Category: Lajme

Gjatë ditës së sotme Policia e Kosovës, përkatësisht Drejtoria për Bashkëpunim Ndërkombëtar Policor, në koordinim dhe në bashkëpunim me njësitet tjera relevante të Policisë së Kosovës dhe institucionet e drejtësisë, më 20.02.2026, ka bërë ekstradimin e shtetasit maqedonas O. B. nga Kosova për në Maqedoninë e Veriut.

Sipas njoftimit nga policia i dyshuarit ishte arrestuar nga autoritetet e Kosovës, pasi që ai kërkohej përmes INTERPOL-it me urdhërarrest ndërkombëtar, të lëshuar nga autoritetet maqedonase, për veprat penale “prodhimi i paautorizuar dhe lëshimi në qarkullim i substancave narkotike” dhe se ai i ishte shmangur drejtësisë.

Ekstradimi u realizua falë bashkëpunimit ndërmjet institucioneve të Kosovës dhe Maqedonisë së Veriut.

Po ashtu është bërë e ditur se Drejtoria për Bashkëpunim Ndërkombëtar Policor, do të vazhdojë me shkëmbimin e informacioneve me institucionet vendore, shtetet dhe organizatat ndërkombëtare, me qëllim të parandalimit, hetimit dhe zbulimit të aktiviteteve kriminale që ndërlidhen me hetimin e kryesve të veprave penale, si dhe aktivitete tjera në gjurmimin, kapjen-arrestimin e personave dhe grupeve kriminale që veprojnë brenda dhe jashtë vendit.

Policia e Kosovës tha se me njësitë e veta dhe në bashkëpunim me institucionet e drejtësisë sot ka bërë ekstradimin e shtetasit maqedonas O. B. nga Kosova për në Maqedoninë e Veriut.

I dyshuarit ishte arrestuar nga autoritetet e Kosovës, pasi që i njëjti kërkohej përmes INTERPOL-it me urdhërarrest ndërkombëtar, të lëshuar nga autoritetet maqedonase, për veprat penale ‘prodhimi i paautorizuar dhe lëshimi në qarkullim i substancave narkotike’ dhe se i njëjti i ishte shmangur drejtësisë.

Ekstradimi u realizua falë bashkëpunimit ndërmjet institucioneve të Kosovës dhe Maqedonisë së Veriut, tha Policia e Kosovës.

Drejtoria për Bashkëpunim Ndërkombëtar Policor tha se do të vazhdojë me “shkëmbimin e informacioneve me institucionet vendore, shtetet dhe organizatat ndërkombëtare, me qëllim të parandalimit, hetimit dhe zbulimit të aktiviteteve kriminale që ndërlidhen me hetimin e kryesve të veprave penale, si dhe aktivitete tjera në gjurmimin, kapjen-arrestimin e personave dhe grupeve kriminale që veprojnë brenda dhe jashtë vendit”.

Ushtria amerikane po stacionon një gamë të gjerë forcash në Lindjen e Mesme, duke përfshirë dy transportues aeroplanësh, aeroplanë luftarakë dhe anije cisternash furnizimi me karburant, me presidentin Donald Trump që tha se Irani ka 10 deri në 15 ditë kohë për të arritur një marrëveshje mbi programin e tij bërthamor.

“Ose do të arrijmë një marrëveshje, ose do të jetë keq për ta”, u tha Trump gazetarëve të enjten në bordin e Air Force One.

Lidhur me një afat, Trump tha se mendonte se 10 deri në 15 ditë ishte pothuajse “maksimumi” që ai do të lejonte që negociatat të vazhdonin.

Vendosja e trupave është ndryshe nga çdo gjë që SHBA-të kanë bërë që nga viti 2003, kur grumbulluan forca para pushtimit të Irakut.

Kjo e tejkalon grumbullimin ushtarak që Trump urdhëroi në brigjet e Venezuelës në javët para se të rrëzonte presidentin Nicolas Maduro, shkruan Bloomberg.

Teksa SHBA-të nuk ka gjasa të dërgojnë trupa tokësore, ky grumbullim sugjeron se Trump po i jep vetes diskrecion për të nisur një fushatë të qëndrueshme që zgjat shumë ditë, në bashkëpunim me Izraelin.

Ndërsa diskutimet janë përqendruar në një fushatë të qëndrueshme shumë më gjithëpërfshirëse sesa sulmet e natës që SHBA-të nisën kundër programit bërthamor të Iranit qershorin e kaluar, presidenti po shqyrton gjithashtu një sulm të kufizuar të hershëm të projektuar për ta shtyrë Teheranin në tryezën e negociatave, raportoi Wall Street Journal.

“Ndoshta do të bëjmë një marrëveshje. Do ta zbuloni gjatë ndoshta 10 ditëve të ardhshme”, tha Trump në një fjalim të enjten në mëngjes.

Shqetësimet e shtuara gjeopolitike mbi tensionet SHBA-Iran bënë që aksionet të uleshin dhe të zgjerohej një rritje e çmimit të naftës, me çmimin e papërpunuar Brent, çmimi referues global, që u rrit mbi 71 dollarë për fuçi të enjten.

Pyetja e hapur është nëse Irani mund t’i plotësojë kërkesat e Trumpit dhe nëse, duke pozicionuar kaq shumë pajisje ushtarake në rajon, Trump mund të ndihet i detyruar ta përdorë atë në vend që të tërhiqet.

Të dhënat e faqes së ndjekjes FlightRadar24 tregojnë një rritje të aktivitetit të fluturimeve nga transporti ushtarak amerikan, anijet cisternë ajrore, aeroplanëtmbikëqyrës dhe dronët në bazat në Katar, Jordani, Kretë dhe Spanjë.

Aeroplanët, transponderët e të cilëve i bëjnë të dukshëm mbi tokë deri në vendin e ndjekjes, përfshijnë furnizues ajër-ajër KC-46 dhe KC-135 dhe aeroplanë mallrash C-130J që përdoren për të lëvizur trupa dhe pajisje të rënda.

Gjithashtu përfshihen aeroplanë luftarakë E-3 Sentry të pajisur me radar të sistemit të paralajmërimit dhe kontrollit ajror, të cilët ofrojnë “mbikëqyrje në të gjitha lartësitë dhe në të gjitha kushtet e motit” të zonave të mundshme të betejës, si dhe dronë mbikëqyrës RQ-4 Global Hawk.

Mijëra ushtarë amerikanë në rajon janë gjithashtu brenda rrezes së veprimit të raketave balistike iraniane, dhe zyrtarët e regjimit janë zotuar të përgjigjen me forcë të plotë ndaj një sulmi amerikan.

Dhjetëra mijëra palestinezë falën xhumanë e parë të Ramazanit në xhaminë Al-Aksa në Kudsin Lindor.

Ata shkuan në xhami duke kaluar nëpër pikat e kontrollit nën kufizimet izraelite.

Policia izraelite njoftoi se kishte vendosur më shumë se 3.000 oficerë policie rreth Qytetit të Vjetër në Kudsin Lindor të pushtuar, ku ndodhet xhamia Al-Aksa.

Barrikada u ngritën gjithashtu në Qytetin e Vjetër, duke mbyllur disa rrugë.

Policia izraelite u pa duke kryer kontrolle identiteti për disa palestinezë dhe duke penguar të tjerët të hynin në Al-Aksa.

Helikopterët e policisë izraelite fluturuan vazhdimisht mbi zonë që nga orët e mëngjesit.

Administrata e Tel Avivit, ashtu si në vitet e fundit, ka vendosur kufizime në udhëtimin nga Bregu Perëndimor i pushtuar në Kuds për namazin e xhumasë.

Numri i palestinezëve të lejuar të hyjnë në Kuds nga Bregu Perëndimor është i kufizuar në 10 mijë, me vetëm burra mbi 55-vjeç, gra mbi 50-vjeç dhe fëmijë nën 12-vjeç të shoqëruar nga anëtarë të ngushtë të familjes të lejuar të kalojnë, me kusht që të kenë leje paraprake.

Izraeli ua ka vështirësuar palestinezëve lutjen në xhaminë Al-Aksa gjatë viteve të fundit përmes kufizimeve të ngjashme. /AA/

Në periudhën 08–13 shkurt 2026, në kuadër të Klinikës së Pediatrisë në Qendrën Klinike Universitare të Kosovës (QKUK), është realizuar me sukses misioni i radhës për diagnostikimin dhe trajtimin e fëmijëve me sëmundje të lindura të zemrës.

Ky mision është zhvilluar me përkrahjen e Muntada Aid-it nga Londra, në bashkëpunim të ngushtë me mjekë specialistë nga Turqia dhe me stafin profesional të Klinikës së Anesteziologjisë, Klinikës së Kardiokirurgjisë, Kardiologjisë Adulte, Klinikës së Kirurgjisë së Fëmijëve, Shërbimit të Transfuzionit dhe Shërbimit të Biokimisë në QKUK, duke dëshmuar rëndësinë e partneriteteve ndërkombëtare në avancimin e shërbimeve shëndetësore në Kosovë.

Sherbimi Spitalor Klinik dhe Universitar i Kosovës njofton se gjatë këtij misioni është realizuar skriningu i 92 fëmijëve me anomali kongjenitale të zemrës (AKZ), përfshirë dy ekzaminime prenatale. Nga ky numër, 35 fëmijë janë trajtuar përmes ndërhyrjeve përkatëse kardiologjike dhe kardiokirurgjikale. Në total janë kryer 26 intervenime kardiologjike dhe 9 intervenime kardiokirurgjikale.

Në fushën e kardiologjisë intervenuese janë trajtuar këto patologji: Ductus arteriosus persistens (DAP) – 2 raste; defekti septal ventrikular (VSD) – 7 raste; koarktacioni i aortës (CoAo) – 2 raste; defekti septal atrial, tipi II (ASD II) – 8 raste; stenoza e arteries pulmonare – 3 raste; si dhe janë realizuar 4 kateterizime diagnostikuese.

Në kuadër të Kardiokirurgjisë Pediatrike janë realizuar ndërhyrje komplekse, përfshirë: rekonstruksionin e traktit dalës të ventrikulit të djathtë (RVOT) pas Tetralogjisë së Fallot-it, me implantim të valvulës biologjike të arteries pulmonare – procedurë e realizuar për herë të parë në Kosovë; trajtimin e unazës vaskulare aortike (Aortic ring), po ashtu për herë të parë në vend; trajtimin e atrezisë pulmonare; realizimin e procedurës Glenn (anastomozë kavopulmonare superiore), për herë të parë në Kosovë; korrigjimin e defektit septal atrial, tipi II; trajtimin e ndërprerjes së harkut të aortës (interrupted aortic arch); si dhe korrigjimin e defektit septal ventrikular.

Aktualisht, në klinikë janë duke u trajtuar tre fëmijë pas ndërhyrjeve kardiokirurgjikale, ndërsa të gjithë pacientët e tjerë janë liruar në gjendje të mirë postoperatore, për trajtim të mëtejmë në kushte shtëpie. Të gjithë pacientët kanë realizuar kontrollin pas lëshimit dhe gjendja e tyre paraqitet stabile.

Me 62 vota për, 36 kundër dhe asnjë abstenim, Kuvendi i Kosovës ka votuar buxhetin për vitin 2026

E pas kësaj ka reaguar lideri i Lidhjes Demokratike të Kosovës Lumir Abdixhiku,  pasi që janë refuzuar 21 amendamentet të cilat partia që ai udhëheq i ka propozuar.

Abdixhiku ka thënë se me refuzimin e këtyre amendamenteve u refuzua zhvillimi e ardhmja dhe  interesi publik.

Reagimi i plotë i Abdixhikut:

21 amendamente të LDK-së për Buxhetin e Kosovës u refuzuan. Me to u refuzua zhvillimi. U refuzua e ardhmja. U refuzua interesi publik. Fundja nuk ishin të LDK-së, ishin të vetë Kosovës.

Ndër amendamentet më të rëndësishme që shumica vendosi t’i bllokojë ishin projekte jetike për qytetarët dhe shtetin. Refuzuan:

– Unazën e kryeqytetit

– Mësimin tërëditor në Kosovë

– Digjitalizimin e shëndetësisë

– Spitalin e Prishtinës

– Digjitalizimin e të gjitha shkollave

– Memorialin e Kosharës e Muzeun e Lubeniqit.

Ky nuk ishte refuzim teknik. Ishte refuzim politik i vizionit, i zhvillimit dhe i përgjegjësisë shtetërore. Dhe për këtë ndjejmë vetëm keqardhje.

Keqardhje që fëmijëve u mohohet mësimi tërëditor si çdo fëmije tjetër në Evropë. Keqardhje që pacientëve u mohohet shërbimi dinjitoz e modern me shekullin e sotëm. Keqardhje që kryeqytetit i mohohet zhvillimi; i mbahet kaosi e ngufatja. Keqardhje që historia trajtohet pa ndjeshmëri; Kosharen e Lubeniqin e përdorin vetëm për vizita fotografike.

LDK-ja do të vazhdojë të avokojë dhe të shtyjë përpara projekte të jetës reale, të ekonomisë reale dhe të vizionit zhvillimor të vendit tonë.

Tre persona janë lënduar si pasojë e një aksidenti mes dy automjeteve në rrugën Prishtinë –Gjilan.

Zëdhënësja e policisë për rajonin e Prishtinës, Flora Ahmeti konfirmoi se aksidenti ka ndodhur rreth orës 09:40.

“Në këtë aksident kanë qenë të përfshira dy automjete. Si pasojë e aksidentit, tre persona kanë pësuar lëndime trupore. Me rastin po merret njësiti i trafikut rajonal”, tha ajo.

Janari i vitit 2020 ishte i rëndë për Nezir Mehmetajn, i cili, teksa po kalonte nëpër territorin e Serbisë, si territor transit, u ndalua nga policia serbe dhe u dërgua në burg.

Neziri u arrestua me pretekstin se kishte kryer krime lufte, ndërkaq në momentin që u nis drejt Beogradit, nuk e dinte se kur do ta shihte më Kosovën.

Në një intervistë ekskluzive për IndeksOnline, Mehmetaj ka rrëfyer përjetimet e tij në burgjet serbe.

Madje ai ka rrëfyer se si ishte planifikuar edhe eleminimi i tij nga të burgosurit në Serbi.

”Kur mkan futuar në dhomë kanë qenë 5-6 serbë, ju thanë atyne qe ju prunem një terrorist.Nja tre muaj as në shëtitje nuk kam guxuar të dal, ata njëri-tjetrit i thonin qysh mundesh me qëndru me një njeri që ka vra fëmijë” ka thënë Mehmetaj.

”Nja gjashtë muaj nuk kam fjetur fare, nashta kam fjetur max 1 orë gjumë mas shumti, bojin plane si mem eleminu”, shton ai më tutje

Liridona Sijarina, aktiviste për të drejtat e grave kanë ngritur shqetësimin në lidhje me një grup të organizuar burrash që po shpërndajnë pa leje video dhe fotografi të vajzave e grave. Për këtë ajo ka theksuar mbështetjen Kolektivi për Mendim dhe Veprim Feminist për të ndjekur rrugën për drejtësi.

“Së fundmi kanë dalë informacione që grupe të organizuara burrash po shpërndajnë pa leje fotografi dhe video të vajzave dhe grave në Kosovë. Kjo formë e abuzimit virtual po shndërrohet në një nga krimet më të shpeshta që po ju bëhet vajzave dhe grave aktualisht.Teksa qëndrojmë në solidaritet të gjitha, ne ua risjellim në vëmendje se përtej solidaritetit simbolik, ne jemi të gatshme për t’iu ndihmuar në rrugën tuaj për drejtësi. Garda jonë është në dispozicionin e kujtdo që është target i dhunës me bazë gjinore. Jemi këtu për të luftuar krah jush për çlirim prej abuzimit. Na shkruani, ose ndajeni me këdo që mund të ketë nevojë për ndihmë në procesin e raportimit në polici”, ka shkruar Sijarina.

Po ashtu edhe “Linja e Jetës”  kanë thënë se qëndrojnë me vazjat dhe gratë që po preken nga shpërndraja e fotografive dhe videove intime të tyre.

“Linja e Jetës qëndron me vajzat dhe gratë që po preken nga shpërndarja e fotove dhe videove intime pa pëlqimin e tyre. Kjo është shkelje ligjore dhe një formë e dhunës digjitale. Mbi të gjitha, ajo mund të ketë efekte të rënda në gjendjen emocionale të personave të prekur, duke shkaktuar ankth, frikë, turp dhe izolim. Linja e Jetës është këtu për të ofruar mbështetje. Nuk je vetëm. Nuk është faji yt. Nëse je e prekur nga kjo situatë, Linja e Jetës mund të jetë hapësira jote e sigurt, ku do të dëgjohesh dhe do të mbështetesh”, shkruan “Linja e Jetës”.