Kandidati për deputet nga Partia Fjala, Avni Çakmaku, në emisionin COMPASS në ATV, prezantoi një propozim për ndryshimin e doktrinës së Forcës së Sigurisë së Kosovës (FSK) nga defansive në ofansive.
Çakmaku tha se FSK-ja duhet të ndërrojë qasjen aktuale për të siguruar që lufta të zhvillohet jashtë territorit të Kosovës në rast sulmi.
“FSK-ja duhet detyrimisht të kthehet në një doktrinë ofensive, që në çfarëdo rreziku forcat e armatosura të Kosovës ta çvendosin luftën jashtë territorit të Kosovës”, tha Çakmaku.
Ai tha se kjo qasje do të kursejë territorin e Kosovës nga dëmtime të mëdha në rast të një sulmi.
“Nëse jemi të sulmuar, veprimet tona duhet të shkojnë automatikisht në territorin e forcës që na sulmon, për ta mbrojtur Kosovën nga dëmtime të konsiderueshme”, deklaroi Çakmaku.
Deklaratën e plotë të Avni Çakmakut në COMPASS e gjeni në videon më poshtë:
Leave a Reply