhjes së presidentit të ri, pa një marrëveshje politike, është i ‘’shitun’’.

‘’Kushdo që rrin në sallë është i shitun, është direkt i shitun. Pa një marrëveshje politike, kushdo që rrin në sallë s’ka bë kalkulime politike, por individuale’’, ka thënë ai.

Deputeti i AAK’së, theksoi edhe se, për momentin s’ka ‘’diskutim të kësaj forme’’ as me Partinë Demokratike të Kosovës, e as me Lidhjen Demokratike.

‘’Nuk jam prej atyne që veshna e shkoj në kuvend pse ka thanë qeshtu ai, e kështu qaj, me asnjë çmim, do më thënë këto forma të punës të paktën të unë nuk funksionojnë. Nuk ka asnjë diskutim të kësaj forme, qoftë me LDK apo edhe me PDK’’, ka deklaruar ai.

Sa i përket kandidaturës së Ramushit, Dauti, deklaroi se kryetari i AAK’së është ‘’ofruar si mundësi’’ nëse duan të bëjnë zgjidhje, dhe se, ata kanë synuar t’i bëjnë 30 nënshkrimet që të ‘’jemi kundërkandidat’’.

‘’Ne kemi synu t’i marrim nënshkrimet, t’i bëjmë 30 nënshkrime dhe të jemi kundërkandidat. Në atë fazë jemi për momentin, shpresojmë të gjejmë mirëkuptimin. Nëse viktimizohet dikush, atëherë Ramushi është shprehë i gatshëm. Nëse mazhoranca ekziston në VV, plus komunitetet e zgjedhim Vjosën, ne s’kemi, se s’jemi tu i bë naj nder Ramushit, por nëse dojm më bë naj zgjidhje ja’u kemi ofru një mundësi. E para, nuk i bëjmë numrat veç na me LDK, matematikë është 30 nënshkrime plus.’’, ka deklaruar Haradinaj.

Policia ka arrestuar vëllain e Mbretit tw Mbretwrisë së Bashkuar, Andrew Mountbatten-Windsor.

BBC mëson se Andrew Mountbatten-Windsor është arrestuar nën dyshimin për sjellje të keqe në detyrën publike.

Andrew, i cili mbushi 66 vjeç sot, u ndalua në Sandringham Estate në Norfolk të enjten, tha Policia e Thames Valley.

Ai është nën shqyrtim të ri pasi pjesa e fundit e materialeve të publikuara nga të ashtuquajturat dosje Epstein hodhi dritë të mëtejshme mbi marrëdhënien e tij me pedofilin e ndjerë.

Sir Keir Starmer u bë figura e fundit e profilit të lartë që ushtroi më shumë presion mbi Andrew të enjten, ndërsa iu bashkua thirrjeve që ai të dëshmonte zyrtarisht për lidhjet e tij.

Duke folur për BBC Breakfast, kryeministri këmbënguli se “askush nuk është mbi ligjin” dhe tha: “Kushdo që ka ndonjë informacion duhet të dëshmojë.

“Pra, qoftë Andrew apo dikush tjetër, kushdo që ka informacion përkatës duhet të paraqitet para organit përkatës, në këtë rast të veçantë po flasim për Epstein, por ka shumë raste të tjera.”