ATV

Author: K.B.

  • Një muaj pasi SHBA ia dhuroi Kosovës, skaneri zbulon një milion euro të padeklaruara në kufi

    Një muaj pasi SHBA ia dhuroi Kosovës, skaneri zbulon një milion euro të padeklaruara në kufi

    Shtetet e Bashkuara të Amerikës i kanë dhuruar Kosovës një skaner mobil Rapiscan, prodhim amerikan, në vlerë prej 3 milionë dollarësh, për të forcuar sigurinë kufitare.

    Ambasada Amerikane në Kosovë kishte bërë të ditur se luftimi i trafikimit të paligjshëm dhe parandalimi i përhapjes së mallrave të falsifikuara i bën bizneset amerikane dhe kosovare më të forta dhe më konkurruese.

    “Kjo teknologji rrit kapacitetet e zbulimit, mbështet tregtinë e ligjshme dhe avancon interesat e përbashkëta të sigurisë dhe zhvillimit ekonomik”, thuhej në njoftimin e Ambasadës Amerikane.

  • Spanja vendos të shembë “Hotelin Fantazmë” në Tenerife pas mbi 50 vitesh braktisjeje dhe pesë viktimash

    Spanja vendos të shembë “Hotelin Fantazmë” në Tenerife pas mbi 50 vitesh braktisjeje dhe pesë viktimash

    Autoritetet spanjolle kanë nisur procedurat për shembjen e hotelit të braktisur Hotel Añaza në Tenerife, i njohur në zonë si “Hoteli Fantazmë”, duke i dhënë fund një çështjeje që zgjat prej më shumë se pesë dekadash.

    Sipas Daily Mail, ndërtesa 22-katëshe që dominon vijën bregdetare të Acorán, në jug të Santa Cruz de Tenerife, do të shembet me një kosto të vlerësuar prej 2,3 milionë eurosh, e cila do të mbulohet nga fondet publike.

    Siç rikujton media britanike, godina në formë Y u ndërtua në vitin 1973 me synimin për të funksionuar si hotel me 741 dhoma. Megjithatë, vetëm dy vjet më vonë projekti u braktis, pasi u zbulua se punimet kishin avancuar pa lejen e nevojshme urbanistike dhe në një zonë ku nuk ishte miratuar një zhvillim kaq i gjerë turistik. Ndërtuesi raportohet se i shteroi burimet financiare dhe u largua nga ishulli, duke lënë pas një “skelet” masiv prej betoni.

    Struktura e papërfunduar shtrihet në një truall prej rreth 2.350 metrash katrorë dhe vlera e saj tregtare sot llogaritet në vetëm 48 mijë euro. Sipas Daily Mail, ekzistojnë rreth 900 pronarë të regjistruar të objektit, shumë prej tyre shtetas të huaj, të cilët nuk do të marrin asnjë kompensim financiar nga investimi i tyre.

    Pesë viktima dhe paralajmërime të përsëritura

    “Hoteli Fantazmë” është lidhur me incidente të rënda sigurie dhe pesë humbje jete, duke rritur presionin për një zgjidhje përfundimtare. Mes viktimave është edhe një vajzë 13-vjeçare, e cila humbi jetën në dhjetor 2025 pasi hyri ilegalisht në ndërtesë me miqtë e saj dhe ra nga një kat i lartë.

    Raste të tjera fatale përfshijnë rënie nga lartësi të mëdha dhe hedhje me parashutë nga tarraca, ndërsa herë pas here persona kanë hyrë në ambient për të filmuar video të rrezikshme.

    Autoritetet që në vitin 2016 kishin urdhëruar marrjen e masave të sigurisë, përfshirë vendosjen e një rrethimi rreth katër metra të lartë dhe tabelave paralajmëruese. Në vitin 2019 urdhri u përsërit, me kërkesë shtesë për instalimin e kamerave të sigurisë dhe sinjalistikë në më shumë gjuhë. Pavarësisht masave, hyrjet e paligjshme vazhduan, ndërsa shkelësit përballen me gjoba që tejkalojnë 500 euro.

    Sipas një njoftimi të publikuar në Buletinin Zyrtar Provincial (BOP), është miratuar procedura e shpronësimit të detyrueshëm, me arsyetimin se nuk është përmbushur “funksioni social i pronës”, pasi objekti mbetet i papërfunduar dhe pa lejet e nevojshme. Njëkohësisht është dhënë afat njëmujor për paraqitjen e kundërshtimeve ose ankimimeve.

    Shembja parashikohet të realizohet gjatë periudhës 2026–2027 dhe konsiderohet një operacion kompleks, për shkak të pozicionit të ndërtesës në një zonë të thepisur bregdetare, si dhe pranisë së materialeve të rrezikshme, si azbesti.

  • Deponohen mbi 1 mijë euro të falsifikuara në dy banka të vendit

    Deponohen mbi 1 mijë euro të falsifikuara në dy banka të vendit

    Dy raste të falsifikimit të parasë janë raportuar nga Policia në raportin e saj 24-orësh të së mërkurës, përkatësisht në Graçanicë dhe në Lipjan.

    Që të dy ankuesit janë zyrtarë të bankave.

    Rasti në Graçanicë është raportuar të ketë ndodhur në mëngjesin e së martës, ku sipas ankuesit janë deponuar rreth 766.50 euro që dyshohet të jenë të falsifikuara.

    Ndërsa rasti në Lipjan thuhet se ka ndodhur më 15 shkurt, ku nga klienti është deponuar një monedhë prej 500 eurosh që dyshohet të jetë e falsifikuar.

    Në të dyja rastet mjetet janë sekuestruar dhe rastet po hetohen.

  • “Nemesis” vjen premierë javën e ardhshme në Teatrin Kombëtar

    “Nemesis” vjen premierë javën e ardhshme në Teatrin Kombëtar

    Shfaqja “Nemesis” me regji nga Florent Mehmeti do të ketë premierën me 3 mars 2026, në Teatrin Kombëtar të Kosovës.

    Kjo shfaqje produksion nga Teatri ODA, e shkruar nga Lirak Çelaj dhe Florent Mehmeti, trajton artistikisht rrugëtimet dhe fatet e pushtetit dhe forcës si parakushte por edhe katalizatorë të degradimeve të personalitetit.

    “Nemesis” ndërthur referencat historike të njerëzimit, duke i mbështetur ato me referenca shkencore të neurokimisë, të ngurtësimit e sforcimit të sjelljes dhe mendjes njerëzore, por edhe me ndryshimet funksionale në trurin e njeriut.

    Reprizat e shfaqjes jepen më 4 dhe 7 mars 2026.

  • Punime në rrjet, KEDS tregon se ku do të ketë ndërprerje të rrymës

    Punime në rrjet, KEDS tregon se ku do të ketë ndërprerje të rrymës

    Kompania për Distribuimin e Energjisë Elektrike në Kosovë (KEDS) bën të ditur se të mërkurën, më 25.02.2026, do të kryhen punime të domosdoshme për siguri të sistemit energjetik.

    Si rezultat i kësaj, në disa lokalitete do të ketë ndërprerje të rrymës.

    Ky është orari sipas rajoneve:

    Prishtinë

    1.

    Nga 35/10[kV] Mazgiti do të ndërprehet:

    Dalja 10[kV] Shkabaj (kodi:15019002) nga ora 09:00 deri 17:00

    Vendet: Shkabaj, Mazgit- një pjesë, Obiliq- një pjesë, Reforma dhe Al Petroli.

    Arsyeja: Ndërrimi i transformatorit dhe kthinave.

    Prizren

    1.

    Nga NS 110/10[kV] Prizreni 3 do të ndërprehet:

    Dalja 10[kV] Shtëpija e Armates (kodi: 31000023 ) nga ora 11:00 deri 14:00

    Vendet: Armata Popullore, Banesat, Asdreni, Mostari dhe Durmish Asllani.

    Arsyeja: Zhvendojsa e TSB 250kVA.

    Ferizaj

    1.

    Nga NS 35/10 [kV] Kaçaniku II do të ndërprehet:

    Dalja 10[kV] Kaçaniku i Vjetër (kodi: 40045004) nga ora 09:00 deri 18:00

    Vendet: fshatrat: Bajnicë (një pjesë), Begracë, Doganaj, Duraj, Elezaj, Fusha e Pajtimit (një pjesë), Gabricë, Kaçanik i Vjetër, Koxhaj (një pjesë), Magjistralja Ferizaj-Kaçanik (një pjesë), Stagovë dhe Çardak-Kaçaniku i Vjetër.

    Arsyeja: Vendosja ne pune e rrjetit të ri Kotlinët Kaçanik i Vjetër.

    2.

    Nga NS 35/10 [kV] Kaçaniku II do të ndërprehet:

    Dalja 10[kV] Kaçaniku i Vjetër (kodi: 40045004) nga ora 09:00 deri 18:00

    Vendet: fshatrat: Bajnicë (një pjesë), Begracë, Doganaj, Duraj, Elezaj, Fusha e Pajtimit (një pjesë), Gabricë, Kaçanik i Vjetër, Koxhaj (një pjesë), Magj.Ferizaj-Kaçanik (një pjesë), Stagovë dhe Çardak-Kaçaniku i Vjetër.

    Arsyeja: Vendosja ne pune e rrjetit të ri Kotlinët Kaçanik i Vjetër.

    Mitrovicë

    1.

    Nga TS 110/10[kV] Vushtrria 2 do të ndërprehet:

    Dalja 10[kV] Maxhunaj (kodi: 73000011) prej orës 09:00 deri 16:00.

    Vendet: Dumnicë, Samadrexhë, Cicili, Sllakovc, Ropicë, Vilanc dhe një pjesë e fshatit Maxhunaj

    Arsyeja: Projekte investive, kyçja e rrjetit të ri për furnizim të dy trafostacioneve- për projektin LOT-2 Mitrovica-Maxhunaj-22 MV1-02/701

    2.

    Nga TS 110/10[kV] Vushtrria 2 do të ndërprehet:

    Dalja 10[kV] Pestova Mulliri (kodi: 73000010) prej orës 09:00 deri 10:30.

    Vendet: Nëntë ( 9) konsumatorë komercial në fshatin Pestovë, Maxhunaj dhe Dumnicë (një pjesë)- Mulliri Elektrik 1, Mulliri Elektrik 2-Maxhunaj, Fabrika e Patateve ”Çips” Pestovë, Restorani ” Ura e Gurit ”Maxhunaj, Fabrika e Drurit ” BINI ” Maxhunaj dhe Fabrika e Seperacionit Maxhunaj.

    Arsyeja: Projekte investive, kyçja e rrjetit të ri për furnizim të dy trafostacioneve- për projektin LOT-2 Mitrovica-Maxhunaj-22 MV1-02/701.

  • Majmuni i vogël i braktisur nga nëna më në fund është pranuar në një familje

    Majmuni i vogël i braktisur nga nëna më në fund është pranuar në një familje

    Majmuni i vogël i braktisur nga nëna e tij më në fund është pranuar në një familje.

    Punch, majmuni i vogël që u braktis nga nëna e tij, duket se është pranuar nga grupi i tij i majmunëve në Japoni.

    Fotografitë prekëse teksa ngjitet pas një lodre majmuni prej pelushi për shoqëri, u bënë virale gjithandej botës.

    I lindur në korrik të vitit të kaluar, Punch është rritur nga rojet në kopshtin zoologjik të qytetit Ichikawa, duke e ushqyer me dorë dhe duke u kujdesur për të.

    Por për shkak se majmunët e vegjël ngjiten pas nënave të tyre që nga koha kur lindin, stafit iu desh të ndërhynte dhe t’i ofronte objekte të tjera Punch-it për t’i përqafuar.

    Punch ka pasur një fillim të vështirë në jetë, me pamje të majmunëve të tjerë në kafazin e tij duke e ngacmuar dhe duke e zvarritur përreth.

    Çdo herë, ai vraponte përsëri te pelushi i tij i dashur portokalli, duke u kapur pas tij për siguri dhe rehati. Megjithatë, duket se situata mund të jetë duke ndryshuar për Punchin e vogël, pasi një majmun i rritur i quajtur Onsing e përqafoi fort.

    Onsing gjithashtu e ndihmoi Punchin të ngjitej në një pjesë shkëmbore të kafazit, për të cilën majmuni i vogël dukej shumë mirënjohës. Ai ende po përballet me ngacmime nga anëtarët e tjerë të grupit të tij, por kopshti zoologjik ka thënë se Punch po tregon përparim të madh.

  • Dosja Epstein, shkencëtari Stephen Hawking shfaqet mes dy grave me bikini

    Dosja Epstein, shkencëtari Stephen Hawking shfaqet mes dy grave me bikini

    Fotografi të reja të profesorit të njohur Stephen Hawking, si edhe pamje nga streha sekrete e Jeffrey Epstein në Paris, që përfshihen në dosjen e Departamentit amerikan të Drejtësisë për të dënuarin për pedofili, janë publikuar nga media ndërkombëtare.

    Në fotografinë e parë, Hawking shfaqet mes dy vajzave të reja me bikini, të cilat mbajnë pije në duar. Edhe pse nuk është sqaruar vendi ku është realizuar fotoja, nuk përjashtohet mundësia që ajo të jetë shkrepur në ishullin Little Saint James, në pronësi të Epstein në Ishujt e Virgjër.

    Sipas Daily Mail, Stephen Hawking ishte një nga 21 shkencëtarët që Epstein kishte ftuar në këtë ishull në vitin 2006. Emri i profesorit të njohur të Kembrixhit, i cili u nda nga jeta në vitin 2018 pas betejës me sëmundjen ALS, përmendet 250 herë në dosjen Epstein, pa u lidhur deri më tani me ndonjë veprimtari të paligjshme.

    Në të njëjtën kohë, gazeta franceze Le Parisien publikoi fotografi nga apartamenti i Epstein në Paris. Në pamje shihen, ndër të tjera, një tavolinë masazhi, lodra erotike dhe fotografi të grave nudo në mure.

    Apartamenti në fjalë, me 18 dhoma, ndodhet në Avenue Foch, ndërsa prokurorët francezë vlerësojnë se ai është përdorur për kryerjen e krimeve të rënda seksuale.

    Fotografitë janë pjesë e një hetimi të vitit 2019, pas kallëzimeve për përdhunim ndaj Jean-Luc Brunel, agjent francez i modeleve dhe mik i vjetër i Epstein.

    I gjithë apartamenti, i blerë në vitin 2001, ishte i lyer me nuanca të kuqe, portokalli dhe rozë, ndërsa në mure kishte fotografi të grave të zhveshura, përfshirë një imazh ku Epstein shfaqet pranë dy grave topless.

    Prona kishte gjithashtu një dekor të pazakontë me elementë kafshësh, nga brirë antilopeje dhe një elefant të vogël të balsamosur e një shkabë, deri te mobilie të mbuluara me lëkurë artificiale tigri.

    Vlen të theksohet se pas publikimit të dosjeve Epstein nga Departamenti amerikan i Drejtësisë, autoritetet franceze kanë hapur dy hetime të reja: një për trafikim qeniesh njerëzore dhe një tjetër për krime të dyshuara financiare.

  • I mituri në Fushë Kosovë lëndohet rëndë, u sulmua me thikë nga një bashkëmoshatar

    I mituri në Fushë Kosovë lëndohet rëndë, u sulmua me thikë nga një bashkëmoshatar

    Policia e Kosovës ka bërë të ditur se një i mitur është lënduar rëndë pasi është sulmuar me thikë.

    Rasti ka ndodhur të martën në rrugën “Hajrullah Zymi” në Fushë Kosovë.

    “Viktima mashkull kosovar- i mitur, ka raportuar se është sulmuar me mjet të mprehtë –thikë nga i dyshuari mashkull kosovar- i mitur”, thuhet në raport.

    Viktima ka pranuar tretman mjekësor.

    Nuk raportohet për të arrestuar, ndërkaq lidhur me rastin është njoftuar prokurori.

  • Shmangni zbehjen e rrobave të errëta duke aplikuar këto këshilla

    Shmangni zbehjen e rrobave të errëta duke aplikuar këto këshilla

    Ka shumë informacione se si t’i mbani rrobat e bardha të ndritshme, por a keni menduar ndonjëherë si t’i ruani ngjyrat e rrobave tuaja të gjalla dhe të qëndrueshme? Qoftë duke larë tutat tuaja të preferuara, xhinset e errëta, bluzat e preferuara apo çdo veshje tjetër, është e rëndësishme të dini si t’i lani rrobat e errëta në mënyrën e duhur, në mënyrë që t’i vishni për një kohë shumë të gjatë.

    Ekspertët e kujdesit për rrobat ndajnë këshillat e tyre më të mira për larjen e rrobave të errëta — mbajini parasysh herën tjetër kur të vijë dita e larjes.

    Ndani ngjyrat

    Me siguri i ndani rrobat e bardha nga ato me ngjyra, por është e rëndësishme t’i ndani edhe brenda grupit të ngjyrave. Ndarja e rrobave të errëta sipas nuancave ndihmon në ruajtjen e ngjyrës së tyre me kalimin e kohës.

    “Për shembull, grupimi i të zezave, bluve të errëta dhe të kuqeve të thella së bashku parandalon kalimin e lehtë të bojës që mund të zbehë nuancat më të çelëta të errëta,” shpjegon Wendy Saladyga, eksperte për kujdesin e tekstileve. “Ndarja sipas nuancës është një hap i thjeshtë për t’i mbajtur rrobat të duken si të reja për më gjatë.”

    Përdorni ujë të ftohtë

    Në përgjithësi, pjesa më e madhe e rrobave mund të lahet me ujë të ftohtë, përveç rasteve kur kërkohet dezinfektim. Kjo vlen veçanërisht për rrobat e errëta.

    “Uji i nxehtë mund të shkaktojë zbehje më të shpejtë të ngjyrave të errëta dhe madje tkurrje të rrobave,” thotë ekspertja e lavanderisë Rechelle Balanzat. “Uji i ftohtë ndihmon në ruajtjen e intensitetit të bojës.”

    Thajini në temperaturë të ulët

    Shmangni programet intensive të tharjes. Vendosini rrobat e errëta në temperaturë të ulët ose varini për t’u tharë. Disa veshje, si rrobat sportive që largojnë djersën, funksionojnë mirë edhe me tharje pa nxehtësi.

    “Shumë etiketa këshillojnë tharjen në temperaturë të ulët për të mbrojtur strukturën e materialit,” thotë Saladyga. Kur jeni në dyshim, kontrolloni udhëzimet në etiketë.

    Përdorni qese rrjete (dhe ktheni rrobat nga brenda)

    Qeset rrjetë për larje mund të duken të panevojshme, por ato ndihmojnë në mbrojtjen e rrobave nga fërkimi i tepërt gjatë ciklit të larjes, i cili mund të zbehë ngjyrat.

    “Rekomandojmë gjithashtu që rrobat me ngjyra t’i ktheni nga brenda përpara larjes për të ruajtur ngjyrën dhe për të reduktuar fërkimin e jashtëm, pastaj t’i vendosni në një qese rrjetë për mbrojtje shtesë,” sugjerojnë ekspertët.

    Mos e mbingarkoni lavatriçen

    Është joshëse të fusni sa më shumë rroba në një larje, por kjo nuk është ide e mirë.

    “Kur lavatriçja është shumë e mbushur, rrobat nuk lëvizin lirshëm, duke ulur efektivitetin e larjes,” shpjegon Balanzat. “Rrobat e errëta mund të dalin më pak të pastra dhe fërkimi mes tyre mund të shkaktojë zbehje ose formim topthash.”

    Lajini më rrallë rrobat e errëta

    Jo çdo veshje duhet larë pas çdo përdorimi. Mund të krijoni një “grumbull të ndërmjetëm” për rrobat që nuk janë ndotur shumë — si pizhame, xhinse, pulovra apo tuta.

    “Larja shumë e shpeshtë konsumon materialin dhe zbeh ngjyrat,” thotë Balanzat. “Lajini vetëm kur është e nevojshme, ose freskojini duke i ajrosur ose duke përdorur një spërkatës për tekstile.”

    Ndiqni me kujdes udhëzimet në etiketë

    Etiketat e rrobave janë aty për një arsye. Ato japin informacione për mënyrën e larjes, tharjes dhe nëse një veshje duhet pastruar kimikisht. Ndjekja e këtyre udhëzimeve ndihmon që rrobat e errëta të ruajnë ngjyrën dhe cilësinë.

    Gjithashtu, kontrolloni etiketën e detergjentit për të matur saktë sasinë e nevojshme për lavatriçen tuaj.

  • Vdes turisti në Brazil – ra nga ujëvara duke u fotografuar

    Vdes turisti në Brazil – ra nga ujëvara duke u fotografuar

    Një turist në Brazil ka vdekur tragjikisht pasi ka rënë nga një ujëvarë prej 40 metrash, ndërsa po përpiqej të bënte një foto.

    Tragjedia, e cila vrau Caio Libero Batistela, i cili punonte si kontabilist, ndodhi në shtetin e Paraná-s.

    Sipas mediave lokale, Batistella po qëndronte në majë të ujëvarës Rio Sao Jorge kur iu afrua buzës për të bërë një foto dhe humbi ekuilibrin, duke bërë që të binte nga një lartësi prej rreth 40 metrash.

    Sipas të njëjtave raportime, një person që ishte me të u përpoq ta kapte Battistellën nga rrobat, por pa sukses, ndërsa, sipas zjarrfikësve, edhe ky person pothuajse ra në boshllëk. Siç u shpjegua nga zjarrfikësit që morën pjesë në operacionin për të nxjerrë trupin e Battistellës, ujëvara ku ndodhi tragjedia është e vështirë për t’u arritur.