ATV

Author: G.O.

  • Më pak se shtatë orë gjumë shkakton probleme në organizëm

    Më pak se shtatë orë gjumë shkakton probleme në organizëm

    Pamjaftueshmëria e vitaminave besohet të jetë një faktor i rëndësishëm në shfaqjen e pagjumësisë.

    Kjo e fundit ka pasoja të rënda në organizëm.

    Studimet kanë treguar se sëmundjet dyfishohen nëse njeriu fle më pak se 7 orë.

    Nëse njeriu fle më pak se gjashtë orë, ky rrezik katërfishohet.

    Pagjumësia ndikohet jo vetëm nga stresi, puna dhe stili i jetesës.

    Vitamina C

    Vitamina C është shumë e rëndësishme për sistemin imunitar.

    Studimet thonë se sasitë e pamjaftueshme të kësaj vitamine shkaktojnë pagjumësi dhe probleme me gjumin.

    Ekspertët rekomandojnë ngrënien e specave, agrumeve, kivit, lakrave të vogla dhe mangove për të marrë më shumë vitamina.

    Vitamina B12

    Vitamina B12 garanton shëndetin e nervave dhe rruazave të kuqe të gjakut.

    Ajo ndihmon në krijimin e energjisë në organizëm.

    Nivelet e ulëta të kësaj vitamine shkaktojnë probleme nervore, lodhje, çrregullime të gjumit, mpirje dhe luhatje të humorit.

    Sasia e rekomanduar e kësaj vitamine është nga 250 deri në 500 mikrogramë në ditë.

    Vitaminën B12 e gjeni edhe në ushqimet e mëposhtme, rekomanduar nga AgroWeb.org

    Ushqimet me Vitaminë B12

    • Sardelet

    • Salmoni i egër

    • Drithërat e plota

    • Qumështi

    • Kosi

    • Djathi i bardhë

    • Vezët

    Vitamina D

    Nivelet e ulëta të vitaminës D shkaktojnë probleme me gjumin.

    Ushqimet ku mund ta gjeni: Vaji i mëlçisë së peshkut, vaji i peshkut, produktet e pasuruara të bulmetit, drithërat e pasuruar.

    Omega-3

    Acidet yndyrore rekomandohen nga mjekët sepse përmirësojnë cilësinë e gjumit.

    Këto acide yndyrore i gjeni me shumicë tek peshqit, por edhe farat e ndryshme.

    Peshqit e rritur në ujëra të ftohta siç janë salmoni, sardelet, trofta, skumbria dhe harenga përmbajnë nivelet më të larta të acideve yndyrore.

    Goacat e detit, midhjet dhe gaforret përmbajnë gjithashtu sasi të mëdha të acideve yndyrore omega-3./agroweb/

  • Pse dredhëzat nuk janë më aq të ëmbla sa dikur?

    Pse dredhëzat nuk janë më aq të ëmbla sa dikur?

    A ju ka ndodhur të blini dredhëza për një ëmbëlsirë dhe në fund shija të jetë e zbehtë? Sipas një studimi të vitit 2021 të publikuar në Oxford Academic, shumica e pjesëmarrësve thanë se dredhëzat që provuan nuk ishin mjaftueshëm të ëmbla. Dhe, sipas AOL, kjo nuk është rastësi.

    Profesori i hortikulturës Marvin Pritts nga Cornell University ka shpjeguar se gjatë dekadave të fundit dredhëzat janë kultivuar për të përmirësuar madhësinë, prodhimin, ngjyrën dhe qëndrueshmërinë dhe se shija nuk ka qenë prioritet, transmeton KOHA.net.

    Pra, dredhëzat e egra shpesh janë më të ëmbla, ndërsa ato që gjenden në supermarket janë zgjedhur për pamjen dhe rezistencën gjatë transportit.

    Një tjetër problem është momenti i vjeljes.

    Për shkak se fruti duhet të udhëtojë larg, shpesh këshillohet të mblidhet kur ka ende maja të bardha, pra para se të piqet plotësisht. Por sipas një studimi të vitit 1998 në Acta Horticulturae, dredhëzat mund të skuqen pak pas korrjes, por nuk vazhdojnë të piqen. Kjo do të thotë se nëse mblidhen të papjekura, ato nuk bëhen më të ëmbla.

    Roli i tregut

    Një studim i vitit 2017 në revistën Agribusiness ka treguar se mbi 65 për qind e konsumatorëve preferojnë dredhëza më të mëdha, më të kuqe, më të forta dhe me ngjyrë të theksuar. Një grup tjetër vendos madhësinë dhe pamjen përpara shijes.

    Pse? Sepse këto janë cilësitë që shohim pa hapur paketimin.

    Një studim i vitit 2024, i publikuar në revistën Foods ka theksuar se pamja është faktori kryesor që ndikon në blerje. Ne e lidhim madhësinë, ngjyrën e kuqe dhe fortësinë me freskinë dhe shijen, ani pse kjo nuk është gjithmonë e vërtetë.

    Sipas Departamentit Amerikan të Bujqësisë (USDA), 98 për qind e dredhëzave në SHBA prodhohen në Kaliforni dhe Floridë, zona ku prioritet ka qenë madhësia dhe rendimenti, jo aroma.

    Si të zgjidhni dredhëza më të ëmbla?

    -Kontrolloni nëse janë pa fungicide dhe pesticide.

    Një studim i vitit 2023, i publikuar në Journal of Agricultural and Food Chemistry, ka zbuluar se dy fungicide të zakonshme mund të ulin përmbajtjen e sheqerit.

    -Mbështetuni te aroma.

    Një studim i vitit 1989, i publikuar në Chemical Senses, tregoi se sa më e fortë aroma e dredhëzas, aq më e ëmbël është shija.

    -Kërkoni prodhues lokalë ose lloje të reja të zhvilluara për shije.

    Në vitin 2022, studiues nga Rutgers University prezantuan llojin Rutgers D’Light, të zhvilluar për 15 vjet për të arritur balancën ideale mes ëmbëlsisë, aciditetit dhe aromës.

     

  • Mospërfundimi i Kolektorit, banorët e Emshirit në hall me kundërmimin

    Mospërfundimi i Kolektorit, banorët e Emshirit në hall me kundërmimin

    Ka më shumë se dy vjet prej kur Komuna e Prishtinës ka nisur projektin për ndërtimin e kolektorit për ujërat e zeza, që është pjesë e rrugës A në lagjen Emshir në kryeqytet.

    Por as pas kaq kohësh projekti nuk është përfunduar, duke i lënë banorët e kësaj pjese të ballafaqohen për çdo ditë me kundërmimin nga ujërat e zeza.

    “Unë nuk e di pse po e lënë kështu, sepse këtu duhet të rregullohet, jo të lihen ujërat të qarkullojnë pranë shtëpive. Ka fëmijë – mund të bjerë dikush e të mbytet”, u shpreh një banor i kësaj lagje.

    Ambientalisti Shyqri Dumani thekson rreziqet shëndetësore që mund të shfaqen si pasojë e kësaj gjendjeje.

    “Një prej sëmundjeve që më së shumti paraqitet kur ujërat janë të ndotur nga ujërat e zeza osht hepatiti, të tri llojet e hepatiteve zakonisht paraqiten kur ka ndotje të ujërave të zeza”, tha Dumani.

    Ai thotë se ujërat fillimisht do të duheshin të filtrohen dhe pastaj të derdhen në lumenj.

    “Komuna duhet me bo projektin dhe me ngrit një fabrik për pastrimin e ujërave konkretisht komuna e prishtinës është një prej komunave ma të mëdha në kosovë problemi qëndron që komuna e Prishtinës nuk i ka të ndara ujërat e shiut nga ujërat e zeza”, shtoi tutje Dumani.

    ATV ka kërkuar përgjigje nga komuna se kur pritet të kryhen punimet në këtë projekt, por deri në transmetimin e kësaj kronike nuk kanë kthyer ndonjë përgjigje.

    Duke njoftuar lajmin në gusht të vitit 2023, Kryetari Përparim rama kishte thënë se me këtë projekt po i japin fund pritjes shumëvjeçare të banorëve për eleminimin e kundërmimit në këtë lagje./atvlive.tv/

  • Moment i rrallë në Stamboll: Portieri goditi një pulëbardhë, kapiteni e ringjalli me një masazh zemre

    Moment i rrallë në Stamboll: Portieri goditi një pulëbardhë, kapiteni e ringjalli me një masazh zemre

    Një incident i pazakontë shënoi një ndeshje futbolli amator në Stamboll, dhe në vend të golave, historia flet për një akt heroik dhe shpëtimin e një jete të pafajshme në mes të ndeshjes.

    Konkretisht, ishte minuta e 22-të e ndeshjes midis Mevlanakapi Guzelhisar dhe Istanbul Yurdum Spor kur portieri Muhammet Uyanik gjuajti topin nga zona e tij e penalltisë.

    Topi goditi një pulëbardhë në fluturim, e cila ra menjëherë në bari, dhe Uyanik më vonë pranoi se në fillim as nuk e kuptoi se çfarë kishte ndodhur derisa iu afrua zogut.

    Ai tha se ishte i shokuar dhe thellësisht i tronditur sepse ishte i vetëdijshëm se ishte një qenie e gjallë, dhe heroi i ditës ishte kapiteni i ekipit Gani Catan.

    Catan ishte i pari që vrapoi te zogu i lënduar dhe vuri re se pulëbardha nuk po tregonte shenja jete, kështu që instinktivisht filloi ringjalljen, ose masazhin e zemrës.


    Kapiteni shpjegoi se procesi zgjati rreth dy minuta dhe ai nuk donte të hiqte dorë derisa të shihte këmbët dhe sytë e zogut të lëviznin.

    Pulëbardhës shpejt filloi t’i rikthehej vetëdija, iu dha menjëherë ujë dhe më pas u nxor jashtë fushës dhe iu dorëzua personelit mjekësor.

    Mediat turke raportojnë se Catan nuk ka trajnim mjekësor, por veproi sipas instinktit për të shpëtuar zogun, i cili pësoi një dëmtim në krah që do ta pengojë të fluturojë për një farë kohe. /Telegrafi/

  • Trajneri i Kombëtares së Portugalisë: Ronaldo është shembull i profesionalizmit dhe përkushtimit

    Trajneri i Kombëtares së Portugalisë: Ronaldo është shembull i profesionalizmit dhe përkushtimit

    Roberto Martínez, trajneri i Kombëtares së Portugalisë, ka theksuar ndikimin e jashtëzakonshëm të Cristiano Ronaldos në ekip, duke e quajtur atë një shembull të papërshkrueshëm të profesionalizmit dhe përkushtimit.

    Martínez shpjegoi se lojtarët vlerësohen mbi tri kritere: talentin, përvojën dhe qëndrimin.

    Sipas tij, Ronaldo i përmbush të tri këto kritere, duke treguar aftësinë për t’u përshtatur gjatë viteve, duke kaluar nga një sulmues krahu në një “numër 9” vendimtar në zonë, me lëvizje të mençura dhe instinkt për golin.

    Ky sezon, ai ka shënuar 25 gola në 30 ndeshje.

    Trajneri portugez theksoi se ajo që e bën Ronaldon kaq të veçantë është qëndrimi i tij përditshëm ndaj punës dhe dëshira e pandalshme për përmirësim.

    Ai shtoi se prania e Ronaldos në dhomën e zhveshjes është një burim frymëzimi për lojtarët e rinj dhe një model i qartë i mentalitetit fitues që ka siguruar jetëgjatësinë e tij në futboll.

  • Një person në Zveçan raporton se dikush në garazhin e tij vendosi letër kërcënuese në gjuhën serbe

    Një person në Zveçan raporton se dikush në garazhin e tij vendosi letër kërcënuese në gjuhën serbe

    Një person në Zveçan ka raportuar në Policinë e Kosovës se persona të panjohur kanë vendosur një letër kërcënuese në gjuhën serbe në garazhin e tij.

    Sipas raportit 24 orësh të Policisë, ngjarja ka ndodhur më 22 shkurt 2026 dhe është regjistruar si rast “Kanosje”.

    “Rr. Nemanjina, Zveqan 22.02.2026-NN. Ankuesi mashkull kosovar, ka raportuar se gjatë natës nga persona të panjohur në garazhin e tij i është vendosur një letër kërcënuese në gjuhen serbe”, ka thënë Policia në raportin e saj.

    Tutje, Policia ka njoftuar se prokurori është informuar për rastin dhe hetimet janë duke vazhduar për zbardhjen e ngjarjes.

     

  • Pse ndryshon ora e Iftarit çdo natë?

    Pse ndryshon ora e Iftarit çdo natë?

    Iftari, vakti i mbrëmjes që shënon përfundimin e agjërimit të përditshëm gjatë Ramazanit , ka një rëndësi të thellë për myslimanët në mbarë botën.

    Si vakti kryesor për ata që agjërojnë, konsumohet në perëndim të diellit, i njohur si Magrib.

    Koha e tij e saktë ndryshon çdo ditë gjatë gjithë muajit të shenjtë, duke u përshtatur me ndryshimin e orëve të ditës.

    Përtej rolit të tij thelbësor për shëndetin dhe ushqyerjen, Iftari mbart një peshë të jashtëzakonshme shpirtërore.

    Besohet të jetë një kohë kur Allahu u ofron mëshirë dhe dashuri të veçantë atyre që kanë agjëruar, me bekime të veçanta për individët që sigurojnë ushqim për të tjerët.

    Një traditë e rrënjosur thellë, ose Sunet, i inkurajon myslimanët të çelin agjërimin me hurma para vaktit kryesor.

    Kjo praktikë imiton Profetin, i cili i shijonte dhe i mbështeste hurmat, zakonisht duke përdorur të freskëta, pastaj të thata ose të ujitura nëse asnjëra nuk ishte e disponueshme.

     

  • ​Sonte mësohen katër skuadrat që vazhdojnë rrugëtimin në Ligën e Kampionëve nga playoff-i

    ​Sonte mësohen katër skuadrat që vazhdojnë rrugëtimin në Ligën e Kampionëve nga playoff-i

    Gara më prestigjose evropiane në nivel klubesh në futboll, Liga e Kampionëve, do të sjellë sonte katër ndeshje spektakolare nga faza e playoff-it, ku edhe do ta dalin katër skuadrat që do të vazhdojnë tutje në fazën e eliminimit direkt të këtij kompeticioni.

    Neurazzurët e presin në shtëpi sonte ekipin që po bën “kërdi” në Ligën e Kampionëve. Bodo Glimt e deklasoi Interin në ndeshjën e parë me rezultat 3-1 të vlefshme për play off të këtij kompeticioni.

    Skuadra e Chivu-s synon të bëj remuntadën e famshme pasi që rezultati është diferencë prej dy golash.

    E sfidë tjetër interesante do të jetë ajo që në javën e kaluar mbeti 3-3, Club Brugge e Atletico Madrid e cila nis nga ora 18:45, ku edhe sonte pritet të jetë dramë e vërtetë mes skuadrës së Simeones dhe asaj të Lekos.

    Dy përballje të tjera janë Bayer Leverkusen dhe Olympiacos Pireaus e cila përfundoi 2-0 në favor të gjermanve dhe ajo mes Neëcastle e Qarabag e cila tashmë është pothuajse e përfunduar ngase “sorrat” e mposhtën me rezultat të thellë skuadrën nga Azerbaxhani, 6-1.

  • “Një gabim i madh” – Kështu e cilëson Serwer krijimin e Dhomave të Specializuara të Kosovës

    “Një gabim i madh” – Kështu e cilëson Serwer krijimin e Dhomave të Specializuara të Kosovës

    Eksperti amerikan për Ballkanin Perëndimor, Daniel Serwer, e ka cilësuar krijimin e Dhomat e Specializuara të Kosovës në Hagë si një “gabim të madh”.

    Në një intervistë për A2 CNN, Serwer tha se mënyra se si po trajtohen ish-luftëtarët e Ushtria Çlirimtare e Kosovës përbën padrejtësi dhe se gjykata ka tejkaluar mandatin e saj.

    “Unë e shikoj si kthimin e viktimës në dhunues dhe jam shumë i zhgënjyer me gjykatën. Mori një interpretim të gjerë të mandatit të vet. Kjo nuk më pëlqen aspak dhe po del si një gabim i madh që unë i kam nxitur politikanët në Kosovë që ta zbatojnë, por tashmë po del gabim i madh. E ka tejkaluar masën, e ka vënë gjykatën në një kanalizim që do të përfundojë në diskreditimin e gjyqit dhe jo të UÇK-së”, u shpreh ai.

    Serwer foli edhe për Bordin e Paqes, duke e cilësuar atë si një ide të gabuar.

    Sipas tij, autorizimi nga Këshilli i Sigurimit ka ndodhur pa një mandat të qartë dhe pjesëmarrja në këtë mekanizëm shihet me dyshim nga evropianët.

    “Bordi i Paqes nuk është diçka për të cilën jam entuziast. Mendoj se ishte gabim që u autorizua pa një mandat të qartë dhe kjo pjesëmarrje është e dyshimtë në sytë e evropianëve. Në thelb është një ide jo e mirë, por kjo nuk do të thotë se Kosova të mos marrë avantazh dhe të mos e rrisë profilin ndërkombëtar. Mendoj se Kosova dhe Shqipëria po e bëjnë këtë”, deklaroi Serwer.

  • Meksika në terror, mbi 70 të vdekur pas vrasjes të “El Mencho”

    Meksika në terror, mbi 70 të vdekur pas vrasjes të “El Mencho”

    Një ditë pasi ushtria vrau një nga figurat më të fuqishme të krimit në vend, bilanci i viktimave dhe përshkallëzimi i dhunës kanë tronditur thellë Meksikën. Sipas autoriteteve, më shumë se 70 persona humbën jetën gjatë operacionit për kapjen e Nemesio Oseguera Cervantes dhe në përplasjet që pasuan.

    I njohur si “El Mencho”, ai ishte lideri i kartelit Jalisco New Generation Cartel, një nga organizatat kriminale më të fuqishme në vend, me aktivitet të gjerë në trafikun e fentanilit, metamfetaminës dhe kokainës drejt Shteteve të Bashkuara.

    Viktimat: ushtarë, të dyshuar dhe civilë

    Numri i të vdekurve përfshin efektivë të forcave të sigurisë, anëtarë të dyshuar të kartelit dhe persona të tjerë, për të cilët rrethanat e vdekjes mbeten ende të paqarta. Autoritetet nuk kanë dhënë detaje të plota për shumicën e rasteve.

    Sipas raportimeve zyrtare:

    U vranë 25 anëtarë të Gardës Kombëtare meksikane u vranë

    – Rreth 30 të dyshuar si pjesë e grupeve kriminale u vranë në Jalisco

    – Katër të tjerë humbën jetën në shtetin fqinj Michoacán, mes viktimave janë edhe një roje burgu dhe një agjent i prokurorisë së shtetit, shkruan Abcnews.al.

    Dhuna shpërtheu me intensitet të lartë, ndërsa grupet e armatosura të kartelit reaguan ndaj vrasjes së liderit të tyre duke ngritur mbi 250 barrikada në 20 shtete dhe duke i vënë flakën dhjetëra automjeteve.