Author: ATVLive

Rusia arreston një ish-punonjës të Ambasadës së SHBA-së

Robert Shonov, i identifikuar si një ish-punonjës i Ambasadës së SHBA-së në Rusi, është arrestuar në qytetin rus të Vladivostok dhe u akuzua për konspiracion, sipas agjencisë shtetërore ruse të lajmeve Tass.

Raporti nuk identifikoi kombësinë e tij, megjithatë, Vedant Patel, një zëdhënës i Departamentit të Shtetit, u tha gazetarëve në një konferencë të hënën se, ai e kishte parë raportin, por se “nuk kam asgjë shtesë për të ofruar në këtë moment”, përcjell klankosova.tv.

Tass, duke cituar një zyrtar anonim të zbatimit të ligjit, tha se Shonov akuzohej për “bashkëpunim mbi baza konfidenciale me një shtet të huaj ose organizatë ndërkombëtare ose të huaj”.

Ai është dërguar në burgun Lefortovo në Moskë, dhe nuk është caktuar data e gjyqit.

Mbajtja në izolim është e zakonshme në Lefortovo, një burg famëkeq i sigurisë së lartë, të burgosurit e të cilit aktualisht përfshijnë Evan Gershkovich, korrespondenti i Wall Street Journal i cili u akuzua për spiunazh në mars, akuza që punëdhënësi i tij dhe zyrtarët amerikanë i kanë mohuar fuqishëm.

Është gjithashtu vendi ku Paul Whelan, një ish-marins amerikan, i cili po vuan një dënim 16-vjeçar për ato që Shtetet e Bashkuara kanë thënë se janë akuza të sajuara për spiunazh, u mbajt për 20 muaj deri në gjyqin e tij në 2020.

Ai tani është në një punë të detyruar kampi disa qindra milje larg.

May 17, 2023
Shabani: LDK e PDK kanë zgjedhur mënyrën e gabuar për ta lënë të gabojë Albin Kurtin

Gazetari dhe analisti, Zekirja Shabani, në emisionin CONTEXT në ATV, tha se opozita kanë zgjedhur mënyrën e gabuar për ta lënë kryeministrin Kurti të gabojë gjatë udhëheqjes së këtij të fundit.

Ai tha se Kurti i kontrollon të gjitha ato ministri që i përmbushin kërkesat e votuesve të vet dhe në rast se gabon, sipas Shabanit, Kurti e ka mundësinë me e rikuperua gabimin për shkak se opozita nuk e ndalon.

“Opozita, edhe LDK edhe PDK kanë zgjedhë një mënyrë të gabuar për me e lanë me gabu Albin Kurtin. Albin Kurti ka ardhur në pushtet duke mos e pasur në dispozicion asnjë mekanizëm të shtetit për me i kontrollu masat edhe për me ndiku te votuesit e vet. Albin Kurti, tash që i ka Ministrinë e Financave, të Punës, të Infrastrukturës, krejt ato ministri që i plotësojnë nevojat e qytetarëve, i përmbush kërkesat e atyre votuesve të vet të atij 51%, është shumë zor me gabu, por edhe nëse gabon, e ka mundësinë me e rikuperua atë gabimin e vet për shkak se opozita nuk e ngucë”, tha Shabani. /atvlive.tv

Emisionin e plotë e gjeni në videon më poshtë:

May 16, 2023
Kurti: Fondi Sovran është projekti më i madh ekonomik ndonjëherë

Kryeministri i Kosovës, Albin Kurti, ka deklaruar se Projektligji për Fondin Sovran së shpejti do të miratohet në Qeveri.

Me deputetë të partisë së tij, aktivistë e ekspertë, Kurti ka diskutuar të martën për atë që ai e ka quajtur bërthama e sovranitetit ekonomik të vendit.

“Projektligji që tashmë ka kaluar edhe konsultimet publike, shpejt do të miratohet në Qeveri. Sot në sallën 506 të mbushur plot, para deputetëve të grupit parlamentar të Lëvizjes VETËVENDOSJE!, aktivistë e ekspertë të pavarur, së bashku me anëtarë të kabinetit të qeverisë, e përkrah anëtarëve të grupit punues për hartimin e koncept-dokumentin, në krye me profesorin Besnik Pula dhe grupin punues juridik të drejtuar nga koordinatorja Rrezarta Pllana, prezantuam e diskutuam për atë që do të jetë bërthama e sovranitetit tonë ekonomik”, ka shkruar ai në Facebook.

Ai ka thënë se ndërmarrjet publike do të bartën nga Qeveria në Fond, çka sipas tij do të rrisë mundësinë e investimeve.

“Ndërmarrjet tona publike, të cilat nuk operojnë më me humbje si në të kaluarën, së bashku me 24 mijë asete tjera do barten nga qeveria në Fond, që do të rrisë mundësinë e investimeve dhe përmirësojë edhe më shumë menaxhimin e tyre. Kjo e bën qeverinë më të vogël por shtetin më të fortë e më të pasur, duke na vendosur në hartën e tregjeve botërore financiare”, ka thënë Kurti.

May 16, 2023
“28% investime kapitale në Prishtinë, është dështim”, Zogaj: Ka qenë vit i vështirë, kam edhe shpjegim pse!

Gazetari dhe analisti, Lavdim Hamidi, në emisionin CONTEXT në ATV, tregoi se komuna e Prishtinës ka realizuar vetëm 28% investime kapitale vitin e kaluar, shifër kjo që sipas tij është një dështim për komunën.

“Më shumë kishte larë borxhe se sa që ka bërë investime kapitale Përparim Rama. E pash në krahasim me vitin e kaluar, diku dy milionë borxhe të lame i kish sivjet, prej 5.7 milionë në 3.7 milionë, ndërsa investimet kapitale i ka 28 për qind me mesatare rreth 2% në muaj. Më e përmbyllë vitin në Prishtinë me 28% investime kapitale, është dështim total. Po thonë Albinit nuk po i thotë ‘puna e mbarë kurrkush, por as Përparim Ramës nuk i ka thënë ‘puna e mbarë” askush vitin e kaluar”, tha Hamidi.

Pas këtyre fjalëve ka reaguar nënkryetari i Prishtinës, Alban Zogaj, i cili tha se viti i kaluar ka qenë një vit i vështirë për Prishtinën.

“Ka qenë vit i vështirë dhe i japë shpjegimet pse ka qenë vit i vështirë. Kemi gjetur 20 e kusur milionë euro kontrata të bllokuara në organin shqyrtues të prokurimit”, tha Zogaj. /atvlive.tv

Emisionin e plotë e gjeni në videon më poshtë:

May 16, 2023
Zogaj: Të hyrat vetanake të komunave janë vetëm të komunave

Nënkryetar i Komunës së Prishtinës, Alban Zogaj, në emisionin CONTEXT në ATV, foli edhe njëherë për propozimin e Qeverisë për Ligjin Mbi Ndarjet Buxhetore, në të cilin ishte paraparë që të hyrat vetanake të komunave të mos barten prej vitit në vit.

“Për herë të par që prej pasluftës, në 20 vietet e fundit, propozohet diçka që është antikushtetuese që është për të hyrat vetanake të komunave. Kjo është një kategori e veçantë ku mbledhin të hyra nga taksat, kryesisht në pronë por edhe në ndërtim e infrastrukturë etj, dhe këto janë ekskluzivisht të hyra të komunave, edhe kushtetuta e garanton. Për herë të parë u propozua nga Qeveria që këto të hyra vetanake mos me u bartë më prej vitit në vit, por me shku në fond të Kosovës. Ne reaguam, thamë kjo është totalisht e papranueshme, është antikushtetuese dhe nuk guxon të preken të hyrat vetanake të komunave”, tha Zogaj.

Sipas tij, të hyrat vetanake të komunave janë vetëm të komunave.

“Është granti qeveritar tjetër që ata munden me e ndalë dhe Qeveria e ndal në qoftë se nuk shpenzohet deri në fund. Por të hyrat vetanake në qoftë se nuk shpenzohen, barten prej një viti në vitin tjetër. Kësi soji edhe reagimi i GP të LDK-së Kuvendin e Kosovës, andaj pat një pajtim pas debateve, pat një pajtim që kanë të drejtë GP i LDK-së, u votua me u heq ai nen amendament ku thotë të hyrat vetanake të komunave barten ne fondin e Kosovës dhe pastaj prej fondit të Kosovës shpërndahen”, shpjegoi ai. /atvlive.tv

Emisionin e plotë e gjeni në videon më poshtë:

May 16, 2023
Zogaj: Ka shumë prona të Komunës së Prishtinës që janë të uzurpuara, duhet ndihmë nga Prokuroria dhe Policia

Nënkryetar i Komunës së Prishtinës, Alban Zogaj, në emisionin CONTEXT në ATV, tha se ka shumë prona që vazhdojnë të jenë të uzurpuara për vite të tëra, të cilat janë pronë e Komunës së Prishtinës.

“Ne kemi edhe prona të komunës së Prishtinës të cilat janë të uzurpuara, me vite e vite të tëra dhe për të cilat kemi një qasje të njëjtë sikur për pronat e Ministrisë së Bujqësisë, ato të AKP-së dhe të institucioneve të tjera”, tha Zogaj.

Ai tha se nuk i takon vetëm Komunës së Prishtinës që të merret me këtë temë, por u duhet ndihmë edhe nga Prokuroria dhe Policia.

“Kjo nuk i takon vetëm Komunës së Prishtinës me u marrë me këtë temë, por është temë me të cilën duhet me u marrë edhe nivele më të larta dhe duhet ndihmë edhe prej prokurorisë edhe prej policisë me i liru pronat dhe me i kthy te pronarët e vet. Ne po e kërkojmë këtë ndihmë edhe për pronat e Komunës së Prishtinës”, tha Zogaj.

Ai përmendi se në Zonën Industriale ka shumë prona që janë uzurpuar të cilave ende nuk iu është bërë ndonjë zgjidhje.

“Ka prona të komunës së Prishtinës krejt në Zonën Industriale. Ka prona e prona të uzurpuara vite e vite përpara të cilat nuk kanë gjetur zgjidhje. Ka qira mbi qira, ka biznese të shumta të cilat sot funksionojnë aty e që janë në prona publike të kohës së më parshme”, theksoi Zogaj. /atvlive.tv

Emisionin e plotë e gjeni në videon më poshtë:

May 16, 2023
“Uzurpimi” i pronave në qendër të Prishtinës, Besian Mustafa i bënë thirrje prokurorisë që të merret më seriozisht me këtë temë

Deputeti i LDK-së, Besian Mustafa, i cili njëherësh ishte edhe ministër i Bujqësisë, në një intervistë në emisionin CONTEXT në ATV, ka folur për pronat në qendër të Prishtinës, për të cilat dje ministri aktual i Bujqësisë Faton Peci kishte denoncuar se ato po përdoren kundërligjshëm.

“Ka qenë një raport i tërë i auditorit të përgjithshëm të Republikës së Kosovës për këtë temë dhe shumë tema të tjera. Me to jemi marrë në mënyrë intensive. Kryesisht, shumica dërmuese për mos të thënë të gjitha, këto prona janë në menaxhimin dhe pronësinë e Institutit Bujqësor të Kosovës, aty është edhe gjeneza e këtij problemi dhe strumbullari i gjithë këtij keq menaxhimi, prandaj në bashkëpunim edhe me auditorin e përgjithshëm edhe me prokurorin e shtetit, jam marrë me këtë temë”, tha Mustafa.

Ai tha se për këto prona, do të duhej ta kishte më të qartë prokuroria se sa vet Ministria e Bujqësisë.

“Ministria e Bujqësisë e ka të qartë se kujt i ka dhënë kontratën për qiradhënie, nëse ka pasur ndonjë mandej ndonjë uzurpim të hapësirave ose keq menaxhim në kuptimin e zgjerimit të atyre hapësirave ose ndërrimit të planit arkitekturor, pastaj natyrisht që me ligj merret prokuroria me këto raste. Jemi marrë edhe ne”, tha Mustafa.
Ai tha se i bashkëngjitet ministrit Peci për t’i bërë thirrje prokurorisë që të merret seriozisht me këtë temë.

“Zotri Peci ka vazhduar ato përpjekjet tona, ka dërguar me një nivel tjetër sepse është tepër gjatë aty, tani ka kaluar gati dy vite e gjysmë dhe pjesën tjetër, i bashkëngjitëm atij dhe kujt do që prokuroria të merret seriozisht me këto tema”, u shpreh Mustafa. /atvlive.tv

Emisionin e plotë e gjeni në videon më poshtë:

May 16, 2023
Volejbollistja Venera Kadriu la Amerikën për vendlindje dhe e shpalli Dritën kampion!

Sa herë që vendlindja e saj ka nevojë për të, Venera Kadriu e len Amerikën dhe vjen luan Voljeboll për qytetin e Gjilanit.

Së fundmi skuadra e këtij qyteti, Drita, u shpall Kampione në Superligën e Kosovës, ku Venera ishte aty për ti mbrojtur ngjyrat bardhë e kaltër duke qene volejbollistja më e mirë e skuadrës.

Venera për ATV ka treguar fillimet e saja në sportin e Volejbollit, dhe ndjenjën që ka kur luan për skuadrën e Dritës.

“Unë merrem me volejboll që gati 13 vite. Kam filluar të luaj volejboll prej moshës 11 vjeçare. Kjo ka lind si pasion I imi për të qenë sportiste edhe më ka pëlqyer shumë sporti i volejbollit”, tregon ajo.

Venera përveç se luan për Dritën, ajo po ashtu mbron ngjyrat e kombëtares së Kosovës dhe është e gatshme sa herë që vendi e thërret.

“Pas përfundimit të lojërave amerikane në volejboll, Drita kishte nevojë për një pranuese tjetër dhe unë me Lorik Ilazin e shtjelluam këtë plan dhe vendosa që të vijë në klubin KV Drita që ta ndihmojë të shpallet kampion”, tha Kadriu.

Kujtojmë që Venera Kadria përveç titullit Kampion ajo ndihmoi Dritën edhe me trimufu në Kupën e Kosovës. /atvlive.tv

May 16, 2023
Ministri Peci inspekton nisjen e vaksinimit nga ajri kundër tërbimit të kafshëve të egra

Vaksinat kundër tërbimit të kafshëve duhej të shpërndaheshin me aeroplan.

Për këtë projekt ishte përgatitur edhe ministri i Bujqësisë, Faton Peci, por, për shkak të kushteve klimatike fluturimi s’qe i mundur.

“Ky aktivitet ka për synim shpërndarjen e vaksinave për kafshët e egra, me synim që të kujdesemi për aspektin shëndetësor të kafshëve, por njëkohësisht përveç aspektit shëndetësor edhe parandalimin e mundësisë së shpërndarjes së sëmundjeve, qoftë kafshët e egra, por edhe kafshët shtëpiake. Krejt kjo është në funksion të rritjes së angazhimit tonë, si institucione për të ruajtur shëndetin publik, qoftë për qytetarët, por edhe për kafshët”, tha Peci.

Ai foli edhe për vendet ku do të shpërndahen këto vaksina.

“Vaksinat shpërndahen në shumicën e territorit të Republikës së Kosovës, kryesisht në zonat malore, kodrinore-malore, por edhe të kullosave, nuk përfshihen zonat ku ka lumenj, ose ku ka liqene dhe si total objektivi është shpërndarja e 250 mijë vaksinave”, tha Peci.

Vaksinat kundër tërbimit të kafshëve janë të sigurta dhe s’paraqesin rrezik për shëndet të njerëzve apo të kafshëve, bazuar në përshkrim të prodhuesit të vaksinës.

“Për AUV-in, ky projekt është shumë i dobishëm dhe AUV i bën të gjitha përpjekjet që këtë sëmundje ta ketë nën kontroll. Aktivitete të cilat zhvillohen për këtë sëmundje janë vaksinimi vjetor i tërbimit të kafshëve shtëpiake, gjithashtu me këtë projekt vaksinohen edhe kafshët endacake”, tha Bafti Murati nga Agjencia e Ushqimit dhe Veterinarisë.

Projekti do të duhej të zgjaste 6 ditë, por varet edhe nga moti, derisa financohet nga Komisioni Evropian. /atvlive.tv

Edicionin Qendror të lajmeve e gjeni në videon më poshtë:

May 16, 2023
Fillon projekti “Ora e leximit” në shkollat e kryeqytetit

Bazuar në rezultatet e fundit të Testit PISA, 15-vjeçarët në Kosovë janë cilësuar si performues të dobët të leximit. Tani Komuna e Prishtinës po ndërmerr hapa me synim t’i përmirësojë ato, përmes projektit “Ora e Leximit” që tashmë ka filluar në disa shkolla.

“Kur e marrim një libër të lexojmë e bëjmë secilin kapitull me strategjitë e lexim-kuptimit dhe ato na ndihmojnë ta kuptojmë më mirë se çfarë po lexojmë”, thotë Noa Sefa, nxënëse.

Që nxënësit të performojnë më mirë në Testin PISA nga Drejtoria e Arsimit në Komunën e Prishtinës thonë se do të realizojnë edhe projekte të tjera.

“Në 13 shkolla veçse ka filluar ora e leximit, dhe kemi marrë komente jashtëzakonisht të mira prej prindërve, nxënësve dhe mësimdhënësve. Kështu do të vazhdojmë menjëherë me implementimin dhe do të vazhdojmë prej javës së ardhshme furnizimin në të gjitha shkollat e Prishtinës. 300 mësimdhënës veçse janë trajnuar, kështu që do të jetë e lehtë që ta zbërthejnë projektin dhe të fillojnë me implementim. Shpresojmë që prej shtatori do të jetë edhe një vit i ri shkollor dhe do të jetë më e rëndësishme”, tha Besianë Musmurati nga Drejtoria e Arsimit në Komunën e Prishtinës.

Ky projekt po realizohet në bashkëpunim me organizatën ETEA.

“Mbi 95 për qind e mësimdhënësve që kanë pilotuar projektin e kornizës në shkolla kanë vlerësuar se kjo qasje e mësimdhënies dhe mësimnxënies kontribuon direkt në të mësuarit logjik, ndërsa 97 për qind e mësimdhënësve kanë konsideruar se ky projekt mundëson qasjen në libra të mirë, të përshtatshëm për fëmijët”, tha drejtori ekzekutiv i organizatës ETEA, Agon Ahmeti.

Koncepti i këtij projekti është marrë nga Suedia dhe Kanadaja. Të dyja këto shtete kishin pasur probleme në lexim-kuptim të nxënësve në të shkuarën. /atvlive.tv

Edicionin Qendror të lajmeve e gjeni në videon më poshtë:

May 16, 2023