ATV

Author: G.O.

  • Vdekje e dyshimtë në Shtime, policia fillon hetimet

    Vdekje e dyshimtë në Shtime, policia fillon hetimet

    Policia e Kosovës njoftoi se një burrë është dërguar pa shenja jete, në shtëpinë e shëndetit, në Shtime.

    Sipas raportit 24-orësh të Policisë, vdekja e tij është konstatuar nga ekipi mjekësor dhe rasti po hetohet nga Policia.

    Tutje, në raportin e Policisë thuhet se me vendim të prokurorit, trupi i pajetë i viktimës thuhet se është dërguar për obduksion në Institutit e Mjekësisë Ligjore.

    “INCIDENTET KRIMINALE, HETIM MBI VDEKJEN/ Shtime 03.07.2023 – NN. Është raportuar se në shtëpinë e shëndetit në Shtime, është sjellë pa shenja jete viktima mashkull dhe vdekjen e tij e ka konstatuar ekipi mjekësor. Njësitë relevante policore kanë dalur në vendin e ngjarjes, me vendim të prokurorit, trupi i pajetë është dërguar në IML për Obduksion, rasti në procedurë hetimore“, thuhet në raportin e Policisë.

  • ​Rama: Gëzuar 4 korrikun Amerikë

    ​Rama: Gëzuar 4 korrikun Amerikë

    Kryeministri i Shqipërisë, Edi Rama ka uruar Shtetet e Bashkuara të Amerikës me rastin e 247-vjetorit të shpalljes së pavarësisë.

    Derisa ka shkruar “Gëzuar 4 korrikun Amerikë. GOD BLESS YOU!”, Rama ka ndarë në rrjetet sociale një fotoalbum nga vizita e djeshme në Tiranë e presidentit të 42-të të ShBA-së, Bill Clinton.

    Shtetet e Bashkuara të Amerikës festojnë sot Ditën e Pavarësisë. 4 Korriku shënon 247-vjetorin e shpalljes së pavarësisë së Shteteve të Bashkuara të Amerikës. Deklarata e Pavarësisë është një dokument ku 13 kolonitë e Mbretërisë së Bashkuar nga Amerika e Veriut shpallën pavarësinë nga Mbretëria e Bashkuar.

  • Ambasadori Hovenier uron festën e pavarësisë së ShBA-së

    Ambasadori Hovenier uron festën e pavarësisë së ShBA-së

    Ambasadori amerikan në Kosovë, Jeffrey Hovenier, ka uruar për Pavarësinë e Shteteve të Bashkuara të Amerikës.

    Hovenier, thotë se 247 vjet më parë në po këtë ditë, themeluesit e Shteteve të Bashkuara të Amerikës deklaruan të drejta të patjetërsueshme të jetës dhe paqes.

    ”Sot, amerikanët në Shtetet e Bashkuara dhe në mbarë globin festojnë Ditën e Pavarësisë së kombit tonë. #Në Këtë Ditë 247 vjet më parë, themeluesit e Shteteve të Bashkuara të Amerikës deklaruan të drejtat e patjetërsueshme të “jetës, lirisë dhe lumturisë”.

    ”Gëzuar 4 Korrikun!”

  • Të paktën katër të vrarë gjatë të shtënave në ShBA

    Të paktën katër të vrarë gjatë të shtënave në ShBA

    Të paktën katër persona janë vrarë dhe dy fëmijë janë plagosur gjatë të shtënave masive në qytetin amerikan të Filadelfisë, tha policia.

    Viktimat ishin të gjithë burra nga 20 deri në 59 vjeç, tha zyrtarja policore Danielle Outlaw, ndërkaq një nga fëmijët e plagosur është dy vjeç, ndërkaq tjetri 13.

    Policia ka arrestuar sulmuesin e dyshuar, një 40-vjeçar që kishte të veshur një jelek antiplumb dhe ishte i armatosur me një pushkë dhe një pistoletë. Ai u arrestua pranë vendit ku ndodhën të shtënat në lagjen Kingsesing, tha Outlaw.

    “Nuk e di nëse ka qëlluar me pushkë apo me revole kur ne po e ndiqnim, por ai vazhdimisht ka hapur zjarr përderisa zyrtarët policorë po e ndiqnin”, tha ajo.

    Policia ka rrethuar me shirita skenën e krimit, që sipas Outlaw shtrihet në të paktën tetë blloqe të qytetit.

    “Nuk e kemi idenë pse ndodhën të shtënat. Siç ju thash, ne kemi arrestuar një person”, tha ajo.

    Policia po ashtu ka arrestuar edhe një person që besojnë se ka hapur zjarr drejt sulmuesit.

    “Në një moment kur viktimat po qëlloheshin, kemi pasur një person tjetër që ne besojmë që disi erdhi deri te posedimi i një arme dhe i ktheu zjarrin sulmuesit. Ai person është arrestuar”, tha Outlaw.

    Të shtënat që ndodhën të hënën janë ngjarja e 341-të e dhunës me armë në SHBA që është regjistruar këtë vit, sipas Arkivit për Dhunë me Armë. Vetëm gjatë këtij viti, 21.696 persona janë vrarë, përfshirë 12.144 vetëvrasje.

    Vitin e kaluar, 44.357 persona u vranë nga dhuna me armë në SHBA dhe mbi gjysma e tyre ishin vetëvrasje.

  • Moti për sot dhe nesër

    Moti për sot dhe nesër

    Sot në vendin tonë do të mbahet kryesisht i kthjellët derisa gjatë pasdites pritet të ketë edhe reshje shiu në zonat malore.

    Temperaturën minimale do e mbajë Gjakova me 13 gradë Celsius, ndërsa atë maksimale Prizreni me 28 gradë Celsius.

    Dita e nesërme në Kosovë do të jetë me vranësira dhe me reshje shiu. Temperatura minimale do të shënohet në Gjakovë me 13 gradë Celsius, ndërsa ajo maksimale në Pejë me 27 gradë Celsius.

    Ndërkohë, në Shqipëri do të ketë mot me diell dhe kthjellime. Temperaturën minimale do e ketë Korça me 14 gradë Celsius, ndërsa ajo maksimale do të jetë në Berat me 34 gradë Celsius. /atvlive.tv/

    Parashikimin e plotë të motit, për rajon dhe Evropë, mund ta gjeni në videon e mëposhtme:

  • Shtetet e Bashkuara të Amerikës festojnë sot Ditën e Pavarësisë

    Shtetet e Bashkuara të Amerikës festojnë sot Ditën e Pavarësisë

    Shtetet e Bashkuara të Amerikës festojnë sot Ditën e Pavarësisë.

    4 Korriku shënon 247-vjetorin e shpalljes së pavarësisë së Shteteve të Bashkuara të Amerikës. Deklarata e Pavarësisë është një dokument ku 13 kolonitë e Mbretërisë së Bashkuar nga Amerika e Veriut shpallën pavarësinë nga Mbretëria e Bashkuar.

    Dokumenti i Pavarësisë u ratifikua më 4 Korrik 1776. Kushtetuta amerikane, e nënshkruar në vitin 1787 përshkruan më pas bazën dhe strukturën e qeverisë të Shteteve të Bashkuara, e cila është e ndarë në tri degë, në ato ekzekutive, legjislative dhe juridike, pra Presidenti, Kongresi dhe Gjykata e Lartë.

    Dita e Pavarësisë në SHBA festohet me parada madhështore, festime familjare dhe mbyllet me hedhjen e fishekzjarrëve.

  • Tensionet e fundit në veri, dy kryeministra evropianë vizitojnë sot Kosovën

    Tensionet e fundit në veri, dy kryeministra evropianë vizitojnë sot Kosovën

    Kryeministri i Holandës, Mark Rutte dhe kryeministri i Luksemburgut, Xavier Bettel do të vizitojnë sot Kosovën.

    Vizita e dy kryeministrave evropianë sipas gazetës holandeze, Haarlems Dagblad lidhet me tensionet e fundit në veri të Kosovës.

    Përveç Kosovës, kryeministrat evropianë kanë vizituar edhe Serbinë.

    Rutte dhe Bettel do të zvhvillojnë takime me presidenten Vjosa Osmani dhe kryeministrin Albin Kurti, me të cilët do të diskutojnë, “mes tjerash, zhvillimet e fundit në rajon dhe luftën në Ukrainë”.

    Tensionet në veri të Kosovës kanë filluar më 26 maj, kur kryetarët e zgjedhur në Zubin Potok, Zveçan dhe Leposaviq kanë shkuar në objektet komunale, të asistuar nga Policia e Kosovës. Situata ka eskaluar më datën 29 maj, kur grupet kriminale kanë sulmuar Policinë e Kosovës dhe ushtarët e KFOR-it.

    Komuniteti ndërkombëtar i ka drejtuar tri kërkesa kryeministrit Kurti, lidhur me situatën në veri: Shtensionimin e situatës atje, mbajtjen e zgjedhjeve të reja dhe kthimin në dialogun për normalizimin e marrëdhënieve Kosovë-Serbi, të ndërmjetësuar nga Bashkimi Evropian.

    Ditë më parë, kryeministri Albin Kurti ka paraqitur pesë pika për situatën në veri, ku fokus sipas tij, duhet të jetë sundimi i ligjit në katër komunat veriore.

    Ndërkaq, më 29 qershor, Kurti ka paraqitur propozimin e ri për shtensionimin e situatës në veri. Ai ka paraqitur katër hapa konkretë që Qeveria e Kosovës është e gatshme t’i ndërmarrë për t’i kontribuar rikthimit të stabilitetit në veri. Mirëpo, ka thënë se presin edhe nga Serbia që të zotohet për tërheqje të protestuesve të dhunshëm nga ndërtesat komunale dhe të bashkëpunojë për paraburgimin dhe procedimin gjyqësor të kryesve të dhunës nga ana e Kosovës.

    Megjithatë, BE ka vendosur disa sanksione për vendin tonë.

  • Situata në veri, Lajçak vjen sot në Kosovë

    Situata në veri, Lajçak vjen sot në Kosovë

    I dërguari i posaçëm i Bashkimit Evropian për dialogun, Mirosllav Lajçak, do të vizitojë sot Kosovën, në përpjekje për të shtensionuar situatën në veri të Kosovës. Ai pritet të vizitojë edhe Serbinë, për të bindur palët që të kthehen në dialog.

    Bëhet e ditur se Lajçak do të takohet edhe me presidenten Vjosa Osmani dhe kryeministrin Albin Kurti.

    “Në orën 15:00, Presidentja e Republikës së Kosovës, Vjosa Osmani pret në takim Përfaqësuesin Special të BE-së, Miroslav Lajçak”, thuhet në njoftimin e zyrës për informim të Presidencës.

    Kjo është vizita e dytë e Lajçakut brenda një muaji, pasi që ai në fillim të qershorit bëri një vizitë bashkë me emisarin amerikan për Ballkan Gabriel Escobar.

    BE-ja vazhdon të përsërisë thirrjet për të dyja palët që të bëjnë hapa të menjëhershëm për shtensionimin e situatës dhe të kthehen në dialogun për normalizimin e raporteve, që e ndërmjetëson Brukseli. Këto thirrje u bënë edhe gjatë samitit të fundit të liderëve të BE-së që u mbajt javën e kaluar në Bruksel.

    Tensionet në veriun e Kosovës, të banuar me shumicë serbe, nisën më 26 maj, kur kryetarët e rinj shqiptarë të Zveçanit, Zubin Potokut dhe Leposaviqit, hynë në ndërtesat komunale nën përcjelljen e Policisë së Kosovës.

    Serbët kundërshtuan këtë dhe që atëherë po zhvillojnë protesta duke kërkuar tërheqjen e kryetarëve të rinj dhe të njësive speciale policore. Situata në veri vazhdon të jetë e tensionuar pasi që grupet kriminale vazhdimisht po provokojnë situatën, ku tash e sa herë po raportohet për shpërthime në veri.

    Kujtojmë po ashtu se protestuesit serbë kanë sulmuar Policinë e Kosovës, KFOR-in dhe mediat.

  • Dalin rezultatet e Provimit të Maturës, kalueshmëria 66.04 për qind

    Dalin rezultatet e Provimit të Maturës, kalueshmëria 66.04 për qind

    Këtë vit kalueshmëria në provimin shtetëror të maturës është 66.04 për qind, kështu ka bërë të ditur ministrja e Arsimit, Arbërie Nagavci.

    Nagavci ka shkruar se sot janë publikuar rezultatet e provimit.

    Ajo ka thënë se provimit të maturës i cili u mbajt më 24 qershor i janë nënshtruar mbi 20 mijë nxënës të klasave të dymbëdhjeta në gjithë vendin.

    “Në këtë proces kanë qenë të angazhuar rreth 1600 administrues të cilët kanë qenë të vendosur në çdo sallë të testimit dhe po ashtu mbikëqyrës nga Universiteti i Prishtinës. Në krahasim me vitet e kaluara, menaxhimi i provimit ka qenë më i mirë. Megjithatë, jemi të vetëdijshëm se akoma ka hapësirë për përmirësim dhe jemi duke punuar në këtë drejtim”, ka shkruar ajo në Facebook.

  • Siberi, gjendje e jashtëzakonshme për shkak të zjarreve në pyje

    Siberi, gjendje e jashtëzakonshme për shkak të zjarreve në pyje

    Autoritetet në Lindjen e Largët të Rusisë shpallën gjendjen e jashtëzakonshme sot pas zjarreve që u përhapën.

    Kreu i Republikës Sakha, një rajon i njohur gjithashtu si Yakutia, shkroi në aplikacionin Telegram se më shumë se 110 zjarre kanë shpërthyer në një sipërfaqe prej rreth 610,000 hektarësh, gati tre të katërtat e madhësisë së qytetit të Nju Jorkut.

    Ditët e fundit një i nxehtë i madh dhe aktivitet intensiv rrufesh, ka qenë arsyeja e kompleksitetit të situatës”, shkruan Aisen Nikolayev.

    Sipas agjencisë së lajmeve Interfax, më shumë se 620 zjarrfikës dhe 33 automjete tokësore janë përfshirë në përpjekjet për shuarjen e zjarrit.

    Sipas të njëjtit burim, asnjë zonë banimi nuk kërcënohet drejtpërdrejt.

    Popullsia në Sakha, rajoni më i madh i Rusisë për nga sipërfaqja tokësore, është rreth një milion

    .Zjarret në pyje janë intensifikuar në Rusi vitet e fundit për shkak të temperaturave jashtëzakonisht të larta në Siberi si rezultat i ndryshimeve klimatike.

    Miliona ton dioksid karboni dhe ndotës të tjerë lëshohen në atmosferë çdo vit për shkak të zjarreve.

    Sezoni i zjarrit i vitit 2021 ishte më i gjati i regjistruar ndonjëherë në Rusi, me 188 milionë hektarë pyje të shkatërruar, sipas Greenpeace Rusia – afërsisht dyfishi i madhësisë së ishullit të Irlandës.