Gratë në bujqësi po dëshmojnë çdo ditë se puna e tokës nuk është vetëm për burra.
Një shembull i tillë është edhe Rita Gashi nga fshati Kishnicë, e cila me përkushtim kultivon speca, përgatit turshi tradicionale dhe rrit bimë aromatike, duke sjellë në sofrat tona shijen e tokës sonë, por duke dhënë edhe një mesazh të fuqishëm për mosdorëzim.
Rrëfimin e saj të plotë mund ta dëgjoni duke klikuar në kronikën e përgatitur nga ATV:
YouTube planifikon të rikthejë disa llogari që ishin ndaluar për shkelje të rregullave për keqinformim të vazhdueshëm për Covid-19 dhe zgjedhjet amerikane të vitit 2020.
Njoftimi erdhi përmes një letre nga avokati i kompanisë mëmë, Alphabet, në përgjigje të një hetimi të republikanëve se administrata e mëparshme Biden kishte detyruar kompanitë e mëdha teknologike që të fshinin disa lloje përmbajtjesh.
Youtube, ashtu si platforma të tjera, ka lehtësuar moderimin e përmbajtjes në vitet e fundit.
“Youtube vlerëson zërat konservatorë në platformë dhe pranon se këta përdorues kanë ndjekje të gjerë dhe luajnë një rol të rëndësishëm në diskutimin publik. Kompania e pranon se këta përdorues janë mes atyre që sot formësojnë konsumin online duke siguruar intervista që duhen parë dhe u japin mundësinë shikuesve që të dëgjojnë politikanë, të famshëm, biznesmenë etj”, thuhet në letër.
Ndërsa në një postim në X, platforma tha: “Kemi marrë shumë pyetje për një rikthim në Youtube për disa përdorues të ndaluar më parë që të krijojnë një kanal të ri. Ky do të jetë një projekt i kufizuar pilot, i disponueshëm për disa përdorues, llogaritë e të cilëve janë fshirë nga politika që tanimë janë rrëzuar.”
Programi i rikthimit do të prezantohet zyrtarisht brenda pak javësh.
Gjatë një transmetimi live, prezantuesja shqiptare Alma Çela përjetoi një moment të frikshëm kur u rrëzua, pasi i prishet taka e këpucës.
Ky incident u bë viral në rrjetet sociale, ku përdoruesit vlerësuan profesionalizmin dhe reagimin e shpejtë të saj.
Është konfirmuar viktima e dytë e aksidentit tragjik që ndodhi në mëngjesin e sotëm në fshatin Zajm të Klinës. Bëhet fjalë për Përparim Dushkollin, banor i Korroticës së Epërme të Drenasit, i cili fatkeqësisht humbi jetën si pasojë e plagëve të rënda të marra në këtë ngjarje.
Lajmin e trishtë e kanë bërë të ditur familjarët, të cilët shprehin dhimbjen e madhe për humbjen e të dashurit të tyre.
“Me dhimbje të thellë mora lajmin për ndarjen nga jeta të shokut tonë. Ngushëllimet më të sinqerta familjes dhe të afërmve. Kujtimi i tij të jetë i paharruar, dhe shpirti i tij qoftë në paqe!”, thuhet në një nga reagimet prekëse të të afërmve.
Policia ka bërë të ditur se hetimet për zbardhjen e shkaqeve të këtij aksidenti të rëndë vazhdojnë, ndërsa ngjarja tashmë ka marrë dy jetë njerëzish.
Agjencia për Informim dhe Privatësi (AIP) ka kërkuar nga partitë politike dhe subjektet e përfshira në fushatën për zgjedhjet lokale të 12 tetorit 2025 që të sigurojnë mbrojtjen e të dhënave personale të qytetarëve dhe të respektojnë detyrimet ligjore në këtë drejtim.
Në njoftimin e bërë publik, AIP thekson se çdo përpunim i të dhënave duhet të bëhet vetëm mbi baza të qarta ligjore, si pëlqimi i qytetarëve, interesi legjitim i subjekteve politike apo arsye të tjera të përcaktuara me ligj.
Agjencia paralajmëron se është e ndaluar përdorimi i të dhënave kontaktuese të qytetarëve, të mbledhura gjatë ushtrimit të funksioneve publike apo përmes formave të tjera, për qëllime të marketingut politik. Po ashtu, ndalohet ekspozimi i të dhënave personale përmes komunikimeve elektronike si e-mail, SMS apo thirrje telefonike, pa pëlqim paraprak të qytetarëve.
“AIP kërkon të respektohet e drejta e qytetarëve për të kundërshtuar në çdo kohë përdorimin e të dhënave të tyre për marketing të drejtpërdrejt dhe të ndërpritet menjëherë komunikimi pas paraqitjes së kundërshtimit. Subjektet politike duhet të shmangin çdo formë të profilizimit apo përpunimit masiv të të dhënave të ndjeshme, përveç rasteve kur ekziston bazë ligjore e qartë dhe janë ndërmarrë masa mbrojtëse përkatëse”, thuhet në njoftim.
Gjithashtu, AIP kërkon transparencë të plotë ndaj qytetarëve për mënyrën e përpunimit të të dhënave, duke publikuar politika të qarta të privatësisë në formë të thjeshtë dhe të qasshme.
Në fund, Agjencia shpreh gatishmërinë për bashkëpunim me partitë politike “për të siguruar respektimin e së drejtës për mbrojtjen e të dhënave personale të qytetarëve të Republikës së Kosovës” dhe apelon që informacionet e qytetarëve të trajtohen me kujdes gjatë gjithë periudhës së fushatës zgjedhore.
Fushata zgjedhore për zgjedhjet lokale të 12 tetorit ka nisur më 13 shtator.
Në Pikën e Kalimit Kufitar në Aeroportin Ndërkombëtar të Prishtinës, në zonën e arritjes, njësitë doganore kanë ndaluar një udhëtar për kontroll rutinë dhe gjatë procesit të skanimit të bagazhit, është identifikuar sasi e konsiderueshme mallrash.
Pas kontrollit fizik, ne bagazh janë gjetur gjithsej 92 copë produkte kozmetike te padeklaruara, në kundërshtim me dispozitat ligjore që rregullojnë deklarimin e mallrave që udhëtarët i bartin me vete. Kjo sasi tejkalon kufirin e lejuar për përdorim personal dhe për këtë arsye kërkon deklarim të detyrueshëm doganor dhe pagesë të detyrimeve përkatëse.
Mallrat janë ndaluar përkohësisht, ndërsa ndaj personit përgjegjës janë duke u ndjekur procedurat ligjore.
Dogana u bën thirrje të gjithë udhëtarëve që të respektojnë detyrimet ligjore lidhur me deklarimin e mallrave, për të shmangur ndalime, konfiskime apo ndëshkime të mëtejshme, si dhe për të kontribuar në mbrojtjen e tregut të brendshëm.
Në fshatin Ratkoc të Rahovecit, mes zhurmës dhe vrullit të punës së përditshme në arë, gjetëm z. Bashkim Hotin duke vjelë speca me kujdes dhe përkushtim. Në syrin e tij shkëlqente pasioni për tokën dhe për atë që ajo jep, një dëshmi e gjallë e lidhjes së ngushtë që ka krijuar me natyrën dhe punën bujqësore.
Z. Bashkim është pjesë e një familjeje të njohur në rajon, një familje që ka fituar respekt dhe admiracion për përkushtimin e saj të palodhur në bujqësi dhe mençurinë me të cilën e menaxhon çdo aspekt të kultivimit të tokës. Për ta, bujqësia nuk është vetëm një profesion, por një mënyrë jetese, një trashëgimi që transmetohet brez pas brezi, e cila i lidh me rrënjët dhe me natyrën e tokës së tyre.
Për më shumë detaje, kliko kronikën e përgatitur nga ATV: