ATV

Author: G.O.

  • Qindra emigrantë shpëtohen në Ishujt Kanarie

    Qindra emigrantë shpëtohen në Ishujt Kanarie

    Zyrtarët spanjollë kanë bërë të ditur se të paktën 227 emigrantë u shpëtuan pranë ishujve Kanarie të Spanjës, një ditë pasi u raportua për vdekjen e më shumë se 30 emigrantëve në këtë zonë.

    Shërbimet e urgjencës thanë se emigrantët po udhëtonin me gomone pranë ishujve Lanzarote dhe Gran Kanaria në Atlantik.

    Një numër prej tyre u dërguan në spital për t’u trajtuar për lëndime joserioze.

    Më 22 qershor, dy organizata bamirëse thanë se më shumë se 30 emigrantë mund të jenë mbytur pasi gomonia e tyre u fundos në Gran Kanaria.

    Autoritetet spanjolle thanë se ekipet e shpëtimit i gjetën trupat e një të mituri dhe një burri, si dhe shpëtuan edhe 24 persona të tjerë.

    Megjithatë, organizatat bamirëse, Walking Borders dhe Alarm Phone, thanë se rreth 60 njerëz kishin qenë në gomonet e fundosura.

    Helena Maleno Garzon, nga Walking Borders, tha se 39 persona ishin fundosur, përfshirë katër gra dhe një foshnje. Ndërsa, Alarm Phone tha se 35 persona ishin të zhdukur.

    Të dy këto organizata monitorojnë barkat me të cilat udhëtojnë emigrantët dhe komunikojnë me pasagjerët e tyre apo të afërmit e tyre.

    Një anije shpëtimi spanjolle, Gardamar Caliope, ishte vetëm rreth një orë larg nga gomonia kur ajo u fundos më 20 qershor, sipas agjencisë spanjolle të lajmeve Efe.

    Por, anija nuk e ndihmoi gomonen sepse operacioni ishte marrë përsipër nga zyrtarët marokenë, të cilët dërguan një barkë patrullimi që mbërriti të mërkurën në mëngjes, dhjetë orë pasi ishte gomonia ishte vërejtur nga një aeroplan shpëtues spanjoll, sipas Reuters.

    Ministria e Brendshme e Marokut nuk u është përgjigjur pyetjeve të transmetuesit publik britanik BBC lidhur me këtë temë.

    Angel Victor Torres, udhëheqësi i rajonit të Ishujve Kanarie, e përshkroi incidentin si një “tragjedi” dhe i bëri thirrje Bashkimit Evropian të krijojë një politikë migracioni që “ofron reagim të koordinuar” për çështjen e migrimit.

    Edhe pse pranë bregut perëndimor të Afrikës, Ishujt Kanarie janë pjesë e Spanjës dhe shumë emigrantë udhëtojnë nga Afrika në këtë arkipelag me shpresën për të shkuar në Evropën kontinentale.

    Rruga e migrimit Afrikë Perëndimore-Atlantik konsiderohet si një nga më vdekjeprurësit në botë. Të paktën 543 migrantë vdiqën ose u zhdukën gjatë udhëtimit në këtë zonë në vitin 2022, sipas Organizatës Ndërkombëtare të Migracionit (IOM) të OKB-së.

    IOM-ja kishte thënë se 45 anije ishin fundosur atë vit, por kishte shtuar se shifra reale mund të jetë më e madhe sepse të dhënat janë të pakta dhe të paplota.

    Shumica e emigrantëve janë nga Maroku, Mali, Senegali, Bregu i Fildishtë dhe pjesë të tjera të Afrikës Sub-Sahariane, sipas IOM-së.

    Javën e kaluar, një barkë me qindra emigrantë u fundos në brigjet greke, me të paktën 78 të vdekur. Dyshohet se numri i viktimave është edhe më i madh, pasi që zyra e OKB-së për të drejtat e njeriut thotë se rreth 500 persona janë ende të zhdukur./REL/

  • Policia e Kosovës arreston të dyshuarin për sulm ndaj KFOR-it

    Policia e Kosovës arreston të dyshuarin për sulm ndaj KFOR-it

    Policia e Kosovës ka arrestuar një serb të dyshuar për sulm ndaj KFOR-it, në protestën e 29 majit në Zveçan.

    Sipas policisë i arrestuari është N.O., me vendbanim në Mitrovicën e Veriut, i njohur me nofkat “Nemac” dhe “Rusi”.

    “Arrestimi i tij dhe shoqërimi në stacion policor është kryer pas sigurimit të dëshmive, se i njëjti është përfshirë në sulm ndaj KFOR-it me datën 29 maj 2023, ku si pasojë e sulmeve dhe dhunës së shfaqur dhjetëra pjesëtarë të KFOR-it kanë pësuar lëndime trupore. Të gjitha veprimet e mëtejme do të ndërmerren në bashkëpunim dhe koordinim me organet e drejtësisë”, thuhet në njoftimin e policisë.

    Njoftimi i plotë:

    Si rezultat i punës dhe hetimeve intensive të realizuara nga Policia e Kosovës, sot në orët e paradites është arrestuar i dyshuari mashkull serb N. O., me vendbanim në Mitrovicë Veri, i njohur me nofkat “Nemac” dhe “Rusi”, si i dyshuar për përfshirje në rast të sulmit dhe rrezikimit të personave nën mbrojtje ndërkombëtare – KFOR-it.

    Arrestimi i tij dhe shoqërimi në stacion policor është kryer pas sigurimit të dëshmive, se i njëjti është përfshirë në sulm ndaj KFOR-it me datën 29 maj 2023, ku si pasojë e sulmeve dhe dhunës së shfaqur dhjetëra pjesëtarë të KFOR-it kanë pësuar lëndime trupore. Të gjitha veprimet e mëtejme do të ndërmerren në bashkëpunim dhe koordinim me organet e drejtësisë.

    Policia e Kosovës, do të vazhdojë angazhimin dhe përkushtimin e saj për ruajtje të rendit dhe sigurisë publike, për sundim të ligjit dhe sjelljen para organeve të drejtësisë së personave të dyshuar që bien në kundërshtim me rendin dhe ligjin.

  • Kryetari i Junikut flet për punët e realizuara

    Kryetari i Junikut flet për punët e realizuara

    Kryetari i Komunës së Junikut, Ruzhdi Shehu, në kuadër të rubrikës “Komuna” të emisionit “ALARM” në ATV, tregoi për projektet që janë duke u zhvilluar në komunë, që sipas tij, realizimi i tyre është një lajm i mirë për komunën e Junikut dhe jo vetëm.

    Ai tha se disa nga synimet kryesore për të cilat është zotuar janë përmirësimi i infrastrukturës rrugore, shërbimet cilësore në shëndetësi dhe përmirësimi i kushteve në arsim, për të cilat tha se janë duke punuar vazhdimisht.

    Shehu përmendi edhe projekte të tjera të mëdha që janë duke u zhvilluar në këtë komunë, të cilat përfshijnë, rregullimin e ambientit në QKMF-në e komunës, ndërtimin e një shkolle të re fillore etj.

    “Përkushtimi ynë është që të punojmë sa më shumë në mënyrë që të ofrojmë shërbime sa më të mira për zhvillim dhe perspektivë. Natyrisht ka sfida por gradualisht po i kryejnë disa nga punët që i trashëguar nga qeverisja e kaluar. Fokusimi ynë ka qenë përmirësimi i kushteve në arsim dhe shëndetësi. Jemi në përfundim të ndërtimit të një shkolle së re fillore, pastaj edhe të një çerdhjeje. Në kuadër tjetër kemi krijuar një infrastrukturë dhe ambient në qendrën kryesore të mjekësisë familjare në Junik, që qasja e qytetarë të jetë më lehtë dhe shërbimet të jenë sa më të mira, po ashtu jemi duke punuar edhe në përmirësimin e infrastrukturës rrugore”, tha ai.

    Tutje, ai tha se si udhëheqës i kësaj komune do të jetë gjithmonë transparencë me të gjithë, duke shtuar se për gjatë qeverisjes së tij në këtë komunë, do t’i përkrahë të rinjtë e këtij vendi./atvlive.tv/

    Për më shumë ndiqni videon e mëposhtme:

  • Të hënën Borrell i’u raporton ministrave të Jashtëm të BE-së për dialogun Kosovë-Serbi

    Të hënën Borrell i’u raporton ministrave të Jashtëm të BE-së për dialogun Kosovë-Serbi

    Ministrat e Jashtëm të Bashkimit Evropian do të takohen të hënën, ndërkaq në agjendë do të jetë edhe dialogu Kosovë-Serbi.

    Sipas njoftimit Ministrat e Jashtëm do të zhvillojnë një debat për diplomacinë digjitale dhe pritet të miratojë konkluzionet për këtë çështje.

    “Së fundi, sipas çështjeve aktuale, Këshilli mund të informohet për Tunizinë, Armeninë dhe Azerbajxhanin, si dhe për dialogun Beograd-Prishtinë”, thuhet në njoftim.

    Borrell: Jemi pajtuar për rrugën përpara, do t’i diskutojmë detajet dhe mënyrat

  • Restoranti më i vogël në botë ka vetëm një tavolinë

    Restoranti më i vogël në botë ka vetëm një tavolinë

    Prej më shumë se 30 vitesh, ekziston restoranti “Solo Per Due” në Vacone të Italisë.

    Pronarët e restorantit pohojnë se është restoranti më i vogël jo vetëm në Itali, por në të gjithë botën, me vetëm një tavolinë që pranon vetëm dy të ftuar për vakt.

    E gjithë vëmendja i kushtohet çiftit të vetëm që ka bërë rezervimin, të cilët mund të shijojnë gatime me mish dhe peshk, shampanjë, verëra, si dhe restoranti mund të përgatisë edhe një ëmbëlsirë të personalizuar.

    Menyja bazohet në një sërë përbërësish të freskët, të zgjedhur çdo ditë sipas stinës dhe periudhës, me kuzhinë rreptësishtë italiane, të shoqëruar vetëm me verëra nga kantinat më të mira.

    Kuzhina e propozuar nga ‘SOLO PER DUE’ është rreptësishtë italiane, e shoqëruar vetëm me verëra nga kantinat më të mira në vend.

    Kur ulesh në tavolinë, dritat zbehen dhe shandanët ndizen; atmosfera bëhet magjike dhe kamerieri thirret vetëm kur është e nevojshme përmes ziles së vogël të argjendtë.

    Kjo veçori e ka bërë ‘SOLO PER DUE’ të famshëm në botë; aq sa me kalimin e viteve është kthyer në një destinacion të paarritshëm për të gjithë të dashuruarit.

    Një darkë në këtë restorant kushton më shumë se 450-euro dhe paraprakisht kërkohet një rezervim, për të cilin duhet pritur disa muaj.

    Është e nevojshme të raportohet te pronarët gjysmë ore para mbërritjes, ndërkaq me kërkesë të mysafirëve, mund të organizohet një shofer privat për të marrë të ftuarit.

    Të ftuarit më të shpeshtë janë çiftet që festojnë ditëlindje, përvjetorë dhe fejesa, dhe në përputhje me rrethanat edhe vetë brendësia është e dekoruar në mënyrë romantike.

    Në ‘Solo Per Due’ gjatë verës ju mund të shijoni panoramën magjepsëse të ullishtës dhe luginës së mbushur me vreshta të freskët dhe aromatike të rrushit me luleshtrydhe.

    Ndërsa në mbrëmjet e dimrit me shi mund të pushoni brenda përballë oxhakut të lashtë.

    Restoranti drejtohet nga tre sipërmarrës vendas, por emrat nuk i bëjnë të ditur.

    Sipas komenteve në internet, përvojat e mysafirëve në këtë restorant janë të ndryshme. Ndërsa disa pretendojnë se kanë kaluar kohën më të mirë ndonjëherë, duke u ndjerë të “projektuar jashtë kohës”, të tjerë mendojnë se një përvojë e tillë nuk vlen aq shumë.

    Në fund mund të gjeni Librin e Mendimeve që përmban historitë e të gjithë të dashuruarve që shkojnë nga e gjithë bota: secili prej tyre ndan përvojat duke shkruar historitë e tyre romantike, sensuale ose prekëse./atvlive.tv/

    Për më shumë ndiqni videon e mëposhtme:

  • 58-vjeçarja u gjet pa shenja jete në zonën e liqenit akumulues të lumit Ibër, Policia jep detaje

    58-vjeçarja u gjet pa shenja jete në zonën e liqenit akumulues të lumit Ibër, Policia jep detaje

    Policia e Kosovës ka dhënë detaje të reja lidhur me trupin e 58-vjeçares që u gjet dje pa shenja jete në lumin Ibër në Mitrovicë.

    Në raportin e policisë thuhet se viktima dyshohet se ka rënë aksidentalisht.

    “Mitrovicë 22.06.2023 – 07:26. Është raportuar se viktima femër kosovare dyshohet se aksidentalisht ka rënë në lumin Ibër. Ekipi i zjarrfikësve viktimën e ka nxjerrë nga lumi pa shenja jete, nga ekipi mjekësor në vendin e ngjarjes është konstatuar vdekja e saj”, thuhet në raport.

    Tutje thuhet se me vendim të prokurorit trupi i pajetë është dërguar në Institutin e Mjekësisë Ligjore, për obduksion.

    Gjendet e vdekur një 56-vjeçare në zonën e liqenit akumules të lumit Ibër

  • Vushtrri: Lëndohet një person në vendin e punës

    Vushtrri: Lëndohet një person në vendin e punës

    Një person është lënduar dje në vendin e punës. Sipas policisë, ai është lënduar derisa ishte duke punuar në një çati.

    I lënduari është dërguar në QKUK për tretman mjekësor, ndërsa rasti është duke u hetuar nga policia.

    “Vushtrri 22.06.2023 – 10:25. Viktima mashkull kosovar derisa ishte duke punuar në një çati, është rrezuar dhe ka pësuar lëndime trupore. I lënduari është dërguar në QKUK për tretman mjekësor. Lidhur me rastin janë njoftuar prokurori dhe inspektorët e punës. Rasti është duke u hetuar”, thuhet në njoftimin e policisë.

  • Begaj: Roli i SHBA-së vendimtar për paqen në Kosovë

    Begaj: Roli i SHBA-së vendimtar për paqen në Kosovë

    Presidenti i Shqipërisë, Bajram Begaj deklaroi se shteti shqiptar e njeh rolin vendimtar që Shtetet e Bashkuara të Amerikës, kanë për paqen në Ballkanin Perendimor, e veçanërisht për Kosovën e lirë dhe të pavarur.

    Këto komente shefi i shtetit shqiptar, Bajram Begaj i bëri në pritjen me rastin e 247 vjetorit të Pavarësisë së Shteteve të Bashkuara të Amerikës, të organizuar nga Ambasada Amerikane në Tiranë.

    Presidenti Begaj theksoi se Shqipëria është pranë SHBA-ve, si partner strategjik i tyre.

    “Më lejoni të nënvizoj se ne e njohim rolin vendimtar që Shtetet e Bashkuara kanë për paqen në Ballkan, e veçanërisht për Kosovën e lirë, të pavarur e të njohur botërisht. Ne e vlerësojmë dhe nuk harrojmë. Në këtë kuptim ne i jemi pranë Shteteve të Bashkuara si partneri ynë strategjik, por dhe me vullnetin e përkushtimin për prosperitetin e të dy popujve tanë”, u shpreh presidenti Begaj.

    Në këtë pritje të organizuar me rastin e 247 vjetorit të Pavarësisë së SHBA-ve, të mbajtur në kryeqytetin shqiptar, Begaj theksoi se angazhimi amerikan për integrimi euro-atlantik të Shqipërisë është vendimtar.

    Ndërsa, si shefi i shtetit ka ripërsëritur gatishmërinë për thellim të marrëdhënieve mes dy vendeve.

    “Angazhimi amerikan për integrimin euro – atlantik të Shqipërisë dhe forcimin e shtetit të së drejtës dhe demokracisë mbetet vendimtar për të sotmen dhe për të nesërmen e vendit tonë. Ky angazhim na detyron të jemi në lartësinë e investimit dhe të pritshmërive dhe ne jemi të kthjellët për rrugën që na duhet akoma të bëjmë në këtë drejtim. Shteti i së drejtës dhe demokracia janë të domosdoshme për mirëqenien në vend për aq sa edhe në rajon.. Dua të ripërsërisë gatishmërinë për forcimin e mëtejshëm dhe intensifikimin e marrëdhënieve tona në të gjitha fushat e posaçërisht atyre ekonomike në përballjen e sfidave që janë sa kombëtare dhe rajonale aq edhe globale”, theksoi Begaj.

  • Edhe sot serbët në Graçanicë protestojnë në mbështetje për të dyshuarin për krime lufte

    Edhe sot serbët në Graçanicë protestojnë në mbështetje për të dyshuarin për krime lufte

    Sot në mesditë në Graçanicë do të mbahet protesta e tretë me radhë, siç pretendohet “për shkak të arrestimit të Dragisha Milenkoviqit nga Kishnica”, për të cilin dyshohet se ka kryer krime lufte ndaj të burgosurve në qendrën e paraburgimit në Lipjan para luftës në Kosovë.

    Në të njëjtën kohë, qytetarët e Graçanicës dhe rrethinës së saj ofrojnë mbështetje për të gjithë serbët e veriut të Kosovës të cilët janë arrestuar për shkak të huliganizmit dhe sulmeve ndaj gazetarëve në Leposaviq.

    Gjykata në Prishtinë i ka caktuar Dragisha Millenkoviqit masën e paraburgimit prej 30 ditësh.

    Ai u arrestua të mërkurën rreth orës 10:00 nga Policia e Kosovës bë shtëpinë e tij familjare në Kishnicë është bërë bastisje dhe me atë rast është gjetur një sasi e caktuar armësh.

  • Ndahen Avril Lavigne dhe Reperi Tayga

    Ndahen Avril Lavigne dhe Reperi Tayga

    TMZ zbuloi se Avril Lavigne dhe Tayga nuk janë më çift, por vazhdojnë të jenë miq të mirë.

    Ata bënë publike lidhjen e tyre të dashurisë në muajin mars , në kohën kur Avril sapo ishte ndarë me të fejuarin Mod Sun.

    Ata u ndanë një vit pasi Mod Sun i propozoi këngëtares. Lajmi u bë i ditur një ditë pasi Avril dhe Tyga u panë duke darkuar së bashku.

    Sidoqoftë, Avril ka përfunduar turneun e saj, kurse Tayga është në krijim të një kënge të re./ATVLIVE.TV/

    Për më shumë ndiqni videon e mëposhtme: