Author: K.B.

Ministria ruse e Mbrojtjes thotë se ka rrëzuar 249 dronë ukrainas gjatë natës.

Nga këta, 116 u fluturuan mbi Detin e Zi, katër mbi Kursk dhe 23 mbi Krime.

Rusia aneksoi në mënyrë të paligjshme Krimenë në vitin 2014. Rajoni njihet ndërkombëtarisht si pjesë e Ukrainës.

Në anën tjetër, Ukraina tha se Rusia lëshoi ​​486 dronë dhe raketa gjatë natës, shkruan BBC.

Autoritetet ukrainase thonë se të paktën gjashtë persona u vranë në Kiev në sulmet ruse gjatë natës.

Forcat e armatosura të Ukrainës thonë se trupat e saj zbuluan dhe gjurmuan 486 automjete sulmi ajror nga Rusia gjatë natës. Kjo përfshinte 22 raketa dhe 464 dronë.

Ndërsa 452 prej tyre u rrëzuan, ushtria ukrainase thotë se goditjet ajrore u raportuan në 15 vende të ndryshme.

250–300 mijë euro për një fundjavë turistike në Sarajevë për të vrarë popullsinë civile.

Preferoheshin gra, vajza dhe fëmijë. Vrasësit‐killer ishin njerëz të pasur, me pasion për armët, luftën dhe gjuetinë, dhe vinin nga e gjithë Europa Perëndimore e madje edhe nga përtej oqeanit.

Ata ishin shumë nuk numërohen me gishtat e duarve dhe viktimat e tyre po aq. Disa nga snajperat turistë mund të kenë vdekur por disa jetojnë ende sot.

Kjo është dëshmia tronditëse që shkrimtari italian Ezio Gavazzeni rrëfen në një intervistë ekskluzive për gazetaren Alba Kepi.

“Në janar të vitit 2025 dorëzova një kallëzim në Prokurorinë e Milanos dhe në nëntor 2025, pra pak javëmë parë, jam thirrur nga Reparti Special Hetimor i Milanos, ROS. U kam dorëzuar të gjitha materialet dhe dokumentacionin tim. Nuk e dëshiroja këtë vëmendje mediatike, nuk e di se si lajmi përfundoi në tëpërditshmet italiane. Ajo që dua me këtë kallëzim dhe investigim është të hedh dritë dhe të sjell të vërtetën mbi atë që ka ndodhur mes viteve 1992–1996 gjatë rrethimit të Sarajevës.”

Sipas tij, grupe personash nga bota perëndimore udhëtonin drejt Sarajevës si turistë, por qëllimi i tyre ishte të qëllonin mbi popullsinë civile.

“Dija diçka për këtë ‘trafik turistësh’, nëse mund ta quajmë kështu, nga disa artikuj të viteve ’90 tëpublikuar në mediat italiane. Më kishte prekur shumë. Pas daljes së dokumentarit Safari Sarajevo, interesi im për të hetuar këtë fenomen u rrit edhe më tepër.”

Kush ishin këta turistë‐killer?

“Vinin nga e gjithë Europa. Megjithatë, hetimi im është përqendruar te italianët e përfshirë dhe te individënga Kanadaja dhe SHBA-ja. Dëshmitë që kam mbledhur e vërtetojnë këtë. Ishin sipërmarrës, profesionistëtë suksesshëm, njerëz të vlerësuar në shoqëri, të gjithë me një pasion të përbashkët për armët dhe gjuetinë. Për të analizuar profilin e tyre psikologjik më ka ndihmuar një kriminologe. Të gjithë ishin meshkuje nuk kishte gra mes tyre.”

Sa paguanin për këtë “hobi” mizor?

“Paguanin nga 250 deri në 300 mijë euro për një fundjavë. Qëllonin ndaj kujtdo, por sidomos ndaj personave më të pambrojtur: fëmijëve, vajzave, grave.”

Çfarë pritet nga ky kallëzim i dorëzuar në Prokurorinë e Milanos?

“Pres që drejtësia të vihet në lëvizje dhe të nisë një proces ndaj tyre.”

Pse nuk e dorëzuat kallëzimin në Gjykatën e Hagës?

“U konsultova me avokatët e mi dhe zgjodhëm këtë rrugë. Asgjë më shumë.”

Pak ditë më parë, një gazetar kroat dorëzoi po në Milano një kallëzim tjetër ndaj presidentit serb Aleksandar Vuçiç. Çfarë mendoni për këtë?

“Mendoj se sa më shumë zëra të ketë në kërkim të së vërtetës, aq më mirë. Për faktet që lidhen me Vuçiç-in, nuk di çfarë të them, nuk e kam ndjekur. Ai vetë ka deklaruar se ka qenë vullnetar në luftë. Di vetëm se e gjithë ajo botë serbo–ruse kishte një kanal të privilegjuar për të vepruar atje, dhe nuk kishin nevojë për vektorë ndihmës.”

Pas protestës dy orëshe të punëtorëve të “trafikut Urban” dhe operatorëve privatë, kryetari i Komunës së Prishtinës ka shprehur keqardhjen duke thënë se kjo bllokadë vjen veç prej Qeverisë, konkretisht prej Ministrisë së Financave, pa çka shprehi gatishmërinë që të takohet me ta kudo dhe kurdo që ata dëshirojnë në mënyrë që të gjejnë një zgjidhje.

Rama në konferencën për media tha se tashmë zgjedhjet lokale kanë përfunduar dhe fondet për kryeqytetin duhet të barten në llogaritë e Komunës dhe kësisoj do të bëhet dhe zgjidhja e problemit dhe punëtorët do të kthehen në punën e tyre.

“Për fat të keq jemi ende sot në gjendje të njëjtë sikur dje me protesta që i kuptoj plotësisht, u kërkoj falje qytetarëve për këtë pozitë. Ne kemi paralajmëruar me muaj tërë për bllokada dhe ministria vazhdon që mjetet vetanake të mbeten të bllokuara në mënyrë të jashtëligjshme diku rreth 35 milionë janë të bllokuara. Ky problem do zgjidhej menjëherë, ne ishim dje me protestuesit përpara Ministrisë ku kërkova takim me kryeministrin dhe ministrin por ata refuzuan. Jam edhe sot i gatshëm të takohem menjëherë kudo që ata dëshirojnë të takohen është një çështje që nuk është problem por po bëhet. Zgjedhjet lokale kanë përfunduar fondet që na takojnë me ligj t’i transferojnë menjëherë që familjet e këtyre punëtorëve t’i marrin pagat menjëherë dhe kanë pritur më muaj të tërë, edhe sot për çfarëdo inati vazhdon të jetë. Ne kemi thirr edhe seancë të jashtëzakonshëm të enjten, i kemi 35 milionë të bllokuara tash e sa muaj tash të enjten do ta fusin në seancë edhe 28 milionë të tjera i thërras asamblist që të votojmë edhe 28 milion që kryeqyteti të ketë opsioni. Kryeqyteti ka fonde të mjaftueshme për te paguar gjitha operatorët, pra nuk kemi problem te operatorët por problemi është te ministria që bllokon jashtëligjshëm të hyrat tona vetanake për te cilat kemi bërë kallëzim penal ndaj Hekuran Muratit dhe tre zyrtarët e ministrisë. Jam i gatshëm sot që te takohem dhe të bëjmë zgjidhje”,

Rama i ka bërë thirrje ministrit në detyrë Hekuran Muratit që të bëjë zgjidhje e mos t’iu hedh hi syve qytetarëve.

“Unë jam këtu me çfarëdo ftesë jam i gatshëm dhe tani edhe kurdo derisa ta zhbllokojmë situatën. I kanë thirrë ata por i kanë thënë jo mos të vjen komuna, vazhdojmë me gënjeshtra dhe te pa vërteta vazhdojnë të tensionojnë situatën. 35 milionë që i mbajnë të bllokuara ligji ekziston i cili mundëson të bëjnë këtë transfer janë paratë e kryeqytetit, i vetmi problem është puro politike nuk e di se çfarë kalukime kanë bërë por jam i sigurt që nuk iu del mirë. Lutja ime për Hekuran Muratin është e thjesht sa mundohesh me hedh hi syve qytetarëve me tema tjera, foksohu në temën relevante. Po luajnë me neve me familjet tona me fëmijët tanë”, deklaroi Rama.

Qeveria në detyrë e Kosovës ka miratuar të hënën, përmes një mbledhjeje elektronike, ndarjen e 7,836,618 eurove për Shërbimin Spitalor, Klinik dhe Universitar të Kosovës (ShSKUK).

Kjo ndarje vjen pas kërkesës së Ministrisë së Financave për kursime dhe riorganizim të mjeteve buxhetore.

“Qeveria në detyrë ka mbajtur dje mbledhje elektronike në të cilën ka miratuar kërkesën e Ministrisë së Financave, Punës dhe Transfereve për kursime dhe ndarje”, thuhet në vendimin e Qeverisë.

Shuma e ndarë është e destinuar për kategorinë e mallrave dhe shërbimeve të ShSKUK-së.

Shteti i Floridës në SHBA ka miratuar një ligj të ri që parashikon dënimin me vdekje për të rriturit që dënohen për abuzim seksual ndaj fëmijëve nën moshën 12 vjeç.

Guvernatori i Floridës, Ron DeSantis, ka nënshkruar ligjin, duke deklaruar se qëllimi kryesor është rritja e mbrojtjes për fëmijët dhe ashpërsimi i ndëshkimeve për autorët e këtyre krimeve tejet të rënda.

Ligji parashikon që dënimi me vdekje të jetë i mundur edhe pa marrë parasysh një vendim të mëparshëm të Gjykatës së Lartë të Shteteve të Bashkuara, e cila më parë kishte ndaluar aplikimin e këtij dënimi në raste që nuk përfshinin vrasje.

Autoritetet e Floridës argumentojnë se rrethanat e këtyre rasteve janë aq të rënda, saqë kërkojnë masa ndëshkuese më të ashpra.

Ligji pritet të hyjë në fuqi së shpejti, ndërsa debati për kushtetutshmërinë e tij mund të vazhdojë në gjykatat federale.

Kreu i LDK-së, Lumir Abdixhiku, ka reaguar ndaj deklarimeve të djeshme të presidentes së Kosovës, Vjosa Osmani, e cila ka bërë përgjegjëse ish-opozitën për mosmbajtjen e një seance ku do të votoheshin zgjatja e buxhetit për disa muaj, buxheti për Prishtinë, Gjilan, pagat për RTK-në dhe pakoja për Planin e Rritjes.

Abdixhiku ka thënë se natën kur është nominuar Glauk Konjufca, si kryetar i LDK-së ka shprehur gatishmëri te presidentja Osmani, që të gjitha këto të votohen në pako, madje që të quhej edhe si Pako e Presidentes.

Kreu i LDK-së thotë se përmes Osmani e ka marrë vesh që edhe në Lëvizjen Vetëvendosje ka një qëndrim shumë pozitiv për këtë ide. Pas kësaj, Abdixhiku thotë se ka kontaktuar edhe krerët e PDK-së, AAK-së dhe NISMA-s dhe me disa ambasadorë të QUINT-it.

Megjithatë, Abdixhiku thotë se pas këtij zhvillimi s’ka lëvizur asgjë për plotë 15 ditë. Kreu i LDK-së thotë e është i habitur se me sa lehtësi fshihet një gjë e tillë.

“Nuk pati asnjë lëvizje, anipse ishte vonë. Ani pse ishin shpenzuar 15 ditë pa asnjë nevojë. Ani pse nuk kishte asnjë gadishmëri as për ta diskutuar bashkarisht në mjë vend këtë ide.

Sot habitem se me sa lehtësi fshihet ky fakt dhe kjo e vërtetë. E kuptoj që jemi në betejë politike, por në këtë betejë na duhet të kemi minimalisht korrektësi dhe sjellje njerëzore”, ka shkruar Abdixhiku.

Pas protestës të së hënës para Komunës e më pas para Qeverisë, Trafiku Urban ka vazhduar protestën edhe të martën.

Transportuesit publik mëngjesin e së martës për gati dy orë bllokuan rrugët në kryeqytet.

Ata vendosën autobusët në rrugët e Prishtinës, si shenjë protesta për mos marrjen e pagave.

Shkaku i vonesave në vendimmarrje nga kuvendet komunale, buxheti i Prishtinës, ai i Gjilanit dhe buxheti i Zubin-Potokut nuk janë përfshirë në buxhetin e Kosovës të 2025-s.

Kjo nuk u bë as pas miratimit të tyre nëpër komuna, meqë thuajse gjatë gjithë vitit Kosova ka funksionuar pa Kuvend, shkaku i ngërçit politik të krijuar pas zgjedhjeve nacionale të shkurtit.

Kryetari i Prishtinës, Përparim Rama dje gjatë protestës para qeverisë tha se Kryeministri në detyrë, Albin Kurti dhe Ministri në detyrë i Financave, Hekuran Murati as nuk kanë pranuar të takohen me të.

Kompania Rajonale e Mbeturinave “Pastrimi” ka njoftuar se borxhlinjtë do të dërgohen te përmbaruesit, nëse nuk i shlyejnë borxhet.

Në një njoftim për media, “Pastrimi” u ka bërë thirrje konsumatorëve në Prishtinë, Podujevë, Lipjan, Obiliq, Drenas e Fushë-Kosovë që të kryejnë pagesën e faturave të shërbimit të mbledhjes së mbeturinave.

“Nga java e ardhshme, sikur kemi vepruar gjatë tetorit me bizneset, të gjithë konsumatorët, amvisëri, me borxhe të pashlyera do të procedohen në përmbarim, sipas legjislacionit në fuqi. Procedurat e përmbarimit përfshijnë kosto shtesë për konsumatorët, prandaj ju ftojmë që pagesat t’i kryeni sa më herët për të shmangur shpenzime të panevojshme”, thuhet në njoftim.