ATV

Author: ATVLive

  • Rritet prodhimi dhe eksporti i energjisë në Shqipëri

    Rritet prodhimi dhe eksporti i energjisë në Shqipëri

    Situata e favorshme me reshje shiu ka bërë që në tre muajt e parë të vitit, Shqipëria të rrisë prodhimin e energjisë elektrike dhe të shesë 2.4 herë më shumë se në të njëjtën periudhë të vitit të shkuar.

    Sipas të dhënave të INSTAT, në muajt Janar-Mars, prodhimi vendas i energjisë elektrike është rritur me 38%, duke arritur vlerën 2.787 GWh nga 2.016 GWh në tremujorin e parë të vitit 2022. Kjo është shoqëruar me rritje të eksportit të energjisë. Gjatë kesaj periudhe, Shqipëria ka shitur 904 GWh nga 373 GWh që eksportoi vjet në po të njëjtën periudhë.

    Sa i përket konsumit, nga të dhënat e INSTAT, rezulton se shqiptarët kanë kursyer më shumë energji këtë vit. Përdorimi i energjisë elektrike nga konsumatorët, në tremujorin e parë të vitit 2023, u ul me 10%, shkruan Tv Klan.

    Ndikimin më të madh në rënien e përdorimit të energjisë elektrike, e kanë dhënë konsumatorët jo familjarë, ku përfshihen institucionet publike dhe bizneset. 57,9 % e energjisë në vend prodhohet nga hidrocentralet publike, 41,5 % nga hidrocentralet private dhe koncensionare, ndërsa 0,6% nga fotovoltaikët.

  • Fshati që filloi të braktisej në vitet e 90-ta, sot ka mbetur pa asnjë banor

    Fshati që filloi të braktisej në vitet e 90-ta, sot ka mbetur pa asnjë banor

    Fshati Leskovec gjendet vetëm 15 minuta larg Prizrenit, pranë kufirit me Shqipërinë, e që dikur ishte fshati i vetëm i banuar me shqiptarë në atë anë.

    Ky fshat numëronte rreth 30 shtëpi, ndërsa braktisja e tij kishte filluar qysh prej vitit 1990. Ndërsa sot, vetëm cicërimat e zogjve i japin pakëz jetë këtij fshati të lënë në harresë.

    Disa shtëpi të ndërtuara prej guri dhe balte, e të cilat e i rezistuan kohës, e karakterizojnë më së miri fshatin Leskovec.

    Lekovec mbetet një vend tjetër i Kosovës i rrethuar me bukuri të pashfrytëzuara natyrore. /atvlive.tv

    Emisionin e plotë e gjeni në videon më poshtë:

  • Heappey: Britania e Madhe e përkushtuar që ta shohim Kosovën në BE dhe NATO

    Heappey: Britania e Madhe e përkushtuar që ta shohim Kosovën në BE dhe NATO

    Ministri për Forcat e Armatosura i Mbretërisë së Bashkuar, James Heappey ka deklaruar se mbeten të përkushtuar për anëtarësimin e Kosovës në BE dhe NATO. Ai ka theksuar se marrëdhëniet me Kosovën janë të gjata, duke shtuar se Mbretëria e Bashkuar do të zgjasë praninë e saj në KFOR edhe për tri vjet të tjera.

    Heappey pas takimit me kryeministrin Albin Kurti, ka thënë se ka sfida sa i përket situatës së sigurisë në veri të Mitrovicës.

    Sipas tij, marrëdhëniet me Kosovën janë të gjatë dhe do të vazhdojnë ta mbështesin.

    “Sapo pata takime fantastike, si me presidenten, ashtu edhe me kryeministrin. Marrëdhënia e Mbretërisë së Bashkuar me vendin tuaj është e gjatë. Ne kemi qenë këtu në fund viteve të 90-ta, në momentin e Pavarësisë suaj, dhe iu kemi mbështetur në çdo hap më pas. Ne do të vazhdojmë ta bëjmë këtë, dhe kjo është arsyeja pse sot, unë jam veçanërisht krenar të njoftoj se Mbretëria e Bashkuar do të zgjasë praninë e saj në KFOR edhe për tre vjet të tjera. Një shenjë se sa të përkushtuar jemi për sigurinë tuaj, sovranitetin tuaj, lirinë tuaj, dhe për t’u siguruar që projekti Kosova të vazhdojë të jetë suksesi i madh që ka qenë për 24 vitet e fundit”, ka thënë ai.

    Ministri i Mbretërisë së Bashkuar për Forcat e Armatosura është pyetur edhe për sigurinë në veri të Mitrovicës, për çka tha se kjo mbetet sfidë për vendin.

    “Unë mendoj se ka sfida, sigurisht që ka, por ne jemi shumë të qartë në pozicionin në lidhje me sfidat e sigurisë që janë në vendin tuaj. Prezenca jonë në KFOR e nënvizon këtë, por po ashtu edhe mbështetja jonë diplomatike për Kosovën dhe forumin ndërkombëtar. Ne do të vazhdojmë të punojmë me ju për të zgjidhur sfidat e sigurisë që ekzistojnë, dhe për t’u siguruar që ju të vazhdoni të jeni të lirë dhe të sigurt brenda kufijve tuaj”, ka shtuar ai.

    Më tej, ministri britanik ka deklaruar se në takimin me presidenten Osmani dhe kryeministrin Kurti, kanë deklaruar për sfidat e sigurisë në vend dhe rolin e Mbretërisë së Bashkuar në zgjidhjen e tyre.

    “Ishte biseda miqësore, kjo është ajo që bëjnë miqtë. Unë jam takuar me kryeministrin tuaj dy herë në Londër, gjatë viteve të fundit, dhe i premtova se do të vija për vizitë. Më vjen keq që ‘u desh kaq shumë kohë për ta bërë këtë, dhe ky ishte takimi im i parë me presidenten tuaj. Edhe pse ajo ka qenë në Londër në funeralin e Mbretëreshës së ndjerë, dhe kurorëzimin e mbretit, së fundmi. Pra, dialogu mes Britanisë së Madhe dhe Kosovës është i shpeshtë, është i ngrohtë, dhe është në nivelet më të larta. Ne diskutojmë në përgjithësi, sfidat e sigurisë në vend dhe rolin që mund dhe duhet të luajë Mbretëria e Bashkuar në zgjidhjen e tyre. Dhe pastaj, sigurisht, ambicia afatgjatë e Kosovës, që të jetë edhe anëtare e BE-së dhe NATO-s. Dhe përderisa, natyrisht, të dyja këto organizata kërkojnë një konsensus të gjerë, Mbretëria e Bashkuar mbetet e përkushtuar që ta shohë Kosovën në atë rrugë, kur rrethanat ta lejojnë një gjë të tillë”, ka përfunduar ministri i Forcave të Armatosura të Mbretërisë së Bashkuar. /kp

  • Tahiri akuzon Idrizin për rritje të shpenzimeve: 100 mijë euro për luks, pa asnjë dobi për qytetarët e Vushtrrisë

    Tahiri akuzon Idrizin për rritje të shpenzimeve: 100 mijë euro për luks, pa asnjë dobi për qytetarët e Vushtrrisë

    Ish kryetari i Vushtrrisë, Xhafer Tahiri, përmes një postimi në facebook, ka akuzuar pushtetin aktual të këtij qyteti, se kjo e fundit ka rritur shpenzimet e luksit, përcjell atvlive.tv.

    “Jo vetëm që nuk po punojnë asgjë, por kjo qeverisje e PDK në Vushtrri i ka rritur shpenzimet e luksit”, ka shkruar Tahiri.

    Sipas tij, ë vitin 2022, ata shpenzuan afër 100 mijë euro vetëm shpenzime luksi, pa asnjë dobi për qytetarët e Vushtrrisë.

    Postimi i plotë i tij në facebook:

  • ​Dogana konfiskoi 479 pako me medikamente të padeklaruara

    ​Dogana konfiskoi 479 pako me medikamente të padeklaruara

    Dogana e Kosovës ka konfiskuar 479 pako me medikamente të padeklaruara të cilat janë gjetur në dy barnatore në Ferizaj.

    Përmes një komunikate për media, Dogana e Kosovës ka bërë të ditur se origjina e medikamenteve ishte nga vende të ndryshme të botës.

    “Në qytetin e Ferizajt njësit e Doganës së Kosovës pas mbledhjeve të informatave në teren kanë kryer kontroll në dy barnatore në Ferizaj. Kontrolla ka gjetur mallra, medikamente të pa deklaruara (pa banderolla), në sasi 479 pako. Origjina e medikamenteve ishte nga vende te ndryshme të botës, të gjitha mallrat janë konfiskuara”, është bërë e ditur në komunikatë.

  • Dëshmia e dëshmitarit të shtatë ndaj ish-krerëve të UÇK-së pritet të zgjas 7 orë

    Dëshmia e dëshmitarit të shtatë ndaj ish-krerëve të UÇK-së pritet të zgjas 7 orë

    Dëshmitari i shtatë ka filluar dëshminë e tij në seancën e së martës në Dhomat e Specializuara e Kosovës (DhSK) në gjykimin ndaj Hashim Thaçit, Kadri Veselit, Rexhep Selimit dhe Jakup Krasniqit, e cila dëshmi pritet të zgjat rreth 7 orë.

    ZPS-ja ka kërkuar të kalohet në seancë private me arsyetimin se pyetjet për dëshmitarin do të bëhen për një incident të vetëm unik dhe se për këtë mundet lehtë të identifikohet i njëjti, raporton ‘‘Betimi për Drejtësi’’.

    Fillimisht, dëshmitari është përgjigjur me ‘‘Po’’ kur është pyetur se a është intervistuar më herët nga ZPS-ja dhe se në seancën përgatitore kishte kërkuar disa ndryshme të disa pjesëve të deklaratës së tij, se ato ndryshime ishin pasqyruar në shënime që iu ishin lexuar me zë dhe se të njëjtat kishin qenë ndryshimet që kishte kërkuar ai.

    Këto dokumente iu shfaqën dëshmitarit në ekran, si dhe u pranuan nga trupi gjykues si prova materiale pas propozimit të Zyrës së Prokurorit të Specializuar.

    Në vazhdim dëshmitari është përgjigjur edhe në pyetjet e mbrojtësit të viktimave, avokatit Simon Laws, disa prej të cilave ishin me përmbajtje të redaktuar.

    Sipas dëshmitarit, i njëjti ka qenë kryefamiljar dhe është marr me bujqësi, por pas ndalimit të tij e edhe tani ka dhimbje vazhdimisht.

    Të njëjtit i është paraqitur një fotografi e plagës në shpatull (jo publike) dhe kur është pyetur për të, përmbajtja sërish ka qenë e redaktuar.

    Ai ka thënë se ndalimi i tij ka pasur edhe efekte psikologjike pasi që ka marr ndihmë mjekësore tek profesionisti me vite të tëra edhe jashtë shtetit.

    ‘‘Nja 2 vite kam shkuar vazhdimisht te psikologu..’’, ka thënë dëshmitari.

  • ​Antidroga e Policisë vë në pranga katër persona, sekuestrohet drogë, para dhe armë

    ​Antidroga e Policisë vë në pranga katër persona, sekuestrohet drogë, para dhe armë

    Policia e Kosovës pas hetimeve disa mujore në flagrancë ka arrestuar katër persona në Prishtinë, si dhe ka sekuestruar kokainë, heroinë, marihuanë, armë, para dhe gjëra tjera.

    Sipas njoftimit, më datë 22 maj, rreth orës 17:30 pas hetimeve disa mujore, informatave të siguruara dhe në zbatim të urdhëresave të gjykatës, Drejtoria për hetimin e trafikimit me narkotikë (DHTN) në Prishtinë e asistuar nga Njësia për reagim të shpejtë (NJRSH) ka organizuar një plan taktik në Prishtinë, ku në flagrancë janë arrestuar katër persona të dyshuar për kryerjen e veprës penale “Blerja, posedimi, shitja dhe shperndarja e paautorizuar e narkotikëve, substancave psikotrope dhe analoge’’.

    “Gjatë operacionit policor janë arrestuar personat e dyshuar meshkuj kosovar të cekur në vijim me iniciale dhe vitin e lindjes A. N. (1969), A. I. (1990), A. N. (1977) dhe D.Sh. (1989). Operacioni policor, ka rezultuar me sekuestrimin e provave/dëshmive materiale si në vijim 785.5 gram substancë e dyshuar narkotike e llojit kokainë, 0.2 gram substancë e dyshuar narkotike e llojit heroinë, 10.2 gram substancë e dyshuar narkotike e llojit marihuanë, 1 armë zjarri- revole, 2 karikatorë, 14 fishekë, 9267 euro, 450 franga, 1700 lekë, 10 dollarë kanadez, 3 telefona celular, 3 peshore digjitale, 2 automjete. Pas kompletimit të rastit me vendim të Prokurorit kujdestar të Prokurorisë Themelore-Departamenti i Krimeve të Rënda, katër të dyshuarit dërgohen në mbajtje për proceduar të mëtejme ligjore”, thuhet në njoftim.

  • Manchester City synon katër transferimeve të mëdha gjatë verës

    Manchester City synon katër transferimeve të mëdha gjatë verës

    Kampioni i sapo shpallur në Ligën Premierë, Manchester City është shumë afër fitimit të tre trofeve këtë sezon, mirëpo kjo skuadër nuk i ka ndaluar as planet për transferimin e lojtarëve, pasi ata duan të përforcohen edhe më shumë.

    City tashmë e ka të siguruar titullin e Ligës Premierë – trofeu i pestë vendor në gjashtë vjet, të gjitha nën drejtimin e trajnerit Pep Guardiola, derisa tani po përgatitet për finalet e FA Cup dhe Ligës së Kampionëve, kundër Manchester United dhe Interit.

    Por, sipas mediumit The Mirror, City po bëhet gati për disa objektiva të mëdha të verës pasi që i ka në radar lojtarët si Alexis Mac Allister, Julio Enciso, Joshua Kimmich dhe Josko Gvardiol.

    Mesfushori i Brighton, Mac Allister, duket se ka shumë të ngjarë të jetë në lëvizje këtë verë, me United dhe Liverpool gjithashtu të interesuar për fituesin e Kupës së Botës me Argjentinën.

    Lojtari tjetër i Brighton, Enciso ka shpërthyer në skenë në gjysmën e dytë të këtij sezoni të Ligës Premierë dhe me vetëm 19 vjet, sulmuesi paraguaian duket se ka potencial të madh.

    Ylli i Bayern Munich-ut, Kimmich, është një ish-nxënës i Guardiolës dhe mund të ofrojë shkathtësi shtesë në mbrojtje dhe mesfushë të Cityt, nëse ai bën lëvizjen nga Mynihu.

    Ndërkohë, Gvardiol, i cili thuajse iu bashkua Chelseat nga RB Leipzig në janar – është një qendërmbrojtës shumë i kërkuar me këmbën e majtë, i cili gjithashtu mund të futet pa probleme në skuadrën e Cityt.

    Asnjë nga lojtarët nuk do të jetë i lirë. Por, është një lajm i keq për rivalët e Cityt, të cilët mund të kenë menduar se klubi Etihad mund të qëndrojë pa shpenzuar pas një suksesi kaq të madh në vitet e fundit. /atvlive.tv

  • “Tash është shumë më lehtë me ba muzikë”, këngëtari Adnan Daci flet për fillimet e tij

    “Tash është shumë më lehtë me ba muzikë”, këngëtari Adnan Daci flet për fillimet e tij

    Këngëtari i njohur shqiptar nga Shkupi, Adnan Daci, ka qenë mysafir special në emisionin “E Diela Vlen”, me Vlera Jusufin.

    Ai tregoi për fillimet e tij të para në muzikë, duke thënë se më herët çdo gjë ka qenë më vështirë, e se tani janë bërë shumë këngëtarë.

    “Ka qenë më vështirë. Ka pas një far rendi. Ishte më e vështirë edhe për incizime. E mbaj mend albumin e parë kur e kam ba me tetë kangë. Nuk ishte si sot, nuk e bana mirë e ta kthej. Aty, tetë kangë i kam këndu mirë me të parën.

    Një kangë e këndojshe komplet, edhe veç ta bajke, shumë mirë është kalofsh mirë. Edhe studio kanë qenë më të rralla. Kështu që tash është shumë më lehtë”, ka thënë ndër të tjera Daci.

    Ai foli edhe për bashkëpunëtorët e tij, por edhe për planet e tij të afërta.

    Për më shumë ndiqeni intervistën e plotë në linkun më poshtë:

  • Qeveria e Kosovës thotë se komunat në veri do të funksionalizohen

    Qeveria e Kosovës thotë se komunat në veri do të funksionalizohen

    Ministria e Administrimit të Pushtetit Lokal është duke bashkëpunuar me kryetarët e zgjedhur të komunave në veri të Kosovës, për të organizuar seancat e asambleve komunale, si dhe betimin solemn të kryetarëve, bëri të ditur kreu i kësaj ministrie, Elbert Krasniqi.

    Betimi para kuvendit komunal i kryetarit të zgjedhur të komunës është një procedurë solemne që shënon marrjen e detyrës.

    Ministri Krasniqi tha për Radion Evropa e Lirë se të hënën, më 22 maj, do të jepen të gjitha informacionet se kur dhe ku do të mbahen seancat e asambleve komunale në komunat Zubin Potok, Leposaviq dhe Zveçan.

    Megjithatë, ai theksoi se ende nuk janë saktësuar lokacionet për mbajtjen e seancave.

    “Ende jo. Jemi në proces e sipër. Ekipet janë duke punuar për t’i definuar të gjitha këto procese”, tha Krasniqi.

    Deri më tash, betimin solemn para Kuvendit Komunal e ka bërë vetëm kryetari i ri i Mitrovicës së Veriut, Erden Atiq, më 19 maj.

    Kryetarët e zgjedhur të tri komunave tjera të veriut të Kosovës, të banuara me shumicë serbe, Izmir Zeqiri në Zubin Potok, Lulzim Hetemi në Leposaviq dhe Ilir Peci në Zveçan, ende nuk e kanë bërë betimin solemn.

    Për dallim nga Zubin Potoku, i cili e ka asamblenë komunale funksionale, dy komunat tjera, Leposaviqi dhe Zveçani ende nuk i kanë të funksionalizuara ato.

    Kryetarët e komunave nuk mund ta kryejnë betimin pa funksionalizimin e asambleve komunale, para të cilave solemnisht marrin detyrën.

    Ministri Krasniqi nuk ka dhënë detaje se si do të funksionalizohen ato dhe në cilat objekte, si dhe ku do të funksionojë infrastruktura që mundëson punën e institucioneve komunale.

    Komuna e Mitrovicës së Veriut ka objektin e saj, ndërkohë që në tri komunat tjera deri më tash, në të njëjtat objekte komunale kanë punuar institucionet komunale sipas sistemit të Kosovës, por edhe të ashtuquajturat organe të përkohshme, të cilat punojnë sipas sistemit të Serbisë.

    Zgjedhjet për kryetarët e katër komunave në veri të Kosovës jnëë mbajtur më 23 prill, pasi kryetarët paraprakë nga partia më e madhe e serbëve në Kosovë, Lista Serbe, dhanë dorëheqje nëntorin e vitit të kaluar.

    Ata u larguan nga institucionet në shenjë pakënaqësie me një vendim të Qeverisë së Kosovës për riregjistrimin e automjeteve që bartnin targa ilegale të lëshuara nga Serbia, në targat legale RKS – Republika e Kosovës.

    Pjesëtarët e komunitetit serb gjerësisht bojkotuan zgjedhjet e prillit dhe thanë se nuk i pranojnë rezultatet, përkatësisht kryetarët e rinj nga komuniteti shqiptar.