Gjatë periudhës janar–mars të këtij viti, në Kosovë janë raportuar dy raste të braktisjes së fëmijëve. Sipas të dhënave të publikuara nga Agjencia e Statistikave të Kosovës (ASK), të dy rastet janë regjistruar gjatë muajit shkurt.
Një rast i braktisjes së fëmijës është raportuar në Gjilan, ndërsa rasti tjetër në Klinë.
Një ngjarje e rëndë është shënuar mëngjesin e sotëm në fshatin Mengël të Elbasan, ku një fëmijë 7-vjeçar ka humbur jetën pasi u përplas nga një automjet në aksin rrugor Elbasan-Librazhd.
Sipas njoftimit të policisë, rreth orës 08:00, automjeti me drejtues shtetasin P. B., 61 vjeç, ka përplasur të miturin, i cili si pasojë e plagëve të marra ka vdekur, shkruan Euronews.al.
Bëhet e ditur se fëmija ishte duke kaluar rrugën për të shkuar në shkollë, kur dyshohet se i ka shpëtuar nga dora nënës së tij dhe është përplasur nga makina.
Kandidati për deputet nga radhët e Aleancës për Ardhmërinë e Kosovës, Besnik Tahiri është shprehur se duhet të bëhen investime të cilat e bëjnë Kosovën superfuqi energjetike.
Ai për emisionin “Info Magazine” në Klan Kosova u shpreh se qëndrueshmëria energjetike në Kosovë është jetike.
“Duhet të bëhen investime të cilat do ta bëjnë Kosovën superfuqi energjetike. Investime shumë të sakta të cilat ndërlidhen drejtpërdrejtë edhe me pastërtinë, po njëkohësisht edhe me energjinë e pastër, në anën tjetër projekti i dytë shumë i madh është projekti i gazit amerikan, ndërlidhja me gypa dhe pastaj ndalja në Ferizaj për të bërë atë centralin e gazit”, tha ai.
Tahiri gjithashtu u shpreh se gjatë kësaj qeverie, është bërë tregti rryme mbi 1 miliard euro.
“Qëndrueshmëria energjetike e Kosovës është jetike, nuk është vetëm siguri që do të kemi rrymë, por është siguri e një vendi mos me qenë në dorë të tregtarëve të cilët për gjatë kësaj qeverie, diku kanë blerë rrymë, apo është bërë tregti rryme mbi 1 miliard euro, me 1 miliard euro i kishim kryer të dyjat”, u shpreh ai.
Dashi, Shigjetari dhe Ujori largohen ndryshe nga të tjerët: pa shumë shpjegime, pa kthim pas dhe shpesh pa ndjenjë faji
Disa njerëz largohen nga jeta jonë sikur të mos kishin ekzistuar kurrë. Pa shpjegime, pa përpjekje për ta shpëtuar miqësinë apo lidhjen dhe pa dëshirë për t’u kthyer pas.
Për palën tjetër kjo mund të jetë shumë e dhimbshme, sepse në mendje nisin pyetjet: çfarë ndodhi, ku gabova dhe pse gjithçka përfundoi kaq ftohtë?
Por, sipas astrologëve, te disa shenja të horoskopit kjo sjellje nuk është domosdoshmërisht qëllim i keq. Mund të jetë pjesë e karakterit, mënyrë mbrojtjeje ose thjesht mënyra si ata e përjetojnë fundin e një marrëdhënieje.
Gjithçka mund të duket perfekte: biseda të gjata, momente të bukura, afërsi dhe plane. Pastaj papritur krijohet një mur. Miku ose partneri nuk përgjigjet më, nuk kërkon sqarime dhe duket sikur ka mbyllur çdo derë.
Astrologët thonë se tri shenja veprojnë më shpesh kështu kur ndiejnë se diçka ka marrë fund.
Dashi: Prerje e shpejtë dhe pa shumë keqardhje
Personat e lindur në shenjën e Dashit jetojnë me ritëm të shpejtë. Reagojnë vrullshëm, ndizen lehtë emocionalisht dhe po aq shpejt mund të ftohen.
Kur Dashi kupton se një lidhje dashurie ose miqësi ka arritur në pikë pa kthim, nuk humb shumë kohë duke analizuar “çfarë do të ndodhte sikur”. Ai zgjedh ta ndërpresë, ta harrojë dhe të ecë përpara.
Mund të ndalojë së përgjigjuri në mesazhe, të mos hapë telefonin dhe thjesht të zhduket nga përditshmëria juaj. Për Dashin, e kaluara nuk ka shumë peshë kur vendimi është marrë. Më shumë rëndësi kanë e tashmja dhe e ardhmja.
Kjo mund të duket e ashpër, por Dashi zakonisht nuk i zvarrit gjërat për një kohë të gjatë. Nëse vendos të largohet, kjo kuptohet shpejt.
Shigjetari: Zhduket ngadalë, pa e bërë dramë
Shigjetari nuk e pret gjithmonë kontaktin në mënyrë të menjëhershme. Ai thjesht një ditë fillon të mos shfaqet më si më parë.
Nuk telefonon, nuk shkruan, shmang takimet dhe gradualisht largohet. Për të, përfundimi i një raporti nuk është gjithmonë tragjedi, por mbyllje natyrale e një faze.
Kjo shenjë ka nevojë të madhe për liri. Kur një marrëdhënie bëhet shumë e rëndë, e parashikueshme ose kufizuese, Shigjetari fillon të humbasë interesimin.
Ai nuk largohet gjithmonë nga zemërimi. Shpesh largohet sepse nuk ndien më emocionin, kuriozitetin ose hapësirën që i duhet. Por për personin që mbetet pas, kjo mënyrë largimi mund të jetë shumë e dhimbshme.
Ujori: Ftoh emocionet dhe mbyll kapitullin
Ujori është ndoshta më misteriozi kur bëhet fjalë për largimin nga njerëzit.
Ai nuk shpërthen domosdoshmërisht në zemërim, nuk bën skena dhe nuk kërkon dramë. Thjesht, në një moment, mund të ndalojë së ndieri si më parë.
Sikur dikush të ketë fikur një çelës, emocionet shuhen dhe personi që deri dje ishte i afërt, sot mund të duket i largët.
Ujori jeton shumë me mendje dhe racionalitet. Nëse arrin në përfundimin se një marrëdhënie nuk i sjell më gëzim, kuptim apo qetësi, ai mund të vendosë të tërhiqet pa shumë sentimentalizëm.
Për të tjerët kjo mund të duket e ftohtë, madje edhe lënduese. Por Ujori rrallë e sheh këtë si mizori. Ai thjesht mendon se kur diçka ka përfunduar, nuk ka arsye të mbahet gjallë artificialisht.
Në fund, këto tri shenja nuk largohen gjithmonë sepse nuk kanë ndjenja. Shpesh largohen sepse nuk dinë, nuk duan ose nuk munden ta zgjasin një marrëdhënie që për ta ka humbur kuptimin.
Në Bibliotekën Kombëtare të Kosovës “Pjetër Bogdani” në Prishtinë, sot nga ora 12:00 bëhet prezantimi i poemës së parë epike femërore evropiane, “La Scanderbeida” e Margherita Sarrocchi-t (1623), botuar për herë të parë e plotë nga prof. Olimpia Gargano dhe inaugurimi i ekspozitës “Këndo, o Muzë, Trimërinë” – Shqipëria, Italia dhe Perandoria Osmane në Poemën e Parë Epike Femërore Evropiane.
Gjithashtu, prof. Giuseppe Gargano do të prezantojë edhe “Itineraret Kastriotiane” në Amalfi.
Kjo ngjarje realizohet në bashkëpunim mes Institutit të Gjuhës dhe Kulturës Italiane të Universitetit të Prishtinës, Bibliotekës Kombëtare të Kosovës, Ambasadës së Italisë në Prishtinë dhe Ministrisë së Kulturës dhe Turizmit.
Pas çdo cikli, lëreni derën e lavatriçes pak të hapur për të lejuar që ajri të qarkullojë nëpër daulle dhe të zvogëlojë mbajtjen e lagështirës.
Myku në lavatriçe formohet sepse pjesa e brendshme e pajisjes mbetet e lagësht për një kohë të gjatë dhe kushte të tilla janë të favorshme për rritjen e mykut. Nëse problemi injorohet, depozitat mund të bllokojnë kulluesin dhe përfundimisht të çojnë në mosfunksionim të pajisjes.
Ekspertët nga Santa Cruz Appliance Repair deklaruan se mënyra më e thjeshtë për ta parandaluar këtë është ajrosja e kazanit të lavatriçes pas larjes.
“Një nga mënyrat më të lehta për të parandaluar rritjen e mykut është ta lini derën e makinës pak të hapur pas çdo cikli. Kjo lejon që ajri të qarkullojë brenda daulles dhe ndihmon në tharjen e çdo lagështie të mbetur”, deklarojnë ata.
Tamburi dhe guarnicioni prej gome rreth derës janë veçanërisht të ndjeshëm, pasi uji, papastërtia dhe myku shpesh mbeten në këto zona. Prandaj, rekomandohet që, përveç derës, edhe sirtari i detergjentit të lihet i hapur herë pas here për të lejuar që lagështia të avullojë më shpejt.
Për mirëmbajtje shtesë, mjafton të fshini derën dhe guarnicionin prej gome me një leckë një herë në javë. Uthulla e bardhë dallohet si një agjent pastrimi i përdorur shpesh sepse, siç u tha, për shkak të aciditetit të saj, ndihmon në heqjen e mykut pa përgatitje më agresive.
Një hap i dobishëm është të përdorni një cikël larjeje bosh në 60 ose 90 gradë një herë në muaj, me disa lugë gjelle uthull të bardhë në sirtarin e detergjentit. Këto zakone mund të parandalojnë aromat e pakëndshme dhe grumbullimin e mykut në makinë.
Kryetari i Aleancës, njëherësh kandidati për kryeministër nga kjo parti, Ardian Gjini, ka shprehur mirënjohjen e tij për mbështetjen e marrë pas zgjedhjes në krye të partisë, duke falënderuar qytetarët, anëtarët dhe mbështetësit për besimin e dhënë.
Gjini tha se është thellësisht mirënjohës për çdo mesazh, koment dhe mbështetje, duke e cilësuar këtë besim si një zotim për më shumë punë dhe përgjegjësi.
“Jam thellësisht mirënjohës për çdo mesazh, koment dhe mbështetje. Ky besim është zotim për punë dhe përgjegjësi e madhe”, ka shkruar Gjini.
Ai ka adresuar një falënderim të veçantë për Kryetarin e Nderit të Aleancës, Ramush Haradinaj, për të cilin tha se ka treguar lidership të palëkundur dhe besim për të çuar përpara vizionin e përbashkët politik.
“Një falënderim i veçantë dhe me respekt të lartë shkon për Kryetarin e Nderit të Aleancës, z. Ramush Haradinaj. Faleminderit për lidershipin e palëkundur dhe besimin e dhënë për ta çuar përpara vizionin tonë të përbashkët”, thuhet në postimin e Gjinit.
Gjatë javës së kaluar Qeveria e Kosovës përmes pakos ‘’Inflacioni 2.0’’. Sipas pakos, 100 euro do të përfitojnë pensionistët, sektori privat, studentët dhe fëmijët.
E lidhur me këtë Aleanca Kosovare e Bizneseve ka shprehur shqetësimin e saj lidhur me qasjen e pabarabartë ndaj punëtorëve në Kosovë, ku ka thënë se po krijohet një dallim i dukshëm mes sektorit publik dhe sektorit privat.
Sipas AKB-së, Qeveria e Kosovës nuk mund të ndërtojë politika sociale dhe ekonomike të qëndrueshme duke favorizuar vetëm një pjesë të punëtorëve, ndërsa lë anash sektorin që mban barrën kryesore të zhvillimit ekonomik dhe mbushjes së buxhetit të shtetit.
“Sipas të dhënave të disponueshme, Kosova ka rreth 320–330 mijë punëtorë në sektorin privat, ndërsa sektori publik ka rreth 90 mijë të punësuar. Sektori privat mbetet punëdhënësi më i madh dhe kontribuesi kryesor në krijimin e të hyrave buxhetore përmes tatimeve, TVSH-së, kontributeve pensionale, prodhimit, tregtisë dhe shërbimeve. Nëse llogaritet një pagë e 13-të ose shpërblim me mesatare rreth 780 euro për rreth 90 mijë punonjës të sektorit publik, kostoja për buxhetin vlerësohet të jetë rreth 70 milionë euro. Ndërkohë, një mbështetje prej vetëm 100 euro për rreth 330 mijë punëtorë të sektorit privat do të kushtonte rreth 33 milionë euro, ose afërsisht gjysmën e kostos së një mase të tillë për sektorin publik”, thuhet në reagim të AKB-së.
AKB ka ngritur pyetjen publike si mund të shpërblehet vetëm një kategori e punëtorëve nga buxheti i shtetit, kur buxheti mbushet kryesisht nga puna, prodhimi dhe aktiviteti ekonomik i sektorit privat?
“Punëtori i sektorit privat nuk është qytetar i rendit të dytë. Ai është po aq taksapagues, votues dhe konsumator, sa edhe punëtori i sektorit publik. Ai paguan TVSH në çdo produkt që blen, kontribuon në fondet pensionale, mban familjen, krijon qarkullim ekonomik dhe merr pjesë në zhvillimin e vendit. Prandaj, krijimi i standardeve të ndryshme për qytetarët dhe punëtorët e Kosovës rrezikon të krijojë pabarazi ekonomike dhe sociale. AKB nuk është kundër mbështetjes së sektorit publik, por është kundër qasjeve që krijojnë privilegje për njërin sektor dhe lënë jashtë tjetrin”, thuhet në reagim.
AKB ka kërkuar trajtim më të balancuar ndërmjet sektorit publik dhe privat, mbështetje të drejtpërdrejtë për punëtorët e sektorit privat, politika që forcojnë prodhimin, investimet dhe vendet e punës si dhe dialog institucional me komunitetin e biznesit para çdo vendimi me ndikim të madh ekonomik.
“Nuk mund të ketë shtet të fortë me sektor privat të dobësuar. Sektori privat nuk është vetëm burim i taksave – ai është motori i ekonomisë së Kosovës tha në fund Agim Shahini kryetar i Aleancës Kosovare të Bizneseve”, thuhet në reagim
Të dielën, presidenti ukrainas Volodymyr Zelenskyy tha se Rusia kishte përdorur përsëri raketën e saj balistike me rreze të mesme veprimi “Oreshnik”, këtë herë në rajonin e Kievit.
Ministria ruse e Mbrojtjes më vonë konfirmoi lëshimin, duke thënë se erdhi si pjesë e një sulmi hakmarrës pas sulmeve ukrainase kundër “objektivave civilë”, të cilat Kievi i ka mohuar.
Përdorimi i raketës “Oreshnik” nga Moska ka shkaktuar reagime të forta jashtë vendit.
Kancelari gjerman Friedrich Merz e dënoi sulmin si një “përshkallëzim të pamatur” dhe riafirmoi mbështetjen e Gjermanisë për Ukrainën.
Presidenti francez Emmanuel Macron dënoi gjithashtu sulmet e fundit ruse, duke thënë se objektivat civile në Ukrainë ishin sulmuar përsëri.
Ai e përshkroi përdorimin e raportuar të raketës “Oreshnik” me aftësi bërthamore si një shenjë të bllokimit në përpjekjet luftarake të Rusisë dhe një përshkallëzimi të rrezikshëm të konfliktit.
Macron shtoi se Franca do të vazhdojë të mbështesë Ukrainën dhe përpjekjet drejt një paqeje të drejtë dhe të qëndrueshme.
Presidentja e Komisionit Evropian, Ursula von der Leyen, tha se sulmi masiv rus tregoi “brutalitetin dhe shpërfilljen e Kremlinit si për jetën njerëzore ashtu edhe për negociatat e paqes”.
Terrori kundër civilëve, tha ajo, nuk ishte “forcë” por “dëshpërim”.
Ajo shtoi se Bashkimi Evropian do të vazhdojë të mbështesë Ukrainën, veçanërisht duke forcuar sistemet e saj të mbrojtjes ajrore.
Shefja e politikës së jashtme të BE-së, Kaja Kallas, i përshkroi sulmet si “akte të neveritshme terrori” kundër popullsisë civile ukrainase.
Ajo tha se Rusia kishte arritur në një rrugë pa krye ushtarake dhe për këtë arsye po synonte qëllimisht qendrat e qyteteve.
Kallas e quajti përdorimin e raportuar të raketës “Oreshnik” veçanërisht alarmues, duke e përshkruar atë si “veprim bërthamor të pamatur”.
Ministrat e jashtëm të BE-së pritet të diskutojnë presionin e mëtejshëm ndaj Rusisë javën e ardhshme.
Ndryshe, përdorimi i parë i njohur i raketës “Oreshnik” ndodhi në vitin 2024 gjatë një sulmi në qytetin ukrainas të Dnipros.
Agjencia shëndetësore e Bashkimit Afrikan, Africa CDC, me seli në Etiopi, ka paralajmëruar se 10 vende të tjera në Afrikë janë në rrezik nga përhapja e virusit Ebola, përveç Republikës Demokratike të Kongos dhe Ugandës, ku rastet janë konfirmuar tashmë.
Sipas drejtorit të Africa CDC, Jean Kaseya, vendet në rrezik përfshijnë Angolën, Burundin, Republikën Qendrore Afrikane, Republikën e Kongos, Etiopinë, Kenian, Ruandën, Sudanin e Jugut, Tanzaninë dhe Zambinë.
Paralajmërimi vjen mes përhapjes së llojit “Bundibugyo” të Ebola-s në rajon, ndërsa dhjetëra raste janë raportuar në Republikën Demokratike të Kongos dhe infeksione të reja janë konfirmuar edhe në Ugandë.
Autoritetet shëndetësore thonë se kufijtë e pakontrolluar mirë, konfliktet e armatosura dhe infrastruktura e dobët po e vështirësojnë ndjeshëm frenimin e përhapjes së virusit.
Ndërkohë, OBSH ka rritur nivelin e rrezikut në “shumë të lartë” në zonat e prekura dhe ka bërë thirrje për koordinim urgjent rajonal, rritje të mbikëqyrjes dhe masa të forta parandaluese për të shmangur një përhapje më të gjerë të sëmundjes vdekjeprurëse.