Author: K.B.

Organizata e Veteranëve të Luftës së UÇK-së njofton se do të mbajë një konferencë për media.

Në njoftim thuhet se konferenca do të mbahet sot (e diele) në ora 13:00, në zyret e OVL UÇK-së.

Integra dhe Admovere, dy organizatat autore të ekspozitës me pasaktësi për masakrat që kanë ndodhur gjatë luftës në Kosovë, kanë kërkuar falje në një reagim sot në mëngjes.

Dy organizatat që drejtohen nga Shkëlzen Gashi fhe Kushtrim Koliqi, u kanë kërkusr falje familjarëve të viktimave civile, ndërsa bënë thirrje për “diskutim të hapur” për ta adresuar këtë çështje.

“Përmes këtij reagimi, dëshirojmë të shprehim shqetësimin tonë të thellë lidhur me ndikimin dhe reagimet e shkaktuara nga ekspozita “Masakrat në Kosovë 1998–1999”.
Fillimisht, u kërkojmë falje të sinqertë të gjithë familjarëve të viktimave civile të luftës, të gjithë atyre që janë prekur drejtpërdrejt apo tërthorazi nga lufta në Kosovë, bashkëpunëtorëve tanë dhe opinionit të gjerë publik për situatën e krijuar”, thuhet në reagim.

Sipas autorëve, “qëllimi i ekspozitës sonë ka qenë i qartë dhe i pandryshueshëm: të nderojë viktimat civile të luftës dhe të kontribuojë në ruajtjen e kujtesës kolektive për krimet e kryera në Kosovë”.

“Në asnjë moment dhe në asnjë formë nuk kemi pasur synim të lëndojmë apo të ofendojmë askënd”, thuhet në reagim.

Integra dhe Admovere bënë thirrje për “diskutim të hapur” për “të adresuar” këtë çështje.

“Njëkohësisht, bëjmë thirrje për ndaljen e sulmeve, linçimeve dhe kërcënimeve individuale, si dhe për shmangien e çdo keqpërdorimi të situatës së krijuar. Besojmë se diskutimi i hapur, i qetë dhe i respektueshëm është mënyra e vetme për të adresuar çështje kaq të ndjeshme”, thuhet në reagim.

Ekspozita, e cila ngjalli indinjatë të gjerë në Kosovë, me Komunën e Prishtinës që e revokoi lejen për shfaqjen e saj, doli se ishte financuar edhe nga Kuvendi i Kosovës.

Shkëlzen Gashi tha dje se për të dhënat e masakrave janë mbështetur në listën e të vrarëve nga “Libër Kujtimi i Kosovës” i Fondit për të Drejtën Humanitare në Kosovë (HLC) organizatë e udhëhequr nga Natasha Kandiq, aktivisttja serbe për të drejtat e njeriut.

Por Fondi për të Drejtën Humanitare tha në një reagim se të dhënat e paraqitura të ekspozitë në disa raste japin pasqyrë të pasaktë të krimeve dhe kjo nuk ka të bëjë me çështje interpretimi, por “me mungesë elementare të njohurive mbi të drejtën ndërkombëtare humanitare, faktet e vërtetuara në gjykatë dhe mënyrën e leximit të të dhënave”.

Deputeti i Lëvizjes Vetëvendosje, Agim Bahtiri, i është drejtuar me një letë familjes Jashari, duke kërkuar nga ta që të ofrojnë një kandidat për president të vendit.

Bahtiri në letrën e tij, ka shkruar se Jasharajt janë e vetmja alternativë që ‘’mund të shërojë këtë ngërç’’, dhe ta ‘’kthejë dinjitetin’’ në presidencë.

Ndryshe, javë më parë Murat Jashari kishte hedhur poshtë mundësitë që ai apo dikush nga kjo familje të marrë këtë pozitë shtetërore.

Postimi i plotë Bahtirit:

LETËR E HAPUR PËR FAMILJEN JASHARI

Të nderuar trashëgimtarë të familjes së Shaban Jasharit,

E nderuara Familje Emblematike e kombit tonë,

Po ju drejtohem me këtë letër të hapur, jo vetëm si deputet i zgjedhur i popullit, por si një qytetar që ndjen peshën e rëndë të përgjegjësisë para historisë dhe të ardhmes. Kosova sot gjendet në një udhëkryq të rrezikshëm. Që nga fillimi i vitit 2025, vendi ynë është zhytur në një rrethanë të palakmueshme që po godet themelet e shtetësisë sonë:

• Vakumi Kushtetues: Me përfundimin e mandatit të Presidentes Osmani më 4 prill, vendi po mbetet pa kryefjalën e unitetit. Ky nuk është thjesht një tranzicion ligjor, por një rrezik për bllokim total të institucioneve.

• Ngërçi Diplomatik: Kosova po përballet me një izolim të heshtur dhe presione të paprecedenta që po cenojnë sovranitetin tonë.

• Plagët Ekonomike dhe Migrimi: Pasiguria politike ka prodhuar një rënie të besimit, duke nxitur largimin e rinisë, motorit të këtij vendi që familja juaj e shenjtë e çliroi me gjak.

• Polarizimi i Skajshëm: Skena jonë politike është ndarë në taborre që shpesh harrojnë interesin kombëtar përballë atij partiak.

Në këtë terr politik, sytë e popullit kthehen natyrshëm drejt Prekazit. Kur institucionet lëkunden, themelet janë ato që na mbajnë në këmbë. Familja Jashari nuk është thjesht një emër; është vetë institucioni i moralit, i sakrificës dhe i unitetit të pakontestueshëm shqiptar; është institucion i besueshmërisë e kurrë i tradhëtisë.

Prandaj, sot, me përulësinë më të madhe dhe me bindjen më të lartë atdhetare, ju bëj thirrje: Kosovës i duhet një JASHAR🇽🇰 në krye të shtetit; njerëz të fjalës, të besës dhe qëndresës.

Ju kërkojmë që, ashtu siç i bëtë nderin më të madh historisë duke i dhënë lirinë, t’i bëni sot nderin e radhës Republikës duke ofruar një kandidat nga familja juaj për President të Republikës së Kosovës. Ju jeni e vetmja alternativë që mund të shërojë këtë ngërç, të kthejë dinjitetin në Presidencë dhe të bashkojë popullin rreth një figure që nuk e ndan, por e lartëson Kosovën.

Në këto kohë rrethimesh moderne, na duhet dikush që fjalën e ka burrërore dhe veprën atdhetare. Prania juaj në krye të shtetit do të ishte garancia më e madhe për aleatët tanë dhe mesazhi më i qartë për armiqtë tanë se Kosova është e pathyeshme.

Me respektin dhe nderimin më të lartë,

Agim Bahtiri

Deputeti i Kuvendit të Republikës së Kosovës

Kryetari i Prishtinës, Perparim Rama, ka reaguar lidhur me ekspozitën në shesh të kryeqytetit, ku ndër tjerash thuhet se në Masakrën e Dubravës, janë vrarë 48 shqiptarë të armatosur.

Rama ka thënë se ekspozita paraqet version të pasaktë dhe se, kjo është e papranueshme gjë që, përbën fyerje të drejtpërdrejtë ndaj viktimave.

‘’ Për këtë arsye, sonte menjëherë e pezullojme lejen për këtë ekspozim në sheshin e Prishtinës’’, ka shkruar Rama.

Postimi:

Jo në Kryeqytet.

Nuk lejojmë që në sheshin e Kryeqytetit tonë të përdhoset dinjiteti i qytetarëve dhe të fyhet kujtesa kolektive e popullit tonë.

Ekspozita paraqet një version të pasaktë të Masakrës së Dubravës. Kjo është e papranueshme dhe përbën fyerje të drejtpërdrejtë ndaj viktimave dhe gjithë qytetarëve të Kosovës.

Për këtë arsye, sonte menjëherë e pezullojme lejen për këtë ekspozim në sheshin e Prishtinës.

Njëkohësisht, kërkojmë përgjegjësi politike dhe institucionale nga Kuvendi i Kosovës për miratimin dhe financimin e një përmbajtjeje të tillë skandaloze!

Mes luftës në Iran dhe konflikteve të tjera ndërkombëtare, Departamenti Amerikan i Shtetit ka vazhduar të përditësojë këshillat e udhëtimit për qytetarët amerikanë.

Sipas DASH, këto këshilla udhëtimi janë hartuar për të ndihmuar amerikanët të planifikojnë udhëtimin e tyre me një pamje më të plotë të rreziqeve dhe sigurisë dhe për të mbrojtur veten jashtë vendit.

Shqipëria dhe Kosova renditen në Nivelin 2, ku amerikanët këshillohen të ushtrojnë kujdes të shtuar. Edhe Serbia po ashtu renditet në nivelin 2, ndërsa dy fqinjët e tjerë Maqedonia e Veriut dhe Mali i Zi renditen në nivelin 1, niveli më i ulët i alarmeve të udhëtimit, ku amerikanët nxiten të praktikojnë masat paraprake të zakonshme.

Irani është konsideruar si destinacion i Nivelit 4 “Mos udhëtoni”, ndërsa agjencia thekson rrezikun e lartë të “terrorizmit, trazirave, rrëmbimeve, arrestimeve arbitrare të qytetarëve amerikanë dhe ndalimit të padrejtë”. Vendet fqinje si Arabia Saudite, Omani, Kuvajti dhe Bahreini janë renditur në Nivelin 3, ku rekomandohet “Ushtroni kujdes të shtuar” ose “Rishikoni udhëtimin”.

Vendet e Nivelit 1 përfshijnë:

Niveli 1 është niveli më i ulët i alarmeve të udhëtimit, dhe amerikanët që nxiten të “praktikojnë masat paraprake të zakonshme”.

Andorra

Anguilla

Antigua dhe Barbuda

Argjentinë

Aruba

Australi

Austri

Barbados

Bermuda

Butani

Bonaire

Ishujt e Virgjër Britanikë

Brunei

Bullgaria

Kepi ​​i Gjelbër

Kanada

Ishujt Kajman

Kroacia

Kuraçao

Qipro

Çekia

Dominikë

El Salvador

Estonia

Shtetet Federale të Mikronezisë

Fixhi

Finlanda

Guiana Franceze

Polinezia Franceze

Inditë Perëndimore Franceze

Gjeorgji

Greqi

Guadelupë

Hungaria

Islanda

Irlandë

Japoni

Kazakistani

Kiribati

Kuvajt

Kirgistani

Letonia

Lihtenshtajni

Lituania

Luksemburg

Malajzi

Maltë

Ishujt Marshall

Martinikë

Mongolia

Mali i Zi

Montserrat

Nauru

Zelanda e Re

Norvegji

Palau

Paraguai

Polonia

Portugali

Republika e Maqedonisë së Veriut

Rumania

Saba

Shën Bartolemi (Indet Perëndimore Franceze)

Shën Kits dhe Nevis

Shën Luçia

Shën Martini (Indet Perëndimore Franceze)

Shën Vincent dhe Grenadinet

Samoa

Senegali

Sejshellet

Singapor

Shën Eustatius

Shën Martin

Sllovakia

Slloveni

Koreja e Jugut

Surinam

Zvicër

Tajvan

Tonga

Turkmenistani

Tuvalu

Uzbekistani

Vanuatu

Vietnami

Zambia

Vendet e Nivelit 2 përfshijnë:

Në destinacionet e Nivelit 2, amerikanëve u këshillohet të “ushtrojnë kujdes të shtuar”.

Shqipëria

Algjeri

Angola

Antarktida

Armenia

Bahamas

Belgjikë

Belize

Benin

Bolivi

Bosnjë dhe Hercegovinë

Botsvana

Brazili

Kamboxhia

Kamerun

Kili

Kinë

Komore

Kosta Rika

Kuba

Bregu i Fildishtë (Bregu i Fildishtë)

Danimarka

Xhibuti

Republika Dominikane

Ekuador

Egjipti

Guinea Ekuatoriale

Eritrea

Eswatini

Ishujt Falkland

Francë

Gabon

Gjermania

Ganë

Gjibraltar

Groenlandë

Grenada

Guinea

Hong Kong

India

Indonezi

Ishulli i Manit

Italia

Xhamajka

Kenia

Kosovë

Laosi

Lesoto

Liberia

Makao

Madagaskar

Malavi

Maldive

Mauritius

Meksikë

Moldavia

Monako

Marok

Mozambik

Namibia

Holanda

Panama

Peru

Filipinet

Republika e Kongos

Ruanda

San Marino

Sao Tome dhe Principe

Serbia

Sierra Leone

Ishujt Solomon

Afrika e Jugut

Spanjë

Sri Lanka

Suedi

Taxhikistan

Tajlandë

Gambia

Timori Lindor

Togo

Tunizia

Turqi

Ishujt Turks dhe Kaikos

Mbretëria e Bashkuar

Uruguai

Qyteti i Vatikanit

Zimbabve

Vendet e Nivelit 3 përfshijnë:

Në vendet e Nivelit 3, amerikanëve u këshillohet të “rishqyrtojnë udhëtimin”, me qeverinë që vëren rreziqe të tilla si krimi në rritje, rrëmbimi, terrorizmi ose problemet e shërbimit shëndetësor.

Azerbajxhani

Bahrein

Bangladesh

Burundi

Çad

Kolumbia

Qipro

Republika Demokratike e Kongos

Etiopia

Guatemalë

Guinea-Bissau

Guajana

Hondurasi

Izrael

Jerusalem

Jordania

Kuvajt

Mauritani

Nepal

Kaledonia e Re

Nikaragua

Nigeria

Oman

Pakistani

Papua Guinea e Re

Katar

Arabia Saudite

Tanzania

Trinidad dhe Tobago

Uganda

Emiratet e Bashkuara Arabe

Venezuela

Vendet e Nivelit 4 përfshijnë:

Për vende si Irani, të cilat janë nën këshillën më të lartë të Nivelit 4, amerikanëve u është udhëzuar të shmangin udhëtimet krejtësisht.

Afganistan

Bjellorusia

Burkina Faso

Republika Qendrore Afrikane

Haiti

Irani

Iraku

Liban

Libia

Mali

Mianmar

Niger

Koreja e Veriut

Rusia

Somali

Sudani i Jugut

Sudan

Siria

Ukrainë

Jemen

Sadik Zeqiri, i mbijetuar i masakrës së Dubravës, ka reaguar ndaj ekspozitës publike që është vendosur në sheshin e Prishtinës, e ku mes tjerash thuhet se në masakrën e Dubravës, mes të vrarëve kanë qenë 48 shqiptarë të armatosur.

Zeqiri ka thënë se në Dubravë s’ka pasur të burgosur të armatosur, dhe se, të gjithë ata kanë qenë ‘’duarthatë dhe të pambrojtur’’.

‘‘E vërteta është kjo: 116 të burgosur shqiptarë janë vrarë, ndërsa ende figuron i zhdukur Ukshin Hoti. Mbi 400 të tjerë janë plagosur’’, ka thënë ai mes tjerash.

Postimi i plotë:

Turp! Po shtrembërohet e vërteta në sheshin e Prishtinës

Historia nuk është lodër që mund ta shtrembëroni me disa tabela të pasakta. A e keni parë çfarë keni shkruar për masakrën e Dubravës?

Si është e mundur të pretendoni se 48 shqiptarë të armatosur dhe 58 civilë janë vrarë në Dubravë? Nga i keni marrë këto “fakte”? Në Serbi?

Në Dubravë nuk ka pasur të burgosur të armatosur. Të gjithë kanë qenë duarthatë dhe të pambrojtur.

E vërteta është kjo: 116 të burgosur shqiptarë janë vrarë, ndërsa ende figuron i zhdukur Ukshin Hoti. Mbi 400 të tjerë janë plagosur.

Kjo nuk është thjesht gabim – është shtrembërim i rëndë i së vërtetës.

Turp për këtë. Edhe një kërkim-falje nuk mjafton.

Kryeprokurori i Prokurorisë Themelore në Prishtinë, Zejnullah Gashi, është parë dje teksa ka përcjell ndeshjen Sllovaki – Kosovë, i rrethuar me disa liderë politikë si zëvendëskryeministri i parë dhe nënkryetari i VV-së, Glauk Konjufca, me Faton Pecin, kryetar i komunës së Mitrovicës, e Përparim Ramën, kryetar i Prishtinë.

Lidhur me këtë, sot ka reaguar Prokuroria Themelore në Prishtinë, ku thuhet se fotografia e publikuar ku shihet Gashi me liderët politikë ‘’ paraqet vetëm një moment të rastësishëm festiv’’, dhe se, ‘’në asnjë mënyrë nuk lidhet me ndonjë takim të planifikuar, apo afërsi personale me ndonjërin nga personat e pranishëm në atë hapësirë’

Postimi:

Sqarim për media

Prishtinë, 27 mars 2026 – Prokuroria Themelore në Prishtinë, përmes këtij sqarimi për media, thekson se Kryeprokurori i kësaj prokurorie, z.Zejnullah Gashi, ka qenë dje i pranishëm në stadium për të ndjekur ndeshjen futbollistike Sllovaki- Kosovë, një aktivitet sportiv publik.

Në tribunën ku ka qenë i ulur Kryeprokurori Gashi, në të njëjtën hapësirë kanë qenë të ulur edhe përfaqësues tjerë të insititucioneve të vendit si dhe te disa subjekteve politike ashtu siç edhe i kanë pasur biletat.

Fotografia e publikuar paraqet vetëm një moment të rastësishëm festiv të të gjithë kosovarëve që kanë qenë të pranishëm në stadium duke përcjellë nga afër këtë ngjarje sportive dhe në asnjë mënyrë nuk lidhet me ndonjë takim të planifikuar apo afërsi personale të Kryeprokurorit të Prokurorisë Themelore në Prishtinë, z. Zejnullah Gashi, me ndonjërin nga personat e pranishëm në atë hapësirë.