Author: N.T.

Real Madridi ka marrë një shqetësim të madh vetëm disa ditë para ndeshjes së rëndësishme të Ligës së Kampionëve kundër Manchester Cityt. Sipas raportimeve të The Athletic, sulmuesi francez Kylian Mbappé nuk ka qenë i pranishëm në seancën e sotme stërvitore me skuadrën.

Kjo mungesë e papritur ka ngritur pikëpyetje serioze rreth gjendjes së tij fizike dhe mundësisë për të qenë i gatshëm në supersfidën ndaj kampionëve të Evropës. Burimet raportojnë se Mbappé po përballet me shqetësime muskulore, megjithëse Real Madridi nuk ka dhënë ende një njoftim zyrtar.

Sipas raportimeve, stafi mjekësor i Real Madridit do të vlerësojë gjendjen e lojtarit në orët e ardhshme, por aktualisht ai konsiderohet në dyshim për ndeshjen vendimtare kundër Manchester Cityt. Kjo situatë vjen në një moment kritik për madrilenët, të cilët po përgatiten për njërën nga përballjet më të forta të sezonit.

Mungesa e Mbappés, nëse konfirmohet për ndeshjen, do të ishte një goditje e rëndë për trajnerin Carlo Ancelotti, i cili e konsideron francezin si një ndër elementët kyç të repartit sulmues. Në anën tjetër, Manchester City mund të përfitojë nga kjo situatë, pasi mbrojtja e tyre do të përballet me më pak rrezik.

Real Madridi pritet të japë përditësime të reja në lidhje me gjendjen e lojtarit para ndeshjes, ndërsa tifozët mbajnë frymën përpara sfidës së madhe që mund të vendosë shumë në ecurinë e sezonit evropian.

Mëngjesin e sotëm janë zhvilluar tre ndeshje në kuader të Elitës së Basketbollit Amerikan, NBA.

San Antonio Spurs është këndellur me fitore pasi mundi me vetëm 2 pikë diferencë 135-132 New Orleans Pelicanes, me këtë të fundiit që e pësuan humbjen e 7 radhazi.

Harrison Barnes udhëhoqi Spurs drejt fitores me 24 pikë, deris Dylan Harper shtojë 22 sosh.

Nga ana tjetër, Derik Queen ishte fantastik duke realizuar triple-double prej 33 pikëve, 10 kercimeve e po aq assitime, ndërsa  Trey Murphy III, kontriboi me 32 pikë, por nuk ishin të mjaftueshme për fitore.

Spurs renditen në vendin e 5 në Perëndim, derisa Pelicanes të fundit në tabelë.

Phoneix Suns po ashtu është rikther te fitoret pasi mundi Minesotta Timberwolves me shifrat 108-105.

Mark Williams shkëlqeu me 22 pikë e 7 kërcime, në fitoren e Suns.

Të skuadra humbëse Anthony Edwards ishte brilliant me 40 pikë e 9 kërcime.

Suns renditet e shtata në Perëndim derisa Timberëolëes e gjashta.

Indiana Pacers ka realizuar fitoren e dytë radhazi, pasi mundi kësaj radhe Sacramento Kings me rezultat 116-105.

Andrew Nembhard pati paraqitje solide me 28 pikë e 12 assitime, derisa kontibuan edhe Benedtict Matturin me 25 pikë dhe Paskal Siakam me 23 sosh.

Nga ana tjetër, edhe pse Russell Westbrook realizoi Triple-double me 24 pikë, 12 kërcime e 14 asistime, nuk ishin të mjaftueshme për fitore.

Pacers pozicionehn në vendin e parafundit në Lindje derisa Kings në vendin e 13 në Perëndim.

Argjentina synon të shkruajë histori në Kupën e Botës 2026, që do të mbahet në Shtetet e Bashkuara, Meksikë dhe Kanada, duke kërkuar të mbrojë titullin e fituar në Katar. Edhe pse Lionel Messi ende nuk e ka konfirmuar pjesëmarrjen e tij në turne, kapiteni i kombëtares “Albiceleste” ka ndarë mendimin për skuadrat që i sheh si kandidatët kryesorë për trofe.

Pas shortit të edicionit historik të parë me 48 ekipe, analizat dhe parashikimet kanë nisur menjëherë – dhe Messi nuk ka hezituar të japë vlerësimin e tij për rivalët më të fortë.

Në një intervistë për ESPN, ylli i Inter Miamit theksoi se Argjentina do të synojë fuqishëm titullin, ndërsa përmendi disa nga pretendentët kryesorë:

“Ka skuadra shumë të mira. Spanja, Franca, Anglia, Brazili, të cilat nuk e kanë fituar për një kohë të gjatë, duan ta marrin trofeun”, u shpreh Messi.

“Gjermania gjithmonë ka pasur ambicie ndaj Argjentinës dhe tani e dëshiron edhe më shumë, sidomos pas asaj që ndodhi në Kupën e Botës së fundit. Do të jetë shumë e vështirë, por nuk kam asnjë dyshim se edhe ata do të luftojnë për titullin.”

Kupa e Botës 2026 do të jetë e para me formatin e ri, ku 48 ekipet pjesëmarrëse do të ndahen në 12 grupe me nga katër kombëtare.

Në fazën me eliminim të drejtpërdrejtë avancojnë: dy ekipet e para nga secili grup, plus tetë ekipet më të mira të vendeve të treta

Një sistem që pritet të sjellë më shumë ndeshje, më shumë emocion dhe më shumë surpriza.

Me Messi ende të pavendosur për pjesëmarrjen e tij, por të bindur për fuqinë e Argjentinës, gara për Kupën e Botës 2026 premton të jetë një nga më të fortat dhe më të paparashikueshmet në histori.

Klubi i basketbollit Vëllaznimi ka njoftuar sot se ka arritur marrëveshje për largimin e yllit të skuadrës, Marques Warrick, duke përfituar kompensim financiar nga transferimi i tij. Klubi gjakovar konfirmon se basketbollisti do të vazhdojë karrierën në një prej ligave më të forta në Evropë, megjithëse destinacioni i tij i ri nuk është bërë ende i ditur.

Në komunikatën zyrtare, Vëllaznimi bën të ditur se oferta për transferimin e Warrick ishte “e parefuzueshme” si për klubin, ashtu edhe për vetë lojtarin, ndërsa shuma e marrëveshjes mbetet konfidenciale.

Njoftimi i klubit: “Rrugët tona ndahen me marrëveshje”

“Për shkak të marrëveshjes kontraktuale me Marques Warrick, rrugët tona ndahen këtu. Ai do të transferohet në një ligë të fortë evropiane dhe, me marrëveshje të dyanshme, kemi vendosur ta lëmë të shkojë. Falënderojmë Marques për kontributin e tij gjatë kohës te Vëllaznimi dhe i urojmë suksese në vazhdim të karrierës”, thuhet në njoftimin e klubit.

Kujtojmë që, Warrick, la gjurmë të forta në ndeshjen e tij të fundit me fanellën e kuqe. Kundër Trepçës, ai spikati me 28 pikë, 2 kërcime dhe 2 asistime, duke dëshmuar vlerën dhe ndikimin që pati në skuadër.

Largimi i tij përbën një humbje të ndjeshme për Vëllaznimin, por njëkohësisht një hap të rëndësishëm për karrierën e basketbollistit amerikan, i cili tani do të matet me basketbollin elitar evropian.

Kupa e Botës 2026, që do të zhvillohet në SHBA, Kanada dhe Meksikë, pritet të sjellë ndryshimet më të mëdha në historinë e turneut, duke transformuar mënyrën se si tifozët në mbarë botën e përjetojnë ngjarjen më të madhe sportive.

Gjatë shortit përfundimtar të mbajtur në Washington D.C., FIFA konfirmoi dy risi madhore:

Një shfaqje gjigante në pushimin e finales, e frymëzuar nga Super Bowli, si dhe rregulla të reja të detyrueshme për komunikimin me median, të cilat do të ndikojnë drejtpërdrejt trajnerët dhe lojtarët.

FIFA njoftoi se finalja e Kupës së Botës 2026 do të shoqërohet me një spektakël të madh argëtues në pjesën e parë, ashtu si tradita e Super Bowlit në SHBA.

Raportime të Inside World Football theksojnë se FIFA u frymëzua nga sukseset e NFL-it, ku pushimi i ndeshjes është kthyer në një event kulturor me performanca të artistëve botërorë.

Kjo qasje u testua me sukses në finalen e Kupës së Botës për Klube 2025, ku në skenë u ngjitën J Balvin, Doja Cat dhe Coldplay, duke tërhequr audiencë rekord dhe reagime masive në rrjetet sociale.

Spektakli pritet të sjellë përfitime të mëdha komerciale dhe kohë televizive premium, ndonëse mbetet të shihet si do të harmonizohet me pushimin tradicional 15-minutësh të futbollit.

Po ashtu, FIFA, ka prezantuar edhe ndryshime thelbësore në mënyrën e mbulimit mediatik të turneut.

Sipas All Football, këto janë rregullat e reja kryesore:

Trajnerët dhe lojtarët do të japin intervista televizive menjëherë pas pjesës së parë, një praktikë që nuk është aplikuar kurrë në Kupën e Botës.

Intervista të detyrueshme edhe pas përfundimit të çdo ndeshjeje.

Konferencë shtypi dy ditë para çdo ndeshjeje për secilin ekip.

Qëllimi i FIFA-s është rritja e transparencës, afrimi i tifozëve me ekipet dhe krijimi i një përvoje më interaktive.

Me zgjerimin në 48 ekipe dhe me këto risi të mëdha, Kupa e Botës 2026 premton të jetë turneu më inovativ dhe më i ndjekur ndonjëherë.

FIFA synon të bashkojë futbollin, argëtimin dhe median në një format që pasqyron epokën moderne dhe kërkesat e tregut global.

Ky edicion do të jetë jo vetëm garë për titullin, por një spektakël botëror që synon të ndryshojë përgjithmonë standardet e organizimit të Kupës së Botws.

Trajneri i Barcelonës, Hansi Flick, ka komentuar situatën në garën për titull pas humbjes së Real Madridit ndaj Celta Vigos, por ka befasuar me deklaratën se nuk e kishte ndjekur fare ndeshjen e rivalëve të përjetshëm.

“Më është thënë se Real Madridi ka humbur, unë nuk e pash ndeshjen, isha në shtrat”, tha Flick me qetësi, duke lënë të kuptohet se rezultatet e tjerëve nuk e shqetësojnë aspak.

Humbja e Real Madridit nga Celta Vigo ka trazuar garën për titull, por trajneri i Barcelonës insiston se skuadra e tij nuk e humb fokusin.

I pyetur për raportin e vazhdueshëm të krahasimeve mes dy gjigantëve, Flick u përgjigj shkurt dhe prerë:

“Dallimi mes Barcelonës dhe Real Madridit? Ne gjithmonë fokusohemi te vetja.

Nuk i shikojmë kundërshtaret dhe nuk duam të flasim për ta. Jemi të përqendruar dhe e dimë që rruga është e gjatë.”

Me këto deklarata, Flick ka dërguar një mesazh të qartë për lojtarët dhe tifozët, Barcelona nuk do të ndikohet nga luhatjet e rivalëve dhe do të ecë përpara duke ndërtuar lojën e saj.

Trajneri gjerman duket se po synon të mbajë presionin larg ekipit, duke i dhënë përparësi stabilitetit dhe vazhdimësisë, pavarësisht humbjes befasuese të Real Madridit ndaj Celta Vigos.

Barcelona vazhdon rrugëtimin e saj, me Flick që kërkon qetësi dhe fokus maksimal.

Pas ndeshjes së tensionuar ndërmjet Gjilanit dhe Llapit, në Superligën e Kosovës kanë shpërthyer reagime të ashpra, ndërsa organet e drejtësisë kanë hapur hetime për një rast të dyshuar kanosjeje që përfshin persona të lidhur me ngjarjet e ditës.

Klubi i Llapit ka publikuar një reagim të fuqishëm pas humbjes ndaj Gjilanit, duke akuzuar gjyqtarin kryesor, Egzon Dakaj, për gjykim tendencioz dhe të njëanshëm. Sipas klubit, vendimi për t’i treguar karton të kuq kapitenit Axel Gnapi ishte plotësisht i pabazë, ndërsa vlerësimet e ekspertëve ndërkombëtarë të FIFA-s, të cituara nga Llapi, e kanë konsideruar ndërhyrjen si të rregullt dhe jo përjashtuese.

Llapi pretendon se gjyqtari ka marrë vendimin me pesë minuta vonesë, gjë që sipas tyre e bën kartonin e kuq “të dyshimtë dhe të porositur”. Po ashtu, klubi kontestion edhe faullin që parapriu golin e dytë të Gjilanit, duke theksuar se ndërhyrja nuk ka qenë e parregullt.

Në njoftim, Llapi kujton se nuk është hera e parë që Dakaj del në qendër të akuzave në ndeshje të rëndësishme të klubit, teksa kërkon nga Komisioni i Gjyqtarëve dhe organet e FFK-së hapjen e procedurës disiplinore ndaj tij dhe analizimin e plotë të vendimeve.

Ndërkohë, Prokuroria Themelore në Prishtinë ka njoftuar se ka pranuar informacion zyrtar nga Policia e Kosovës për një rast të dyshuar kanosjeje mes personave me inicialet T.B. dhe E.D.

Prokurori i Shtetit ka urdhëruar Policinë të intervistojë palët dhe të mbledhë prova shtesë për të sqaruar rrethanat e incidentit.

Në njoftimin zyrtar thuhet se organet kompetente janë duke punuar për “mbledhjen dhe grumbullimin e informacioneve relevante me qëllim zbardhjen e plotë të çështjes”.

Kjo ditë e trazuar për futbollin kosovar pritet të ketë vazhdim, si në aspektin sportiv me shqyrtimin e vendimeve të gjyqtarit Dakaj, ashtu edhe në aspektin juridik me hetimet për rastin e kanosjes.

Napoli ka marrë një fitore të rëndësishme në derbin e fundjavës së Serie A, duke triumfuar 2:1 ndaj Juventusit në një ndeshje me ritëm të lartë dhe emocione deri në fund.

Edon Zhegrova u paraqit sërish vetëm në minutat e fundit të takimit, duke pasur mundësi të kufizuara për të ndikuar në lojë. Aktivizimi i tij i vonshëm nxiti pyetje për formën dhe gjendjen e tij, të cilave trajneri Luciano Spalletti iu përgjigj pas ndeshjes.

Spalletti bëri të ditur se reprezentuesi i Kosovës ka vuajtur shqetësime fizike gjatë javës, çka ka ndikuar që ai të mos jetë i disponueshëm plotësisht në stërvitje.

“Edoni po vjen nga një periudhë e gjatë mungese. Ai është një lojtar shkatërrues në 15 metrat e fundit, por këtë javë ka pasur shqetësime dhe ka qenë jashtë stërvitjes. I duhet kohë që të rikthehet në ritmin e duhur. Do të doja ta përdorja më shumë, por ai duhet të rifitojë formën e tij fizike,” deklaroi Spalletti.

Zhegrova pritet të rikthehet gradualisht në formën optimale në javët në vijim, ndërsa Napoli vazhdon luftën për pozitat e para në tabelën e Serie A-së.

Mëngjesin e sotëm janë zhvilluar disa ndeshje interesante në kuader të Ligës më të fortë të basketbollit në botë, NBA.

Luka Donçiç ishte protagonist absolut në fitoren e Los Angeles Lakers kundër Philadelphia 76ers, ndeshje që u mbyll me shifrat 112:108.

Ylli slloven regjistroi një “triple-double” mbresëlënës me 31 pikë, 15 kërcime dhe 11 asistime. Pas tij, LeBron James u dallua me 29 pikë, 7 kërcime dhe 6 asistime, duke qenë vendimtar në momentet kyçe të takimit.

Kontribut solid dha edhe Rui Hachimura, i cili realizoi 17 pikë dhe siguroi 6 kërcime, ndërsa Deandre Ayton shtoi 14 pikë e 12 kërcime. Austin Reaves kompletoi paraqitjen e tij me 11 pikë, 4 kërcime dhe 4 asistime.

Në anën tjetër, më i miri për 76ers ishte Tyrese Maxey me 28 pikë, 9 asistime dhe 7 kërcime. Joel Embiid kontribuoi me 16 pikë, 7 kërcime dhe 2 asistime, por nuk mjaftuan për t’i shmangur humbjen.

Në një takim tjetër, Denver Nuggets arritën një fitore të rëndësishme në udhëtim ndaj Charlotte Hornets, duke triumfuar 115:106. Jamal Murray ishte lojtari kryesor i Nuggets me 34 pikë, 5 asistime dhe 3 kërcime.

Për Hornets, Miles Bridges shfaqi një paraqitje të fuqishme me 24 pikë, 9 kërcime dhe 8 asistime. Brandon Miller shtoi 17 pikë dhe 5 kërcime, ndërsa Simpson realizoi 16 pikë. Kontribut të mirë dhanë edhe Knueppel dhe McNeeley me nga 14 dhe 13 pikë.

Ndërkohë, New York Knicks fituan ndaj Orlando Magic me rezultat 106:100, por fitorja u zbeh nga dëmtimi i rëndë i Franz Ëagner, i cili pësoi një lëndim serioz në këmbën e majtë dhe pritet të mungojë për një periudhë të gjatë.

Pas qarkullimit të një videoje të vjetër nga koha kur ishte pjesë e Argjentinës U20, Lionel Messi ka folur hapur për rolin thelbësor që ka pasur familja në karrierën e tij, sidomos në momentet e vështira me kombëtaren dhe nën presionin e ashpër të opinionit publik në vendlindje.

Ylli argjentinas, i cili gjatë pjesës më të madhe të karrierës është përballur me kritika të padrejta në Argjentinë pavarësisht dominimit absolut te Barcelona, theksoi se mbështetja e familjes ka qenë gjithmonë forca e tij kryesore.

“Për mua, familja është gjithçka, gjëja më e rëndësishme. Ata kanë qenë gjithmonë pranë meje. Ka pasur momente shumë të vështira. Me kombëtaren kemi vuajtur shumë… dhe ata vuajnë më shumë se ne”, u shpreh Messi.

Ai kujtoi periudhat kur me Barcelonën fitonte gjithçka, ndërsa kur kthehej në Argjentinë përballej me kritika të ashpra:

“Njerëzit thoshin se nuk e ndjeja fanellën, se nuk duhet të luaja më. Familja ime ishte në Argjentinë dhe shikonte çdo emision sportiv… prindërit dhe vëllezërit e motrat e mia e kaluan shumë rëndë.”

Messi nënvizoi edhe rëndësinë e unitetit të familjes së bashkëshortes së tij, Antonelës:

“Kam pasur fatin ta kem gjithmonë familjen time dhe atë të Antonelës pranë. Më pëlqen t’i kem të gjithë afër, sepse në fund kjo është ajo që ka më shumë rëndësi.”

Deklaratat e Messit rikthejnë në vëmendje vitet kur superylli argjentinas, ndonëse po dominonte futbollin europian dhe po ndërtonte një trashëgimi unike te Barcelona, përballej rregullisht me dyshime dhe presion të jashtëzakonshëm nga publiku argjentinas.

Messi u formua te La Masia, u shndërrua në kapiten dhe legjendën më të madhe të Barcelonës në histori, duke vendosur rekorde të paarritshme në gola, asistime, paraqitje dhe trofe. Pas largimit nga katalanasit dhe një periudhe dyvjeçare te PSG, ai aktualisht është boshti i projektit të Inter Miami në MLS, ku vazhdon të mbetet figurë qendrore e futbollit botëror.