Author: ATV

Të martën me fillim të orës 12:00 në sheshin “Skënderbeu” do të organizohet protestë paqësore në mbështetje të ish-policit, Arbnor Spahiu, i cili po mbahet në paraburgim në Serbi tash e disa muaj.

Sipas njoftimit, kjo protestë ka për qëllim t’u bëjë thirrje institucioneve vendore dhe atyre ndërkombëtare që të ngrisin zërin kundër padrejtësisë me të cilën Arbnori dhe familja e tij po përballen tash e katër muaj.

Kjo protestë paqësore po organizohet nga familja Spahiu, raporton Klankosova.tv.

Ish-pjesëtari i Njësisë Speciale Operative të Kosovës, Arbnor Spahiu ishte ndaluar nga autoritetet serbe në pikën kufitare në Horgosh, e më pas u dërgua në qendrën e ndalimit në Kanjizë.

Këtë për Klankosova.tv e kishte konfirmuar Ministria e Punëve të Jashtme dhe Diasporës. Zyrtarja për Komunikim, Qëndresa Fazliu, kishte bërë të ditur se ish-polici Spahiu po udhëtonte me autobus së bashku me familjen nga Austria drejt Kosovës, në kohën kur u ndalua nga autoritetet serbe.

Sot në vendin tonë parashikohet të mbajë mot me vranësira dhe intervale me diell, ku lokalisht pritet të ketë reshje të izoluara, të cilat më të intensifikuara pritet të jenë gjatë orëve të para të 24-orëshit.

Era do të fryjë kryesisht nga drejtimi i veriut, me shpejtësi prej 10-30 km/h.

Temperaturat minimale do të lëvizin prej 8 deri në 11°C, ndërsa ato maksimale prej 16 deri në 20°C.

Një person ka rënë në një bunar gjatë punimeve për hapjen e tij në fshatin Lybeniq të Pejës, në afërsi të varrezave të fshatit.

Zëdhënësi i policisë për rajonin e Pejës, Fadil Gashi, ka konfirmuar se rasti ka ndodhur rreth orës 14:30, kur një qytetar njoftoi policinë për ngjarjen. Ai ka shtuar se thellësia e gropës është e madhe, çka e bën ndërhyrjen më të vështirë.

Në vendngjarje janë angazhuar Policia e Kosovës dhe zjarrfikësit, ndërsa tashmë për shpëtimin e tij ka ndërhyrë edhe njësiti i Forcës së Sigurisë së Kosovës (FSK). Përpjekjet për nxjerrjen e personit vazhdojnë ende.

Policia italiane arrestoi një shtetas shqiptar, i lindur në vitin 1978, pasi u kap në flagrancë duke poseduar kokainë.

Sekuestrimi ndodhi në autostradën Messina-Katania, duke ngritur një pikë kontrolli pranë pikës së pagesës së San Gregorio di Catania. Gjatë kontrollit, ndër automjete të tjera, u ndalua një Renault Scenic gri.

Për shkak të padurimit të burrit, i cili nuk ishte në gjendje të jepte justifikime të besueshme për praninë e tij në zonën e Etnës, duke raportuar rrethana që nuk korrespondonin me realitetin, personi i lartpërmendur iu nënshtrua një kontrolli.

Në fakt, kontrolli i kryer, i shtrirë në automjetin në posedim të tij, pati një rezultat pozitiv, pasi një ndarje e fshehur e krijuar posaçërisht u gjet nën sediljet e përparme, si në anën e shoferit ashtu edhe në atë të pasagjerit, brenda së cilës ishin ruajtur 24 blloqe kokaine, me një total prej 27.60 kilogramësh.

Në veçanti, blloqet nr. 7, me logon “ Bugatti ”, që përmbanin substancë narkotike të tipit kokainë, me peshë 1.150 kg secili, për një sasi totale prej 8.05 kg, dhe blloqet nr. 17, me logon “Boss”, që përmbanin substancë narkotike të tipit kokainë, me peshë 1.150 kg secili, për një sasi totale prej 19.55 kg.

Gjatë operacionit, u sekuestruan kokaina, automjeti i përdorur për transportimin e drogës dhe dy telefona inteligjentë të përdorur nga burri.

Për shkak të posedimit të një sasie të konsiderueshme të substancës narkotike të lartpërmendur, shqiptari u arrestua dhe, pas formaliteteve të zakonshme, u dërgua në burgun “Piazza Lanza” në Catania, në pritje të vërtetimit të provave.

Një rast i rëndë është shënuar sot në Prizren, ku një shtetase gjermane është gjetur pa shenja jete në një hotel, mëson ekskluzivisht Gazeta Sinjali.

Më 28.09.2025, rreth orës 08:00, Policia është njoftuar nga Qendra e Urgjencës për një person pa shenja jete në hotelin “Premium Park”, në rrugën “Ekrem Rexha”.

Patrulla policore ka dalë menjëherë në vendngjarje dhe ka konstatuar se viktima është Linker Wolf Almut Veronika, shtetase gjermane, e cila është gjetur e pajetë në banjën e dhomës së hotelit.

Burimet e Sinjalit bëjnë me dije se viktima kishte ardhur në Kosovë për pushime, pasi nusja e djalit të saj është nga Kosova. Sipas informacioneve, ajo ka qenë e vetme në dhomë dhe rreth orës 03:00 familjarët kanë tentuar të kontaktojnë me të duke trokitur në derë, por nuk është përgjigjur.

Mëngjesin e sotëm, rreth orës 08:00, dera e dhomës është hapur nga punëtorët e recepcionit, të cilët kanë njoftuar Urgjencën. Mjeku kujdestar ka konstatuar në vend se viktima ishte pa shenja jete.

E ndjera është e lindur në vitin 1943, në qytetin Jena të Gjermanisë. Në vendngjarje kanë dalë njësitë policore, hetuesi kujdestar si dhe hetimet rajonale, të cilat janë duke u marrë me rastin.

Rasti është në hetim dhe pritet të sqarohen rrethanat e plota të vdekjes.

Gjashtë kamionë që transportonin drunj u ndaluan sot nga Policia, në fshatin Dardani të Ferizajt.

Kjo ndodhi në kuadër të Planit operativ “Mbrojtja e Pyjeve 2025”, ku organet e rendit vërejtën se shoferët e këtyre automjeteve transportonin lëndë drusore pa dokumentacionin e nevojshëm.“Automjetet dhe lënda drusore janë sekuestruar, ndërsa për procedurat e mëtejme ligjore janë njoftuar zyrtarët e pylltarisë”- thuhet në njoftim.

Drejtoria Rajonale në Ferizaj në bashkëpunim me zyrtarët e pylltarisë thonë do të vazhdojnë angazhimin në parandalimin dhe luftimin e prerjes dhe transportit të paligjshëm të drunjve.“Njëkohësisht, ftojmë qytetarët të bashkëpunojnë me policinë duke raportuar rastet përmes aplikacionit ‘Lajmëro Policinë’ ose në numrat: 192, 0290/326-250. Të gjitha informacionet e raportuara trajtohen me konfidencialitet të plotë”- apelon Policia.

Drejtoria Rajonale në Ferizaj në bashkëpunim me zyrtarët e pylltarisë thonë do të vazhdojnë angazhimin në parandalimin dhe luftimin e prerjes dhe transportit të paligjshëm të drunjve.

“Njëkohësisht, ftojmë qytetarët të bashkëpunojnë me policinë duke raportuar rastet përmes aplikacionit ‘Lajmëro Policinë’ ose në numrat: 192, 0290/326-250. Të gjitha informacionet e raportuara trajtohen me konfidencialitet të plotë”- apelon Policia.