ATV

Author: ATV

  • Bie qeveria në Francë, një muaj në detyrë, jep dorëheqjen kryeministri Sebastien Lecorni

    Bie qeveria në Francë, një muaj në detyrë, jep dorëheqjen kryeministri Sebastien Lecorni

    Kryeministri francez Sebastien Le Corneille i ka paraqitur dorëheqjen e tij Emmanuel Macron, i cili e ka pranuar atë. Kryeministri, i cili u emërua më 9 shtator, është kritikuar ashpër nga kundërshtarët e tij dhe nga e djathta pasi njoftoi një pjesë të qeverisë së tij të dielën në mbrëmje.

    Pas disa javësh konsultimesh me të gjitha partitë politike, Le Corneille, një aleat i ngushtë i Macron, emëroi ministrat e tij të dielën dhe kabineti ishte planifikuar të mbante mbledhjen e tij të parë të hënën pasdite.

    Megjithatë, përbërja e kabinetit të ri ka zemëruar si kundërshtarët ashtu edhe aleatët, të cilët e kanë parë atë si shumë të djathtë ose të pamjaftueshëm, duke ngritur pyetje se sa gjatë mund të zgjasë në një kohë kur Franca është tashmë thellësisht e zhytur në krizë politike, pa asnjë grup që mban shumicën në një parlament të fragmentuar.

    Politika franceze është bërë gjithnjë e më e paqëndrueshme që nga rizgjedhja e Macron në vitin 2022, për shkak të mungesës së ndonjë partie ose grupi që mban shumicën parlamentare.

    Në një intervistë me BFM-TV menjëherë pas njoftimit të dorëheqjes së Sébastien Lecorni, presidenti i Frontit Kombëtar, Jordan Bardella, vlerësoi se “kryeministri i përkohshëm nuk kishte hapësirë për manovrim”.

    “Sigurisht që Emmanuel Macron ishte ai që mblodhi qeverinë”, vlerësoi ai, duke siguruar se “ai nuk kuptonte asgjë për situatën në të cilën ndodhemi”.

    “Stabiliteti nuk mund të rivendoset pa kthimin e zgjedhjeve dhe shpërbërjen e Asamblesë Kombëtare”, këmbënguli ai.

    Bursat evropiane dhe të Parisit kanë shënuar rënie menjëherë pas dorëheqjes së kryeministrit francez. Bankat franceze kryesuan rënien në tregjet financiare, me Societe Generale që ra me më shumë se 6% menjëherë pas njoftimit, ndërsa BNP Paribas dhe Credit Agricole gjithashtu panë rënie të ndjeshme.

    Euro ra gjithashtu kundrejt paundit dhe dollarit, ndërsa kostot e huamarrjes së qeverisë franceze, siç reflektohen në tregjet e obligacioneve, arritën nivelet e para pothuajse një muaj më parë, kur vendi ishte përsëri në të njëjtin ngërç politik.

  • Policia nis fushatën “Duart në timon, jo në telefon”

    Policia nis fushatën “Duart në timon, jo në telefon”

    Drejtoria Rajonale e Policisë në Ferizaj ka nisur sot nga ora 10:00 fushatën vetëdijësuese “Duart në timon, jo në telefon”, që synon ngritjen e ndërgjegjësimit për rreziqet që sjell përdorimi i telefonit gjatë ngasjes.

    Fushata po zhvillohet nga Njësia Rajonale e Trafikut Rrugor, në bashkëpunim me stacionet policore vartëse në Ferizaj, Kaçanik, Shtime, Shtërpcë dhe Han të Elezit, si dhe me mbështetjen e OJQ-së “Kuvendi i të Rinjve të Ferizajt”.

    “Një sekondë në telefon mund të jetë shumë vonë. Duart në timon, e jo në telefon”, është mesazhi qendror që Policia e Kosovës po përcjell për të gjithë pjesëmarrësit në trafik.

    Gjatë kësaj periudhe, policia do të organizojë aktivitete të ndryshme vetëdijësuese, përfshirë shpërndarjen e fletëpalosjeve, vendosjen e posterëve në rrugë e sheshe publike dhe mbajtjen e ligjëratave në shkollat e rajonit të Ferizajt.

    Faza e parë e projektit, që ka karakter parandalues dhe edukativ, do të zgjasë deri më 12 tetor 2025. Nga data 13 tetor, policia do të fillojë me zbatimin e masave ndëshkuese për të gjithë shoferët që shkelin ligjin dhe rrezikojnë sigurinë rrugore duke përdorur telefonin gjatë ngasjes.

  • Gjuajte me armë zjarri në një dasmë në Ferizaj

    Gjuajte me armë zjarri në një dasmë në Ferizaj

    Sot rreth orës 15:30, policia në Ferizaj ka pranuar informatë për të shtëna me armë zjarri gjatë një dasme në rrugën “Mihajl Grameno”.

    Sipas njoftimit, njësia policore menjëherë ka dalë në vendin e ngjarjes dhe ka kontaktuar personin e dyshuar, S.I., (56-vjeçar) i cili ka pranuar se kishte shtënë me armë zjarri, të cilën e kishte me leje.

    Në vendin e ngjarjes është sekuestruar arma e tipit pistoletë, 8 gëzhoja, si dhe leja e armës.

    I dyshuari është shoqëruar në stacionin policor në Ferizaj për intervistim dhe me vendim të prokurorit të shtetit është liruar në procedurë të rregullt, ndërsa rasti është cilësuar si “Përdorim i armës apo mjetit të rrezikshëm” dhe “Shkaktim i rrezikut të përgjithshëm”.

    “Policia Rajonale në Ferizaj apelon tek qytetarët që të përmbahen nga përdorimi i armëve të zjarrit në ahengje familjare, pasi një veprim i tillë paraqet rrezik serioz për jetën e qytetarëve”, thotë policia tutje në njoftim.

  • Kronika zgjedhore: Dita 23 e fushatës zgjedhore

    Kronika zgjedhore: Dita 23 e fushatës zgjedhore

    Në ditën e njëzetë e tretë të fushatës zgjedhore, subjektet politike kanë zhvilluar aktivitetet e tyre politike.
    Në vazhdim ju sjellim një përmbledhje të aktiviteteve kryesore.

  • Autobusi merr flakë në Duhël të Suharekës, nuk ka të lënduar

    Autobusi merr flakë në Duhël të Suharekës, nuk ka të lënduar

    Një autobus ka marrë flakë derisa ishte në lëvizje në fshatin Duhël të Suharekës.
    Rastin e ka konfirmuar Policia e Kosovës. Zëdhënësi, Shaqir Bytyqi tha se menjëherë pas pranimit të informatës Policia dhe Zjarrëfikësit kanë dalë në vendin e ngjarjes duke e lokalizuar dhe shuar me sukses zjarrin.
    Bytyqi tha sipas të dhënave fillestare janë shkaktuar dëme materiale, por nuk ka persona të lënduar.

    “Sot, më datë 05 tetor 2025, rreth orës 16:16, është raportuar se në fshatin Duhël të Suharekës një autobus ka marrë flakë gjatë lëvizjes. Menjëherë pas pranimit të informatës, njësitet e Policisë dhe Zjarrfikësit kanë dalë në vendngjarje. Zjarri është lokalizuar dhe shuar me sukses. Sipas të dhënave fillestare, si pasojë e zjarrit janë shkaktuar dëme materiale, ndërsa persona të lënduar nuk ka”- thuhet në njoftimin e policisë, të cilët edhe janë duke e hetuar rastin për të përcaktuar shkaqet e zjarrit.

  • Deri në vitin 2030, 45% e femrave do jenë beqare dhe pa fëmijë

    Deri në vitin 2030, 45% e femrave do jenë beqare dhe pa fëmijë

    Një studim i publikuar nga Morgan Stanley parashikon se deri në vitin 2030, 45% e grave nga mosha 25 deri në 44 vjeç do të jenë beqare dhe pa fëmijë.

    Ky është një ndryshim befasues që pasqyron ndryshimin e prioriteteve tek gratë në moshë pune. Gjithnjë e më shpesh, ato zgjedhin të përqendrohen në karrierë dhe zhvillim personal, në vend të arritjeve tradicionale si martesa dhe amësia.

    Kjo prirje përfaqëson një shkëputje të thellë nga brezat e mëparshëm, ku stabiliteti dhe familja në të njëzetat konsideroheshin normë. Gratë e sotme jo vetëm që janë më të pavarura financiarisht, por edhe më të prira të qëndrojnë beqare nga zgjedhja, të shtyjnë shtatzëninë, ose madje ta heqin dorë krejtësisht nga prindërimi.

    Ky evolucion shoqëror pritet të ketë ndikime të gjera ekonomike dhe kulturore. Me më shumë gra që bëhen mbajtëse kryesore të të ardhurave dhe që përfaqësojnë një bazë të fuqishme konsumatorësh, kërkesa për politika më të drejta në vendin e punës, si orar fleksibël dhe barazi në pagë, mund të rritet ndjeshëm.

    Rritja e numrit të grave beqare dhe pa fëmijë sfidon gjithashtu narrativat tradicionale mbi suksesin dhe vetë-realizimin, duke riformuar diskutimet mbi rolet gjinore dhe strukturat familjare. Me zgjerimin e kësaj demografie, rritet edhe ndikimi i saj në gjithçka — nga strategjitë e kompanive deri tek politikat publike.

  • Aktori Florian Binaj shpall kandidaturën për bashkinë e Tiranës

    Aktori Florian Binaj shpall kandidaturën për bashkinë e Tiranës

    Aktori dhe moderatori i njohur Florian Binaj i është shtuar listës së kandidatëve të opozitës për zgjedhjet në Bashkinë e Tiranës.

    Në një deklaratë publike, Binaj tha se pas më shumë se dy dekadash angazhim në çështje me interes kombëtar, ka vendosur të kandidojë për kryetar bashkie si një “qytetar i lirë, pa parti”, me synimin për t’i dhënë kryeqytetit një drejtues që përfaqëson qytetarët dhe jo interesat politike.

    Postimi i plotë:

    Të dashur mikesha dhe miq, qytetarë të ndershëm punëshumë e fjalëpakë të kryeqytetit të Shqipërisë. Si një artist i përfshirë në çështje publike me interes Kombëtar prej 22 vitesh, si një kryefamiljar, i rritur në një kryeqytet i cili ka shkatërruar shumëçka në emër të zhvillimit dhe që shumë pak gjëra kanë mbetur ende pa u bërë ish, nisur nga nevoja e menjëhershme për të pasur në drejtim të kryeqytetit një figurë e cila nuk është gjymtyrë e asnjë partie pasi e kemi parë në 34 vite që kjo mënyrë jo e drejtpërdrejtë nuk ka qënë frytëdhënëse në përmirësimin e cilësisë së jetës tonë.

    Na duhet një drejtues qytetar i zgjedhur nga qytetarët për qytetarët sepse asnjë nga ne nuk mund të presë më edhe 34 vite të tjera. Prandaj kam vendosur, të shpall kandidaturën time për Kryetar Bashkie të Tiranës duke dhënë gjithë veten time për të përfaqsuar sa më denjësisht çdo qytetare dhe qytetar, me apo pa parti, elektoratin gri por pa i ndarë njerëzit në krahë, por si të barabartë, sepse asnjë qytet dhe aq më tepër kryeqyteti, nuk mund ti shërbejë vetëm palës politike që e drejton. Unë besoj se kontributi im do i shërbejë edhe pse gjysëm mandati, shpresës dhe bashkimit, përmirësimit të jetës të të gjithë kryeqytetasve.

    Uroj dhe shpresoj që të gjitha partitë politike qe duan vërtet ndryshimin pavarësisht ngjyrave të bashkohen me këtë nismë dhe të kenë besim tek qytetarët ashtu siç qytetarët kanë pasur besim tek ta.
    Qëllimi im është, që së bashku, ta nxjerrim bashkinë nga gjëndja në të cilën ndodhet për shkak të politikës dhe t’jua rikthejmë atë qytetarëve si një shtëpi për të gjithë ne. Të rikthejmë besimin tek institucioni i bashkisë në shërbim të komunitetit!

    Ftoj të gjithë qytetarët, intelektualët të majtë dhe të djathtë të na bashkohen.
    Faleminderit.

  • KQZ: Procesi i votimit më 12 tetor do të mundësohet në 948 qendra të votimit

    KQZ: Procesi i votimit më 12 tetor do të mundësohet në 948 qendra të votimit

    Të dielën e ardhshme qytetarët e Kosovës u drejtohen qendrave të votimit për të zgjedhur kryetarët e komunave dhe asamblistët e kuvendeve komunale.

    Në vazhdën e përgatitjes për zgjedhjet lokale, të cilat do të mbahen fundjavën e ardhshme, Komisioni Qendror i Zgjedhjeve ka filluar me trajnimin e anëtarëve të Këshillave të vendvotimeve që do të angazhohen në ditën e zgjedhjeve, më 12 tetor.

    Programi trajnues do të zhvillohet në 38 komunat e vendit dhe ka për qëllim të përgatisë më shumë se 15 mijë anëtarë me njohuri për detyrat dhe përgjegjësitë e tyre gjatë procesit zgjedhor.

    Procedurat e votimit dhe numërimit në vendvotim; procedurat e Votimit të Personave me Nevoja të Veçanta dhe procedurat e votimit me kusht, janë çështjet thelbësore në të cilat do të përqendrohet programi trajnues, ka njoftuar KQZ-ja.

    Në mbledhjen e fundit KQZ mori vendim për emërimin e anëtarëve të Këshillave të Vendvotimeve të rregullta, atyre me kusht dhe anëtarëve rezervë për Zgjedhjet Lokale, të cilët do të angazhohen në ditën e zgjedhjeve, më 12 tetor 2025. Sipas vendimit të këtij komisioni, emërohen 14,305, anëtarë të 2,571 vendvotimeve të rregullta dhe 54 vendvotimeve me kusht, ndërkaq 1,200 anëtarë të tjerë do të jenë rezervë.

    KQZ këtë javë akreditoi edhe 521 vëzhguesve, për vëzhgimin e Zgjedhjeve Lokale. Vëzhguesit e akredituar përfaqësojnë 26 organizata vëzhguese, si: organizata ndërkombëtare, organizatave joqeveritare dhe përfaqësi diplomatike në Republikën e Kosovës.

    Zgjedhjet në Kosovë do të zhvillohen në 948 Qendra të Votimit, me gjithsej 2,625 vendvotime, prej të cilave 910 qendra me 2,571 vendvotime për votimin e rregullt dhe 38 qendra, nga një për çdo komunë, me 54 vendvotime, për të mundësuar votimin me kusht.

  • Mira Murati zbulon “Tinker”, produktin e parë të startup-it të saj të AI

    Mira Murati zbulon “Tinker”, produktin e parë të startup-it të saj të AI

    Mira Murati, ish-CTO e OpenAI, ka prezantuar sot produktin e parë të kompanisë së saj “Thinking Machines Lab”, një API që quhet Tinker dhe lejon përdoruesit të përshtatin (fine-tune) modele të gjuhës artificiale në mënyrë më të thjeshtë. Sipas eWeek, produkti tashmë është në versionin beta privat dhe do të ofrohet fillimisht pa pagesë, ndërsa më vonë pritet të ketë tarifim sipas përdorimit.

    Tinker synon të heqë kompleksitetin teknik që lidhet me trajnimin e modeleve të mëdha gjuhësore, duke ofruar një ndërfaqe intuitive për hulumtues, zhvillues dhe studiues që duan të eksperimentojnë me modele të avancuara pa pasur nevojë për ekspertizë infrastrukturore të thellë. Forma e punësimit përfshinë përdorimin e LoRa (low-rank adaptation) për të lehtësuar procesin dhe për të reduktuar kostot.

    Për startup-in e saj, ky hap është themelor. Thinking Machines Lab ka grumbulluar një ekip me emra të njohur nga OpenAI dhe kompani të tjera, dhe para lansimit të produktit po thuhet se ka ngritur rreth 2 miliardë dollarë investime në rreth e parë me një vlerësim prej 12 miliardë dollarësh.

    Murati ka deklaruar se qëllimi i Tinker është të mundësojë që më shumë njerëz të kenë qasje në aftësitë më përparuese të AI-së dhe të inkurajojë inovacionin në shareshë të reja teknologjike. Ajo beson se produkti është një pikë kthese drejt demokratisimit të zhvillimit të modeleve të mëdha, shkruan eWeek.

  • Ngërçi institucional, a po rrëshqet Kosova drejt një krize ekonomike?

    Ngërçi institucional, a po rrëshqet Kosova drejt një krize ekonomike?

    Moskonstituimi i institucioneve shtetërore po vazhdon të ketë ndikim negativ në ekonominë e vendit, duke krijuar pasiguri te bizneset vendore dhe investitorët e huaj. Bizneset vendore dhe investitorët e huaj po përballen me një klimë të pasigurt, e cila po i detyron të ngadalësojnë aktivitetet dhe planet e tyre për zhvillim e investim, raporton KosovaPress.

    Ekspertë të ekonomisë dhe afaristë vlerësojnë se mungesa e stabilitetit politik dhe qeverisës po pengon zhvillimin e qëndrueshëm ekonomik dhe sic thonë ata po krijon pasiguri të vazhdueshme në tregun vendor.

    Profesori universitar Sejdi Rexhepi, thotë për KosovaPress theksoi se “situata aktuale po e lë shtetin dhe ekonominë në një gjendje të paorganizuar”. Sipas profesorit Rexhepi, përveç bizneseve vendore, kjo po ndikon në mënyrë të drejtpërdrejtë edhe tek bizneset ndërkombëtare të cilat edhe nëse kanë pasur për qëllim të investojnë në këtë periudhë, sipas tij nuk kanë investuar dhe e kanë shtyrë për një periudhë tjetër kohore kur situata të jetë stabile.

    Gjithashtu eksperti financiar Emanuel Bajra thekson se përveç varësisë që është krijuar nga bizneset ndaj ndihmave dhe subvencioneve shtetërore, ngërçi politik po sjellë pasoja serioze në modelimin e ekonomisë së vendit.

    Përveç kësaj, Bajra thotë për KosovaPress se është e nevojshme të gjendet një zgjidhje politike për të dalë nga kjo krizë për hirë të ekonomisë, konsumatorit dhe gjithashtu sic potencon ai për rreziqet që po vijnë nga jashtë Kosovës.

    Edhe sektori privat po përballet me sfida të mëdha si pasojë e vakumit institucional. Pronari i kompanisë “ELKOS”, Ramiz Kelmendi, thotë se dëmet për ekonominë dhe bizneset janë të mëdha dhe të pambarueshme.

    Përderisa situata politike vazhdon të mbetet e pasigurt, thirrjet nga ekspertët dhe bizneset për stabilitet institucional janë gjithnjë e më të zëshme, në mënyrë që të shmangen pasojat afatgjate për ekonominë e vendit.

    Përveç kësaj, mungesa e formimit të institucioneve të reja, rrezikon që vendi të mbetet edhe pa buxhet për vitin e ardhshëm.

    Zgjdhjet dhe bllokada në Kuvend

    Kosova ka mbajtur zgjedhjet parlamentare më 9 shkurt, por ende nuk është bërë formimi i institucioneve të reja.

    Seanca konstituive e Kuvendit të Kosovës u mbyll më 30 gusht nga kryeparlamentari Dimal Basha, ani pse deputetët nuk arritën të zgjedhin nënkryetarin nga komuniteti serb, krahas zgjedhjes së kryetarit dhe katër nënkryetarëve të tjerë të legjislativit.

    Më 30 shtator, Gjykata Kushtetuese e Kosovës njoftoi se seanca konstituive e Kuvendit të Kosovës nuk ka përfunduar.

    Kushtetuesja vendosi që Seanca Konstituive e Kuvendit, e filluar me 15 prill 2025 nuk ka përfunduar si rezultat i moszgjedhjes së nënkryetarit të Kuvendit nga radhët e deputetëve të komunitetit serb.

    Sipas këtij vendimi të Gjykatës, seanca konstituive e Kuvendit duhet të përfundojë brenda afatit të përcaktuar me paragrafin 1 të nenit 66 [Zgjedhja dhe Mandati] të Kushtetutës së Republikës së Kosovës dhe sipas Aktgjykimit të Gjykatës në rastet KO193/25 dhe KO196/25, përkatësisht brenda afatit të mbetur prej 12 ditëve nga hyrja në fuqi e këtij Aktgjykimi.