Author: G.O.

Pas vdekjes së pacientit nga zjarri në Klinikën e Psikiatrisë në QKUK, ka reaguar deputeti, njëherit dhe anëtari i Komisionit për Shëndetësi Bekim Haxhiu. Ai ka thënë se vdekja e pacientit në klinikë është dhe një dështim i radhës dhe paaftësi e kujdesit ndaj pacientëve.

“Vazhdon shtimi i skandaleve në shëndetësi. Vdekja e pacientit dhe asfiksimi i stafit mjekësor si pasojë e zjarrëvënies në Klinikën e Psikiatrisë është dështimi i radhës, është paaftësia në kujdesin ndaj pacientëve dhe menaxhim shëndetësor. Çka dhe sa raste e skandale duhet të ndodhin që dikush të marrë përgjegjësinë për vdekjet e shumta që po ndodhin në SHSKUK, si dhe shkatërrimin e sistemit tonē shëndetësor?”, ka shkruar Haxhiu.

Ndërsa ka thënë se dikush duhet të jap përgjegjësi për rastin në fjalë.

“Përse janë gjetur mjete rrethanore të rrezikshme te pacienti psikiatrik siç po përshkruhet me shenja agresiviteti? A është dashur të largohen ato mjete, të kontrollohen hapësirat dhe pacientët për mbajtje të mjeteve të rrezikshme? Dikush duhet të jap llogari dhe përgjegjësi për këtë rast dhe shumë té tjera”, ka shkruar Haxhiu.

Gjykata Themelore në Pejë e ka liruar nga akuza të akuzuarin Bujar Rexhaj për veprat penale të ricilësuara vrajse e mbetur në tentativë e kryer në mbrojtje të nevojshme si dhe lëndim i lehtë trupor. Ndërkaq, ndaj të miturit A.M për veprën penale vrasje e mbetur në tentativë, gjykata ka shqiptuar masën edukative: dërgim në institucionin edukativo-korrektues.

Sipas aktgjykimit të përpiluar më 11 nëntor 2022, aktgjykimi ndaj dy të akuzuarve ishte shpallur më 10 tetor 2022 nga gjykatësja Nushe Kukaj-Mekaj.

Sipas aktgjykimit të siguruar nga “Betimi për Drejtësi”, i akuzuari Rexhaj ishte liruar nga akuza, me arsyetimin se veprat penale në mbrojtjen e nevojshme nuk paraqesin vepër penale.

Në aktgjykim, thuhet se masa ndaj të miturit A.M., shqiptohet në kohëzgjatje prej një viti, në të cilën masë llogaritet edhe koha e kaluar në arrest shtëpiak nga 18 korriku 2020 deri më 2 qershor 2021.

Në arsyetimin e aktgjykimit, thuhet se është plotësuar kushti i parë, ku vërtetohet me faktin se i mituri A.M ka kryer veprën penale të rëndë për të cilën parashihet dënimi me burgim mbi pjesë vjet. Kurse, kushti i dytë ku parashihet dënimi që të miturit më parë i është shqiptuar masa edukative ose dënimi me burgim, nuk është plotësuar, por kjo nuk kishte ndikuar me rastin e marrjes së vendimit.

Tutje, me arsyetim se kur kanë të bëjnë me të mitur të cilët kanë çrregullime të rënda të edukimit dhe kanë kryer vepër të rëndë penale edhe pa i plotësuar kumulativisht dy kushtet, mund të shqiptojë këtë masë edukative, ku në rastin konkret Gjykata erdhi në përfundim se kohëzgjatja e caktuar e masës së shqiptuar është duke marrë parasysh interesin më të mirë për të njëjtin.

Shpenzimet e procedurës penale bien në mjete buxhetore të kësaj Gjykate, kurse i dëmtuari Rrahim Shpatollaj për realizimin e kërkesës pasurore-juridike udhëzohet në kontest civil.

Ndryshe, vendimi i Gjykatës Themelore në Pejë është atakuar në Apel, mirëpo kjo e fundit ende nuk ka marrë vendim lidhur me rastin.

Sipas aktgjykimit të Gjykatës së shkallës së parë, i akuzuari Bujar Rexhaj akuzohej për veprën penale të ricilësuar në vrasje e mbetur në tentativë e kryer në mbrojtje të nevojshme, nga neni 172 lidhur me nenin 28 dhe nenin 12 të Kodit Penal dhe veprës penale të ricilësuar lëndim i lehtë trupor e kryer në mbrojtjen e nevojshme, nga neni 185, par. 2 lidhur me par.1, pika 14 dhe neni 12 të Kodit Penal.

Ndryshe, sipas aktakuzës të ngritur më 15 shtator 2020 nga Prokuroria Themelore në Pejë e akuzonte të pandehurin Bujar Rexhaj për shkak të veprës penale të vrasjes të mbetur në tentativë ndaj të miturit A.M.

Sipas aktakuzës, i akuzuar Rexhaj më 14 korrik 2020 në fshatin Dubravë, me dashje ka tentuar ta privojë nga jeta të miturin A.M për shkak të mosmarrëveshjeve rreth një borxhi në vlerë prej afro 30 eurove, të cilin borxh pretendonte se i pandehuri ia kishte i mituri pasi që ia kishte shitur qenin.

Sipas akuzës, pasi i pandehuri Rexhaj dhe i mituri nxjerrin thikat, i pandehuri e godet të miturin nëntë herë me thikë, duke i shkaktuar lëndime të rënda trupore.

Prokuroria e ngarkonte të pandehurin Rexhaj edhe për veprën penale të lëndimit të lehtë trupor, se në përleshje e sipër, në momentin kur dëshmitari Rrahim Shpatollaj kishte ndërhyrë në mes për t’i ndarë, i pandehuri e godet me brisk edhe dëshmitarin Shpatollaj duke i shkaktuar lëndime të lehta trupore.

Prokuroria e Pejës të miturin e ngarkonte po ashtu me veprën penale të vrasjes së mbetur në tentative dhe ndaj tij kishte bërë propozim për shqiptimin e masës institucionale, dërgimin e tij në institucionin edukativo-korrektues.

Sipas Prokurorisë, gjatë përleshjes e sipër mes të pandehurit Rexhaj dhe të miturit, ky i fundit e godet me thikë të pandehurin Bujar dy herë duke i shkaktuar lëndime të rënda trupore.

Nxënësit në Zvicër nuk kanë problem me libra as me sindikata, por me vapën. Viti i ri shkollor në Kantonin e Gjenevës ka filluar që nga e hëna e kaluar, por, për shkak të motit të nxehtë me temperatura të larta rreth 40 gradë Celcius, autoritet kantonale kane ndërmarrë masa preventive për të mbrojtur fëmijët nga kjo vapë njofton gazeta zvicerane Le Canton27.ch.

Shkollat ​​do të vendosin rast pas rasti nëse do ta përdorin ose jo këtë masë.

Për nxënësit e shkollave fillore, nëse nuk ka planifikuar lirim të përgjithshëm të nxënësve, udhëzimet mund të autorizojnë prindërit – veçanërisht nxënësit 1p dhe 2p – që t’i mbajnë fëmijët e tyre në shtëpi “nëse mendojnë se kushtet e pritjes mund të jenë më të përshtatshme në shtëpi “sesa në shkollë. Megjithatë, të gjitha klasat dhe shkollat ​​mbeten të hapura dhe do të mund të strehojnë fëmijët.

Për sa i përket ciklit të orientimit, departamentet thirren të vlerësojnë situatën e tyre rast pas rasti, veçanërisht në aspektin e infrastrukturës dhe personelit. Nëse e gjykojnë të nevojshme, mund të “vendosin për një lirim të pjesshëm të studentëve të enjten dhe/ose të premten pasdite. Kjo mund të ketë të bëjë me një cikël të tërë, një kat të vetëm apo edhe klasat më të ekspozuara”, specifikon DIP. Duhet të sigurohet një qëndrueshmëri dhe një pritje minimale në ndërmarrje.

Një 68-vjeçar është torturuar nga i biri 40-vjeç dhe dy nipat 23 dhe 17 vjeç brenda shtëpisë së tij në Amfilochia të Greqisë.

I moshuari u dhunua nga familja e tij dhe më pas u grabit.

Pas mosmarrëveshjeve financiare që patën ditën e hënë, të tre hynë në shtëpinë e 68-vjeçarit, e lidhën me litar dhe filluan ta rrihnin pa mëshirë me grushte dhe shkelma. Pasi ai hoqi dorë nga rezistenca, i biri dhe nipat kontrolluan shtëpinë, i morën 1700 euro, celularin e tij dhe u larguan duke i kyçur derën.

68-vjeçari qëndroi i lidhur me litar gjatë gjithë natës, i mbuluar nga gjaku. Më pas arriti të zgjidhet nga litari dhe u hodh nga dritarja për të shkuar në polici. Pas kërkimeve, i biri dhe dy nipat e tij u arrestuan dhe u dërguan në Prokurorinë e Rrethit të Mesolongut me akuzën e grabitjes, plagosjes trupore, grabitjes dhe dhunës në familje.

Top Channel

Shkak i aksidentit të rëndë që ka ndodhur në orën 03:00 të mëngjesit të sotëm në aksin rrugor Sarandë-Ksamil, që solli vdekjen e dy turistëve italianë, nga informacionet e para rezulon se ka shkaktar një 17 vjeçar shqiptar i cili drejtonte një Mercedes Benz pa patentë.

Turistët që gjetën vdekjen po lëviznin me motor nga Ksamili në Sarandë. Shkak i aksidentit është bërë devijimi i korsisë nga mjeti Mercedes Benz që më pas është përplasur me motorin. Benzi po lëvizte nga Saranda drejt Ksamilit, por është gjetur në kahun e kundërt.

Dëshmitarët në vendin e ngjarjes kanë mbetur të shokuar, pasi kanë parë trupat e viktimave të copëtuara.

“Horror, trupat e të vdekurve janë copëtuar. Aksident shumë i rëndë”, tha një prej tyre.

Njoftimi i policisë

Rreth orës 03:00 të datës 24.08.2023, në aksin rrugor Sarandë-Ksamil, në vendin e quajtur “Hidrovor”, automjeti tip “Mercedes Benz”, me drejtues shtetasin E. R., 17 vjeç, është përplasur me një motomjet tip “Honda”.

Si pasojë e përplasjes kanë humbur jetën shtetasi italian D. G., 24 vjeç dhe një shtetas tjetër, ende i paidentifikuar, që udhëtonin me motomjetin tip “Honda”.

Drejtuesi i automjetit, shtetasi E. R. është dërguar në spital, bashkë me shtetasin M. R., pasagjer në automjet.

Grupi hetimor po punon për sqarimin e rrethanave të aksidentit.

Mbrojtja e Pjetër Shalës ka deklaruar se derisa kanë mbledhur provat në teren, kanë hasur në persona të cilët kanë ngurruar të flasin me avokatët lidhur me çështjen për të cilën akuzohet ish-pjesëtari i Ushtrisë Çlirimtare të Kosovës.

Në konferencën përgatitore për mbrojtjen, avokati Mohamed Hedi Aouini ka thënë se shumë individë fillimisht kishin pranuar të takoheshin por pastaj kanë refuzuar diçka të tillë.

Nga mbrojtja është thënë se shumë takime i kanë zhvilluar të natyrës informale, meqë kjo ishte mënyra e vetme për të marrë përgjigje nga persona të caktuar.

“Shumë individë fillimisht pranuan të takoheshin me neve pastaj refuzuan të takoheshin me ne dhe kur shkon, udhëton, në një vend tjetër, është goxha nervozuese që ti shkon atje dhe nuk mund të takohesh personat me të cilët ke rënë dakord paraprakisht. Sa herë që ne kemi organizuar takime jo formale duke i pyetur ata për gjërat që dinë dhe nuk dinë, e kemi konstatuar se kur nuk kemi mbajtur shënime kjo na ka bërë që të kishim mundësi të takoheshim edhe herë të tjerë me këta individë dhe që ata të mund të na ndihmonin me dëshmitë, me provat dhe me përvojën e tyre. Kjo është arsyeja se nuk kemi mbajtur shënime”, ka thënë avokati para trupit gjykues.

Konferenca përgatitore për mbrojtjen po mbahet pasi Zyra e Prokurorit të Specializuar dhe avokati i viktimave kanë përfunduar paraqitjen e provave kundër Pjetër Shalës.

Ai po qëndron në Hagë prej marsit të vitit 2021.

Sipas Speciales “Krimet për të cilat akuzohet z.Shala u kryen përafërsisht midis 17 majit 1999 dhe 5 qershorit 1999 kundër personave që u mbajtën të ndaluar në fabrikën e metalit në Kukës(Shqipëri), që pretendohet se përdorej prej Ushtrisë Çlirimtare të Kosovës”.

Pjetër Shala u arrestua më 16 mars 2021 nga autoritetet belge dhe u transferua në Hagë më 15 prill të atij viti, në bazë të një kërkese për bashkëpunim në zbatimin e fletëarrestit dhe urdhrit për transferim lëshuar nga Dhomat e Specializuara të Kosovës.

Instituti Kombëtar i Shëndetësisë Publike të Kosovës, ka njoftuar se në dy javët e fundit në Kosovë janë raportuar 46 raste pozitive me COVID-19 dhe asnjë rast i vdekjes.

Sipas grup-moshave rezulton se numri më i madh i rasteve i takojnë grup-moshave 40-49 vjeç (me 15 raste) me moshë mesatare 43 vjeç.

“Prej rasteve të konfirmuara, sipas komunave rezulton se numri më i madh është raportuar nga komuna e Prishtinës dhe Kamenicës (me nga 14 raste), kurse incidenca më e lartë e rasteve në 100,000 banorë është raportuar në komunën e Kamenicës”, njofton IKSHPK.

Përkundër rasteve të shënuara së fundi, situata epidemiologjike në Republikën e Kosovës me COVID-19 mbetet e qetë, ndërsa qytetarët që manifestojnë shenja të infeksionit këshillohen të testohen dhe konsultohen me mjekun për çdo dyshim në COVID-19.

Një automjet me targa të Beogradit është ndaluar nga policia, pasi dy persona që ishin në të kanë tentuar ta kalojnë ilegalisht kufirin Serbi-Kosovë.

Në raportin 24-orësh të policisë bëhet e ditur se dy të dyshuarit janë intervistuar dhe me vendim të prokurorit janë liruar.

“Policia ka ndaluar automjetin me targa të Beogradit me ngasës dhe një pasagjer meshkuj kosovarë, të cilët dyshohet se kanë kaluar ilegalisht kufirin Serbisë-R. Kosovës. Dy të dyshuarit janë intervistuar dhe me vendim të prokurorit janë liruar”, thuhet në raportin e policisë.