Për herë të parë, emisari i Bashkimit Evropian për dialogun Kosovë Serbi, Peter Sorensen, javën e ardhshme do të bëjë vizitë në Kosovë.
Vizita e Sorensen është konfirmuar nga Bashkimi Evropian.
Emisari evropian do të jetë në Prishtinë nga data 17 deri më 19 mars.
“Mund të konfirmojmë se Përfaqësuesi Special i BE-së Peter Sorensen do të bëjë vizitën e tij të parë në Kosovë nga data 17-19 mars”, tha zëdhënësja e Bashkimit Evropian, Anitta Hipper.
Do jetë kjo vizitë e parë e tij në cilësinë e përfaqësuesit të veçantë të Bashkimit Evropian për dialog prej se ai mori detyrën më 1 shkurt, kur e trashëgoi Miroslav Lajçakun.
Leave a Reply