Author: Samir Dalipi

Miley Cyrus ka sqaruar njëherë e mirë thashethemet për përçarje në familje dhe po bën të qartë se ku qëndron zemra e saj.

Pasi fansat spekuluan për tensione me nënën e saj, Tish, dhe babain, Billy Ray, Miley iu drejtua audiencës së Instagramit për të folur për këtë situatë, duke thënë: “Unë dhe mami im jemi shumë të lidhura që ndonjë gjë të na ndajë… ajo është shoqja ime më e mirë.”

Tish sqaroi një “unfollow” të paqëllimshëm, duke e quajtur një problem teknik të thjeshtë: “Kurrë nuk do ta bëja unfollow Miley-n.”

Sa i përket marrëdhënies me babain, Billy Ray, Miley pranoi: “Kemi pasur sfidat tona,” por shton se koha dhe shërimi kanë ndihmuar në rindërtimin e urave mes tyre./ NO FILT/

Demi Lovato ka tërhequr vëmendjen e rrjeteve sociale pas publikimit të disa fotografive të reja në Instagram, ku duket dukshëm më e hollë.

Ndjekësit e saj kanë shpërndarë komente të shumta, duke spekuluar se ylli i muzikës pop mund të ketë përdorur Ozempic , një medikament i njohur së fundmi për efektet e tij në humbjen e peshës.

Megjithëse Lovato nuk ka komentuar publikisht për transformimin e saj trupor apo për përdorimin e ndonjë ilaçi, komentet në rrjet nuk kanë munguar. “Kjo s’mund të jetë vetëm dietë dhe stërvitje,” shkruan një ndjekës. “Kjo duket si puna e Ozempic,” shton një tjetër.

Ozempic, fillimisht i miratuar për trajtimin e diabetit të tipit 2, është bërë i njohur në mesin e të famshmëve për efektet anësore të tij që lidhen me humbjen e peshës.

Deri më tani, përfaqësuesit e Lovatos nuk kanë dhënë asnjë reagim zyrtar mbi këto spekulime. Ajo vetë ka folur më parë hapur për betejat e saj me imazhin trupor dhe shëndetin mendor, duke theksuar rëndësinë e pranimit dhe vetëdashurisë.

Këngëtarja Ella ka publikuar projektin e saj më të ri muzikor me titull “Luje Luje”, një projekt dinamik që sjell ritme moderne dhe një performancë plot stil. Kënga është realizuar nga Next Wave Records,të cilët kanë kontribuar edhe në tekstin e këngës.

Beat-i/Instrumentali është punuar nga Ruz Beatz, duke sjellë një atmosferë ritmike për publikun, ndërsa masterizimi është bërë nga Johan Bejerholm.

Videoklipi i “Luje Luje” është xhiruar dhe realizuar nga Valon Aziri, duke sjellë imazhe dinamike që përputhen në mënyrë perfekte me energjinë e këngës. / NO FILT/

Lady Gaga pati koncert në plazhin legjendar të Copacabanës në Rio de Janeiro me një koncert falas madhështor, që sipas autoriteteve braziliane mblodhi rreth dy milionë fansa.

“Brazil, më keni munguar kaq shumë!”, tha Gaga, në performancën e saj të parë në Brazil që nga viti 2012, përpara se të niste këngën “Poker Face”.

Gjatë gjithë javës, fansat e Gagas udhëtuan për në Rio, një qytet i famshëm për Karnavalin e tij vjetor, që tërheq qindra mijëra turistë nga e gjithë bota. Autoritetet prisnin rreth 1.6 milionë pjesëmarrës, që llogaritej se do t’i sillnin ekonomisë lokale rreth 100 milionë dollarë, por Bashkia e Rios njoftoi më vonë se 2.1 milionë njerëz kishin qenë të pranishëm.

Kjo shifër është rreth gjysmë milioni më shumë se koncerti i Madonnës në të njëjtin vend vitin e kaluar. Zyrtarët e qytetit të Rios synojnë të vazhdojnë me organizimin e koncerteve gjigante falas në muajin maj, si një mënyrë për të nxitur turizmin gjatë sezonit.

Kryetari i bashkisë Eduardo Paes ka lënë të kuptohet se ka në plan të ftojë grupin legjendar irlandez U2, ndonëse ende nuk është përcaktuar një datë.

Për këtë koncert të jashtëzakonshëm, autoritetet vendase angazhuan një forcë sigurie të përmasave të mëdha, duke përfshirë 5,000 polici, dronë, si dhe kamera.

Lady Gaga vazhdon të mbetet një prej emrave më të dashur dhe më të njohur në muzikë dhe kulturë pop, duke përzierë gjithmonë artin, muzikën dhe mesazhet sociale në çdo hap të saj.

Lady Gaga ka arritur një karrierë të jashtëzakonshme dhe mbresëlënëse në industrinë e muzikës dhe aktrimit. Ajo ka fituar çmime të shumta, duke përfshirë 6 çmime Grammy, 2 çmime Oscar, dhe 13 çmime MTV Video Music. Hitet e saj, si “Poker Face”, “Bad Romance”, dhe “Shalloë” (me Bradley Cooper), kanë shitur miliona kopje në mbarë botën. Gaga është e njohur gjithashtu për angazhimin e saj në çështje sociale dhe përkrahjen për të drejtat e njeriut, duke e përdorur platformën e saj për të përhapur mesazhe pozitive dhe fuqizuese. Po ashtu, ajo ka arritur suksese të mëdha në aktrim, me performancën e saj të lavdëruar në filmin “A Star Is Born”, i cili i siguroi asaj nomimime për çmime Oscar dhe një fitore për këngën më të mirë origjinale./ NO FILT/

Mbrëmja më e famshme e modës në botë, Met Gala 2025, u zhvillua më 5 maj në Muzeun Metropolitan të Artit në Nju Jork. Fustanet luksoze, veshjet glamuroze mbushën tapetin me yje të pafundmë, por një emër i vetëm rrëmbeu gjithë vëmendjen: Rihanna.

Edhe pse ende pa hyrë, këngëtarja ikonë dhe sipërmarrësja e famshme u shfaq në rrugët e Nju Jorkut me një veshje elegante, që theksonte me krenari barkun e rrumbullakosur – duke bërë të ditur se është në pritje të fëmijës së saj të tretë me A$AP Rocky. Lajmi u bë publik nga fotografi Miles Diggs në rrjetet sociale, me përshkrimin simbolik “Chance of Shoëers”, duke iu referuar hitit të saj “Umbrella” dhe lajmit të ëmbël.

Rihanna dhe Rocky janë tashmë prindër të dy djemve.

Pavarësisht nga prania e dhjetëra emrave të njohur nga muzika, moda, filmi dhe sporti, ishte pikërisht Rihanna ajo që u bë kryefjalë e mbrëmjes. Me paraqitjen e saj ajo solli një moment të paharrueshëm në historinë e Met Gala.

Rihanna dhe A$AP Rocky kanë një histori të veçantë kur vjen puna për të ndarë lajme të mëdha me publikun  dhe shtatzënia nuk bën përjashtim. Edhe shtatzëninë e dytë çifti e kishte shpallur në një mënyrë po aq madhështore, kur Rihanna u shfaq në skenën e Super Boël 2023 për performancën e saj në mes të lojës, me barkun e rrumbullakosur të zbuluar për miliona shikues anembanë botës. Djali i tyre i dytë, Riot Rose, lindi më vonë gjatë atij viti.

Rihanna dhe A$AP Rocky njihen prej më shumë se një dekade, por marrëdhënia e tyre romantike mori hov pas vitit 2020. Dyshja u njohën fillimisht në skenën muzikore rreth vitit 2012, kur Rocky mori pjesë në turneun Diamonds Ëorld Tour të Rihannës si artist hapës. Miqësia e tyre u thellua ndër vite, dhe thashethemet për një lidhje nisën të qarkullojnë pas ndarjes së Rihannës nga biznesmeni Hassan Jameel. Në vitin 2021, Rocky konfirmoi publikisht lidhjen e tyre në një intervistë, duke e quajtur Rihannën “dashuria e jetës” së tij. Përndryshe, dy yjet nuk janë zyrtarisht të martuar .

Që atëherë, ata janë bërë një nga ciftet më të dashura të industrisë së shoëbizit.

Pasuria e Rihannës vlerësohet të jetë rreth 1.4 miliardë dollarë, falë karrierës së saj të suksesshme në muzikë, linjave të kozmetikës dhe modës, si dhe investimeve të zgjuara në biznes. Nga ana tjetër, partneri i saj, A$AP Rocky, ka një pasuri të vlerësuar rreth 20 milionë dollarë, të ardhura që burojnë kryesisht nga muzika, koncertet dhe bashkëpunimet e tij në modë./ NO FILT/

Pas më shumë se një viti lidhjeje të qetë larg syrit të publikut, Gigi Hadid ka zyrtarizuar romancën e saj me Bradley Cooper.

Supermodelja ndau një foto të ëmbël duke u puthur me Bradley-n në postimin e saj për ditëlindjen e 30-të.

“Ndihem me fat për çdo ulje dhe ngritje… që jam nënë, mike, partnere, motër, bijë…” shkroi ajo – duke konfirmuar në mënyrë delikate atë që fansat tashmë e kishin dyshuar.

Gigi, e cila ka një vajzë, Khai, me ish-partnerin Zayn Malik, kohët e fundit është shprehur se është në një pikë të jetës ku e di çfarë “dëshiron dhe meriton” në dashuri.

Bradley, 50 vjeç, ishte pjesë e festës së saj madhështore në Nju Jork, së bashku me emra të njohur si Bella Hadid, Anne Hathaway, Tan France e të tjerë./ NO FILT/

Dolly Parton po reflekton mbi dashurinë, humbjen dhe fuqinë për të ecur përpara.

Në një intervistë  për emisionin Today, Dolly foli hapur për mënyrën se si po përpiqet të përshtatet me jetën pas ndarjes nga jeta të bashkëshortit të saj të dashur, Carl Dean, i cili vdiq më 3 mars, në moshën 82-vjeçare.

“Ishim bashkë për 60 vjet. E kam dashur që kur isha 18 vjeçe,” tregoi ajo. “Është një ndryshim i madh, vetëm përpjekja për të ndryshuar zakonet dhe rutinën.”

Megjithëse pranon se humbja është ndjerë thellësisht, Dolly thotë se qëndrimi e angazhuar e ka ndihmuar: “Do të jem mirë, dhe jam shumë e përfshirë në punën time, dhe kjo ka qenë gjëja më e mirë që mund të më ndodhte. Por gjithmonë do ta ndjej mungesën e tij, sigurisht, dhe gjithmonë do ta dua.”/ NO FILT/

Dy nga emrat më të njohur të muzikës moderne shqiptare, Tayna dhe Butrint Imeri, kanë bërë të ditur se do të publikojnë këngën e tyre të re me titull “Lot” më 8 maj.

Ky bashkëpunim i shumëpritur pritet të sjellë ritme verore dhe një videoklip dinamik.

Lajmi është konfirmuar nga vetë artistët përmes rrjeteve sociale, ku kanë ndarë një pjesë të shkurtër nga projekti dhe kanë ndezur entuziazmin e ndjekësve. Kjo është hera e dytë që Tayna dhe Butrinti bashkojnë forcat në një projekt muzikor, dhe pritshmëritë janë të larta./ NO FILT/

Në botën e modës dhe bukurisë që gjithmonë ndryshon, pak familje të famshme kanë pasur një ndikim të madh sa Kardashians. Nga ditët e tyre të para në television e deri më tani, ato shpesh kanë qenë në krye të ndryshimit të trendeve të trupit dhe kanë udhëhequr vazhdimisht ndryshimet në standardet e bukurisë trupore.

Në fillim të viteve 2000, trupi i hollë dhe atletik ishte standardi dominues, me figura si Kate Moss dhe Nicole Richie që përfaqësonin idealin e asaj kohe. Megjithatë, me ngritjen e motrave Kardashian — veçanërisht Kim Kardashian — u hap rruga për një estetikë të re: format e plota dhe trupat me linja të theksuara. Kim u bë simbol i një forme trupore më voluminoze, duke e zhvendosur diskursin publik për atë që konsiderohej “bukuri” në Hollyëood. Stilistë dhe ekspertë të industrisë së modës kanë pohuar se ndikimi i saj ndihmoi në përqafimin e diversitetit trupor, pavarësisht madhësisë apo formës.

Me rritjen e rrjeteve sociale, sidomos Instagramit, ndikimi i Kardashianëve u rrit në përmasa globale. Përmes ndarjes së jetës së tyre luksoze, stilit dhe rutinave të bukurisë, Kim, Khloé dhe Kylie ndërtuan një ndjekje masive duke promovuar një lloj pozitiviteti për trupin, megjithëse shpesh i filtruar përmes ndërhyrjeve estetike.

Por sot, duket se kemi hyrë në një epokë të re. Pas viteve të ndërhyrjeve për zmadhimin e tipareve trupore, Kardashianët po përqafojnë një kthesë drastike zhbërjen e këtyre procedurave. Kirurgu plastik Darren Smith, në një intervistë për The Hollyëood Reporter, vuri në dukje se disa anëtare të familjes kanë shpërbërë mbushësit e buzëve, kanë hequr implantet e gjoksit dhe madje kanë reduktuar përmasat e vitheve.

Ndërkohë, fansat përballen me një presion gjithnjë e më të madh për të ndjekur këto trende që ndryshojnë shpejt. Ndërsa yjet mund të zhduken për disa javë dhe të rikthehen me një trup të ri, shumica e njerëzve nuk kanë luksin për transformime të tilla. Dr. Hoëard Sobel tregon se shpesh pacientët kërkojnë të ngjajnë me fytyrat e famshme, pa marrë parasysh që nuk kanë strukturën bazë të përshtatshme për rezultate realiste. “Vijnë me foto të personazheve të famshëm si Kardashians dhe kërkojnë të njëjtën pamje, ndonëse nuk kanë aspak të njëjtën fizionomi”, shpjegon ai.

Ndikimi i Kardashians në industrinë estetike ka qenë i dukshëm edhe më herët. Në vitin 2013, pasi Kim postoi për trajtimin e mikronidelimit me plazmë të pasur me trombocite (PRP), kjo procedurë u bë një nga më të kërkuarat në fushën e kozmetikës. Ajo nxit prodhimin e kolagjenit dhe përmirëson pamjen e lëkurës, duke i dhënë asaj një efekt më të ri e të freskët.

Gjithashtu, gjatë dekadës së fundit ka pasur një rritje të madhe të interesimit të procedurës BBL (Brazilian Butt Lift), një ndërhyrje që përfshin transferimin e dhjamit nga pjesë të tjera të trupit në vithe. Kjo procedurë u bë trend global, kryesisht falë pamjes ikonike të Kim dhe Khloe Kardashian.

Tani, me kthimin pas të trendeve dhe një qasje më natyrale ndaj bukurisë, mbetet për t’u parë nëse Kardashianët do të udhëheqin një epokë të re apo nëse ky është thjesht një tjetër kapitull i përkohshëm në rrugëtimin e tyre të pandalshëm për formësimin e bukurisë moderne./ NO FILT/

Ben Affleck ka zbuluar se kritikët më të ashpër të karrierës së tij filmike janë fëmijët e tij!

Gjatë një interviste në emisionin Jimmy Kimmel Live, aktori rrëfeu se tre fëmijët e tij nuk e kursejnë aspak me komentet e sinqerta dhe shpesh të dhimbshme  për filmat e tij të mëparshëm.

“Nuk e cenzurojnë fare veten,” tha Affleck duke qeshur. “Ulen pranë meje dhe thonë: ‘Ky film është tmerr.’”

Megjithatë, jo gjithçka është kritika  ka edhe lavdërime të rralla. Sipas Ben, fëmijët u befasuan vetë që u pëlqeu filmi i tij më i fundit, The Accountant 2.

Për më tepër, djali i tij Samuel ende çuditet që babai i tij njeh njerëz “të famshëm” në industrinë e filmit.

Ben Affleck ka tre fëmijë, nga martesa e tij e mëparshme me aktoren Jennifer Garner./ NO FILT/