Emisioni veror i ATV-së, “n’mal An’det”, që nisi transmetimin të hënën, vazhdon të sjellë për shikuesit argëtim, intervista dhe eksplorim kulturor.
Në këtë emision, pos rubrikave të shumta argëtuese, çdo ditë do të ketë edhe tregime popullore.
Mbrëmë, në ciklin e tregimeve popullore, u rrëfye një histori e një malësori, të cilin e kishte zënë belaja kur kishte shkuar në një han me fjetë. Aty kishte takuar një malësore, e cila nuk doli të ishte edhe aq mikpritëse.
Tregimin e plotë mund ta shikoni në videon më poshtë.
Emisioni n’mal An’det, i cili vjen në një format më ndryshe, drejtohet nga yjet e ATV-së, Roberti, Emira dhe Jeta dhe jepet çdo ditë nga e hëna deri të premten prej orës 21:10.
Në videon e më poshtme e gjeni emisionin e plotë “n’mal A n’det” që u transmetua mbrëmë:
Bëhuni gati për tre ditë me plotë aktivitete sportive dhe argëtimi në “Mergata Fest & Sport”, që do të mbahet në datat 27, 28 dhe 29 korrik. Ky festival i shumëpritur, tashmë tradicionoal, organizohet posaçërisht për diasporën dhe premton një përzierje të gjerë të aktiviteteve sportive dhe argëtuese.
Naim Llugiqi dhe Alban Zejnullahu, organizatorë të festivalit, kanë ndarë më shumë detaje rreth këtij eventi në emisionin e mëngjesit ALARM në ATV.
Një nga pikat kryesore të festivalit do të jenë koncertet e mbrëmjes me fillim nga ora 20:00, që do të mbahen nën patronatin e kryetarit Imri Ahmeti. Sheshi “Adem Jashari” në Lipjan për tri netë radhazi do të gjallërohet me performancat magjepsëse të këngëtarëve të njohur të estradës, ndër të cilët do të jenë Sabri Fejzullahu, Nora Istrefi, Alban Mehmeti, Xuxi, e shumë të tjerë.
“Përpos aktiviteteve sportive që do të ketë, ne e kemi edhe festivalin, do të thotë koncertin prej orës 20:00, i cili organizohet nën patronazhin e kryetarit Imri Ahmeti. Deri në ora 23:00 e kemi çdo natë, për tri net radhazi, krejt këngëtarët nga estrada. Është Sabri Fejzullahu, Nora Istrefi, Alban Mehmeti, Xuxi e shumë të tjerë. Prej orës 20:00 që fillojnë, i ftojmë në sheshin “Adem Jashari” në Lipjan”, tregoi Naim Llugiqi.
Ndërsa, Alban Zejnullahu, i cili në këtë festival do të përkujdeset për pjesën e sportit, tha se për dallim prej vitit të kaluar, këtë edicion do të ketë edhe sporte të tjera, të cilat janë mjaft atraktive për pjesëmarrësit.
“Realisht, sivjet do të mbajmë aktivitete të ngjashme siç i kishim vitin e kaluar, por kësaj here pak më ndryshe me do sporte që nuk janë parë më herët dhe kryesisht janë sporte që janë shumë atraktive për qytetarët që do të marrin pjesë”, tha Zejnullahu.
Bisedën e plotë të Naim Llugiqit dhe Alban Zejnullahut në ALARM e gjeni në videon më poshtë:
Fakultetit të Arteve në Prishtinë i janë dhuruar tri kamera nga Sylejman Kllokoqi, kameramani i cili ishte dëshmitar në 7 luftëra gjithandej botës, ku ndër vite ka regjistruar momente të rëndësishme në historinë e kombit shqiptar dhe jo vetëm.
Të ndrysme për nga forma, madhësia e mënyra e të funksionarit, të tria ngërthejnë në vete ngjarje të rëndësishme që formësuan kombin tonë. Këto tri kamera, përmes punës profesionale të kameramanit Sylejman Kllokoqit, regjistruan momentet më kritike në Kosovë e jashtë saj.
Në një bisedë për ATV-në, Kllokoqi tregoi historinë e tij kur kishte nisur për herë të parë të merrej me fotografi.
“Unë në Prishtinë, kur kanë qenë vetëm tre katër fotografë, kam fillu me punu me fotografi, se edhe fotografia ka lindë para kameras. Dashuria e ime gjithmonë ka qenë të shkoj më lart dhe ashtu kur mbarova gjimnazin, ashtu edhe qysh në fillore edhe gjimnaz kam punu si fotograf, edhe kam shku në shkollë. Mbas mbarimit të gjimnazit, shkova me e studio kamerën në Beograd. Me thanë të vërtetën ka qenë shumë vështirë sepse vetëm 6 studentë janë pranuar në një vit. Konkurrenca ka qenë shumë e madhe, por shumë më ka ndihmu që kam punu si fotograf dhe pata sukses. Me kamerën e parë që kam punuar këtu, ka qenë kamera amatore e filmit, bile në atë kohë në Zagreb i kemi dërgu në një vend, i zhvilluam me postë, ata na i kanë kthy e mandej u dasht me pas projektorin me projektu. Aty ka qenë si fotograf unë e kam përdor një kamerë amatore, kurse gjatë studimeve, atëherë kam fillu me kamera profesionale”, rrëfeu Kllokoqi.
Mbas studimeve ai kishte filluar të punojë me kamerë profesionale të filmit në Televizionin e Prishtinës.
“Mbas mbarimit të studimeve të mija, unë kam fillu me kamerë filmike në Televizionin e Prishtinës. Por, ajo është një teknologji shumë e shtrenjtë sepse është dashur me e ble filmin që ka kushtu diku 100 euro po them metra. U dashtë me gjirua filmin, me shku me e zhvillu atë, pastaj me e montu, prej montimit me e dërgu në emitim. Shumë proces i gjatë. Më vonë e kanë bërë televizionet në botë dhe ka shku teknologjia që kanë dalë këto teknologjia më e re me punu me elektronikë” tregon ai.
Me kamerën e parë, Kllokoqi ishte dëshmitar në shkatërrimin e Jugosllavisë, luftërave në Slloveni dhe Bosnje e Hercegovinë. /atvlive.tv
Bisedën e plotë të Sylejman Kllokoqit në ATV, e gjeni në videon më poshtë:
Më 23 korrik në ora 20:30 në sheshin e Skënderbeut në gala mbrëmjen e Ramë Lahaj & Friends, do të mund të përjetoni performancën nga yjet më të njohura të operës.
Programi qendror i këtij edicioni sjell dirigjentin Pier Giorgio Morandi shoqëruar nga Filarmonia e Kosovës.
Emisioni veror i ATV-së, “n’mal An’det”, që nisi transmetimin vetëm tre ditë më parë, vazhdon të sjellë për shikuesit argëtim, intervista dhe eksplorim kulturor.
Në këtë emision, pos rubrikave të shumta argëtuese, çdo ditë do të ketë edhe tregime popullore. Mbrëmë, në ciklin e tregimeve popullore, u rrëfye një histori e një pleqnari, fjalët e të cilit i kishin mbetur në mendje djaloshit që prindi. Pleqnari i kishte treguar këtij djaloshi kuptimin e plotë fjalës “jetim”.
Tregimin e plotë mund ta shikoni në videon më poshtë.
Emisioni n’mal An’det, i cili vjen në një format më ndryshe, drejtohet nga yjet e ATV-së, Roberti, Emira dhe Jeta dhe jepet çdo ditë nga e hëna deri të premten prej orës 21:10.
Në videon e më poshtme e gjeni emisionin e plotë që u transmetua të mërkurën mbrëma:
Posta e Kosovës, nga sot lëshoi në qarkullim postar emisionin e pullave postare ”Shekulli i teknologjisë’’.
Vet emërtimi i tematikës prezanton zhvillimin e hovshëm të teknologjisë informative, e cila në të përditshmëri është bërë e pazëvendësueshme.
Qasja e shpejt në informacione të ndryshme dhe përpunimi i tyre ka afruar botën, ndërsa punën e njeriut po e lehtëson përmes inteligjencës artificiale, e cila po e karakterizon të sotmen.
Pamjet e dy pullave postare prezantojnë pjesën aplikative të teknologjisë në disa sfera të jetës.
Kosova është një vend ku ka rini të përgatitur dhe sot ofron shërbime të avancuara në fushën e teknologjisë, e është një ndër top shtetet Evropiane që ka arritur mbulueshmëri të 100% të vendit me internet të shpejtë.
Përpos dy pullave postare me pamje dhe vlera të ndryshme nominale, janë përgatitur edhe Zarfet e Ditës së Parë me vulë adekuate, të cilat tanimë janë në shitje për të gjithë koleksionistët, qytetarët dhe bizneset, që kur dërgojnë zarfe duan ta paraqesin shtetin tonë edhe përmes imazheve të këtyre pullave.
Posta e Kosovës, përmes Filatelisë së saj thotë se vazhdon të jetë promovuese e vlerave të vendit tonë dhe zhvillimeve që karakterizojnë shekullin.
Mos e lëshoni rastin të përjetoni emocione të paharrueshme… Gala Mbrëmja ‘Rame Lahaj&Friends’ ndalet edhe një herë në zemër të Prishtinës, me yjet e operas.
Programi qëndror i edicionit të 3-të festivalit ndërkombëtar ‘Rame Lahaj’ risjellë para publikut tenorin kosovar të skenave botërore, nën shoqërinë e miqve të tij si: soprano e njohur Yulia Suleimanova, tenori Alessandro Safina e baritoni Massimo Cavalleti.
Nën dirigjimin e Pier Giorgio Morandi, shoqëruar nga Filharmonia e Kosovës, ju presim në Sheshin Skënderbeu në Prishtinë, në një natë magjike!
Gala Mbrëmja “Rame Lahaj & Friends” nis rrugëtimin e pesë netve muzikore të Festivalit Ndërkombëtar të Operas.
Emisioni veror “n’mal A n’det” ka filluar transmetimin në ATV. Ky emision, i cili vjen në një format më ndryshe, drejtohet nga yjet e ATV-së, Roberti, Emira dhe Jeta dhe jepet çdo ditë nga e hëna deri të premten prej orës 21:10.
Në këtë emision, pos rubrikave të shumta argëtuese, çdo ditë do të ketë edhe tregime popullore.
Mbrëmë, në ciklin e tregimeve popullore, u rrëfye një histori e një burri, që ishte mashtruar në tregun e kafshëve.
Një mashtrues me dhëmb të arit i kishte blerë lopën, por i njëjti i kishte thënë se paratë do t’ia sillte pas një jave, të cilat do t’ia linte në një vend të caktuar.
Por kaluan javët, “blerësi” u zhduk dhe burri i pashtruar kishte filluar ta kërkonte nëpër fshatra.
Për të mësuar se çfarë ndodh më pas, shikoni tregimin e plotë, të cilin e gjeni në videon më poshtë. /atvlive.tv
Emisionin e plotë “n’mal A n’det” e gjeni në videon më poshtë:
Emisioni veror “n’mal A n’det” ka filluar transmetimin në ATV. Ky emision, i cili vjen në një format më ndryshe, drejtohet nga yjet e ATV-së, Roberti, Emira dhe Jeta dhe jepet çdo ditë nga e hëna deri të premten prej orës 21:10.
Në këtë emision, pos rubrikave të shumta argëtuese, çdo ditë do të ketë edhe tregime popullore. Mbrëmë, në ciklin e tregimeve popullore, u rrëfye një histori e një burri, që punonte mësues në një shkollë në fshat. I pakënaqur me kushtet e jetës, ai dëshironte të largohej nga fshati për të jetuar në Prishtinë. Historinë e këtij tregimi e rrëfen aktori i njohur Bislim Muçaj.
Tregimin e plotë mund ta shikoni në videon më poshtë.
Emisionin e plotë “n’mal A n’det” e gjeni në videon më poshtë:
Numri i turistëve të huaj që po e vizitojnë qytetin e Gjakovës ka shënuar ngritje. Përveç atyre që vijnë për ta parë trashëgimisë kulturore ka edhe të tjerë që gjatë sezonit të verës zhvillojnë biznes në këtë qytet.
Martine De Bias ka ardhur nga Italia për ta vizituar qytetin e Gjakovës.
Sipas saj, gjithë çfarë e bën Gjakovën të jetë vend atraktiv, janë trashëgimia kulturore e pozita e përshtatshme gjeografike.
“Kemi zgjedhur pikërisht Gjakovën sepse ndihemi shumë të sigurt, është e pasur me shumë bukuri natyrore, monumente historike dhe kjo është shumë e mirë për Kosovën, me një fjalë qytet i vogël por me plot begati”.
Numri i turistëve në këtë qytet, sipas statistikave zyrtare, ka shënuar rritje.
“Në fillim të sezonit veror, qyteti i Gjakovës po shihet të jetë epiqendër për turistët nga e mbarë bota, e gjitha kjo për shkak të potencialit të mirë në fushën e turizmit”.
Përveç vizitave turistike, begatitë që ofron ky qytet po i shtyn disa turistë të bëjnë plane më afatgjate.
“Gjakovën nuk e ndërroj me asnjë qytet tjetër, si rrjedhojë kemi kafenenë këtu me disa shokë që punojmë mundohemi të jemi sa më shpesh këtu”.
“Përveç kafenesë e cila na obligon të vijmë më shpesh këtu, edhe festivalet e ndryshme e bëjnë më të veçantë këtë qytet”.
Numrit të lartë të turistëve i gëzohen edhe qytetarët e Gjakovës.
“Janë të mirëseardhur dhe ne iu ndihmojmë me shumë kënaqësi në prezantimin e vendeve”.
Dalon Kulludra nga Zyra e Informimit në Gjakovë, përmend disa nga monumentet që turistët po i vizitojnë më së shumti.
“Kulla e Abdullah Pashë Drenit, hani i Haraçisë, Muzeu Etnografik, Çarshia e Madhe janë vetëm disa nga monumentet kulturore e historike që i shtojnë bukurinë qytetit të Gjakovës”.
Brenda një viti, mesatarisht Gjakova vizitohet nga 10 mijë turistë.
