Category: KULTURË

Shkrimtarja nga Kosova, Jehona Kicaj e cila jeton prej kohësh në Gjermani është shpallur fituese e çmimit prestigjioz “Hanna” – Çmimi Letrar i Qytetit të Hannoverit për vitin 2025.

Kjo vjen pas suksesit të jashtëzakonshëm, me romanin e saj „ë“ të përzgjedhur në listën e ngushtë për Çmimin Gjerman të Librit 2025.

Romani „ë“, i cili i solli këto dy vlerësime të mëdha brenda një viti, sjell rrëfimin prekës të një familjeje nga Kosova e cila, gjatë luftës detyrohet të shpërngulet në Gjermani.

Historia rrëfehet përmes syve të një fëmije, duke e bërë tregimin edhe më emotiv dhe të fuqishëm.

Ivanka Trump, vajza e presidentit të ShBA-së Donald Trump, ka ndarë një postim në Instagram, ku ka publikuar disa libra që trajtojnë historinë dhe identitetin shqiptar.

Librat që ajo ka ndarë përfshijnë veprat “The Albanians” nga Miranda Vickers dhe “Gjenerali i Ushtrisë së Vdekur” nga Ismail Kadare, dy tituj të njohur që pasqyrojnë historinë dhe kulturën e pasur të Shqipërisë.

Postimi i Ivankës shoqërohet me mbishkrimin “Hulumtim!”.

Agim Agushi ka hyrë zyrtarisht në Librin e Rekordeve Guinness, duke vendosur një rekord krejtësisht të veçantë, ai arriti të xhonglojë me kokë një top futbolli ndërkohë që veshi 14 bluza radhazi.

Certifikata zyrtare nga Guinness World Records e konfirmon tashmë këtë arritje, e cila u regjistrua më 2 maj 2025 në Himarë, gjatë ceremonisë festive të çeljes së sezonit turistik, shkruan Euronews.al, transmeton Klankosova.tv.

Performanca e Agushit tërhoqi vëmendjen e dhjetëra qytetarëve dhe turistëve të pranishëm, të cilët u bënë dëshmitarë të një momenti historik për qytetin bregdetar. Me një teknikë mbresëlënëse, durim të jashtëzakonshëm dhe kontroll të përsosur të topit, ai përballoi sfidën e pazakontë të mbajtjes së topit me kokë duke veshur një numër rekord bluzash.

Ngjarja u monitorua në çdo detaj nga përfaqësues zyrtarë të Guinness World Records, të cilët verifikuan performancën dhe e shpallën Agim Agushin rekordmen botëror.

Ky sukses jo vetëm e vendos Agushin mes emrave të regjistruar në librin e rekordeve, por e ngjit edhe Himarën në hartën e ngjarjeve të veçanta ndërkombëtare, duke i dhënë një vlerë të shtuar sezonit turistik të këtij viti.

Bill Gates konfirmon pjesëmarrjen në dokumentarin e ri amerikan të realizuar nga regjisori shqiptar Valmir Tertini, “Pinocchio’s Harvard”, projekt që po ngjall vëmendje të madhe në industrinë e filmit në SHBA.

Filmi prodhohet nga vivFilms dhe shënon iniciativën e parë zyrtare të studios në Shtetet e Bashkuara.

Dokumentari sjell historinë e Pinocchio’s, picerisë ikonike pranë Harvardit, e cila prej më shumë se 60 vitesh është kthyer në një pikë-referim kulturor ku ushqimi dhe historia ndërthuren.

Hapësirë e thjeshtë por e ngrohtë, Pinocchio’s është frekuentuar ndër vite nga emra që më pas do të bëheshin figura globale si Bill Gates dhe Mark Zuckerberg, klientë të rregullt në periudhën e studimeve të tyre.

Përmes viteve, lokali është vizituar gjithashtu nga personalitete të Hollywood-it dhe politikës, ndër ta Ben Affleck, Matt Damon, Natalie Portman, Malia Obama dhe Michelle Wu.Në qendër të dokumentarit qëndron Adams, njeriu që për dekada ka qenë zemra dhe fryma e Pinocchio’s.

Përmes bisedave spontane dhe vëzhgimeve të përditshme, filmi zbulon sesi kjo piceri është shndërruar në një institucion të vetë Harvardit. Vizita në këtë universitet, pa hyrë te Pinocchio’s, konsiderohet pothuajse e paplotë — një vend ku personi i ulur pranë teje mund të jetë nesër një nga njerëzit më me ndikim në botë.

Valmir Tertini, anëtar i Akademisë Evropiane të Filmit, njihet për qasjen e tij të guximshme dhe hulumtuese në dokumentar.

Ai ka trajtuar tema të ndjeshme në veprat e tij të mëparshme, si martesa për dokumente në “Tradhti me Letra”, abuzimet brenda institucioneve në “Vulë”, si dhe ka sjellë jetën e aktorit legjendar Bekim Fehmiu në një dokumentar të veçantë.

Me mbi 30 çmime ndërkombëtare, Tertini konsiderohet një nga regjisorët shqiptarë më të suksesshëm të gjeneratës së tij.

Së fundmi, ai ka qenë pjesë e ekipit të xhirimeve të serialit “Boston Blue” të Paramount dhe aktualisht drejton klasën e tij të filmit në Boston Public Library, ndërsa punon paralelisht në kërkimet shkencore për doktoraturën mbi Efektin e Filmit.

“Pinocchio’s Harvard” synon të marrë pjesë në festivalet më të rëndësishme të filmit në Shtetet e Bashkuara dhe pritet të ketë premierën e parë në vitin 2026.

Sezoni i pestë i “Stranger Things” ka hapur kapitullin e tij të fundit me shifra rekord.

Në pesë ditët e para në Netflix, sezoni arriti 59.6 milionë shikime, java më e madhe e premierës së çdo seriali në gjuhën angleze të Netflix.

Kjo e bëri atë gjithashtu debutimin e tretë më të mirë të të gjitha kohërave, menjëherë pas sezonit të dytë dhe të tretë të fenomenit global “Squid Game”.

Ky rezultat përfaqëson një rritje të ndjeshme nga sezoni i mëparshëm, i katërt.

Ai kishte grumbulluar 287 milionë orë shikimi në vitin 2022, që ishte afërsisht 22 milionë shikime sipas metodës së matjes së Netflix në atë kohë.

Sipas metrikave të reja, kjo do të thotë që debutimi i sezonit të pestë pati një rritje mbresëlënëse prej 171 përqind.

Vlen të përmendet se sezoni i pestë kishte pesë ditë për të mbledhur të dhëna, ndërsa sezoni i katërt u mat gjatë tre ditëve, por ndryshimi është ende i madh.

Sipas mediave ndërkombëtare, studioja “Paramount Pictures” do të publikojë filmin “Rush Hour 4”, pasi presidenti amerikan, Donald Trump, ka kërkuar personalisht rikthimin e vazhdimit të katërt të serisë së njohur komedi-aksion.

Besohet se Trump i ka kërkuar Larry Ellisonit, themelues miliarder i kompanisë “Oracle”, e cila zotëron studion “Paramount”, të nxjerrë versionin e ri të filmit me aktorët protagonistë, Jackie Chan dhe Chris Tucker.

Kanë kaluar pothuajse dy dekada që nga publikimi i “Rush Hour 3”, dhe nuk ka pasur lëvizje për vazhdimin e katërt, që kur “Warner Bros” ndërpreu bashkëpunimin me regjisorin Brett Ratner në vitin 2017, pas akuzave për sjellje të pahijshme seksuale. Ndër vite, disa studio janë kontaktuar për realizimin e filmit të ri, për të cilin tashmë ekziston skenari, por përfshirja e Ratner-it thuhet se ka pezulluar projektin.

Filmat “Rush Hour” janë ndër të preferuarit e presidentit Trump, së bashku me tituj të tjerë si “Goodfellas”, “Godfather”, “The Good, the Bad and the Ugly” dhe “Citizen Kane”.

Ndërsa shumë yje të Hollywood-it kanë qenë kritikë ndaj Trumpit, aktorët Jackie Chan dhe Chris Tucker nuk e kanë sulmuar publikisht udhëheqësin republikan.

Pas paraqitjes historike në Teatro Malibran në Venecia, Baleti Kombëtar i Kosovës vazhdon turneun e shfaqjeve në Itali, ku sonte do të shfaqet në qytetin Potenza me shfaqjen “Carmina Burana” me koreografi nga Toni Candeloro.

E konsideruar si një nga pjesët muzikore më ikonike të shekullit të nëntëmbëdhjetë, “Carmina Burana” është frymëzuar nga tekstet mesjetare që festojnë fatin, dashurinë dhe ciklikitetin e jetës.

Në vizionin koreografik të Toni Candeloro, ndëshkimi neoklasik, energjia moderne dhe sugjerimet simbolike ndërthuren së bashku në një rrëfim universal që rrit fuqinë e formës dhe lirinë e shrehjes.

Edicioni i 6-të i Art Without Limit International Film Festival do të zhvillohet nga 1 deri më 3 dhjetor 2025 në Kino Armata. Ky festival ndërkombëtar sjell një program të pasur me filma nga e gjithë bota, duke përfshirë projeksione të veçanta për fëmijë, panele diskutimi dhe programe speciale si “Women Empowerment” dhe “XR – Interaction Without Limits”.

Gjatë tre ditëve të festivalit do të shfaqen 50 filma të përzgjedhur nga profesionistë të industrisë së filmit, ndërsa në mesin e mysafirëve janë edhe figura të njohura, përfshirë producentin danez Kim Magnuson, katër herë fitues të çmimit OSCAR për filma të shkurtër. Festivalit i bashkohen artistë, regjisorë dhe audienca e gjerë, duke ofruar një hapësirë për kulturë, dialog dhe inovacion në kinematografi.

Ky edicion premton të sjellë për publikun shqiptar dhe ndërkombëtar një eksperiencë unike, duke treguar fuqinë e artit pa kufij dhe duke nxitur bashkëpunime ndërkombëtare në industrinë e filmit.