Një grua nga Ferizaj ka raportuar në Polici se është dhunuar nga një burrë.
Sipas Policisë rasti ka ndodhur më 12 gusht ndërkohë që është raportuar të hënën, më 19 gusht.
“Më 19.08.2024 viktima femër kosovare ka raportuar se në datën e cekur i dyshuari mashkull kosovar ka kryer veprën e lartcekur ndaj saj. Me vendim të prokurorit viktima është dërguar në ekzaminim mjekësor”, thuhet në raportin 24-orësh të Policisë.
Tutje, në raportin policor thuhet se rasti është duke u hetuar, derisa nuk është raportuar për ndonjë të arrestuar.
Një person ka vdekur dhe një tjetër ka pësuar lëndime trupore në një aksident komunikacioni që ka ndodhur në rrugën mes fshatrave Uglarë dhe Preoc të Graçanicës.
Në aksidentin që ka ndodhur para mesditës të së hënës janë përfshirë dy automjete, ka deklaruar Flora Ahmeti, zëdhënëse e Policisë së Kosovës për rajonin e Prishtinës.
“Në këtë aksident, kanë qenë të përfshira, dy automjete në lëvizje. Si pasojë e aksidentit, lëndime trupore kanë pësuar dy persona, njëri prej të cilëve nuk ka arritë të përballojë plagët dhe i njëjti ka ndërruar jetë .Vdekjen e tij e ka konstatuar ekipi mjekësor në spitalin e Graqanicës”, ka thënë ajo.
Aktualisht policia ka nisë një hetim për zbardhjen e rrethanave që kanë çuar deri te ky aksident trafiku.
Ministrja e Industrisë, Ndërmarrësisë dhe Tregtisë (MINT), Rozeta Hajdari, mban konferencë për media.
Siç thuhet në njoftim, kjo konferencë do të mbahet me rastin e ceremonisë së nënshkrimit të marrëveshjeve për skemën e garantëve për certifikimin e produkteve dhe skemën e garantëve të Iniciativës për Fuqizim Digjital.
Shtatë ditë nga pranimi i rezultateve të testit për stabilitetin e urës kryesore mbi lumin Ibër, në Mitrovicë, pos vazhdimit me ngjyrosje e suvatim, Qeveria nuk ka ndërmarrë hapa të mëtejmë drejt hapjes së saj.
Vetë kryeministri Albin Kurti, të mërkurën, tha se “do të vazhdojë konsultimet dhe koordinimin me partnerët”, ndërsa ministri Elbert Krasniqi po atë ditë theksoi se “çdo veprim i ndërmarrë do të jetë i bashkërenduar”.
Duke përsëritur se kjo çështje “assesi nuk duhet të bëhet temë e dialogut me Serbinë”, sipas njoftimit, presidentja Vjosa Osmani në takim me komandantin e KFOR-it, OzkanUlutas, kërkoi hartimin e një plani tëpërbashkët.
Në një postim në rrjetet sociale, presidentja shkroi se“suksesi afatgjatë e i qëndrueshëm arrihet gjithnjë bashkë me aleatët”.
Ndërkaq, KFOR-i nuk dha qëndrim të ri.
Qëndrimi iSHBA-së,se nuk e mbështet hapjen e urës në këtë moment, krahas QUINT-it dhe KFOR-it,në vlerësimin e politologut Fidan Ukaj,ndikoi te Qeveria.
“Një mesazh shumë i qartë në adresë të institucioneve të Kosovës tashmë është bërë edhe në analet jo-publike, dhe siç duket institucionet e Kosovës atë vrullin, atë hovin e madh për hapjen e urës e kanë ndalur. Dhe, tanimë takimet me e kryeministrit me komandantin e KFOR-it, dhe sot me presidenten, siç duket tash institucionet janë vendosur në rrafshin diplomatik duke provua me e bindë faktorin ndërkombëtar që ura e Ibrit duhet tëhapet”, deklaroi Ukaj.
Duke përmendur nevojën për ndërtimin e një strategjie, Ukaj nuk pret hapa të pabashkërenduar.
“Hapja e urës duhet të bëhet gjithnjë në koordinim me faktorin ndërkombëtar, Shtetet e Bashkuara të Amerikës dhe, po ashtu, komponentin e tretë të sigurisë, e që është vendimtare në territorin e Kosovës, që është NATO, KFOR-i”, tha tutje Ukaj.
Qeveria nuk tregoi nëse është pajtuar me këshillën amerikane, për të pritur një moment më të përshtatshëm për veprim.
Më 2 Gusht, kryeministri Albin Kurti ua prezantoi ambasadorëve të QUINT-it planin e Qeverisë për hapjen e urës kryesore mbi Ibër, në Mitrovicë.
IsmetKadriu nga Likoci i Skënderajt thotë se e diela e 18 gushtit ishte më e rënda prej se merret me kultivim të perimeve, qe 12 vjet.
Dy hektarë me të mbjella, ia dëmtoi shiu e breshri.
Një ditë më vonë, Kadriu doli të shohë nëse i ka shpëtuar diçka nga specat e domatet. Por vlerëson se s’ka mbetur gjë, ndërsa dëmi thotë të ketë vlerë 15 mijë euro.
Bujku tjetër nga Kopiliqi i Epërm,Agron Musliu, thotëseu desh t’i anulonte të gjitha porositë që duhej t’ua dërgonte myshterinjve.
Të dëmtuarit thonë se dëmet nga të reshurat nuk mund t’i përballojnë, pa ndihmë të institucioneve.
Këto kërkesaia thanë direkt drejtorit të Bujqësisë, Behxhet Maliqi, i cili erdhi në ara, t’i shohë nga afër dëmet.
Ai ftoi bujqit qëkërkesën e tyre ta adresojnë nëdrejtori, brenda afatit të caktuar, jo më larg se 8 ditë.
Por pavarësisht premtimeve të drejtorit për kompensim, bujqit thonë se nuk iu kompensuan as dëmet e para 2 vjetëve.
Shiu e breshri i një dite më parë, përveç Skenderajt, kishin shkaktuar dëme në kultura bujqësore edhe në Suharekë e Podujevë.
Për gjashtë ditë, sipas Institutit Kombëtar të Shëndetësisë Publike të Kosovës, nga 400 mostra tëdyshuara për SARS COV-2, 177 raste kanë rezultuar pozitiv me COVID–19.
Në njoftimin e IKSHPK-së, raportohet edhe për dy pacientë të vdekur, për të cilët të dielën ka raportuar ekskluzivisht ATV-ja.
Ndërkaq, gjatë të hënës, dy pacientët e vdekur nga Covid-19, sipas drejtorit të Klinikës Infektive, Arben Vishaj, kishin edhe sëmundje të tjera kronike.
“Aktualisht në Klinikën Infektive i kemi të spitalizuar gjithsej 10 pacientë, dy nga ta janë me oksigjeno-terapi. Dy ditë më parë në Klinikën Infektive dy pacientë kanë përfunduar me vdekje. Njëri në moshën 80–vjeçare i cili ka qëndruar në këtë klinikë dy orë, ngase ka pasur sëmundje tjera të rënda kronike. E pacienti tjetër në moshën 67–vjeçare i cili lëngonte nga sëmundje të rënda kronike që ishte duke u trajtuar më përpara në Klinikën Infektive”, deklaroi Vishaj.
Vishaj, i cili nuk u deklarua para gazetarëve por zgjodhi videomesazhin, tha se klinika Infektive, aktualishtështë e furnizuar me terapi
“Për momentin në Klinikën Infektive kemi mjaftueshëm oksigjeno-terapi, kemi barna dhe staf mbështetës mjaftueshëm. Mendoj që nuk ka nevojë për ndonjë panik, ne jemi duke e përcjellë me vëmendje të shtuar situatën epidemiologjike dhe varësisht nga situatat do të veprojmë konform situatës e cila vjen”, tha tutje ai.
Gjendja vlerësohet të jetë nënkontroll, mirëpo sipas infektologut Hamdi Ramadani, ekziston rreziku që COVID-19, të përhapet përsëri.
Të shqetësuar me rritjen e numrit të rasteve pozitive janë shprehur edhe qytetarët.
Gjatë të hënës, ATV-ja ka tentuar të marrë një përgjigje në Ministrinë e Shëndetësisë, por edhe në IKSHPK, nëse ka mjaftueshëm në stok vaksina kundër koronavirusit, por asnjëri nga institucionet nuk ka kthyer përgjigje.
Pavarësisht kësaj, në postimin e fundit, IKSHPK-jarithekson se vaksinimi vazhdon të jetë masë efektive mbrojtëse, veçanërisht ndaj formave më të rënda të sëmundjes dhe, për shkak të zbehjes së imunitetit me kalimin e kohës, individët në rrezik më të lartë dhe sëmundje kronike, rekomandohet të vaksinohen.
20 mijë euro gjobë i është shqiptuar KESCO-s, nga Agjencia për Informim dhe Privatësi, për Shkelje të Ligjit për Mbrojtjen e të Dhënave Personale.
Sipas komisioneres sëAgjencisë, Krenare Sogojeva, edhe pas 30 qershorit, afatit tëfundit që iu dha ndërmarrjeve për përgatitje në lidhje me procesimin për mbrojtjen e të dhënave personale, KESCO-ja ka vazhduar shpërndarjen e faturave pa zarfe.
KESCO-ja u gjobit pasi u analizuan ankesat e qytetarëve.
NëseKESCO-ja apo ndërmarrjet e tjera vazhdojnëshpërndarjen e faturave me metodën e vjetër, gjoba do të dyfishohet.
Të paktën deri të hënën pasdite, Agjencia nuk kishte asnjëpërgjigje zyrtare nga KESCO-ja.
Por duke mos dhënë shumë detaje, nga kompania qëbën faturimin e energjisë elektrike, thanëpërATV-nëse ditët në vijim do ta bëjnë analizimin e vendimit.
Për tënjëjtën arsye, për shpërndarjen e faturave pa zarfe, në vitin 2016 Agjencia për informim dhe privatësi kishte dërguar ankesë ndaj KESCO-s nëgjykatë.
Gjykata Themelore e Prishtinës, dy vjet më vonë, KESCO-si kishte shqiptuar gjobë 9 mijë euro.
Operacioni i KFOR-it, i datës 9 gusht 1999, në një bujtinë që përdorej nga UÇK-ja, qe në listën e pyetjeve për dëshmitarin amerikan, ish–ushtarin Steven Russel në Gjykatën Speciale në Hagë.
Në gjykimin në rastin Thaçi dhe të tjerët, Russel tregoi për atë që trupat paqeruajtëse gjetën në lokacionin e përmendur.
Më tej, Russel tha se kur filloi operacioni kanë pritur të mos gjenin asgjë për shkak se anëtarët e UÇK-së iu kishin thënë të kontrollonin, por nuk do të gjenin asgjë.
Ai thotë se në operacion, tre posedues të kartave të ushtrisë jugosllave ishin prezent.
Sipas tij, aty ishin Adrian Mehmeti, Abdurrahman Ramadani dhe Shaqir Shaqiri.
Në proces, dëshmitari u pyet edhe lidhur me rolin e trupave amerikane në kuadër të KFOR-it, për hetime të paanshme të krimeve nga palët.
Russel është dëshmitari i 76-të, i Zyrës së Prokurorit Special.
Në seancë ai u paraqit, me tre përfaqësues të Qeverisë amerikane.
Prokuroria Speciale ka ngritur aktakuzë në Gjykatën Themelore në Prishtinë ndaj të pandehurit Nagip Krasniqi për keqpërdorim të detyrës zyrtare.
Siç ka bërë të ditur Prokuroria, i pandehuri për rreth rreth dy vjet ka bërë keqpërdorim.
“Sipas aktakuzës i pandehuri N.K. duke filluar nga data 15 tetor 2021 e në vazhdimësi deri me datë 19 prill 2023, në cilësinë e personit zyrtar, duke e shfrytëzuar detyrën zyrtare, kishte kryer veprën penale Keqpërdorimi i pozitës apo autoritetit zyrtar”, thuhet në njoftimin e Prokurorisë.
Krasniqi ishte arrestuar më 19 prill të vitit të kaluar, pas bastisjeve të Njësisë së Hetimeve Speciale, në zyrën e tij në KEK dhe në dy banesat e tij. Ai dyshohet se ka kryer veprat penale “Keqpërdorim i detyrës zyrtare”, “Ushtrim ndikimi” dhe “Konflikt interesi”. Në shtator, ai u lirua nga paraburgimi, por i ishte ndaluar të afrohej në objektin e KEK-ut në një distancë prej 50 metrash.
Më 25 prill 2023, Krasniqi ishte suspenduar nga pozita e kryeshefit ekzekutiv të KEK-ut.
Agjencia për Informim dhe Privatësi (AIP), si autoritet mbikëqyrës për zbatimin e Ligjit për Mbrojtjen e të Dhënave Personale, ka shqiptuar gjobë ndaj Kompanisë Kosovare për Furnizim me Energji Elektrike Sh.A (KESCo) për mos ndër marrjen e masave të nevojshme të sigurisë në përpunimin e të dhënave personale gjatë shpërndarjes së faturave për qytetarët, raporton Ekonomia Online.
Agjencia për Informim dhe Privatësi ka pranuar disa ankesa nga qytetarët (subjektet e të dhënave) lidhur me veprimin se KESCo ka shpërndarë faturat mujore për shpenzimin e energjisë elektrike duke mos i aplikuar masat e sigurisë dhe duke i lënë qasje personave të paautorizuar në të dhënat personale të konsumatorëve.
Gjatë shqyrtimit të ankesave, AIP ka konstatuar se KESCo ka dështuar të zbatojë masat e sigurisë për të mbrojtur të dhënat personale të qytetarëve, duke shkelur kështu detyrimet e saj ligjore.
Veprimi i Agjencisë për shqiptimin e gjobës ndaj KESCo është ndërmarrë pas fushatës ndërgjegjësuese që Agjencia ka zhvilluar në muajin shkurt të vitit 2024, me të gjitha kompanitë që bëjnë shpërndarjen e faturave, me ç ‘rast ka kërkuar zbatimin e detyrimeve ligjore që këto kompani kanë ndaj konsumatorëve. Me qëllim të përgatitjes së kushteve, Agjencia ka kërkuar nga Kompanitë që deri më 30 qershor 2024, të ndërmarrin të gjitha masat për të siguruar mbrojtjen e të dhënat personale.
Siguria e të dhënave personale është një e drejtë themelore e qytetarëve dhe mbrojtja e këtyre të dhënave duhet të jetë prioritet për çdo kompani që i përpunon të dhënat personale.
Agjencia për Informim dhe Privatësi do të vazhdoje mbikëqyrjen e zbatimit të ligjit nga kompanitë private dhe institucionet publike për të siguruar mbrojtjen e të dhënave personale të qytetarëve.
