ATV

Author: ATVLive

  • KPK reagon ndaj deputetëve të Vetëvendosjes që mbrojtën Nagip Krasniqin

    KPK reagon ndaj deputetëve të Vetëvendosjes që mbrojtën Nagip Krasniqin

    Këshilli Prokurorial i Kosovës (KPK), përmes një komunikate për media, ka kundërshtuar fuqishëm dhe ka shprehur indinjatën e thellë ndaj deklaratave të deputetëve dhe përfaqësuesve të lartë të Lëvizjes Vetëvendosje, të cilët, sipas tyre, kanë përdorur gjuhë të papranueshme dhe tendencioze lidhur me punën e kryeprokurorit të Prokurorisë Speciale të Republikës së Kosovës (PSRK), Blerim Isufaj.

    Pas arrestimit të drejtorit të Korporatës së Energjisë së Kosovës (KEK), Nagip Krasniqi, nën dyshimin për veprat penale “Keqpërdorimi i pozitës apo autoritetit zyrtar” , “Ushtrimi i ndikimit” dhe “Konflikti i interesit”, deputetët Halil Thaçi,Arbër Rexhaje Adnan Rrustemi, në deklarimet publike i dolën ën mbrojtje drejtorit të arrestuar të KEK-ut.

    Mirëpo, KPK-ja konstaton se disa zyrtarë të lartë shtetërorë po tentojnë të ndikojnë sistematikisht në punët e sistemit prokurorial dhe po përçojnë mesazhe tendencioze politike, sikurse thonë se që kanë bërë edhe kësaj radhe, duke përdorur gjuhë denigruese kundër personalitetit të Blerim Isufajt, kandidatit për kryeprokuror të shtetit.

    Për KPK-në kjo gjuhë është në kundërshtim me të gjitha normat etike, ligjore dhe kushtetuese.

    “Këshilli Prokurorial vlerëson se, deklaratat e tilla, siç ishte ishin ato të djeshmet, janë në kundërshtim të plotë me ndarjen e pushteteve dhe përbëjnë ndërhyrje flagrante dhe të drejtpërdrejtë në punën e gjyqësorit, përkatësisht të institucionit të Prokurorit të Shtetit, ngaqë puna dhe angazhimi i të gjithave, përfshirë edhe PSRK-në , burojnë nga Kushtetuta dhe ligjet e vendit, e jo nga vullnetet politike, grupet e interesit dhe individët e caktuar”, thuhet në komunikatë.

    Me këtë rast, Këshilli Prokurorial i Kosovës, thekson se qëndron plotësisht prapa punës së mirëfilltë dhe shumë profesionale të Prokurorisë Speciale të Republikës së Kosovës dhe prapa punës dhe angazhimit të prokurorëve të PSRK-së dhe në asnjë rast nuk do të tolerojë denigrimet dhe atakimet qëllimkëqija ndaj angazhimeve dhe përkushtimit të bartësve të sistemit prokurorial.

    Në përmbyllje të reagimit, KPK-ja ia risjellë në vëmendje kujtdo që tenton të cenojë punën e kësaj prokurorie dhe Kryeprokurorit Blerim Isufaj, si dhe përgjithësisht punën e institucionit të Prokurorit të Shtetit se, pushteti gjyqësor dhe prokurorial është i veçantë, me institucione kushtetuese, të pavarura dhe të paanshme, të cilat kryejnë detyrën e tyre në përputhje me mandatin kushtetues dhe ligjor, duke u bazuar gjithnjë në prova dhe fakte.

  • Brenda Muzeut në Prekaz, rrëfime e të pathëna për jetën dhe sakrificën e familjes Jashari

    Brenda Muzeut në Prekaz, rrëfime e të pathëna për jetën dhe sakrificën e familjes Jashari

    Në kuadër të rubrikës “Copëza jete” të emisionit të mëngjesit ALARM në ATV, ekipi i këtij televizioni ishte në vizite te Muzeu i familjes Jashari në Prekaz.

    Xhevat Imeri, drejtues i këtij muzeu, rrëfeu për ATV-në se si kishte ardhur deri tek ideja për krijimin e një muzeu në të cilin do të ekspozohen eksponate të jetës dhe sakrificës së familjes Jashari në Prekaz.

    “Është një vend që t’i shpalosë gjërat reale të familjes Jashari. Të them të drejtën, ky muze nuk ka qenë i paraparë, sepse pika ku ndodhet tani muzeu është një pikë, kur është caktuar projekti, ishte paraparë diçka krejt tjetër”, tregon Imeri.

    Ai tha se para themelimit të këtij muzeu, kohën më të madhe e kishin kaluar në baraka, fillimisht tek oborri i familjes Jashari, e më pas tek hyrja.

    “Më në fund, në vitin 2016, jemi vendosur në këtë vend këtu. Kjo tregon se nuk ka qenë e paraparë për muze. Ka qenë një hapësirë e madhe dhe duke pasur parasysh se ka qenë hapësirë e madhe, e kemi parë të arsyeshme që të vijnë disa eksponate edhe në këtë vend, sepse ishte kërkesë jashtëzakonisht e madhe e njerëzve që vinin të vizitonin këtë vend”, tregon Imeri.

    Ai, për shikuesit e ATV-së, ka prezantuar të gjitha eksponatet e familjes Jashari që janë në këtë muze.

    Në Muzeun e Familjes Jashari në Prekaz, vizitori nga afër sheh se me ç ‘forcë të madhe policore- ushtarake serbe u përballë kjo familje. Por edhe se me ç ‘trimëri rezistoi e luftoi kjo familje, deri në sakrificë. Kjo vërtetohet përmes këtij muzeu, që gjendet përball kompleksit memorial në Prekaz.

    Mjafton të japim pamjet e arsenalit të armëve: predhat e kalibrave e artilerisë serbe në raport me plumbat e armëve të Jasharve: automatikun e Ademit dhe pushkën e Hamzës, kjo e fundit punim artizanal. Se ku kishte arritur barbaria serbe, kjo shihet edhe në vet orenditë shtëpiake, të bëra shosh nga plumbat e armëve të lehta e të rënda, që nuk kanë kursye as gra e fëmijë e që kanë mbetur dëshmi edhe në çdo orendi shtëpiake deri te tepsitë apo gjygymat e çajit të bëra shoshë.

    Shumë nga këto eksponate, kryesisht të familjes Jashari dhe të komandantit legjendar të UÇK, Adem Jashari, si dhe predha të mortajave e të topave me të cilët ishte sulmuar familja Jashari, paraqesin fakte konkrete mbi rrjedhën e luftës së lavdishme të Jasharëve bashkë me qëndresën dhe rezistencën e kësaj familje në përballje me ushtrinë dhe policinë serbe. /atvlive.tv

  • Hetemi kërkon votën e qytetarëve për ndryshim në Leposaviq: Ofrojmë rend dhe ligj

    Hetemi kërkon votën e qytetarëve për ndryshim në Leposaviq: Ofrojmë rend dhe ligj

    Kandidati për kryetar të Komunës së Leposaviqit nga Lëvizja Vetëvendosje, Lulzim Hetemi, ka folur lidhur me kandidimin e tij dhe arsyen pse qytetarët duhet ta votojnë në zgjedhjet e jashtëzakonshme të 23 prillit që do të mbahen në veri. Me të në krye, ai tha se do të lindë dielli për të gjithë banorët e kësaj komune.

    Në një intervistë për KosovaPress, Hetemi ka përmendur problemet e shumta me të cilat ballafaqohen qytetarët e Komunës së Leposaviqit, me theks fshatrat shqiptare Bistricë, Cerajë dhe Koshtovë, ndërsa potencoi nevojën e rindërtimit të shtëpive atje.

    ‘Ne ofrojmë rend dhe ligj, qeveria na ka përkrahur… Neve na duhet siguria, institucionet dhe komunën ta funksionalizojmë për qytetarët, pa marrë parasysh shqiptarë, serbë etj… Problemet janë të shumta… shtëpitë nuk janë rindërtuar atje, nuk janë meremetuar, njerëzit nuk kanë mundësi për të investuar… Janë edhe disa probleme tjera ku qeveria na ka premtuar se do të na ndihmojë dhe do të ecim përpara’, ka thënë Hetemi.

    Ai ka deklaruar se gjendja e sigurisë në atë komunë, sidomos në tre fshatrat shqiptare, nuk ka qenë më e mirë asnjëherë dhe se incidente ndëretnike nuk ka pasur kurrë.

    Hetemi tha se ka kushte për mbajtjen e zgjedhjeve të dielën dhe se nuk beson se do të ketë incidente në veri ditët në vijim.

    “Siguria nuk ka qenë më në nivel asnjëherë. Unë kam shkuar në Leposaviq, Leshak, janë disa incidente, por ato ndodhin çdo vend, janë disa incidente mes tyre… Incidente ndëretnike nuk ka pasur kurrë… Duke analizuar situatën muajt e fundit, nuk besoj se do të ketë incidente. ka me shku gjithcka në rregull… Ka (kushte për mbajtjen e zgjedhjeve), edhe MPB-ja na ka ofruar siguri dhe ma merr mendja se kjo do të funksionojë dhe do të ketë rregull deri sa të kalojnë zgjedhjet”, tha ai.

    Kandidati i Lëvizjes Vetëvendosje për kryetar të Komunës së Leposaviqit apelon qyetetarët, shqiptarë dhe serbë, që më 23 prill të ushtrojnë të drejtën e tyre për të votuar.

    “Dilni votoni të dielën qytetarë shqiptarë të fshatrave Bistricë, Cerajë dhe Koshtovë. Por, ftoj edhe qytetarët serbë të dalin në komunën e tyre, në të cilën do të lindë dielli pas sa viteve, në mënyrë që ta kemi një komunë demokratike, pa dhunë dhe incidente”, apeloi ai.

    Zgjedhjet e jashtëzakonshme në katër komunat veriore do të mbahen këtë të diel. Në Komunë e Leposaviqit janë 13 mijë e 318 qytetarë me të drejtë vote.

  • Rusia kërkon të rikthehet në garat e UEFA-s

    Rusia kërkon të rikthehet në garat e UEFA-s

    Rusia shpreson që sa më shpejtë të hiqet ndalesa e vendosur dhe ajo të rikthehet në garat që organizohen nga UEFA.

    Sekretari i përgjithshëm i Federatës Ruse të Futbollit, Maxim Mitrofanov, ka thënë se kërkesa për t’u bashkuar me Konfederatën Aziatike nuk është marrë në konsideratë, sepse ajo ishte duke negociuar një rikthim në UEFA.

    “Ne jemi duke negociuar me UEFA-n për të hequr ndalesën dhe për t’u rikthyer. Negociatat janë të vështira, janë biseda të gjata që kanë vazhduar për disa kohë,” tha ai për agjencitë e lajmeve RIA dhe Tass. “UEFA nuk dëshiron të na humbë dhe ne nuk duam të largohemi nga UEFA”, theksoi ai.

    Rusia u përjashtua nga të gjitha garat e UEFA-s pas nisjes së invazionit të Ukrainë.

  • Gjyqi i Speciales në Hagë: Edhe sot dëshmon anëtari i LDK-së

    Gjyqi i Speciales në Hagë: Edhe sot dëshmon anëtari i LDK-së

    Sot në Dhomat e Specializuara të Kosovës në Hagë vazhdon gjyqi në rastin “Thaçi dhe të tjerët. Sot do të jetë seanca e fundit për këtë javë.

    Edhe sot dëshmon dëshmitari i dytë i Prokurorisë në rastin ndaj Hashim Thaçit, Kadri Veselit, Jakup Krasniqit e Rexhep Selimit.

    Edhe të mërkurën, seanca thuajse tërë kohën ishte e mbyllur për publikun dhe me përmbajtje të redaktuar.

    Në pak minuta sa ishte e hapur, avokati i Kadri Veselit, Ben Emmerson, ka propozuar dy prova të reja.

    Ai propozoi një video e cila i është treguar dëshmitarit gjatë seancës private, si dhe dy paragrafë të lexuar nga letra e komandantit Crossland, lidhur me situatat nga Rahovec. Dëshminë e tij, ky dëshmitar do ta vazhdojë edhe të enjten.

    Në rastin ndaj Hashim Thaçit, Kadri Veselit, Jakup Krasniqit dhe Rexhep Selimit, në javën e kaluar filloi procesi i paraqitjes së provave nga ana e Zyrës së Prokurorisë Speciale, respektivisht me dëgjimin e dëshmitarëve.

    Ndryshe aktakuza e parë kundër katër të akuzuarve u konfirmua më 26 tetor 2020 dhe u bë publike më 5 nëntor 2020. Më 22 korrik 2021, Gjykatësi i Procedurës Paraprake, përmes dy vendimeve, miratoi pjesërisht mocionet e Mbrojtjes dhe urdhëroi ZPS-në që të korrigjojë dhe ndryshojë aktakuzën, mes tjerash, duke përjashtuar përgjegjësinë e ndërmarrjes së përbashkët kriminale III për krime me synim konkret (tri apele kundër këtij vendimi, të dorëzuara nga Thaçi, Selimi dhe Krasniqi, u hodhën poshtë nga Gjykata e Apelit më 22 gusht 2022).

    ZPS-ja e dorëzoi aktakuzën e ndryshuar më 3 shtator 2021. Më 23 dhjetor 2022, Gjykatësi i Procedurës Paraprake miratoi kërkesën e ZPS-së për ndryshim të aktakuzës me qëllim që të përfshijë një numër akuzash të reja, konkretisht qendra ndalimi të tjera në komunën e Suharekës, incidente të reja të përndjekjes dhe vrasjes së paligjshme në Gjilan, si dhe incidente të reja të pjesëmarrjes personale të të akuzuarit në krimet për të cilat akuzohet.

    Pas hedhjes poshtë të apeleve të Thaçit dhe Veselit kundër këtij vendimi prej Panelit të Gjykatës së Apelit më 22 mars 2022, ZPS-ja dorëzoi versionin e redaktuar publik të aktakuzës së ndryshuar më 29 prill 2022. Më 22 korrik 2022, Gjykatësi i Procedurës Paraprake miratoi, pjesërisht, kërkesën e Mbrojtjes së Thaçit që pretendon mangësi në aktakuzën e fundit dhe gjithashtu urdhëroi ZPS-në që, deri më 30 shtator 2022, të parashtrojë aktakuzën e ndryshuar më tej, me informacion shtesë lidhur me akuzat aktuale. Informacioni shtesë ka të bëjë me emrat e autorëve të drejtpërdrejt të krimeve, viktimave dhe vendodhjeve përkatëse në paragrafet konkrete në aktakuzën aktuale.

    Më 29 shtator 2022, Gjykatësi i Procedurës Paraprake miratoi kërkesën e ZPS-së për tërheqjen nga aktakuza të pretendimeve për krime në komunën e Ferizajt dhe urdhëroi ZPS-në që të pasqyrojë këtë tërheqje të akuzave në aktakuzën e ndryshuar më tej, e cila u dorëzua më 30 shtator 2022. Një version më pak i redaktuar i aktakuzës u dorëzua më 27 shkurt 2023. Aktualisht, kjo është aktakuza në fuqi për këtë çështje.

    “Sipas aktakuzës, krimet e paraqitura në të u kryen më së paku prej marsit 1998 deri në shtator 1999 në disa vendndodhje në Kosovë, si edhe në Kukës dhe Cahan, në Shqipërinë Veriore. Pretendohet se këto krime u kryen nga anëtarë të UÇK-së kundër qindra civilëve dhe personave që nuk merrnin pjesë në luftime. Në aktakuzë pretendohet se Thaçi, Veseli, Selimi dhe Krasniqi kanë përgjegjësi penale individuale për krime që u kryen në kontekstin e një konflikti të armatosur jo ndërkombëtar në Kosovë dhe ishin pjesë e një sulmi gjerësisht të përhapur dhe sistematik kundër personave që dyshoheshin se ishin kundër UÇK-së”, njoftojnë Dhomat e Specializuara të Kosovës.

  • Parashikimi i motit me Erza Hotin

    Parashikimi i motit me Erza Hotin

    Sot në vendin tonë, moti do të jetë kryesisht i kthjellët dhe me diell. Temperatura minimale do të jetë në Prishtinë me 4 gradë Celsius, ndërsa ajo maksimale në Prizren me 16 gradë Celsius.

    Edhe dita e nesërme do të jetë me mot të kthjellët.

    Temperatura minimale do të jetë në Mitrovicë me 5 gradë Celsius, ndërsa ajo maksimale në Prizren me 18 gradë Celsius.

    Parashikimin e plotë të motit me Erza Hotin në ALARM të ATV-së, mund ta gjeni në videon e më poshtme:

  • Escobar: ShBA pret propozim konkret nga Kosova për Asociacionin deri më 2 maj

    Escobar: ShBA pret propozim konkret nga Kosova për Asociacionin deri më 2 maj

    I dërguari i posaçëm amerikan për Ballkanin Perëndimor, Gabriel Escobar thotë se ai pret që të ketë një propozim nga qeveria e Kosovës për Asociacionin e Komunave me Shumicë Serbe deri më 2 maj kur udhëheqësit e Kosovës dhe Serbisë të takohen në Bruksel.

    “Shpresoj që deri në 2 maj të ketë një propozim konkret”, tha zoti Escobar në një intervistë për shërbimin shqip të Zërit të Amerikës.

    Zv/Ndihmës Sekretari i Shtetit për Evropën Jugore dhe Qendrore tha se ka pasur përparim lidhur me këtë çështje dhe një evoluim të jashtëzakonshëm në qëndrimin e qeverisë së Kosovës dhe në veçanti të kryeministrit, për të pranuar këtë detyrim ligjor.

    “Është një detyrim ekzistues në bazë të marrëveshjes së Brukselit dhe ishte shumë e vështirë për këtë qeveri dhe parti që ta pranonte si të detyrueshme. Por tani po e konsiderojnë si detyrim, janë pajtuar me të dhe kanë thënë publikisht se cila duhet të jetë korniza dhe parametrat e Asociacionit. Dhe ne pajtohemi me këto parametra”, tha zoti Escobar.

    Zyrtari i lartë i Departamentit të Shtetit tha se Shtetet e Bashkuara do t’i njohin zgjedhjet e së dielës në Veri të Kosovës edhe nëse Lista Serbe i bojkoton ato, duke thënë se bojkotimi nuk përcakton zgjedhjet.

    “Ne u kemi bërë thirrje dhe unë personalisht u kam kërkuar serbëve, Listës Serbe, që të marrin pjesë dhe të mos heqin dorë nga roli që kanë. Fakti që nuk marrin pjesë, është vendimi i tyre. Por këto parashikohen nga Kushtetuta. Ka vende të paplotësuara. Ka njerëz që nuk po marrin shërbime nga pushteti lokal sepse nuk ka pjesëmarrje. Pra nëse këto zgjedhje janë të lira dhe të ndershme, dhe unë parashikoj që të jenë, rezultati do të jetë legjitim nga këndvështrimi ynë”, tha zoti Escobar.

    Ai tha se shpreson që serbët në Kosovë të gjejnë një mënyrë të rikthehen në institucione. Megjithatë zoti Escobar tha se bojkoti nuk duhet të vonojnë themelimin e Asociacionit.

    “Ai detyrim është i menjëhershëm, është ekzistues. Pra, pavarësisht se kush është në pushtet, Asociacioni duhet të formohet”, tha ai.

    Zoti Escobar e vlerësoi marrëveshjen e Ohrit si “të jashtëzakonshme” dhe tha se nëse ajo zbatohet siç duhet, do të sillte “një epokë të re në marrëdhëniet paqësore ndërmjet Serbisë dhe Kosovës” dhe do t’i hapte rrugën të ardhmes së tyre euro-atlantike.

  • Ylli nuk dorëzohet, shënon fitore në Pejë

    Ylli nuk dorëzohet, shënon fitore në Pejë

    Kampioni aktual i Kosovës në basketboll, Golden Eagle Ylli ka arritur fitore shumë të rëndësishme në Pejë për të qëndruar në garë për kualifikimin tutje në finalen e madhe.

    Ylli shënoi fitore ndaj Pejës me rezultat 104:107 (14:25, 28:18, 19:29, 43:35), duke ngushtuar serinë gjysmëfinale në 2:1 të Play-offit.

    Ndeshja e radhës do të zhvillohet gjatë fundjavës në Therandë.

    Te vendasit u dalluan Larry Thomas me 20 pikë, gjashtë kërcime e shtatë asistime dhe Jalen Tate me 23 pikë e katër asistime, kurse te mysafirët u dalluan Henrik Sirko me 22 pikë e dhjetë kërcime dhe Wesley Washburn me 19 pikë, pesë kërcime e pesë asistime.

  • Osmani falënderon eurodeputetët që ndihmuan në liberalizim të vizave

    Osmani falënderon eurodeputetët që ndihmuan në liberalizim të vizave

    Presidentja e Kosovës, Vjosa Osmani, ka bërë një postim në llogarinë e saj në Twitter, duke falënderuar eurodeputetët që ishin zë i fuqishëm brenda BE-së për heqjen e vizave për Kosovën.

    “Për të gjithë eurodeputetët aktualë dhe ish-deputetë që kanë qenë përkrahësit më të vendosur në arritjen e lirisë së vizave për Kosovën: Faleminderit! Faleminderit që jeni zëri i popullit të Kosovës në Parlamentin e BE-së”, ka shkruar Osmani, duke e përmendur Ulrike Lunacek, Tanja Fajon, Lukas Mandl, Viola VOn Cramon, Thijs Reuten, Ilhan Kyuchyuk.

  • Lidhja që Kina dhe India kanë forcuar me Rusinë

    Lidhja që Kina dhe India kanë forcuar me Rusinë

    Shpesh thuhet se lufta ka pasoja të papritura. Një nga lëvizjet e para të Perëndimit pasi Rusia dha dritën jeshile për pushtimin e Ukrainës ishte vendosja e sanksioneve.

    Por, Rusia jo vetëm që ka mundur të shmangë të gjitha pengesat perëndimore, por i ka përdorur ato për të forcuar tregtinë e saj të naftës në pika të tjera. Eksportet e naftës bruto ruse të transportuara nga deti kanë arritur në 3,5 milionë fuçi në ditë, një shifër që tejkalon 3,35 milionë të regjistruara një vit më parë. Gjëja mbresëlënëse është se nga gjithë kjo naftë, 90% është blerë nga Kina dhe India.

    Sot, vetëm 8% e eksporteve ruse të naftës bruto arrijnë në portet e vendeve evropiane.

    Shumë përpara se Putini të niste sulmin e tij në Ukrainë, Kina ishte tashmë një nga blerësit kryesorë të naftës ruse. Në fakt, në vitin 2021 importet kineze përbënin 25% të naftës së papërpunuar të eksportuar ruse. Kjo shifër është rritur me 36% që atëherë.

    Kemi edhe rastin e Indisë. Para pushtimit, India varej nga Moska për vetëm 1% të naftës së saj. Tani blen 51% të të gjithë naftës së papërpunuar nga Rusia. Për shkak të kësaj lloj “mrekullie tregtare”, digat ruse të naftës, të cilat duhet të ishin në telashe serioze deri më tani, po jetojnë një rini të dytë.

    Ashtu siç thuhet se lufta ka pasoja të padëshiruara, dihet gjithashtu se është momenti ideal për të krijuar miqësi.