ATV

Author: L.P

  • Sydney Sweeney shkëlqen si dragoi i Shrek-ut në “Friendsgiving”!

    Sydney Sweeney shkëlqen si dragoi i Shrek-ut në “Friendsgiving”!

    Sydney Sweeney i la të gjithë pa fjalë kur u shfaq në Friendsgiving e këtij viti e veshur si Dragoi legjendar rozë nga filmi Shrek, duke e kthyer festën e miqve në një spektakël të vërtetë humoristik dhe glamuroz.

    E veshur me krahë gjigantë, luspa vezulluese dhe nuanca të forta vjollcë në grimin e syve, ajo hyri në dhomë si një yll i animuar që sapo kishte dalë nga ekrani, duke pozuar me vetëbesim, duke bërë zëra të frikshëm “dragojsh” dhe madje duke ruajtur tavolinën e ushqimeve sikur të ishte thesari i saj sekret. Miqtë e saj shpërthyen në të qeshura teksa Sydney luante rolin plotësisht, ndërsa fotot dhe videot nga festa u përhapën me shpejtësi në rrjetet sociale, ku fansat e përgëzuan për energjinë e saj të çiltër, kreativitetin dhe gatishmërinë për t’u argëtuar pa kufij. Komentet online e shpallën kostumin “më të mirë”, ndërsa shumë të tjerë vunë në dukje sa e freskët dhe e sinqertë duket Sydney, duke e kthyer një “Friendsgiving” të zakonshëm në një moment viral që do të mbahet mend gjatë.

  • 12 Vjetori i vdekjes së Paul Walker, vajza e tij publikon foto të veçantë me babain e saj

    12 Vjetori i vdekjes së Paul Walker, vajza e tij publikon foto të veçantë me babain e saj

    Në një mëngjes të qetë nëntori, interneti u mbush me emocione kur Meadow Walker postoi një homazh të thjeshtë, por prekës, për babain e saj të ndjerë, Paul Walker. Fotoja bardh e zi që ajo ndau nuk ishte e stisur apo e pozicionuar vetëm një moment i sinqertë mes një vajze të vogël dhe babait të saj, i ngrirë në kohë.

    Në mbishkrimin e saj, Meadow shkroi se ende e ndien praninë e tij në mënyra të vogla e të papritura, një këngë e preferuar në radio, një e qeshur e njohur në turmë, mënyra si rrezet e diellit kalojnë mes pemëve gjatë ecjes së mëngjesit. “Dymbëdhjetë vjet dhe ende e ndjej si të ndodhte dje”, shkroi ajo.

    Fansat dhe miqtë e saj e mbushën seksionin e komenteve me dashuri, duke kujtuar Paul-in jo vetëm si aktor, por si njeriun bujar e plot gëzim që la një ndikim shumë përtej ekranit.

    Meadow e mbylli homazhin me një mesazh po aq shpresëdhënës sa edhe zemërthyes: “Të mbaj me vete, gjithmonë.”

    E shkurtër, e thjeshtë por aq e fuqishme sa të kujtojë botës se disa lidhje nuk zbehen kurrë.

  • Pse Princi Andrew ka ende mundësi të bëhet Mbret?

    Pse Princi Andrew ka ende mundësi të bëhet Mbret?

    Edhe pse Princi Andrew nuk mban më shumë nga titujt e tij mbretërorë dhe është larguar nga detyrat publike, ai mbetet ende në radhën e trashëgimisë së fronit britanik. Arsyeja nuk lidhet me titujt, por me ligjin.

    Në monarkinë britanike, rendi i trashëgimisë përcaktohet nga lindja. Andrew është vëllai i mbretit Charles III, ndaj vendi i tij në listë nuk ndryshon, pavarësisht humbjes së rolit publik ose titujve ushtarakë. Andrew gjithsej humbi titujt ushtarakë, patronazhet mbretërore, përdorimin zyrtar të titullit “His Royal Highness” (“Lartmadhëria juaj”), detyrat si anëtar aktiv i familjes mbretërore, por këto nuk prekin ligjin e trashëgimisë.

    Për të hequr dikë nga radha e trashëgimisë duhet ndërhyrje e Parlamentit, si dhe në disa raste miratim nga vendet e Commonwealth-it. Është një proces i ndërlikuar dhe shumë i rrallë, ndaj pallati nuk e ka ndërmarrë.

    Si përfundim, Princi Andrew mund të humbasë tituj dhe role, por jo vendin në linjën e trashëgimisë. Në monarki, rolet ndryshojnë por gjaku dhe ligji jo.

  • Kur fama takon dhimbjen, 10 VIP-at që humbën fëmijë si pasojë e vetëvrasjes

    Kur fama takon dhimbjen, 10 VIP-at që humbën fëmijë si pasojë e vetëvrasjes

    Bota e showbizit është plot shkëlqim, famë dhe drita, por pas skenës edhe yjet më të mëdhenj përballen me dhimbje të paimagjinueshme.

    Këto dhjetë figura të njohura kanë përjetuar humbjen më të rëndë që mund të përjetojë një prind, vdekjen e një fëmije nga vetëvrasja.

    1. Lisa Marie Presley, vajza e vetme e Elvis Presley-t, humbi djalin e saj Benjamin Keough në vitin 2020, në moshën 27-vjeçare. Vdekja e tij tronditi thellë familjen, Lisa Marie u shpreh se ishte “e shkatërruar dhe e pambrojtur.” Rasti i tij hapi diskutime të gjera për presionin e trashëgimisë së famës.

    2. Aktorja Regina King humbi djalin e saj Ian Alexander Jr. në vitin 2022. Ian, një muzikant i talentuar, ishte vetëm 26 vjeç. King e përshkroi atë si “një dritë të shndritshme që kujdesej shumë për të tjerët” dhe u bë një zë i fortë për ndërgjegjësimin mbi shëndetin mendor.

    3. Këngëtarja irlandeze Sinéad O’Connor humbi djalin e saj Shane O’Connor, 17 vjeç, në vitin 2022, pas betejave të vazhdueshme me problemet e shëndetit mendor. Sinéad e quajti atë “dritën e jetës sime” dhe përdori zërin e saj publik për të theksuar rëndësinë e mbështetjes emocionale.

    4. Aktori dhe kompozitori indian Vijay Antony humbi vajzën e tij adoleshente Meera në vitin 2023. Ajo ishte një nxënëse e shkëlqyer që përballej me presion të madh akademik. Rasti i saj hapi debate të gjera në Indi për ankthin, pritshmëritë dhe barrën emocionale tek të rinjtë.

    5. Kompozitori legjendar Burt Bacharach humbi vajzën e tij Nikki Bacharach në vitin 2007, në moshën 40-vjeçare. Ajo luftonte prej vitesh me depresion dhe çrregullime të spektrit autik. Bacharach foli hapur për sfidat e saj, duke nënvizuar nevojën për mirëkuptim dhe mbështetje.

    6. Ikona e Hollywood-it Marlon Brando humbi vajzën e tij Cheyenne Brando në vitin 1995, në moshën 25-vjeçare. Ajo kishte kaluar vite me trauma dhe sfida emocionale. Historia e saj shpesh përmendet kur flitet për vështirësitë e jetës në familje të famshme problematike.

    7. Aktorja dhe këngëtarja Marie Osmond, humbi djalin e saj 18-vjeçar Michael Blosil në vitin 2010. Ai kishte luftuar me depresion për shumë vite. Marie që prej atëherë ka mbështetur aktivisht programe për parandalimin e vetëvrasjes.

    8. Aktorit fitues i Oscar-it, Gregory Peck i vdiq i biri Jonathan Peck në vitin 1975. Ai kishte probleme emocionale dhe shëndetësore. Pas humbjes, Peck u tërhoq nga jeta publike për një kohë të gjatë, i copëtuar nga dhimbja.

    9. Edhe pse e njohur kryesisht si poete, Sylvia Plath është një figurë e rëndësishme kulturore. Djali i saj Nicholas Hughes, një biolog i suksesshëm, vdiq nga vetëvrasja në vitin 2009,  dekada pas vdekjes së vetë Plath-it nga vetvrasja. Rasti i tij theksoi se sa thellë mund të trashet trauma e trashëgueshme.

    10. Regjisori i filmave Zack Snyder humbi vajzën e tij Autumn Snyder, 20 vjeç, në vitin 2017 pas një beteje të gjatë me depresionin. Vdekja e saj e detyroi Snyder-in të largohej nga puna për të qenë pranë familjes. Ai shpesh e nderon kujtimin e saj përmes bamirësive dhe projekteve krijuese.

    Këto tragjedi na kujtojnë një të vërtetë të dhimbshme, se problemet e shëndetit mendor nuk bëjnë dallime,  as në moshë, as në famë e as në pasuri.

  • Rregulli kryesor i prindërimit sipas Mila Kunis dhe Ashton Kutcher

    Rregulli kryesor i prindërimit sipas Mila Kunis dhe Ashton Kutcher

    Mila Kunis ka ndarë një sekret të thjeshtë, por efektiv, i cili i ndihmon asaj dhe bashkëshortit Ashton Kutcher, që ta balancojnë karrierën me familjen. Sipas saj, ata kanë një marrëveshje të qartë, kurrë të mos punojnë në të njëjtën periudhë kohore. 

    Aktoren 42-vjeçare e pyetën pse punon vetëm një film në vit. Ajo tha se kjo është zgjedhja dhe zgjidhja e vetme që ajo të jetë pranë fëmijëve të tyre, Wyatt dhe Dimitri.

    Mila shtoi se, ndonëse bëjnë përjashtime kur xhirimet janë në Los Anxhelos, sipas saj, ajo dhe Ashton janë gjithmonë “tag-team” pra ekipë me ndrrime , gjë që u ndihmon atyre që fëmijët të mos jenë pa njërin prind.

    Përfundimisht, Kunis thotë se ndjehet me fat që mund të zgjedhë projekte me këtë liri dhe nuk e merr për të mirëqenë.

    Në një botë ku prindër të famshëm shpesh mungojnë në shtëpi, Mila dhe Ashton po hedhin gjithçka te prania, jo te fama.

  • Pamjet e para të “P Diddy”-t, brenda mureve të burgut

    Pamjet e para të “P Diddy”-t, brenda mureve të burgut

    Sean “Diddy” Combs është parë për herë të parë pas hekurave që nga dënimi i tij dhe duket çuditërisht i thjeshtë.

    Fotografët kapën 55-vjeçarin duke ecur në oborrin e “Fort Dix Federal Correctional Institution” në New Jersey, i veshur me një duks të kaltër, trenerka gri dhe një kapuç portokalli. Mjekra iu është zbardhur, duke i dhënë një pamje më të ashpër dhe të lodhur nga jeta.

    Kjo pamje vjen ndërsa Combs po vuan një dënim prej 50 muajsh për akuza të lidhura me prostitucion, pas dënimit për dy akuza për transportimin e personave për t’i përfshirë në prostitucion. Ai u transferua në Fort Dix nga qendra e paraburgimit në Brooklyn në fund të tetorit.

    Burimet thonë se ai po përshtatet me jetën në burg, thuhet se punon në lavanderi dhe madje është bashkuar edhe me programin e rehabilitimit të drogës. Përfaqësuesit e tij thonë se ai nuk ka shkelur rregulla dhe është “i përqëndruar te rritja personale.”

    Reagimet e publikut kanë qenë të përziera, disa thonë se kjo është ulja me këmbë në tokë që i duhej, të tjerë habiten nga sa shumë ka ndryshuar pamja e tij.

    Qoftë rënie nga lavdia, qoftë thjesht një pauzë shumë publike, kapitulli i ri i Diddy-t po shkruhet pas mureve të betonit.

  • Reket i vogël, ëndrra të mëdha – Serena Williams krenohet për aftësitë në tenis të vajzës 2-vjeçare

    Reket i vogël, ëndrra të mëdha – Serena Williams krenohet për aftësitë në tenis të vajzës 2-vjeçare

    Serena Williams po shpërndan llojin më të ëmbël të trashëgimisë sportive. Në një postim të rrallë në Instagram, kampionia e 23 “Grand Slam”-eve ndau disa foto të adhurueshme të vajzës së saj 2-vjeçare, Adira, teksa provonte hapat e parë në tenis.

    E veshur me një veshje të vogël tenisi dhe me një raketë miniaturë në dorë, Adira mundohej të mbante topin mbi të, madje duke imituar edhe lëvizjen e “forehand”-it të mamasë. Serena e shoqëroi momentin me mbishkrimin e thjeshtë: “Po ndaj pasionin tim për tenis me vajzën time më të vogël.”

    Fansat, natyrisht, u çmendën: “Kampione në formim,” shkroi dikush, ndërsa një tjetër parashikoi me humor: “Kampionia e “US Open 2040”, ja ku po vjen!”

    Edhe pas tërheqjes nga sporti, Serena vazhdon të inspirojë thjesht këtë herë partnerja e saj e dysheve është një vogëlushe me shumë potencial.

  • Khloé Kardashian mohon ribashkimin me Tristan-in: “Nuk jemi në lidhje me të, është thjesht babai i fëmijës”

    Khloé Kardashian mohon ribashkimin me Tristan-in: “Nuk jemi në lidhje me të, është thjesht babai i fëmijës”

    Khloé Kardashian sqaron thashethemet, jo, ajo nuk është ribashkuar romantikisht me ish-in Tristan Thompson. Në një episod të fundit të podcast-it “Khloé in Wonderland”, ajo iu përgjigj me humor pyetjes “Si e lejove Tristanin të kthehet?”, duke e thënë me ironi: “Epo, Tristani nuk është kthyer.”

    Ajo shpjegoi se prania e tij në jetën e saj ka të bëjë me bashkë-prindërimin. “Ai është thjesht babai i fëmijëve të mi… kështu që do të jetë pranë fëmijëve të tij dhe unë jam mirënjohëse për këtë,” tha Khloé.

    Kardashian shtoi se ka vendosur kufij të qartë, pra marrëdhënia e tyre tani është “vetëm për fëmijët”, jo për të ringjallur të kaluarën.

    Përmbledhje e shkurtër? Ajo nuk po hap një kapitull të ri dashurie, vetëm po siguron që rregullat e gjumit të respektohen.

  • Kush janë VIP-at me më së shumti fëmijë?

    Kush janë VIP-at me më së shumti fëmijë?

    Qoftë një familje e planifikuar me kujdes, qoftë një seri surprizash të papritura, këta yje tregojnë se fama nuk kufizon jetën familjare, madje, ndonjëherë e bën atë edhe më të madhe.

    Nga të porsalindurit deri te fëmijët e rritur, shtëpitë e tyre janë plot jetë, kaotike dhe gjithmonë tërheqëse për tituj lajmesh, duke treguar se në Hollywood, sa më e madhe familja, aq më i ndritshëm është shkëlqimi i reflektorëve.

    Këta janë 10 të famshmit të cilët kanë një numër të madh fëmijësh:

    1. Stevie Wonder – 9 Fëmijë
    2. Mel Gibson – 9 Fëmijë
    3. Eddie Murphy – 10 Fëmijë
    4. Elon Musk – 12 Fëmijë
    5. Nick Cannon – 12 Fëmijë
    6. George Foreman – 12 Fëmijë
    7. Duane Chapman – 13 Fëmijë
    8. Mia Farrow – 14 Fëmijë
    9. DMX – 15 Fëmijë
    10. Jim Bob & Michelle Duggar – 19 Fëmijë
  • Cardi B shndërron kordonin e kërthizës së foshnjës së saj në varëse të artë

    Cardi B shndërron kordonin e kërthizës së foshnjës së saj në varëse të artë

    Cardi B vazhdon të rivendosë standardet e nënës në mënyrën e saj,  këtë herë me një dozë luksi e për disa …. të neveritshme.

    Pas ardhjes në jetë të foshnjës së katërt, reperja e shndërroi kordonin e kërthizës të të porsalindurit në një varëse prej ari, duke treguar se kujtimet sentimentale nuk duhet të jenë të zakonshme. Ndërsa shumica e prindërve ruajnë shenjat e këmbëve ose shiritat e spitalit, Cardi zgjodhi rrugën glamuroze dhe të diskutueshme, duke kthyer një lidhje të vogël jetësore në një aksesor i cili tërheq shumë vëmendjen e njerëzve.

    Në stilin tipik të Cardi-t, është një përzierje dashurie, kaosi dhe pak ekstravagance sepse pse të kënaqesh me tradicionalen kur mund të krijosh një traditë. Varësja nuk është thjesht bizhuteri, është një simbol i familjes së saj në rritje dhe një kujtesë se jeta e Cardi B është gjithmonë më e madhe, më e zhurmshme dhe më e ndritshme se e të tjerëve.