I ngarkuari me punë në Ambasadën e Kosovës në Senegal, Sami Halili, ka njoftuar sot se Ministrja e Punëve të Jashtme të Kosovës, Donika Gërvalla Schwarz ka përuruar zyrën e re të Ambasadës së Kosovës, në këtë shtet.
“Inaugurimi i Kancelarisë së re të Ambasadës së Republikës së Kosovës në Senegal nga ministrja Gërvalla-Schwarz dhe Aliou Sow, Ministër i Kulturës dhe Trashëgimisë Historike të Republikës së Senegalit”, ka shkruar ai.
Presidentja Vjosa Osmani ka thënë se vrasja e Liridona Ademajt është krim montruoz e që duhet të marrë dënimin e merituar.
Osmani ka thënë se ky “krim i tmerrshëm kërkon veprim të shpejtë dhe vendimtar” për t`u siguruar që drejtësia të mbizotërojë dhe që autorët ta marrin dënimin, raporton Express.
Tutje Osmani ka deklaruar se është nevojë urgjente që të forcohet zbatimi i ligjit dhe kryerësit e krimeve të tilla të llahtarshme të përballen me dënimet më të ashpra të parapara me ligj.
“Femicidi është dëshmi rrënqethëse që shpërfaq pabarazinë e rrënjosur thellë dhe dhunën me të cilën përballen gratë. Është një rrëfim tragjik i jetëve të shkurtuara brutalisht vetëm për shkak të gjinisë. Humbja e jetëve të grave nga duart e burrave është një njollë në ndërgjegjen tonë kolektive”, ka shkruar Osmani.
Një 52-vjeçar është gjendur i vdekur në fshatin Livoç të Gjilanit, njoftoi Policia e Kosovës.
Policia kishte marrë informacionin se sot rreth orës 6 të mëngjesit një person i vdekur ndodhet te penda e fshatit Livoç.
“Njësitet policore i janë përgjigjur menjëherë thirrjes, është njoftuar edhe emergjenca e spitalit të Gjilanit dhe njësiti i zjarrfikëseve. Nga vendi i ngjarjes raportohet se nga mjeku kujdestar është konstatuar se viktima mashkull i vitit të lindjes 1971 është pa shenja jete”, ka njoftuar Policia.
Njësitë policore kanë nisur hetimet për ndriçimin e rrethanave që kanë të bëjnë me rastin në koordinim me prokurorin e shtetit.
Për BE-në, kapitulli 35 është bërë mjet shantazhi për të detyruar Serbinë të njohë Kosovën, tha sot i sanksionuari i SHBA-ve dhe ish-shefi i BIA-s, Aleksandar Vulin.
Ai në një deklaratë me shkrim ka thënë se më 22 janar 2014, si ministër pa portofol në krye të Kosovës, ka udhëhequr delegacionin e Serbisë në bisedimet me Bashkimin Evropian për temën e kapitullit 35 dhe se ka thënë qartë në emër të i Shtetit të Serbisë se kapitulli 35 nuk ishte zëvendësim për dialogun e Brukselit dhe se çështjet e statusit nuk mund të zgjidhen në të, si dhe se kapitulli 35 nuk është hapësirë për inicimin e temave të reja për të cilat nuk është rënë dakord në dialogun e Brukselit.
“Përfaqësuesit e Bashkimit Evropian konfirmuan se është siç thashë, por nëntë vjet më vonë, kapitulli 35 është bërë një mjet shantazhi për BE-në për të marrë atë që nuk e fituan në negociatat me Aleksandar Vuçiqin dhe Serbinë, një mjet që duhet të shërbejnë për presion ndaj Serbisë që të braktisë veten dhe të njohë Kosovën si shtet të pavarur dhe demokratik”, theksoi Vulin.
Seanca gjyqësore ndaj Naim Murseli, i cili dyshohet se e ka organizuar vrasjen e bashkëshortes së tij Liridona Murseli, personit me inicialet G.P, që sipas prokurorisë është dorasi, si dhe të dyshuarin tjetër me iniciale K.K., i cili është pjesëtar i FSK-së, do të mbahet nesër në Gjykatën Themelore në Prishtinë.
Seanca gjyqësore ndaj Naim Murseli, i cili dyshohet se e ka organizuar vrasjen e bashkëshortes së tij Liridona Ademaj, personit me inicialet G.P, që sipas prokurorisë është dorasi, si dhe të dyshuarin tjetër me iniciale K.K., i cili është pjesëtar i FSK-së, do të mbahet nesër në Gjykatën Themelore në Prishtinë.
Ndërkohë, lidhur me rastin ka reaguar edhe KMDLNj-ja, e cila ka theksuar se pret që hetimet të zhvillohen në përputhje me procedurat e parapara ligjore dhe se pas këtyre hetimeve, Gjykata kompetente do të merr vendim në përputhje me provat dhe ligjin.
“Para tre ditëve në mënyrë mizore u shua jeta e një njeriu, një gruaje, një nëne, një bije dhe një motre, u shua jeta e Liridona Ademajt që shkaktoi, me të drejtë hidhërim të madh të qytetarëve të Kosovës dhe jo vetëm të Kosovës. Me këtë rast KMDLNJ- ë shpreh shqetësim të thellë për vrasjen mizore të Liridona Ademaj dhe ngushëllon sinqerisht familjen Ademaj për këtë humbje të rëndë. KMDLNj-ë, në të njëjtën kohë vlerëson lartë përkushtimin, profesionalizmin dhe efikasitetin e institucioneve përgjegjëse për mbrojtje të ligjit për zbardhjen e shpejtë të rastit dhe arrestimin e të dyshuarve për këtë krim, Policisë së Kosovës dhe Prokurorisë së Shtetit që brenda një qarku të ngushtë kohor zbardhën dy raste të rënda kundër jetës, sigurisë dhe pronës. KMDLNj e njeh dhe e pranon parimin e përgjegjësisë penale individuale andaj ftonë të gjithë që të përmbahen nga deklaratat në të cilat përfshihen palët e treta, pa qenë fare të implikuara në këtë rast”, thuhet në reagim.
Ministri i Punëve të Jashtme dhe kreu i Partisë Socialiste të Serbisë, Ivica Daçiq ka deklaruar se politika e socialistëve bazohet në mbrojtjen e integritetit territorial dhe sovranitetit përmes dialogut, se nuk ka hyrje të Kosovës në OKB dhe njohje.
Daçiq, duke folur për prioritetet dhe programin e socialistëve, tha se ato mund të përkufizohen si socializëm dhe patriotizëm, ndërsa, siç thotë ai, nuk ka për qëllim vlerat e sistemit njëpartiak dhe komunizmit.
“Politika jonë bazohet në idealet që njerëzit mund të jetojnë nga puna e tyre, se ekziston një sistem i mundësive të barabarta për të gjithë njerëzit, se ekziston një politikë sociale efektive dhe e qëndrueshme dhe se e gjithë kjo duhet të shoqërohet me zhvillim ekonomik. Unë nuk jam utopist, ndaj le të flasim tani për faktin se gjithçka duhet të jetë falas, arsimi, shëndetësia dhe se ne nuk kemi baza ekonomike për një gjë të tillë. Këto janë dy entitete të lidhura”, tha Daçiq.
Segmenti i dytë i politikës janë interesat shtetërore dhe kombëtare, që do të thotë, thotë Daçiq, do të udhëheqim një politikë të fortë dhe të mençur si më parë.
“Ajo politikë bazohet në respektimin e së drejtës ndërkombëtare, do të thotë ne duam të mbrojmë integritetin tonë territorial dhe sovranitetin, përmes dialogut, se nuk ka njohje të Kosovës, se nuk ka hyrje të Kosovës në OKB, se do të vazhdojmë këtë politikë.
Gjykata Themelore në Prishtinë ka mbajtur seancën dëgjimore, duke vendosur lidhur me kërkesën e Prokurorisë Themelore në Prishtinë për caktimin e masës së paraburgimit, në çështjen penale kundër të pandehurit E.B për shkak të veprës penale vrasja e rëndë.
Sipas gjykatës, gjyqtarja e procedurës paraprake ka aprovuar si të bazuar kërkesën e Prokurorisë Themelore në Prishtinë, për caktimin e masës së paraburgimit kundër të pandehurit E.B andaj të njëjtit i ka caktuar masën e paraburgimit në kohëzgjatje prej një muaji.
“Të pandehurit E.B iu është caktuar masa e paraburgimit në harmoni me nenin të nenit 184 të KPPRK-së. Ekziston dyshimi i bazuar se i pandehuri E.D ka kryer veprën penale Vrasja e rëndë të KPRK-së, në atë mënyrë që me datë 29.11.2023, rreth orës 21:15, pas një mosmarrëveshje në mes të të pandehurit E.B dhe babait e vëllait të bashkëshortes së tij, ku kishin filluar përleshjen në mes vete, ku gjatë përleshjes fizike në mes tyre, me dashje që ta privojë nga jeta, i pandehuri E.B e godet me armë të ftohtë – me thikë tani të ndjerin A.K. Kundër këtij aktvendimi, palët e pakënaqura kanë të drejtë ankese në Gjykatën e Apelit, përmes Gjykatës Themelore në Prishtinë”, thuhet në njoftim.
Presidentja Vjosa Osmani është takuar me ish-Sekretarin amerikan të Shtetit, John Kerry, në Konferencën e Kombeve të Bashkuara për Ndryshimet Klimatike.
Osmani tha se me të ka folur edhe për çështjen e sigurisë në veri të vendit dhe për rëndësinë që ka udhëheqja e SHBA-së në këtë drejtim.
“Në Konferencën për Ndryshimet Klimatike takova Sekretarin John Kerry dhe e informova atë për zhvillimet më të fundit të sigurisë në Kosovë, duke theksuar rëndësinë e lidershipit amerikan për paqen dhe stabilitetin e qëndrueshëm. E lavdërova për lidershipin e tij në çështjet e klimës dhe shprehëm gatishmërinë tonë për të punuar së bashku për të trajtuar sfidat e përbashkëta”, ka shkruar Osmani në X.
At #COP28, I met Sec. @JohnKerry & informed him on the latest security developments in 🇽🇰, stressing the importance of 🇺🇸 leadership for lasting peace & stability.
Commended his climate leadership & expressed our readiness to work together to tackle shared challenges. pic.twitter.com/MpeiiA3wWR
— Vjosa Osmani (@VjosaOsmaniPRKS) December 2, 2023
Presidentja e Kosovës Vjosa Osmani, e ka kujtuar ish-presidentin historik Ibrahim Rugova, me rastin e ditëlindjes së tij.
“Sot e kujtojmë ditëlindjen e ideatorit e arkitektit të Kosovës së pavarur”, tha Osmani.
Osmani tha se 2 dhjetori kujton rrugëtimin drejt lirisë dhe pavarësisë.
“Na e forcon bindjen për fuqizimin e përditshëm të saj, ngase ajo ndër të tjera, është e lidhur edhe me jetën e një njeriu, i cili i dha kuptim asaj, njëherë si shkrimtar e intelektual, e pastaj si prijës politik i popullit të vet, duke u bërë model për gjithë njerëzimin”, tha Osmani.
“I përjetshëm kujtimi për prijësin tonë historik!”, theksoi ajo.
Ish-presidenti historik i Kosovës, Ibrahim Rugova, lindi më 2 dhjetor 1944. Po të ishte gjallë ai do t’i mbushte 79 vjet.
Ish-gjyqtari i Gjykatës Kushtetuese, Kadri Kryeziu, thotë se themelimi i Asociacionit të komunave me shumicë serbe, është një e keqe e domosdoshme që do t’i hapë rrugë fuqizimit ndërkombëtar të Kosovës.
Profesori i të drejtës kushtetuese, deklaron për KosovaPress, se drafti i Asociacionit i propozuar nga euro-amerikanët, është në përputhje me Kushtetutën dhe Ligjet për vetëqeverisje lokale dhe Kartën Evropiane për vetëqeverisje lokale. Megjithatë, ai thekson se verdiktin final duhet ta jap Gjykata Kushtetuese, derisa shpreh dy shqetësime që sipas tij, janë te referimi i rezolutës 1244 ,te preambula e statutit, si dhe referimi i palëve te një komision i arbitrazhit në rast se qeveria dhe asociacioni kanë mospajtime.
“Ne kemi shqetësim por (Asociacioni) kisha me quajt një e keqe e domosdoshme, e cila në të ardhmen në bazë të garancioneve ndërkombëtar,e do t’i hap rrugë Kosovës që të integrohen në mekanizma ndërkombëtar, siç është Interpoli, OSBE-ja, Këshilli i Evropës, OKB-ja dhe kështu me radhë… Barrën kryesore e ka Gjykata Kushtetuese, e cila është një institucion që do të jep verdiktin e fundit. Nëse konsiderohet se ka ndonjë dispozitë që është në kundërshtim me Kushtetutën, ajo duhet të bie. Do të punohet në mënyrë profesionale dhe politike, pasi ka të bëjë me integrimin e një institucioni të veçantë në Republikën e Kosovës”, thotë ai.
Kryeziu thotë se në bazë të draftit të publikuar nga ish-kryeinspektori i AKI-së, Burim Ramadani, Asociacioni do të ketë një pushtet specifik lokal me disa kompetenca vetanake, që garantohen edhe përmes Kushtetutës dhe Pakos së Ahtisarit.
“Është një institucion specifik në të cilën kompetencat apo pushteti shtetëror është pushtet komunal. Në bazë të bindjes sime ajo quhet autonomi, vetëqeverisje, vetëadministrim apo vetëmenaxhim. Të gjitha këto nocione nënkuptojnë që minoriteti serbë do të menaxhojë me katër dikastere kryesore të qeverisë lokale, të ekonomisë, kulturës, arsimit dhe urbanizmit…Konsideroj se është një pushtet special i veçantë. Është pushtet pasi për mos me qenë pushtet s’ka pas nevojë që të bëhen të gjitha këto zhurma politike dhe juridike. Por karakteri i këtij pushteti është pushtet lokal specifik, special me kompetenca vetanake për minoritetet, ku i garanton edhe pako e Ahtisarit dhe Kushtetuta jonë, duke u bazuar në ligjet pozitive, siç është Ligji për vetëqeverisjen lokale dhe Ligji për marrëdhëniet ndër komunale, ku në preambulë parashihet edhe Karta evropiane për vetëqeverisje lokale”, thekson Kryeziu.
Megjithatë, ai shpreh dy shqetësime që sipas tij, janë te referimi i rezolutës 1244, te preambula e statutit, si dhe referimi i palëve te një komision i arbitrazhit në rast se qeveria dhe asociacioni kanë mospajtime.
“Dilemat janë tek rezoluta 1244 dhe një komision i arbitrazhit, i cili duhet bërë nëse pushteti lokal është në kundërshtim ndonjëherë me pushtetin qendror. Unë e kisha shpjeguar 1244, se ai ka prodhuar dy misione. Misionin civil i cili është quajtur UNMIK, i cili ka pasur detyrë ngritjen e administratës shtetërore dhe misionin ushtarak KFOR-in, i cili është aktiv pasi ka detyrë mbrojtjen e paqes dhe integritetit territorial të Kosovës. Si do të shpjegohet varet nga ata që e kanë projektuar këtë draft-statut për të treguar se çka nënkupton rezoluta 1244 dhe çka nënkupton ky komisioni i arbitrazhit”, deklaron Kryeziu.
Sipas tij, garancia e propozimit euro-amerikanë, është se statuti i Asociacionit do të shkojë për vlerësim në Gjykatën Kushtetuese, derisa përmend se për të njëjtën kanë punuar shkollat juridike, franceze, gjermane, amerikane dhe shqiptare.
“Ky draft ka bazën kryesore e ka në marrëveshjen e vitit 2013. Është produkt komulativ i katër drafteve që kanë punuar shkollat juridike, franceze, amerikane, gjermane dhe shqiptare. Ky draft është definitiv dhe pastaj me dekretimin e kryeministrit do të shkojë në Gjykatën Kushtetuese për me dhënë verdiktin e fundit…07:18 Asnjë çështje dhe asnjë institucion apo mekanizëm i cili krijohet në Kosovë nuk guxon të jetë në kundërshtim me Kushtetutën apo ligjet pozitive që janë në Kosovë. Kjo është ajo vija e kuqe që duhet përmendur faktorit ndërkombëtar”, përfundon Kryeziu.
Diplomatët euro-amerikanët më 21 tetor paraqitën një plan të ri për zbatimin e marrëveshjes së Brukselit dhe të Ohrit, ku mes tjerash prezantuan një draft për zbatimin e nenit 7 të marrëveshjes, që flet për vetëmenaxhimin e serbëve në Kosovë, rrjedhimisht themelimin e Asociacionit, të cilin kryeministri Kurti tha se është i gatshëm të nënshkruajë, krahas marrëveshjes bazë dhe aneksit.
Drafti nga institucionet kosovare nuk është publikuar ende, megjithatë, së fundmi i është dorëzuar edhe partive opozitare.