Komisioni Qendror i Zgjedhjeve ka dalë me udhëzime për qytetarët lidhur me mënyrën si duhet të plotësohet fletëvotimi për zgjedhjet e 7 qershorit.
Aty shpjegohet mënyra hap pas hapi, që nga hyrja në qendrën e votimit.
Votuesit duhet ta shënjojnë vetëm një subjekt politik dhe deri në 10 kandidatë të atij subjekti.
” Paloseni fletëvotimin para se të largoheni nga kabina dhe më pas vendoseni në kutinë e votimit”, thuhet në postim
Kryetari i Skënderajt, Sami Lushtaku, pas deklaratve të kryeministrit në detyrë Albin Kurti, i cili tha se Lushtaku ka synuar të aksidentohet me eskortën e tij, është deklaruar në Pressing duke thënë se për këtë situatë ekzistojnë pamjet e kamerave dhe të njëjtat policia i ka dërguar në prokurori.
“Unë s’po e kuptoj, po i them Albin Kurtit, lem rehat o vlla”, tha Lushtaku në Pressing.
Ai në Pressing në T7, tha se nuk bëhet fjalë “as për dalje të pakujdesshme, janë kamerat o vlla…Albulena Haxhiu më ka akuzu po atë ditë, policia janë ardhë i kanë marrë kamerat dhe i kanë dërgu në prokurori..”, deklaroi Lushtaku.
Edhe gjatë kësaj jave, vendi ynë do të vazhdojë të mbetet nën ndikimin e kushteve të paqëndrueshme atmosferike dhe masave më të ftohta për këtë periudhë kohore.
Në Kosovë priten vranësira të shpeshta dhe intervale me diell, ku herë pas here do të ketë reshje lokale shiu, të cilat mund të jenë edhe në formë rrebeshesh. Po ashtu, mund të ketë ndonjë vetëtimë dhe bubullimë.
Të mërkurën do të vijojë moti me diell dhe vranësira, ku në disa lokalitete mund të ketë reshje të izoluara shiu.
Nga dita e enjte deri në fundjavë parashikohen vranësira të shpeshta dhe intervale me diell, ku herë pas here priten reshje lokale shiu, të cilat në momente të caktuara do të jenë në formë rrebeshesh. Vranësirat dhe reshjet pritet të intensifikohen duke filluar nga dita e premte, duke mos përjashtuar mundësinë që të shoqërohen edhe me shkarkesa rrufesh
Era do të fryjë nga veriu dhe verilindja, ndërsa herë pas here pritet të jetë mjaft e fuqishme në pjesën e dytë të javës, me shpejtësi prej 15 deri në 50 km/h.
Temperaturat minimale do të lëvizin nga 7 deri në 13°C, ndërsa ato maksimale nga 15 deri në 24°C. /MeteoKosova/
Nënkryetari i Partisë Demokratike të Kosovës dhe numri dy në listën e kësaj partie për zgjedhjet e parakohshme parlamentare të 7 qershorit, Uran Ismaili, ka komentuar zhvillimet e ditëve të fundit në Skenderaj dhe dërgimin e njësive speciale, duke e cilësuar këtë veprim si qasje autoritare nga kryeministri në detyrë dhe operacion politik.
Sipas Ismailit, dërgimi i njësisë speciale në Skenderaj nuk ka qenë në përputhje me situatën në terren, pasi, sipas tij, bëhej fjalë për një incident të izoluar dhe jo për një situatë të vazhdueshme dhune.
“Me u përdor njësia speciale, me u dërgu në Skenderaj, me e rrethu Skenderajn deri në orën 2 të natës, është pikërisht tendencë e një sistemi autoritar, sepse aty nuk ka pasur dhunë të vazhdueshme. Ka pasur një incident”, tha Ismaili.
Ai shtoi se, sipas bindjes së tij, e gjithë situata kishte prapavijë politike. “Për mua ka qenë 100 për qind operacion politik”, u shpreh ai.
Ismaili tha se kryeministri në detyrë Albin Kurti nuk e njeh Drenicën dhe Skenderajn, duke shtuar se shumë nga qytetarët që kishin dalë atë ditë kishin treguar respekt ndaj Policisë së Kosovës.
“Zoti Kurti nuk e njeh Drenicën, nuk e njeh Skenderajn. Ai nuk e di që shumica e atyre njerëzve që kanë dalë atë ditë kanë qenë njerëz, shumë prej tyre ish-ushtarë që kanë rrezikuar jetën e tyre dhe, kur e kanë parë Policinë e Kosovës, i kanë pritur me ujë dhe i kanë pritur si është më së miri, sepse ata nuk kanë dalë kundër shtetit të Kosovës”, tha Ismaili.
Ai shtoi se me këtë veprim është tentuar të krijohet perceptimi se në Drenicë po sfidohet shteti, gjë që sipas tij nuk qëndron dhe tregon mungesë njohjeje për këtë rajon.
Kandidati për deputet nga AAK-ja, Daut Haradinaj, i ftuar në Pressing në T7, u është përgjigjur atyre që e duan partinë e tij jashtë Kuvendit të Kosovës.
Haradinaj u shpreh i bindur që AAK po e bën një punë të jashtëzakonshme duke theksuar që pret një rezultat fitues në këto zgjedhje.
“Kemi besim te elektorati…më bëjnë me besu që një rezultat befasues do të jetë i AAK-së, pavarësisht sulmeve që i kemi nën brez që nuk po ndalen”, tha Haradinaj në Pressing, transmeton Gazeta Express.
“Qaty kanë me pas Aleancën qysh e kan pas”, shtoi ai.
Në Lipjan është zhvilluar një tjetër takim i iniciativës “Hajde Folim”.
Kandidatja për presidente nga radhët e LDK-së, Vjosa Osmani, tha se komunikimi i drejtpërdrejtë me qytetarët mbetet thelbësor për ndërtimin e besimit mes politikës dhe shoqërisë.
Osmani ka shkruar se kur politika del nga sallat, studiot dhe rrjetet sociale dhe ulet pranë qytetarëve, krijohet një hapësirë për bisedë të sinqertë.
“Në “Hajde Folim”, nuk ka pyetje të parapërgatitura e as duartrokitje protokolare. Ka qytetarë që flasin hapur për jetën e tyre, për brengat, zhgënjimet, por edhe për shpresat që ende i mbajnë gjallë”, shkroi ajo në Facebook.
“Dhe pikërisht kjo shpresë po na jep forcë. Prandaj, në çdo qytet ku do të jemi, ejani. Hajde Folim. Për Kosovën siç është. Dhe për Kosovën siç mund të bëhet”, shtoi ajo.
Luka Mishetiq, avokat i ish-presidentit të Kosovës, Hashim Thaçi, ka kritikuar ashpër efikasitetin e Gjykatës së Apelit që funksionon brenda Dhomave të Specializuara në Hagë.
Mishetiq, përmes një postimi në platformën X, ka shkruar se gjatë pesë vjetëve e gjysmë sa Thaçi po mbahet në paraburgim, të gjitha ankesat e paraqitura nga mbrojtja janë refuzuar.
Sipas tij, bilanci i ankesave në rastin e Thaçit është “0 me 40” në favor të Speciales.
“Për hir të plotësisë lidhur me efektivitetin e ankesave në gjyqin për krime lufte ndaj Hashim Thaçi: Mbrojtja në këtë gjykim tashmë ka paraqitur (dhe përfunduar) 40 ankesa ndërmjetëse. Paneli i Apelit deri më tani i ka refuzuar të gjitha. Kjo do të thotë 0 nga 40 përgjatë pesë viteve e gjysmë”, ka shkruar ai.
Zyrtarisht, gjykimi ndaj Hashim Thaçit, Kadri Veselit, Jakup Krasniqit dhe Rexhep Selimit ka nisur më 3 prill 2023, ndërsa vendimi pritet të shpallet më 20 korrik 2026.
Ndërkohë, Zyra e Prokurorit të Specializuar ka kërkuar dënim me burgim prej 45 vjetësh për secilin nga të akuzuarit, kërkesë që është kundërshtuar ashpër nga mbrojtja e tyre.
Ministria për Evropën dhe Punët e Jashtme (MEPJ) ka reaguar lidhur me rastin e shtetasit shqiptar Baki Goxhaj, i cili ndodhet në bordin e flotiljes “Sumud”, një mision humanitar ndërkombëtar që po përpiqet të çajë bllokadën e vendosur nga Izraeli në Gaza, Palestinë.
Sipas zëdhënësit të MEPJ, Alteo Hysi për Euronews Albania, ministria është vënë në dijeni për rastin dhe që në momentet e para ka vendosur komunikim përmes kanaleve diplomatike me autoritetet izraelite kompetente, me qëllim sigurimin e informacionit të plotë mbi situatën.
Në reagim theksohet se qëllimi kryesor është garantimi i respektimit të të drejtave të shtetasit shqiptar, përfshirë aksesin konsullor, në përputhje me praktikat dhe konventat ndërkombëtare.
MEPJ bën të ditur se po e ndjek çështjen me prioritet dhe është në kontakt të vazhdueshëm me familjarët e shtetasit Baki Goxhaj. Ministria pritet të informojë në vijim mbi hapat dhe procedurat e mëtejshme.
Në fund, MEPJ thekson angazhimin e saj për mbrojtjen e të drejtave dhe interesave të qytetarëve shqiptarë jashtë vendit, duke vijuar ndjekjen nga afër të rastit në koordinim me autoritetet dhe partnerët përkatës.
Daut Haradinaj nga AAK-ja, ka thënë në “Pressing” të T7, se kandidimi i Ardian Gjinit për kryeministër e ka shqetësuar Albin Kurtin.
Ai ka thënë se Lëvizja Vetëvendosje e filloi fushatën në Gjakovë, por në këtë qytet nuk kanë punuar asgjë.
“Nominimi i Ardian Gjinit e ka shqetësu Albin Kurtin sepse e sheh si rival të fortë. Kush e ka pa dje tubimin e VV-së në Gjakovë, e ka nisur fushatën në një qytet që për vite tëra nga qeverisja qendrore janë ndarë vetëm 20 centë për kokë banorë”, ka thënë ai.
Komisioni Qendror i Zgjedhjeve njofton se pas përmbylljes së procesit të certifikimit, janë publikuar listat e kandidatëve për deputetë të certifikuar për pjesëmarrje në zgjedhjet e parakohshme për Kuvendin e Kosovës, të cilat do të mbahen më 7 qershor 2026.
Listën e kandidatëve për deputetë, mund ta shkarkoni KËTU.
“Në mbledhjen e mbajtur më 16 maj, KQZ certifikoi 902 kandidatë për deputetë të 21 subjekteve politike për pjesëmarrje në zgjedhjet e parakohshme për Kuvendin e Republikës së Kosovës, të cilat do të mbahen më 7 qershor 2026. Kandidatët e certifikuar përfaqësojnë 17 parti politike, 3 koalicione dhe 1 kandidat të pavarur. Nga ky numër i përgjithshëm i kandidatëve, 593 janë burra dhe 309 gra”, thuhet në njoftim.