Author: N.T.

Mbrojtësi i Kombëtares së Kosovës, Florent Hadergjonaj, ka shprehur optimizëm para sfidës së rëndësishme ndaj Turqisë, duke theksuar se “Dardanët” janë të gatshëm për një tjetër paraqitje të madhe.

Futbollisti i Alanyaspor, i cili e njeh mjaft mirë futbollin turk, pranoi cilësinë e kundërshtarit, por nënvizoi se Kosova ka armët e saj për të dalë me rezultat pozitiv. Sipas tij, fakti që ndeshja zhvillohet në Prishtinë dhe përkrahja e tifozëve mund të bëjnë diferencën, por gjithçka duhet dëshmuar në fushë.

Hadergjonaj vlerësoi se përballja do të jetë e balancuar dhe se përqendrimi maksimal do të jetë vendimtar. Ai theksoi se Kosova mund ta vë në vështirësi Turqinë, sidomos nëse skuadra arrin të ruajë nivelin më të lartë të lojës gjatë gjithë ndeshjes.

Mbrojtësi kosovar foli edhe për gjendjen brenda ekipit, duke e cilësuar atmosferën si shumë pozitive. Ai shtoi se grupi është i bashkuar dhe se çdo lojtar është i gatshëm të japë maksimumin, pa marrë parasysh rolin në fushë.

Duke iu referuar rrugëtimit deri në këtë pikë, ai theksoi se arritjet e Kosovës nuk janë të rastësishme, por rezultat i punës dhe përkushtimit të vazhdueshëm. Sipas tij, edhe pse ekziston presion, barra më e madhe bie mbi Turqinë, gjë që mund të shfrytëzohet në favor të Kosovës.

Në fund, Florent Hadergjonaj përmendi edhe lidhjen e tij personale me Turqinë, duke e quajtur atë si një vend të afërt për të, por duke theksuar se prioriteti i tij mbetet gjithmonë Kosova dhe dëshira për ta bërë vendin krenar në një ndeshje kaq të rëndësishme.

Sulmuesi nga Kosova Fisnik Asllani po vazhdon të tërheqë vëmendjen në futbollin evropian me paraqitjet e tij mbresëlënëse te TSG Hoffenheim. Forma e tij e lartë këtë sezon nuk ka kaluar pa u vënë re, pasi disa nga klubet më të mëdha të kontinentit si FC Barcelona, Bayern Munich dhe Borussia Dortmund po e monitorojnë nga afër.

Rritja e tij është veçanërisht e dukshme në krahasim me një vit më parë. Në atë kohë, Asllani ishte pjesë e SV Elversberg në Bundesliga 2, duke synuar ngjitjen në elite, një objektiv që nuk u arrit në fund. Megjithatë, vendimi për t’u rikthyer dhe për të qëndruar te Hoffenheimi doli të ishte vendimtar për karrierën e tij.

Brenda një sezoni, ai arriti të sigurojë vendin e titullarit dhe të shndërrohet në një nga pikat kryesore të sulmit, duke lënë në hije edhe emra si Mërgim Berisha. Statistikat e tij flasin qartë, tetë gola dhe pesë asistime në 26 ndeshje, një kontribut i rëndësishëm për skuadrën gjermane.

Performanca e tij e mirë nuk është kufizuar vetëm në nivel klubesh. Me Kombëtaren e Kosovës, Asllani është bërë pjesë e rëndësishme e formacionit të trajnerit Franco Foda, duke luajtur përkrah Vedat Muriqi në skemën 3-5-2. Ai ka ndihmuar ndjeshëm ekipin në rrugën drejt një kualifikimi historik në Kupën e Botës 2026.

Me formën aktuale, pritet që Asllani të vazhdojë si titullar edhe në sfidat e ardhshme, ndërsa interesimi nga klubet e mëdha mund të konkretizohet gjatë verës, ku përflitet për një transferim që mund të arrijë vlerën 25–30 milionë euro.

Skuadra e Real Madrid CF ka bërë të ditur se lojtarët dhe stafi janë të gjithë në favor të Alvaro Arbeloa si trajner kryesor për sezonin e ardhshëm, sipas raportimeve të Marca.

Futbollistët e skuadrës mbështesin Arbeloan për aftësitë e tij udhëheqëse dhe për marrëdhënien e afërt me grupin, duke e konsideruar atë një lider të guximshëm që sjell ide të qarta dhe vizion futbolli të modernizuar.

Pyetja që ngrihet tani është nëse klubi do t’i ofrojë Arbeloas një kontratë të përhershme si trajner kryesor apo ai do të vazhdojë përkohësisht deri në vendimin final të drejtuesve.

Arbeloa, i cili ka qenë një figurë e njohur te Real Madrid si lojtar dhe tani si trajner, po fiton gjithnjë e më shumë respekt dhe mbështetje brenda skuadrës, dhe tifozët po presin me padurim vendimin zyrtar për të ardhmen e tij në pankinë.

Kombëtarja e Kosovës ka zhvilluar stërvitjen e fundit përpara ndeshjes vendimtare ndaj Sllovakis në kuadër të gjysmëfinales së “play-off”-it për FIFA World Cup 2026, që do të luhet në Bratislava.

Seanca e fundit u karakterizua nga intensitet i lartë dhe përkushtim maksimal, me futbollistët që zbatuan me disiplinë detyrat taktike dhe ushtrimet fizike të stafit teknik. Atmosfera brenda kampit raportohet të jetë shumë pozitive, me grupin e bashkuar dhe të motivuar për sfidën e madhe që i pret.

Stafi teknik ka punuar në detaje për çdo aspekt taktike dhe fizik, duke synuar që skuadra të shfaqet në formën më të mirë për këtë duel vendimtar. Ndeshja me Sllovakinë konsiderohet një hap kyç drejt realizimit të ëndrrës për kualifikim historik në Botëror.

Dardanët udhëtojnë drejt Bratislavës me besim dhe ambicie të madhe, ndërsa tifozët presin një paraqitje dinjitoze dhe rezultat pozitiv nga ekipi i tyre në këtë sfidë që mund të shënojë një moment historik për futbollin kosovar.

Situata rreth Neymar vazhdon të mbetet një nga temat më të nxehta para ndeshjeve të Kupës së Botës 2026, që do të luhen këtë mars. Trajneri i Kombëtarës së Brazilit, Carlo Ancelotti, ka surprizuar të gjithë duke mos e ftuar sulmuesin për këtë fazë, gjë që ka ngritur dyshime rreth mundësisë së pjesëmarrjes së tij në turne.

Megjithatë, mbrojtësi dhe bashkëlojtari i Neymarit, Marquinhos, ka qetësuar tifozët duke shprehur besimin e plotë se braziliani i talentuar do të jetë në Botëror.

“Unë me të vërtetë besoj se gjithçka do të shkojë mirë, Neymar do të shkojë në Kupën e Botës. Nga bisedat me të, dëshira e tij është e madhe. Ne si shokë skuadre, brazilianë dhe tifozë, gjithashtu duam që ai të jetë aty,” tha Marquinhos.

Ai shtoi gjithashtu vlerësimin për aftësitë e jashtëzakonshme të Neymarit:

“Për ne mbrojtësit, të përballesh me Ney është tmerr. Mbyll të djathtën, ai shkon majtas, mbyll majtas, shkon djathtas. Kur mendon se nuk ka rrugëdalje, ai gjithmonë bën diçka që nuk e prisje, lëviz njëherë dhe shpëton. Çdo ditë na surprizon me diçka që kurrë nuk e kishte bërë më parë. Nuk ka formula sekrete për suksesin e tij.”

Situata mbetet e paqartë, por fjalët e Marquinhos japin shpresë për të gjithë tifozët që shohin Neymarin sërish në skenën më të madhe botërore këtë vit.

Një kapitull i ri po nis për familjen Ronaldo! Cristiano Ronaldo Jr ka nisur këtë javë stërvitjet te Akademia e Real Madrid CF, La Fábrica, duke hedhur bazat për një të ardhme të ndritur në futbollin e madh.

Sipas raportimeve nga The Athletic, 12-vjeçari ka filluar punën me trajnerët e akademisë “me synim që një ditë të bashkohet zyrtarisht me strukturat e klubit”. Ky zhvillim ka ndezur menjëherë imagjinatën e tifozëve dhe mediave sportive, që e shohin Cristiano Jr si trashëgimtarin e mundshëm të gjigantit portugez në fushat e futbollit europian.

Kjo lëvizje është parë si një sinjal se Real Madrid po investon fuqishëm në të ardhmen, duke i hapur rrugën një talenti të ri që mund të shkëlqejë nën të njëjtin emblemë që bëri historinë me Cristiano Ronaldo senior.

Imagjinoni skenën, një ditë në Santiago Bernabéu, “Faraoni i vogël” duke dribluar dhe shënuar në stadiumin ku babai i tij u bë legjendë. Për tifozët dhe ekspertët, kjo është më shumë se një stërvitje, është fillimi i një epoke të re.

Nuk ka ende një konfirmim zyrtar për nënshkrimin e kontratës, por La Fábrica duket se po përgatit një tjetër superstar në familjen Ronaldo. Futbolli europian tashmë po e ndjek me sy çdo lëvizje të tij.

Mohamed Salah do të largohet nga Liverpool FC në fund të sezonit, duke i dhënë fund një kapitulli të gjatë dhe të suksesshëm nëntëvjeçar në Anfield. Sulmuesi egjiptian ka qenë një nga figurat më të rëndësishme të klubit gjatë këtyre viteve, duke kontribuar në tituj dhe momente historike për “Të Kuqtë”.

Largimi i tij, i arritur me marrëveshje të përbashkët, shënon një moment të veçantë për tifozët dhe klubin, ndërsa Salah ka zgjedhur ta ndajë vendimin publikisht, duke falënderuar mbështetjen e vazhdueshme që ka marrë gjatë gjithë kohës së tij në Anfield.

Ndërkohë, spekulimet për të ardhmen e tij nuk kanë munguar. Arabia Saudite është përmendur shpesh si një destinacion i mundshëm, me klube që kanë treguar interes financiar të madh. Por menaxheri i lojtarit, Ramy Abbas Issa, ka sqaruar se për momentin nuk ekziston asnjë ofertë konkrete:

“Nuk e dimë se ku do të luajë Mohamed sezonin e ardhshëm. Kjo do të thotë gjithashtu se askush tjetër nuk e di. Kujdes nga ata që përhapin informacione të pavërteta.”

Në moshën 33-vjeçare, Salah mbetet në formë të shkëlqyer dhe i aftë të performojë në nivelet më të larta të futbollit evropian. Vendimi për destinacionin e tij të radhës pritet të merret gjatë muajve të verës, duke mbajtur tifozët dhe opinionin sportiv ndërkombëtar në pritje për të parë se ku do të vazhdojë karriera e një prej legjendave më të mëdha të Anfield-it.

Mëngjesin e sotëm, janë zhvilluar katër ndeshje në Ligën më të fortë të baketbollit në botë, NBA.

Denver Nuggetes ka shënuar fitoren e tretë radhazi, pas triumfit ndaj Phoenix Suns me rezultat të ngushtë 125-123.

Nikola Jokic udhëhoqi skuadrën e tijë drejt fitores duke realizuar një super triple-double prej 23 pikëve, 17 kërcimeve e po aq asistimeve, derisa Jamal Murray shtojë 21 sosh.

Te skuadra humbëse u dalluan Devin Booker me 22 pikë e tetë asistime, Jalen Green me 21 pikë, gjashtë kërcime e gjashtë asistime dhe Grayson Allen me 21 sosh.

Kujtojmë që Nuggets renditen në poziten e katërt në Perënim derisa Suns në vendin e shtatë.

 

Cleveland Cavaliers ka realizuar fitoren e katërt rresht pasi mundi Orlando Magic me rezultat 136-131.

Donovan Mitchel ishte ylli I mbrëmjes duke shënuar 42 pikë, ndërkaq James Harden shtojë 27 pikë per në fitore.

Nga ana tjetër, Paolo Banchero po ashtu pati një paraqitje fantastike me 36 pikë të realizuara por që nuk mjaftuan për fitore.

Cavaliers renditen në vendin e katërt në Konferencën e Lindjes derisa Magic në poziten e tetë, ku kjo ishte humbja e tyre e gjashtë rresht.

 

Fitoren e katërt në seri e ka realizuar edhe Charlotte Hornets, pasi mposhti Sacramento Kings me shifrat 134-90.

Me efikaset në këtë fitore ishin, Coby White me 27 pikë dhe LaMelo Ball me 20 pikë.

Te skuadra humbësen Daeqwon Plowden ishte më I dalluari me 22 pikë.

Kujtojmë që Hornets renditen në poziten e nëntë në Konferencën e Lidnejs, derisa Kings në poziten e fundit në Konferencën e Perëndimit.

 

New York Kincks kanë vazhduar me një ecuri fantastike këtë sezon, duke shënuar fitoren e shtatë radhazi, pas triumfit ndaj Neë Orleans Pelicanes me rezultat 121-116.

Më meritoret për fitoren e Knicks ishin, Jalen Brunson me 32 pikë, Karl-Anthony Toëns me 21 pikë e 14 kërcime dhe OG Anunoby me 21 sosh.

Te Pelicanes paraqtije të  mira kishin Zion Williamson me 22 pikë dhe Jeremiah Fears me 21 pikë.

Knicks redniten në vendin e tretë në Konferencën e Lindjes derisa Pelicanes në poziten e 11 në Perëndim.

Basketbolli në konkurrencen e meshkujve në rajon hyn në momentet vendimtare, teksa të mërkurën në Pallatin e Sportit “Feti Borova” në Tiranë do të zhvillohen gjysmëfinalet e Ligës Unike, turne i cili këtë vit luhet për herë të parë në Shqipëri.

Në orën 16:00, Peja do të përballet me Vëllaznimi të Gjakovës, ndërsa në orën 19:00, kampionia kombëtare në fuqi e Shqipërisë, Besëlidhja, do të ndeshet me Golden Eagle Ylli të Suharekës.

Vllaznimi, kampioni aktual i Ligës Unike, kërkon ta mbrojë titullin dhe të sigurojë një tjetër finale spektakolare, ndërsa Besëlidhja, fituese e kampionatit shqiptar për dy vite radhazi, synon të bëjë histori duke kaluar në finalen rajonale për herë të parë.

Hyrja për tifozët do të jetë e lirë, ndërsa ndeshjet do të transmetohen drejtpërdrejt në RTSH Sport, si transmetues ekskluziv i Ligës Unike, duke sjellë spektaklin e basketbollit direkt në shtëpitë e adhuruesve.

Kjo fazë gjysmëfinale pritet të prodhojë emocione të mëdha dhe sfida të forta, me katër skuadrat që luftojnë për të fituar vendin në finale dhe për të vulosur emrin e tyre në historinë e Ligës Unike.

Kombëtarja shqiptare do të zbresë në fushë këtë të enjte në një nga ndeshjet më vendimtare të sezonit, teksa përballet me Polonin në një duel që mund të afrojë ndjeshëm ëndrrën për FIFA World Cup 2026.

Interesi i tifozëve shqiptarë për këtë përballje ka qenë i jashtëzakonshëm. Federata Shqiptare e Futbollit ka konfirmuar se të gjitha biletat janë shitur, duke garantuar një atmosferë elektrizuese në shkallët e stadiumit.

Në një reagim zyrtar, FSHF ka falënderuar tifozët për mbështetjen e madhe, ndërsa ka bërë thirrje për respektimin e rregullave dhe udhëzimeve gjatë qëndrimit në Warsaw, për të siguruar një organizim sa më të mirë të këtij eventi të rëndësishëm.

Ndeshja do të zhvillohet në stadiumin PGE Narodowy, një arenë madhështore ku pritet një atmosferë e zjarrtë mes dy përfaqësueseve që synojnë maksimumin.

Drejtësinë në këtë takim do ta ndajë arbitri anglez Anthony Taylor, ndërsa Shqipëria do të kërkojë një rezultat pozitiv për të mbajtur gjallë shpresat drejt një kualifikimi historik.