Author: K.B.

Grigory Nekhoroshev, gazetari rus që u bë i njohur pasi nxori në dritë lidhjen e fshehtë mes Vladimir Putinit dhe ish-kampiones olimpike Alina Kabaeva, ka vdekur në moshën 69-vjeçare në Letoni, vend ku jetonte në mërgim.

Raportimet bëjnë me dije se ai humbi jetën pas një helmimi të dyshuar nga kërpudhat, të cilat i kishte mbledhur pranë shtëpisë së tij në Riga.

Në vitin 2008, Nekhoroshev ishte i pari gazetar që publikoi informacionin për planet e Putinit për t’u ndarë nga bashkëshortja e tij, Lyudmila Putina, dhe për t’u martuar me Alina Kabaevën. Pas daljes së këtij shkrimi, gazeta “Moskovsky Correspondent”, ku ai punonte, u mbyll, ndërsa vetë gazetari u mor në pyetje nga shërbimet sekrete dhe u përball me kërcënime, gjë që e detyroi të largohej nga Rusia.

Miq të tij kanë treguar se Nekhoroshev kishte shfaqur shqetësime për sigurinë e vet dhe kishte frikë nga mundësia e një sulmi. Gazetari rus Igors Vatolins, i cili e kishte takuar pak përpara vdekjes, tha se Nekhoroshev ishte njeriu i parë që bëri publik identitetin e partneres së Putinit dhe se presidenti rus “nuk e fali kurrë për këtë”.

Autoritetet dyshojnë se vdekja erdhi si pasojë e konsumimit të kërpudhave helmuese. Nekhoroshev njihej si një mbledhës i rregullt kërpudhash, por këtë herë ato që kishte ngrënë rezultuan fatale.

Putini nuk e ka pranuar kurrë publikisht marrëdhënien me Alina Kabaevën. Sidoqoftë, prej vitesh mediat ndërkombëtare kanë raportuar për lidhjen e tyre dhe për fëmijët që dyshohet se i kanë së bashku.

Ngjarja që përfshin Nekhoroshevin i shtohet një sërë vdekjesh të pazakonta në Rusi dhe jashtë saj. Në vitin 2023, profesori rus Vitaly Melnikov, drejtues i Departamentit të Sistemeve të Raketave dhe Hapësirës në RSC Energia, vdiq pas një helmimi të rëndë nga kërpudhat, dy javë pasi iu shfaqën simptomat.

Një grua është gjetur pa shenja jete në Fushë Kosovë, policia ka nisur hetimet për zbardhjen e rrethanave të rastit.

Sipas raportit të Policisë , rasti është raportuar më 22 qershor 2026, rreth orës 10:35, nga një dëshmitar.

Pas marrjes së informacionit, në vendin e ngjarjes kanë dalë njësitet përkatëse policore dhe ekipi mjekësor, ku mjeku kujdestar ka konstatuar vdekjen e viktimës, një grua kosovare.

Me urdhër të prokurorit të shtetit, trupi i pajetë është dërguar në Institutin e Mjekësisë Ligjore (IML) për obduksion, me qëllim të përcaktimit të shkakut të vdekjes.

“HETIM MBI VDEKJEN Fushë Kosovë/22.06.2026 – 10:35. Nga një dëshmitar mashkull kosovar është raportuar për një viktimë femër kosovare pa shenja jete. Në vendngjarje kanë dalë njësitet relevante policore, ndërsa vdekjen e viktimës e ka konfirmuar mjeku kujdestar. Me urdhër të prokurorit trupi i pajetë është dërguar në IML për obduksion.”

dërsa inflacioni dhe rritja e kostos së jetesës vazhdojnë të ushtrojnë presion mbi buxhetet familjare në të gjithë Evropën, përballueshmëria është bërë një nga çështjet ekonomike përcaktuese për qytetarin mesatar evropian.

Tirana është renditur në qytetin e dytë më të shtrenjtë në Evropë, teksa një familje, me katër persona me dy të rritur me rrogë mesatare shpenzon 89% të të ardhurave për të bërë një jetesë normale, raporton Monitor.al.

Në këto nivele, Tirana renditet vetëm pas Lisbonës, që kryeson lisën në Evropë me një nivel prej 12195.8%.

Të dhënat u bënë të ditura në një raport të fundit të Tradingpedia. Për të zbuluar se cilat kryeqytete ofrojnë standardin më të mirë të jetesës me barrën më të vogël financiare në raport me të ardhurat mujore, Tradingpedia krahasoi të dhëna nga 37 kryeqytete evropiane, duke marrë parasysh shpenzimet e përditshme dhe pagat mesatare neto mujore (paga “reale” pasi zbriten të gjitha taksat dhe detyrimet nga paga bruto).

Raporti merr në konsideratë pagën neto, që për Shqipërinë është 760 euro në muaj dhe të ardhurat e familjes i llogarit në 1520 euro në muaj, duke supozuar që punojnë dy të rritur. Një shpenzim për një familje me katër persona llogaritet në 1353 euro në muaj, për të cilin duhen shpenzuar gati 90% e të ardhurave.

Shqipëria ka një kosto jetese shumë më të shtrenjtë sesa vendet e tjera të rajonit. Në Shkup Të Maqedonisë së Veriut, ku paga mesatare neto është në nivele të ngjashme më të Shqipëri, në 769 euro në muaj, shpenzimet mujore për një familje me 4 persona janë 1037 euro, duke zënë 67% të të ardhurave, shumë më pak sesa në Shqipëri.

Në Beograd, ku paga neto është 1081 euro, pesha është 68.2%, teksa shpenzimet mujore janë pak më të larta se në Tiranë duke arritur në 1478 euro, por pagat neto janë rreth 30% më të larta.

Në Podgoricë, paga mesatare mujore neto është 883 euro, më e lartë sesa në Shqipëri dhe shpenzimet mujore janë më të ulëta në 1077 euro, duke bërë që Sarajeva të jetë relativisht qyteti me koston më të ulët të jetesës në rajon, në raport me të ardhurat.

Të dhënat për Kosovën nuk janë në këtë raport.

Policia e Kosovës, përmes raportit të saj ka njoftuar se gjatë kësaj kohe ka shqiptuar 1884 gjoba trafiku.

Në raport shtohet edhe se, janë raportuar 40 aksidente me dëme materiale, e 33 me të lënduar.

Po ashtu, njoftohet për 16 të arrestuar e 9 të dërguar në mbajtje.

Qeveria çeke ka paraqitur një projektligj për të ndaluar përdorimin e telefonave celularë në shkolla nga shtatori i vitit 2027, tha të hënën kryeministri Andrej Babis , duke iu bashkuar një trendi ndërkombëtar në rritje për të kufizuar kohën e fëmijëve para ekranit në klasë.

Ndalimi do të zbatohet për përdorimin e telefonave celularë gjatë mësimeve, si dhe gjatë pushimeve, me disa përjashtime, të tilla si për arsye shëndetësore ose nëse shkollat ​​e lejojnë këtë për qëllime edukative.

“Shkollat ​​nuk do të jenë në gjendje t’u lejojnë nxënësve të bëjnë pushim me telefonat e tyre celularë përtej këtyre arsyeve”, thekson projektligji.

Ky veprim vjen pas masave të marra nga qeveritë e tjera për të kufizuar përdorimin e mediave sociale ose të telefonave celularë nga fëmijët.

Këtë muaj, Polonia iu bashkua vendeve, përfshirë Holandën, Korenë e Jugut dhe Italinë, në ndalimin e telefonave inteligjentë në shkolla për shkak të shqetësimeve në lidhje me ndikimin e tyre në përqendrim ose sjellje.

Për mediat sociale, Australia ishte e para që ndaloi aksesin e fëmijëve dhe Britania njoftoi një ndalim të planifikuar për fëmijët nën 16 vjeç këtë muaj.

Babis tha se qeveria e tij po shqyrton gjithashtu ndalimin e faqeve të mediave sociale për fëmijët, duke ndjekur shembullin e Francës dhe të tjerëve që po mbajnë një qëndrim më të ashpër për shkak të shqetësimeve në lidhje me ndikimin negativ në perceptimin e fëmijëve.

Ushtria e policia në majë, partitë politike në fund: Si u rendit besimi qytetar në Kosovë
Read more

Gjatë 24-të orëve të fundit në vendin tonë janë raportuar katër raste të dhunës në familje.

Rastet e raportuara janë nga Fushë Kosova, Peja, Mitrovica e Jugut dhe Gjilani.

Rastet e raportuara:

Fushë Kosovë / 21.06.2026. Me datën 22.06.2026 janë arrestuar dy të dyshuar kosovarë nën dyshimin se me datën e cekur kanë kryer veprën e lartcekur ndaj viktimës femër kosovare. Viktimës i është ofruar tretman mjekësor, ndërsa të dyshuarit, pas intervistimit, janë liruar në procedurë të rregullt.

Gjilan/21.06.2026 – 23:26. Me datën 22.06.2026 është arrestuar i dyshuari mashkull kosovar nën dyshimin se i njëjti në vazhdimësi i ka dërguar mesazhe me përmbajtje kërcënuese e shqetësuese viktimës kosovare. Me vendim të prokurorit është dërguar në mbajtje për 48 orë.

Pejë / 22.06.2026 – 22:29. Është arrestuar i dyshuari mashkull kosovar nën dyshimin se i njëjti ka kryer veprën e lartcekur ndaj viktimave kosovarë. Në konsultim me prokurorin i dyshuari, pas intervistimit, është liruar në procedurë të rregullt.

Mitrovicë Jug / 22.06.2026 – 01:40. Ankuesja femër kosovare ka raportuar se pas një mosmarrëveshje është sulmuar nga e dyshuara femër kosovare. Nuk raportohet për lëndime, ndërsa lidhur me rastin është informuar edhe prokurori.

Kryeministri Edi Rama i është përgjigjur Financial Times lidhur me protestave kundër korrupsionit dhe transparencës, siç flitet nga protestuesit, mbi resortin luksoz të lidhur me dhëndrin e Trump.

Kryeministri Edi Rama ka mohuar të jetë “Kumbari” i Shqipërisë pas javëve të protestave kundër korrupsionit të nxitura nga zhvillimi i një resorti luksoz të lidhur me dhëndrin e Donald Trump. I ashtuquajturi “Revolucioni i Flamingove” u ndez nga zemërimi publik mbi projektin e planifikuar prej 4 miliardë dollarësh të Jared Kushner dhe Ivanka Trump në një ishull dhe pranë një rezervati natyror të njohur për flamingot e tij. Protestuesit i kanë bërë thirrje Ramës të japë dorëheqjen dhe të ndiqet penalisht për atë që ata e perceptojnë si korrupsion sistemik që i lejon investitorët ndërkombëtarë të ndërtojnë në tokë të mbrojtur.

“Njerëzit thonë se unë jam udhëheqësi i gjithë kësaj. Unë u them shkoni në djall. Aq thjeshtë,” tha ai.

“Nuk më takon mua të vërtetoj se nuk jam Kumbari, i takon atyre të vërtetojnë se jam Kumbari”.

Prokurorët shqiptarë kanë lëshuar urdhër-arreste për më shumë se një duzinë biznesmenësh për trafik droge dhe pastrim parash, përfshirë një që kishte pasur më parë në pronësi tokë në zonën që do të zhvillohet nga Kushner dhe gruaja e tij, Ivanka Trump. Një zëdhënës i Kushner dhe partnerëve të tij të tjerë në Shqipëri nuk iu përgjigj kërkesave për koment.

Rama këmbënguli se investimet e Kushner ishin të rregullta dhe nuk kishte asnjë lidhje me hetimin në vazhdim ndaj një pronari të mëparshëm të tokës.

“Të thuash se ekonomia shqiptare është bazuar në pastrimin e parave, kjo është e tmerrshme,” tha Rama për FT në zyrën e tij me pamje nga bulevardi ku dhjetëra mijëra njerëz kanë demonstruar çdo natë për më shumë se tre javë.

“Pastrimi i parave është pjesë e ekonomisë sonë, por nuk është një problem aq i madh,” shtoi ai.

“Mendoni se nuk ka pastrim parash në Londër? Ka. Por a mund të thoni se ekonomia britanike është në pjesë të madhe pastrim parash? Jo”.

Prokurorët shqiptarë kundër korrupsionit kanë lëshuar urdhër-arreste për 20 biznesmenë që ata thanë se ishin të përfshirë në trafik ndërkombëtar droge dhe pastrim parash. Dyshohet se miliarda euro janë kanalizuar në projekte të mëdha ndërtimi përgjatë bregdetit të Adriatikut dhe në kryeqytetin shqiptar.

Midis biznesmenëve të shënjestruar është Artur Shehu, një shtetas i dyfishtë SHBA-Shqipëri që jeton në Miami. Shehu në vitin 2025 i shiti tokë pranë rezervatit natyror ku folezojnë flamingot kompanisë “Albania Land Development”, një kompani e lidhur me projektin Kushner. Kjo marrëveshje ra nën vëzhgimin e prokurorëve kundër korrupsionit, të cilët ngrinë 128 milionë euro pagesa në pritje të hetimit. Shehu nuk iu përgjigj kërkesave për koment.

Rama argumentoi se qeveria e tij i lejoi prokurorët të ndiqnin çështjet në mënyrë më agresive, gjë që rriti gjithashtu perceptimin se vendi ishte i mbushur me korrupsion dhe krim të organizuar.

“Në fakt është e kundërta. Shqipëria po lufton si kurrë më parë dhe është shumë më pak e korruptuar sot sesa ishte”.

Ai përsëriti akuzat se protestat ishin nxitur nga armiqtë e presidentit amerikan, përfshirë Iranin. “Ka shumë interes për ta vrarë këtë projekt… për shkak të Trump,” tha ai.

“Nëse nuk do të ishte Jared Kushner… askujt nuk do t’i bëhej vonë për flamingot, për Shqipërinë, për asgjë. Është e gjithë urrejtja kundër Trump që krijon gjithë këtë shqyrtim”.

Ai tha se ishte i bindur se planet e zhvillimit bregdetar do të ecnin përpara pavarësisht protestave.

“Pjesa e rëndësishme është se investitorët nuk janë kriminelë dhe nuk janë të përfshirë në pastrim parash,” tha Rama.

“Ata janë investitorë të mëdhenj. Është një shans historik për Shqipërinë”.

Policia e Kosovës ka realizuar me sukses aktivitetet operacionale në kuadër të planit “ROADPOL” për muajin qershor 2026, me fokus të veçantë në kontrollin e shoferëve për përdorim të alkoolit gjatë drejtimit të automjeteve.

Sipas të dhënave të policisë, aktivitetet janë zhvilluar nga 15 deri më 21 qershor në të gjitha rrugët e vendit, me qëllim të rritjes së sigurisë në trafikun rrugor dhe parandalimit të aksidenteve.

Gjatë kësaj periudhe, njësitë e trafikut kanë realizuar gjithsej 861 pika kontrolli, ndërsa janë kontrolluar 644 shoferë. Nga këto kontrolle, 27 shoferë kanë rezultuar nën ndikimin e alkoolit, ndaj të cilëve janë ndërmarrë masat ligjore të parapara.

Një nga aktivitetet kryesore të javës ishte edhe “maratona” e kontrollit të alkoolit, e organizuar më 19 qershor. Gjatë këtij operacioni, policia identifikoi një shofer që drejtonte automjetin me 1.11 promila alkool në gjak, duke rrezikuar sigurinë në trafik. Ndaj tij janë ndërmarrë menjëherë masat ligjore përkatëse.

Policia thekson se drejtimi i automjetit nën ndikimin e alkoolit mbetet një nga faktorët kryesorë të rrezikut në komunikacion, duke cenuar jo vetëm jetën e shoferit, por edhe të pasagjerëve dhe përdoruesve të tjerë të rrugës.

Autoritetet u kanë bërë thirrje të gjithë pjesëmarrësve në trafik që të respektojnë rregullat e komunikacionit dhe të mos drejtojnë automjetet pas konsumimit të alkoolit.

“Çdo vendim për drejtim nën ndikim të alkoolit paraqet rrezik për shoferin, pasagjerët dhe përdoruesit tjerë të rrugës. Andaj, mos drejtoni automjetin nën ndikimin e alkoolit!”, thuhet në apelin e Policisë së Kosovës.

Përpjekja e Rumanisë për të formuar një qeveri të re dështoi pasi parlamenti refuzoi dje kandidatin për kryeministër, Adrian Vestea duke zgjatur pasigurinë politike në vend shtatë javë pas rënies së administratës së mëparshme.

Vestea siguroi 189 vota pro dhe 23 kundër, shumë më pak se 233 votat e nevojshme për një shumicë absolute në parlamentin me 465 vende.

Vetëm 212 ligjvënës morën pjesë në votim.

Presidenti Nicusor Dan tani duhet të emërojë një kandidat tjetër për të provuar të formojë një qeveri.

Dan kishte emëruar Vestean, një anëtar të Partisë Kombëtare Liberale (PNL) të qendrës së djathtë, pavarësisht kundërshtimit nga kryeministri i përkohshëm Ilie Bolojan, i cili drejton partinë.

Një kongres i posaçëm i partisë të dielën votoi për përjashtimin e Vesteas dhe mbështetësve të tij nga PNL, megjithëse vendimi ende kërkon miratim formal nga organet e tjera të partisë.

Dan kishte kërkuar të ringjallte një koalicion midis PNL-së dhe Partisë Social Demokratike (PSD), një parti që është përballur me akuza të gjata për korrupsion.

Bolojani dhe shumica e ligjvënësve të PNL-së e kundërshtuan një marrëveshje të tillë.

Vestea u mbështet nga PSD-ja opozitare, disa disidentë nga PNL-ja dhe grupe më të vogla politike. Ai gjithashtu zhvilloi bisedime me Aleancën e ekstremit të djathtë për Bashkimin e Rumunëve (AUR) në një përpjekje për të siguruar mbështetje, por ligjvënësit e AUR-së dolën nga parlamenti para votimit.

Një grua është raportuar e zhdukur që nga data 19 qershor në Rahovec, ndërsa rrethanat e zhdukjes së saj mbeten ende të paqarta.

Rastin në polici e ka lajmëruar një burrë i cili ka bërë të ditur se viktima ka dalë nga shtëpia dhe nuk dihet vendndodhja e saj.

Rahovec/19.06.2026 – 11:30. Ankuesi mashkull kosovar me 22.06.2026 ka raportuar se viktima femër kosovare ka dalë nga shtëpia dhe nuk dihet vendndodhja e saj”, thuhet në raport.