Author: G.O.

Rreth 4.000 njerëz janë evakuuar gjatë natës nga një qytet islandez pasi qindra lëkundje u ndjenë nga një shpërthim vullkanik, ndërsa vendi shpalli gjendjen e jashtëzakonshme.

Islanda shpalli gjendjen e jashtëzakonshme të premten pasi një seri tërmetesh të fuqishme tronditën gadishullin jugperëndimor të Reykjanes të vendit, në atë që mund të jetë një pararendës i një shpërthimi vullkanik pranë Sundhnjukagigar, rreth 1.86 milje në veri të qytetit të Grindavik.

Qyteti, i cili është rreth 25 milje në jugperëndim të Reykjavikut, ndodhet pranë vendpushimit gjeotermal të lagunës ‘Blue Lagoon’, një destinacion popullor turistik, i cili u mbyll përkohësisht në fillim të kësaj jave si masë paraprake.

Gati 800 tërmete u regjistruan midis mesnatës dhe orës 14:00 të së premtes, me thellësinë më të vogël midis 1.86 dhe 2.18 milje, tha Zyra Meteorologjike Islandeze.

Agjencia e Mbrojtjes Civile tha se tërmetet mund të bëhen më të mëdhenj se ata që kanë ndodhur tashmë dhe kjo sekuencë ngjarjesh mund të çojë në një shpërthim.

“Ne duam të ritheksojmë se banorët duhet të evakuohen nga shtëpitë e tyre dhe të largohen nga qyteti. Por, ne gjithashtu, duam të ritheksojmë se ky nuk është një evakuim urgjent. Ka mjaft kohë për t’u përgatitur dhe siguruar gjërat, dhe për t’u larguar me qetësi nga qyteti”. /DailyMail

Ministri i Financave, Hekuran Murati, tha se buxheti aktuali i komunës së Prishtinës është shumë më mirë sesa që ishte në vitet tjera, por edhe kur në pushtet qendror ishte vetë LDK.

Murati tha se më shumë ka kontribuar Qeveria Kurti në rritjen e buxhetit të komunës sesa vetë komuna. Ai gjithashtu ironizoi me komunën që e udhëheq Përparim Rama, duke thënë se s’mund t’i detyrojnë të punojnë.

Kjo deklaratë e tij vjen si reagim ndaj asaj që tha nënkryetari i Prishtinës, Alban Zogaj, se janë të pakënaqur me ndarjen buxhetore të qeverisë meqë, sipas tij, kërkesat e kryeqytetit janë shumë më të mëdha.

Postimi i plotë:

Për vitin 2021, në buxhetin e përgatitur nga qeveria e udhëhequr nga LDK, e ku edhe Ministria e Financave udhëhiqej nga ta, buxheti për Komunën e Prishtinës ka qenë:

87.6 milionë euro

ku nga to 58.5 milionë ishin mbështetje nga qeveria, ndërsa 28.2 milionë euro ishin të hyrat vetanake.

Për vitin 2024, me Qeverinë Kurti, buxheti për Komunën e Prishtinës është:

123.7 milionë euro

ku nga to 83.9 milionë euro janë mbështetje nga qeveria, ndërsa 38.8 milionë euro janë të hyrat që vetë Komuna e Prishtinës pritet t’i mbledhë.

Nëse bëjmë krahasimin për këtë periudhë, e shohim se të hyrat vetanake komuna ka arritur t’i rrisë për 10 milionë euro, ndërsa mbështetja nga qeveria është rritur për mbi 25 milionë euro. Me fjalë tjera, më shumë ka kontribuar Qeveria Kurti në rritjen e buxhetit të komunës sesa vetë komuna.

Buxhetin e kanë si kurrë më parë. Por, me punu s’mund t’i detyrojmë. Punën duhet ta bëjnë vetë.

Policia e Malit të Zi në fund të muajit shtator kishte arrestuar Momqillo Vukotiq dhe Zhika Vuksanoviq nën dyshimin e kryerjes së krimeve të luftës në Kosovë. Vukotiq dhe Vuksanoviq kishin qëndruar në paraburgim ekstradues, duke pritur ekstradimin tek organet e drejtësisë kosovare.

Gjykata malazeze kishin vendosur që të njëjtit duhet t’u dorëzohen autoriteteve të Kosovës, por kundër vendimit të gjykatës kishte dalë ministri i Drejtësisë Marko Kovaq. Ky i fundit këtë vendim e kishte marr një javë para se t’i përfundonte mandati.

Gazeta “Pobjeda” bëri të ditur se Kovaç e ka shpjeguar vendimin me vlerësimin se “ka dyshime për përndjekje politike” dhe se është shkelur neni 3 i Konventës Evropiane për të Drejtat e Njeriut dhe Liritë Themelore, me vlerësimin se ka qenë “moment politik”.

Avokatja, njëherësh drejtoresha ekzekutive e Aksionit për të Drejtat e Njeriut (HRA), Tea Gorjanc Preleviq, ka thënë se me vendimin për ta refuzuar ekstradimin, ministri Kovaq i ka tejkaluar autorizimet e tij duke e kundërshtuar vendimin e gjykatës, gjë që paraqet keqpërdorim të detyrës.

Marko Kovaç ishte ministër në Qeverinë e Dritan Abazoviqit, në të cilën ai u zgjodh nga kuota e Partisë Popullore Socialiste (SPLP), e formuar nga shpërbërja e DPS-së së Gjukanoviqit pas ndarjes me Slobodan Millosheviqin në vitin 1998.

Babai i tij, Miodrag Kovaç, ishte ministër në RFJ gjatë viteve të fundit të sundimit të Slobodan Millosheviqit. Pas zgjedhjes së qeverisë së re të Milojko Spajiqit, Kovaç u shkarkua. Ministri i ri i Drejtësisë është Andrej Miloviq nga Lëvizja “Evropa Sad” e Spajiqit.

Pas refuzimit për ekstradim të serbëve, të njëjtit janë liruar nga paraburgimi. /Geopost

Ish-zyrtari i AAK-së dhe ish-kryeinspektori i AKI-së, Burim Ramadani, ka paralajmëruar se do ta bëj publik draftin-evropian për Asocaicionin.

Ramadani ka njoftuar përmes kanalit të tij në Youtube se do ta publikoj së shpejti dokumentin e hartuar nga evropianët për Asociacionin.

Ky paralajmërim i Ramadanit vjen pas diskutimeve të shumta rreth Draftit të Asocaicionit dhe pas akuzave se ai po mbahet i fshehtë.

Ka qenë kreu i AAK-s, Ramush Haradinaj, që pas takimit me Miroslav Lajcak ka dhënë disa detaje, meqë ka theksuar se e ka parë draftin në tërësi dhe se i njejti referohet në vazhdimësi Kushtetutës dhe ligjeve të vendit. Gjithashtu ka treguar se në draft gjendet edhe pika për verifikimin e tij në Gjykatë Kushtetuese.

Ambasada gjermane dhe ajo franceze në Kosovë përkujtojnë armëpushimin e 11 nëntorit 1918 që i dha fund Luftës së Parë Botërore, ku u tha ajo arritje historike është kryevepër e diplomacisë dhe e pajtimit të vërtetë dhe se miqësia Franko-Gjermane është një histori unike suksesi që duhet të frymëzojë të tjerët të zgjedhin pajtimin në vend të konfliktit dhe luftës.

Ambasadori i Gjermanisë në Kosovë, Jorn Rohde tha se është bërë më shumë se një zakon i Gjermanisë dhe Francës që së bashku të përkujtojnë ata që vdiqën në konfliktet dhe luftërat e kaluara dhe aktuale.

“Pasojat e asaj lufte, të përshkruar shpesh si katastrofa origjinale e shekullit të 20-të, ishin shkatërruese. Më shumë se 9 milionë ushtarë dhe akoma më shumë civilë humbën jetën, duke u shkuar në një numër total prej 17 milionë të vdekurish. Zonja dhe zotërinj, të dashur miq nga Ukraina, është thelbësore të kujtojmë dhe përkujtojmë për të parandaluar përsëritjen e gabimeve më të mëdha të historisë. Sot jemi mbledhur pikërisht për këtë arsye për të siguruar që mësimet e së shkuarës të udhëheqin të ardhmen tonë, por pavarësisht gjithë kësaj dhimbje dhe pikëllimi që ndjejmë sot në 11 Nëntor, është gjithashtu një ditë feste. Mund të festojmë që pas shekujsh marrëdhëniesh të tmerrshme të shënuara nga armiqësi të ashpra dhe luftërat e pafundme, Gjermania dhe Franca e kanë kapërcyer këtë rivalitet. Por jo vetëm vendet tona, popujt tanë janë bërë miq. Kjo arritje historike është kryevepër e diplomacisë dhe e pajtimit të vërtetë, është ende mbresëlënëse sot, dhe gjithashtu më mbush me shpresë nëse miqësia Franko-Gjermane është një histori unike suksesi ajo duhet të frymëzojë të tjerët të zgjedhin pajtimin në vend të konfliktit dhe luftës”, tha ai.

Ambasadori francez në vendin tonë, Olivier Guerot tha se përkujtimi së bashku është një element i rëndësishëm ndërtimi i çdo shoqërie që kujtimi duhet bërë pa rindezur konflikte apo urrejtje.

“Arritja e pajtimit franko-gjerman ishte çdo gjë e qartë se është bërë një realitet që ne e vlerësojmë, që e ushqejmë së bashku. Dhe nuk po them se në mënyrën e ligjërimit, përkundrazi, me përulësi nëse ishte e mundur për ne, atëherë pse do të ishte e pamundur për vendet e tjera…..ne i nderojmë ushtarëve tanë, ushtarët e Luftës së Parë Botërore, por edhe të gjithë ushtarët që humbën jetën në vendet e tjera, 11 Nëntori tek ne është dita e veteranëve. Dhe prandaj ky përkujtim ka një kuptim shumë të veçantë këtu në Kosovë, pasi 18 trupa franceze vdiqën duke shërbyer në KFOR, duke mbrojtur paqen, duke mbrojtur Kosovën dhe të gjitha këto komunitete. Ata mbahen mend nga monumentet e tyre. Në ditën e veteranëve tanë duhet të kemi parasysh edhe viktimat civile. Ka kaluar tashmë një vit e gjysmë që kur Rusia ka filluar luftën e saj të agresionit ndaj Ukrainës, dhe ne jemi dëshmitarë të shkeljeve konstante, të qëllimshme të të drejtave të njeriut dhe ligjit humanitar nga Rusia. Kjo është arsyeja që unë dhe kolegu im gjerman vendosëm të ftojmë gazetarët ukrainas, faleminderit që erdhët, të cilët gjetën strehë këtu në Kosovë, për të marrë pjesë në këtë përkujtim. Dhe ne kemi ftuar edhe gazetarë nga Afganistani të ikur nga regjimi, i cili po shkel të drejtat më elementare të njeriut”, tha ai.

Kurse, gazetari nga Ukraina që po strehohet në Kosovë, në kuadër të programit vullnetar për strehim që ka ofruar Kosova, tha se në atë kohë më shumë se 38 vende u përfshinë në luftë dhe dhjetë nga miliona njerëz vdiqën

“Sot ne respektojmë … njerëzit që mbrojnë tokat e tyre, njerëzit e tyre, dhe qëndrojnë në mbrojtje të lirisë dhe sigurisë së Evropës. Ne ukrainasit dëshirojmë të falënderojmë miqtë tanë për ndihmën dhe solidaritetin e tyre dhe bëjmë thirrje për ndihmën tuaj të mëtejshme për Ukrainën…..Ne gjithashtu vlerësojmë kontributin e madh të qeverisë gjermane dhe asaj të Kosovës për të mbrojtur gazetarët në mesin e pjesëmarrësve të tyre në programin e strehimit të gazetarëve në Kosovë”, tha ai.

Më 11 nëntor 1918, Gjermania nënshkruan një marrëveshje për armëpushim me aleatët në një vagon treni në pyllin Compiegne të Francës.

Luftimet ndaluan zyrtarisht në orën 11:00, të ditës së 11-të të muajit të 11-të dhe kjo ditë është nderuar çdo vit me një heshtje dy-minutash, ndërsa Shtetet e Bashkuara e kanë shpallur 11 nëntorin – Ditën e Veteranëve.

Lufta e parë Botërore përfundoi zyrtarisht me nënshkrimin e Traktatit të Versajës, më 28 qershor 1919.

Prindërit e Astrit Deharit, Xhemile dhe Avni Dehari, kanë dalë me një reagim pasi Prokuroria Speciale lëshoi autorizim që të intervistohet Ministrja e Drejtësisë, Albulena Haxhiu, lidhur me një postim që kishte bërë për rastin Dehari.

Ata kanë akuzuar prokurorin Afrim Shefkiu për shkelje në këtë rast, ku pretendojnë për 12 të tilla, derisa kanë kërkuar shkarkimin e tij nga rasti Dehari, “ndjekjen e tij penale për manipulim, neglizhencë, keqpërdorim të detyrës zyrtare dhe fshehje të vrasësve të Astritit.”

“Ne si prindër të Astrit Deharit, duke i pasur parasysh të gjitha këto shkelje, duke e pasur parasysh listën e gjatë të shkeljeve dhe të manipulimeve profesionale e ligjore, sidomos manipulimin e dëshmive dhe dërgimin e dëshmive të manipuluara në Institutin e Lozanës, nuk kemi si të mos vijmë në përfundim se prokurori i Prokurorisë Speciale të Kosovës, Afrim Shefkiu, në vend se ta nxjerrë në shesh të vërtetën për vrasjen e Astritit në Qendrën e Paraburgimit të Prizrenit, shkel ligjin për ta mbrojtur urdhërdhënësin për vrasjen e Astritit dhe vrasësit e Astritit në Qendrën e Paraburgimit të Prizrenit më 5. 11. 2016.

Rrjedhimisht, ne si prindër të Astritit të vendosur për zbardhjen e rastit dhe për nxjerrjen e personave përgjegjës para drejtësisë ligjore, kërkojmë nga institucionet përgjegjëse dhe kompetente për ndjekjen e krimit të rëndë – vrasjes, shkarkimin e Afrim Shefkiut nga rasti i Astritit, ndjekjen e tij penale për manipulim, neglizhencë, keqpërdorim të detyrës zyrtare dhe fshehje të vrasësve të Astritit. Afrim Shefkiu mund të jetë gjithçka tjetër, por assesi nuk mund të jetë prokuror!”, thuhet në reagimin e prindërve të Deharit.

Ministri i Punëve të Brendshme, Xhelal Sveçla është duke qëndruar në një vizitë zyrtare në Turqi.

Sveçla ka njoftuar se gjatë vizitës së tij ka takuar ministrin e Mbrojtjes të Republikës së Turqisë, Yaşar Güler.

“Gjatë këtij takimi shpreha falënderimin për mbështetjen e vazhdueshme që kemi marrë nga shteti turk si dhe për mundësitë e shumta për bashkëpunim mes institucioneve. Diskutuam për situatën e sigurisë dhe sfidat me të cilat po përballemi”, ka thënë ai.

Tutje, ministri shton tutje se ka potencuar gatishmërinë e Republikës së Kosovës për të garantuar rend dhe siguri si dhe rëndësinë e përkrahjes së partnerëve tanë në këtë aspekt.

Policia e Kosovës ka njoftuar se në bashkëpunim dhe koordinim me Federatën e Futbollit të Kosovës dhe akterët relevantë, kanë ndërmarrë masat e nevojshme për mbarëvajtje të ndeshjes sportive “Kosova-Izraeli”

Sipas Policisë, nesër në orën 20:45, në stadiumin e qytetit “Fadil Vokrri “, në Prishtinë, do të zhvillohet ndeshja kualifikuese në kuadër të UEFA-s për kualifikime EURO2024, në mes të kombëtares së Kosovës dhe Izraelit, andaj përmes kësaj komunikate të përbashkët të PK-së dhe FFK-së, njoftohen mediat dhe opinioni i gjerë se:

“Në organizim të kësaj ndeshje me rëndësi të veçantë për Republikën e Kosovës dhe Federatën e Futbollit të Kosovës (FFK), janë angazhuar si çdo herë FFK-ja, Policia e Kosovës (PK) për sa i përket aspektit të sigurisë, si dhe kompania e sigurimit privat për siguri në perimetrin e brendshëm. Bazuar në bashkëpunim të ndërsjellë me FFK-në dhe të gjithë akterët relevantë, si dhe bazuar në informacionet dhe vlerësimet operacionale, është hartuar urdhri operativ policor i cili ka për qëllim: Sigurinë e përgjithshme para, gjatë dhe pas zhvillimit të ndeshjes, shtimin e masave të sigurisë, mbajtjen e rendit, qetësisë dhe sigurisë publike, ndërmarrjen e masave të nevojshme policore ndaj veprimeve të mundshme kundërligjore dhe luftimin e të gjitha dukurive negative që shkaktojnë jostabilitet, parandalimin, luftimin e dukurive negative dhe akteve kriminale të mundshme që në çfarëdo mase do të rrezikonin qetësinë publike, shtimin e masave të sigurisë paraprake dhe kontrollimin e turmave eventuale para, gjatë dhe pas evenimentit sportiv si në perimetër të stadiumit e po ashtu sipas nevojës edhe në qytet, sheshe etj. mbrojtja e jetës dhe pronës publike e private”, thuhet në njofitm.

Sipas një komunikate të Policisë, shtimi i masave të mbikëqyrjes dhe kontrollit të trafikut, me qëllim të rrjedhjes normale dhe sa më të mirë të pjesëmarrësve në trafik, përfshirë riorientimin e trafikut përgjatë kalimit të eskortave, ku do të ketë ndërprerje të përkohshme të qarkullimit, andaj kërkohet mirëkuptim i plotë nga qytetarët.

“Rruga rreth stadiumit do të jetë e bllokuar për qarkullim të automjeteve, lejohet vetëm lëvizja e këmbësorëve. Policia e Kosovës do të jetë e vendosur në perimetrin e sigurisë, me ç’rast do të bëjë filtrimin e shikuesve për moslejimin e bartjes së gjësendeve të palejuara apo të rrezikshme në portat hyrëse etj.Përveç tjerash përfshihen edhe rregullat për hyrje në stadium, andaj nga qytetarët/pjesëmarrësit në stadium që kanë siguruar bileta kërkohet që të kenë parasysh dhe t’iu përmbahen rregullave të parapara duke përfshirë: Hapja e dyerve të stadiumit do të bëhet në orën 18:00, ku rekomandohet që ardhja në stadium të bëhet më herët, për shkak të shmangies së tollovive dhe krijimit të qasjes më të lehtë dhe të shpejtë në stadium. Kërkohet posedimi i dokumentit identifikues së bashku me biletë, përderisa ata që nuk posedojnë bileta nuk do të kenë mundësi të afrohen te portat e stadiumit. Veturat për qasje në parkingun zyrtar duhet të jenë të pajisura me parking PASS, në të kundërtën nuk do të lejohet parkimi në atë zonë (me përjashtim të veturave të FFK-së dhe personave të pajisur me biletën VIP). Ndërsa gjërat e palejuara përfshijnë:Mjetet piroteknike, Shishet e qelqit pavarësisht madhësisë, Shishet e plastikës pavarësisht madhësisë, Pijet alkoolike dhe substancat narkotike,Ushqim i çfarëdo lloji (përveç ushqimit të fëmijëve 24 muajsh),Ombrella, Armë zjarri ose armë të ftohta apo çfarëdo mjeti tjetër që mund të përdoret si armë,Sende të rënda (çanta shpine, karrige të palosshme etj.),Kamera profesionale dhe video kamera, Çdo material promovues racist, ksenofobik, politik, fetar. Përmes bashkëpunimit dhe koordinimit të ngushtë në mes të Policisë së Kosovës, Federatës së Futbollit të Kosovës dhe akterëve tjerë, është paraparë ndërmarrja e këtyre masave të nevojshme, me qëllim të menaxhimit dhe mbarëvajtjes sa më të mirë të kësaj ndeshje sportive, e cila është interes nacional për vendin dhe sportin. Duke falënderuar qytetarët për bashkëpunim të vazhdueshëm, njëherit kërkohet që maksimalisht të respektojnë rregullat e parapara, në të kundërtën mund të jenë subjekt i ndëshkimit nga organet ligjore.

Ndërrimi i gomave të verës me ato të dimrit në veturë për të gjithë shoferët do të fillojë nga data 15 nëntor, ditë e mërkurë dhe do të zgjasë deri më datën 15 mars.