Author: K.B.

Këtë të hënë, Njësitet e Stacionit Policor Veriu në Prishtinë kanë realizuar një operacion të suksesshëm, i cili ka rezultuar me arrestimin në flagrancë të një personi të dyshuar për veprën penale “Vjedhje e rëndë”.

Sipas njoftimit të policisë dhe bazuar në veprimet e ndërmarra, njësitet policore kanë identifikuar dhe arrestuar personin e dyshuar në momentin kur ai kishte hyrë në një shtëpi në Prishtinë.

Personi i dyshuar, D.K., 37 vjeç, në koordinim me Prokurorin e Shtetit, është intervistuar dhe është dërguar në mbajtje për 48-orë.

Zvonko Veselinoviqi, biznesmeni kontroverz nga Serbia që dikur operonte në Kosovë, siç duket po mbrohet nga regjimi i Aleksandar Vuçiqit.

Siç raporton mediumi serb N1, Veselinoviqi ruhet nga Negjelko Golje, pjesëtar aktiv i Njësisë Speciale Antiterroriste (SAJ) në Serbi, përcjell Insajderi.

Ky informacion u konfirmua për N1 nga një burim i njohur me zhvillimet në SAJ, i cili pretendon se Gole është marrë me sigurinë e Veselinoviqit që kur Igor Zmiriq u bë kreu i asaj njësie në fund të vitit të kaluar në vend të komandantit në pension Spasoj Vuleviq.

“Ai është gjithmonë në orare të rregullta ditore në bazë, ku shkruhet se orari i tij i punës është nga ora 7:30 e mëngjesit deri në orën 15:30. Megjithatë, që nga fillimi i këtij viti, është e qartë se ai nuk është i pranishëm, por është sekret i hapur se ai po i siguron Veselinoviqit jetesën”, sipas këtij burimi.

Para se të siguronte Veselinoviqin, Gole ishte udhëheqës snajper i kësaj njësie.

Ky medium më herët kishte njoftuar se dy pjesëtarë aktivë të detashmentit të Xhandarmërisë së Beogradit po sigurojnë Milan Radoiçiqin dhe Zvonko Veselinoviqin.

Hetuesit e Stacionit Policor në Lipjan kanë arrestuar një person të dyshuar lidhur me një rast të zjarrvënies, i cili kishte ndodhur më 03.07.2026 dhe si pasojë ishte përfshirë nga zjarri një veturë, njofton policia.

Pas ndërmarrjes së veprimeve intensive hetimore dhe operative, policia ka arritur të identifikojë dhe arrestojë personin e dyshuar: “F.V., mashkull, 25 vjeç”, konfirmon policia.

Me vendim të prokurorit të shtetit, i dyshuari është intervistuar dhe më pas është dërguar në mbajtje për 48 orë.

Ministri në detyrë i Mbrotjjes, Ejup Maqedonci, ka thënë se në vitin 2029 ushtria e Kosovës do të jetë e gatshme të mbrojë teritorin.

Ai tha që janë në një fazë tranzicioni 10-vjeçar, e ky plan mbaron në vitin 2028.

Maqedonci tha se kanë tejkaluar disa objektiva, jo vetëm në sasinë e mjeteve ushtarake, por edhe në llojet e armatimt.

“Eshtë aprovuar më 14 dhjetor 2018 nga Kuvendi, gjatë kësaj faze kemi pasur një plan të tranzicionit, që tash jemi në përfundim, viti 2028 parashihet. Investimet që kemi pasur ne kemi arritur të tejkalojmë shumë nga objektivat, si në aspektin e paisjeve jo vetëm në sasi, por edhe në llojet e aramtimit sepse kemi qenë të kufizuar në atë plan. Jemi në fund të planit për arritjen e kapaciteteve operacionale. Ne planifikojmë që në vitin 2029 të kemi një forcë të gatshme për të mbrojtur territorin, të mbështesë autoritetet civile dhe të marrë pjesë në misione ndërkombëtare”, ka thënë ai në Euronews Albania.

Prej rreth katër muajsh, një ulëse në Komisionin Qendror të Zgjedhjeve mbetet bosh, pasi ushtruesja e detyrës së Presidentes, Albulena Haxhiu, nuk e ka dekretuar anëtarin e propozuar nga PDK.

PDK e konsideron këtë zvarritje të motivuar politikisht dhe paralajmëron se, nëse posti i jepet partisë së parë, do t’i drejtohet Gjykatës Kushtetuese.

Një ish-gjyqtar vlerëson se mosplotësimi i KQZ-së përbën shkelje të Kushtetutës, ndërsa nga kabineti i Haxhiut dhe LVV nuk është dhënë përgjigje.

Zëdhënësi i Policisë së Kosovës për rajonin e Prizrenit, Shaqir Bytyqi, ka thënë se sot në Kosovë kanë ndodhur dy raste të cilat dyshohet të jenë vetëvrasje.

Rasti i parë ka ndodhur rreth orës 15:40 në Prizren, ku një grua rreth moshës 54-vjeçare është gjetur e vdekur në banesën e saj.

“Rasti i parë është raportuar rreth orës 15:40, kur është pranuar informata se në rrugën “Turgut Özal” në Prizren, në banesën e saj, ndodhej një person pa shenja jete. Patrulla policore ka dalë menjëherë në vendin e ngjarjes, ku ekipi i Emergjencës ka konstatuar vdekjen e viktimës. Sipas informacioneve fillestare, viktima është femër, rreth 54 vjeçe. Bazuar në rrethanat e evidentuara në vendin e ngjarjes, dyshohet se viktima ka kryer vetëvrasje”, ka thënë ai.

Ndërkaq, rasti i dytë ka ndodhur në Restelicë të Dragashit, ku një person rreth moshës 68-vjeçari është gjendur i vdekur.

“Rasti i dytë është raportuar rreth orës 17:50, kur nga një zyrtar policor është pranuar informata se në një zonë pyjore në fshatin Restelicë, komuna e Dragashit, është gjetur një person pa shenja jete. Patrulla policore dhe ekipi i Emergjencës kanë dalë në vendin e ngjarjes, ku është konstatuar vdekja e viktimës. Sipas informacioneve fillestare, viktima është mashkull, rreth 68 vjeç. Bazuar në rrethanat e para të evidentuara në vendin e ngjarjes, dyshohet se viktima ka kryer vetëvrasje”, ka thënë Bytiql.

Për të dy rastet janë njoftuar prokurori kompentent dhe kanë filluar veprimet hetimore.

“Për të dy rastet është njoftuar prokurori kompetent, me autorizimin e të cilit kanë filluar veprimet hetimore. Me urdhër të prokurorit, trupat e pajetë janë dërguar në Institutin e Mjekësisë Ligjore (IML) për obduksion. Të dy rastet janë iniciuar dhe po hetohen si “Hetim i vdekjes”, ka thënë ai. /Gazeta Express