Author: G.O.

PËRGATITI: PRANVERA KRASNIQI

Këta 25 hektarë tokë në fshatin Shkabaj të Prishtinës janë rezervuar për vendosjen e paneleve diellore, më të mëdha në rajon.

Pavarësisht që lokacioni i “SOLAR4KOSOVO” u sigurua në shtator të vitit të kaluar, fillet e projektit janë që nga viti 2017.

Mirëpo punimet pritet të fillojnë së shpejti, pasi sipas Kryeshefit ekzekutiv të ndërmarrjes “Termokos”, ato u pezulluan si pasojë e masave ndëshkuese të Bashkimit Evropian.

Përmes paneleve diellore, sipas Osmanit, do të sigurohet ngrohje për 12 mijë banorë të lagjeve Arbëri e Tophane të Prishtinës.

Aktualisht, rreth 94 për qind e energjisë elektrike në Kosovë prodhohet nga djegia e thëngjillit, ndërsa rreth 6 për qind nga burimet e ripërtërishme, andaj ekspertët e mirëpresin këtë projekt.

Projekti realizohet në bashkëpunim me Qeverinë gjermane dhe kap vlerën rreth 100 milionë euro.

Në kuadër të projektit “Solar 4 Kosovo”, në afërsi të impiantit solar planifikohet ndërtimi i një rezervuari të energjisë ngrohëse me një kapacitet prej 400 mijë metra kub./atvlive.tv/

Për më shumë ndiqni videon e mëposhtme:

Kryetari i AAK-së Ramush Haradinaj mori sot pjesë në homazhe në nderim të luftëtarëve të rënë për liri në Smolicë të Gjakovës dhe në një akami përkujtimore në Grabanicë të Klinës.

Ai ka thënë se përpjekjet shekullore të shqiptarëve për liri kanë njohur luftën për liri dhe heroizmin e pashembullt në secilën pëllëmbë të atdheut.

“Sot në dy ngjarje të ndara, kam nderuar dhe jam përulur para sakrificës së luftëtarëve të lirisë. Në Smolicë të Gjakovës, kam marrë pjesë në përurimin e Lapidarit të të rënëve nga ky fshat, qendër e luftimeve të ashpra që nga fillimi i luftës. Lapidari i ngritur, përjetëson kujtimin për heronjtë: Agron Rama, Sejdi Rama, Naim Lataj, Florim Sejdiu, Sokol Nuzaj, Demush Lataj, Ali Demaj, Avdyl Hasanaj, Burim Hamza, Afrim Nuza dhe Musa Balija. Gjithashtu me homazhe në Grabanicë dhe akademi përkujtimore në Klinë, kemi nderuar jetën dhe veprën e bashkëluftëtarit Shaqir Krasniqi, epror i UÇK-së, që dora tradhtare e rrëmbeu para njëzet vjetësh. Përkujtimet e ngjarjeve dhe personazheve që e bënë historinë tonë kombëtare, përpos krenarisë, na motivojnë edhe më shumë për të ecur para, për ta bërë Atdheun vatër të ngrohtë, të sigurt e të zhvilluar, me mirëqenie për brezin tonë, e me të ardhme të ndritur për fëmijët tanë. Respekt të përjetshëm për të rënët. Heroizmi i tyre u trashëgoftë,” ka shkruar Haradinaj në Facebook.

Kryeministri i Kosovës Albin Kurti ka përkujtuar viktimat e vrara shqiptare nga dora e kriminelëve serbë gjatë luftës 25 vjet më parë në Reznik të Vushtrrisë.

Gjatë luftës në vitet 1998-1999 shqiptarët nuk ishin të sigurt as në Reznik, e askund tjetër në Kosovë.

Fshati Reznik i Vushtrrisë ishte bërë strehë për mijëra civilë shqiptar nga Drenica, të detyruar të largohen nga shtëpitë e tyre që granatoheshin nga ushtria e Serbisë.

Kryeministri Kurti ka thënë se civilët e pambrojtur qëndronin në kushte të rënduara gjë që e dëshmoi edhe komisionarja e Kombeve të Bashkuara për Refugjatët, Sadako Ogata gjatë vizitës në shtator 1998.

“Kujtojmë sot civilët e vrarë në Reznik. Nuk e harrojmë asnjëherë dhembjen e qëndresën e popullit tonë. Më 6 prill 1999, katër njësi të forcave të armatosura të Serbisë hynë me dhunë në katër shtëpitë e vëllezërve Ujkani. Në kohë të njëjtë, vranë nëntë anëtarë të kësaj familje, e kështu vepruan më vonë edhe ndaj familjeve Mustafa, Makiqi dhe Bunjaku. Nuk i harrojmë të dashurit tonë që i humbëm në rrugën e vështirë deri te fitorja e çlirimi. Nderojmë përditë kujtimin për ta duke u angazhuar për forcimin e Republikës sonë. Lavdi të gjithë të rënëve për lirinë e Kosovës,” ka shkruar Kurti në Facebook.

Kryetari i PDK-së, Memli Krasniqi, e ka akuzuar Qeverinë Kurti për korrupsion me librat shkollorë.

Ai thotë se në kohën kur për herë të fundit partia e tij e ka drejtuar Ministrinë e Arsimit, më 2017-18, janë shpenzuar 3.3 milionë euro për librat e 247 mijë nxënësve.

Ndërsa thotë se sivjet, kur Vetëvendosje e udhëheq Ministrinë e Arsimit, “janë shpenzuar rreth 12 milionë euro për libra – ndonëse nuk janë kompensuar librat e nxënësve të klasave 6-9”.

Vitin e kaluar, në vitin shkollor 2022-23, ai thotë se qeveria shpenzoi rreth 17 milionë euro për librat e rreth 210 mijë nxënësve.

“Pra, ndonëse janë rreth 40 mijë nxënës më pak, Qeveria e Vetëvendosjes ka shpenzuar rreth 9, respektivisht 14 milionë euro më shumë! Kësaj i vjen era korrupsion dhe keqpërdorim i madh në kurriz të nxënësve dhe prindërve të tyre”, tha Krasniqi.

Prandaj, ai thotë se me nismën e partisë që e drejton, “pardje u themelua komisioni hetimor parlamentar për të zbardhur se çfarë ka ndodhur me këtë proces skandaloz të furnizimit të nxënësve me libra”.

Presidenti francez Emmanuel Macron do të presë të hënën në mbrëmje homologun e tij serb Alleksandar Vuçiq në Pallatin Elysee për të diskutuar mbi integrimin evropian të Serbisë dhe marrëdhëniet ndërmjet Kosovës dhe Serbisë, njoftoi Presidenca franceze.

Siç raporton agjencia franceze e lajmeve AFP, presidenti i Serbisë do të pritet në pallatin presidencial francez rreth orës 20:00, ku do të ketë një deklaratë të përbashkët për gazetarët, pas së cilës do të ketë një darkë për dy krerët e shtetit.

Me këtë rast, Macron do të “riafirmojë angazhimin dhe mbështetjen e plotë për integrimin evropian të Serbisë” dhe se “normalizimi i marrëdhënieve me Kosovën është pjesë integrale e procesit të anëtarësimit në BE”, thuhet në njoftim.

Siç shkruan AFP, marrëdhëniet mes Kosovës dhe Serbisë janë acaruar që nga ndalimi i monedhës së dinarit serb në Kosovë në fillim të vitit.

Presidenti serb Aleksandar Vuçiq ka njoftuar dje se do të ketë bisedime të rëndësishme me presidentin francez Emmanuel Macron më 8 prill në Paris. Ai tha se do të jetë një “bisedë strategjike me Macronin dhe një nga më të rëndësishmet deri më tani”, dhe se deri më tani ka pasur 19 biseda me të.

Kryeministri i Republikës së Kosovës, Albin Kurti, ka udhëtuar sot për në kryeqytetin e Rumanisë, Bukuresht, ku do të marrë pjesë në konferencën e organizuar nga Partia Socialiste Evropiane (PES), në kuadër të përgatitjeve për zgjedhjet evropiane në qershor të këtij viti.

Gjatë qëndrimit atje, kryeministri do të ketë takime me përfaqësues dhe liderë të partive të ndryshme simotra.