ATV

Author: ATVLive

  • Skandal në futbollin shqiptar, tifozët e Tiranës e sulmojnë gjyqtarin

    Skandal në futbollin shqiptar, tifozët e Tiranës e sulmojnë gjyqtarin

    Fundi i përballjes mes Tiranës dhe Bylisit nuk i ngjasoi aspak një ndeshjeje të rregullt të futbollit, pasi që tifozët kryeqytetas filluan të hyjnë në stadium, ndërsa caku ishte gjyqtari i ndeshjes.

    Tirana barazoi 2:2 me Bylisin, barazim ky i cili e rrëzoi nga pozita e liderit dhe tani i rrezikon seriozisht humbjen e titullit në kampionatin shqiptar, raporton KosovaPress.

    Tirana ishte duke fituar deri në minutën e 87’, kur atëherë Bylisi barazoi shifrat në 2:2 përmes një penalltie të konkretizuar me gol nga Aleksandar Damcevski.

    Pikërisht kjo penallti e akorduar nga gjyqtari i ndeshjes, Kridens Meta bëri që tifozët të ishin të revoltuar dhe pas ndeshjes të vërshojnë fushën e gjelbër.

    Tifozët e Tiranës u vërsulën drejt fushës për ta sulmuar gjyqtarin Meta, dhe skenat nuk janë aspak të dëshirueshme.

    Më poshtë mund ta gjeni videon e momentin kur tifozët hyjnë në fushë për ta sulmuar gjyqtarin.

  • Irani teston raketën e re balistike, ka një rreze veprimi prej 2 mijë kilometrash

    Irani teston raketën e re balistike, ka një rreze veprimi prej 2 mijë kilometrash

    Irani ka thënë të enjten se ka testuar me sukses raketën e re balistike, e cila ka rreze veprimi prej 2.000 kilometrash.

    Sipas agjencisë zyrtare iraniane të lajmeve, “IRNA”, një raketë balistike me rreze të mesme e quajtur “Khaibar”, u prezantua në kryeqytetin Teheran me një program ku pjesëmarrës ishin zyrtarë të lartë ushtarakë.

    Televizioni shtetëror shfaqi, gjithashtu, pamjet e lëshimit të raketës dhe më pas duke goditur një objektiv.

    Ministri iranian i Mbrojtjes, Mohammad Reza Ashtiani, i cili ishte i pranishëm në ceremoni, deklaroi se raketa balistike ka një fuqi shumë të lartë shkatërruese.

    Mes shqetësimeve për përparimin e shpejtë të Teheranit në avancimet bërthamore, përpjekjet e gjashtë fuqive botërore për të ringjallur marrëveshjen bërthamore të Iranit të vitit 2015, kanë ngecur nga shtatori i kaluar.

    Marrëveshja, e cila u braktis nga Uashingtoni në vitin 2018, vendosi kufizime në aktivitetet bërthamore të Iranit, duke zgjatur në mënyrë efektive kohën e nevojshme për Teheranin që të mund të zhvillojë materiale të mjaftueshme të zbërthyeshme për një armë bërthamore.

    Megjithatë, Irani vazhdimisht ka hedhur poshtë çdo pretendim për armë bërthamore. /atvlive.tv

    Edicionin Qendror të lajmeve në ATV e gjeni në videon më poshtë:

  • “Wagner” tërhiqet nga Bakhmuti

    “Wagner” tërhiqet nga Bakhmuti

    Kreu i grupit mercenar rus “Wagner”, ka thënë të enjten se luftëtarët e këtij grupi kanë nisur të tërhiqen nga qyteti i Bakhmutit, në lindje të Ukrainës.

    Shefi i “Wagner”-it, Jevgeni Prigozhin, tha se kontrolli i qytetit do t’i bartet ushtrisë së rregullt ruse, deri më 1 qershor.

    Megjithatë, Prigozhin tha se forcat e tij do të jenë të gatshme të rikthehen, nëse ushtria ruse nuk është në gjendje ta menaxhojë situatën.

    Beteja për qytetin lindor të Bakhmutit, ka qenë më e gjata dhe më e përgjakshmja e luftës në Ukrainë, që filloi para 15 muajve.

    Mercenarët e “Wagner”-it kanë udhëhequr luftimet në këtë qytet për Rusinë, por sipas Prigozhin-it, grupi në këtë betejë ka humbur 20 mijë prej luftëtarëve të tij.

    Prigozhin ka qenë figurë kyçe e pushtimit rus të Ukrainës, që nisi në shkurt të 2022-ës. Ai kishte rekrutuar nga burgu mijëra kriminelë të dënuar, derisa, sipas tij, prej 20 mijë të vrarëve, rreth gjysma e tyre ishin kriminelë të dënuar.

    Më herët këtë muaj, SHBA-ja tha se besohet se më shumë se 20 mijë ushtarë rusë janë vrarë në betejën e Bakhmutit dhe 80 mijë të tjerë janë plagosur.

    Kreu i “Wagner”it, të shtunën tha se qyteti i Bakhmutit është kapur, megjithatë, Ukraina nuk ka pranuar se qyteti ka rënë në duart e forcave ruse.

    Zëvendësministrja ukrainase e Mbrojtjes, Hanna Maliar, tha të enjten se forcat ukrainase vazhdojnë të kontrollojnë një pjesë të një distrikti, në jugperëndim të qytetit.

    Sipas analistëve dhe ekspertëve ushtarakë, Bakhmuti ka vlerë të vogël strategjike për Rusinë, por kapja e tij do të ishte një fitore simbolike, pas betejës më të gjatë të luftës në Ukrainë. /atvlive.tv

    Edicionin Qendror të lajmeve në ATV e gjeni në videon më poshtë:

  • Betimi i tre kryetarve të rinj në veri jashtë objeketeve komunale/ Dugolli: Nuk e bënë ndërtesa funksional një kryetar komune

    Betimi i tre kryetarve të rinj në veri jashtë objeketeve komunale/ Dugolli: Nuk e bënë ndërtesa funksional një kryetar komune

    Deputeti i Lëvizjes Vetëvendosje, Enver Dugolli, në një intervistë në emisionin DIREKT në ATV, duke komentuar betimin e tre kryetarëve të rinj të komunave veriore, të cilët betimin e bënë jo në objektet komunale, tha se ky ka qenë një proces ceremonial dhe se ndërtesa nuk e bën funksional një asamble komunale apo një kryetar të zgjedhur nga votat e qytetarëve.

    “Ne, si Qeveri edhe si Institucione, në vazhdimësi kemi thënë dhe jemi angazhu që të kalojë ky proces pa tensione, për të mos u dhënë shkas pretendimeve të Serbisë se ne po dojmë të instalojmë diçka dhunshëm dhe kemi qenë të kujdesshëm që në ato objekte ku ka pasur vlerësime se mund të ketë tensionim të situatës apo mund të zhvillohet ndonjë skenë jo e këndshme, nuk kemi dëshiruar që ta çojmë përpara, por ta zhvillojmë një proces krejt normal ligjor inaugurimin e kryetarëve dhe të asambleve, për shkak se është krejt ceremonial dhe nuk e pengon fare kryetarin dhe asamblenë që të merr vendime në të mirën e qytetarëve në të ardhmen. Tash e tutje, edhe ato pjesë i kanë kryetarët e vet, i kanë asambletë funksionale për marrjen e vendimeve, për realizimin e buxhetit dhe ofrimin e shërbimeve”, tha Dugolli.

    Ai tha se nuk e mohon faktin që do të ishte më mirë që betimi i kryetarëve të rinj të bëhet në objektet komunale, por sipas tij, ky proces është kryer në ato kushte dhe rrethana, megjithatë në objekte publike. /atvlive.tv

  • Zeqiri: Nesër do të filloj punën

    Zeqiri: Nesër do të filloj punën

    Kryetari i ri i Zubin-Potokut, Izmir Zeqiri, i cili sot bëri betimin në fshatin Çabër, në një lidhje të drejtpërdrejt në emisionin DIREKT në ATV, tha se nga dita e nesërme do t’ia fillojë punës, por si do të ndodh kjo, do të këshillohet me këshilltarët e tij.

    “Unë do të filloj punën natyrisht këtu dhe do të këshillohem me këshilltarët, të cilët nuk i kam caktuar ende, mirëpo i kam të planifikuar. Do të këshillohem me ta se si do t’ia nisim, fillimisht punës, qoftë në objektin komunal, qoftë këtu. Meqenëse i përmenda shumë nga vështirësitë e para që s’janë ato, për shembull protokolli e shumë gjëra të tjera, janë asisoji që mos t’i përsëriti. Ne do të shohim së bashku me bashkëpunëtorët se si do t’ia bëjmë prej nesër e tutje”, tha Zeqiri. /atvlive.tv

  • Zeqiri: Pres që të ketë pranim-dorëzim të gjithçkaje që i përket komunës, ndryshe do të përdorim masa të tjera

    Zeqiri: Pres që të ketë pranim-dorëzim të gjithçkaje që i përket komunës, ndryshe do të përdorim masa të tjera

    Kryetari i ri i Zubin-Potokut, Izmir Zeqiri, i cili sot bëri betimin në fshatin Çabër, në një lidhje të drejtpërdrejt në emisionin DIREKT në ATV, tha se është i interesuar që të ketë një pranim-dorëzim dhe gjithçka të shkojë në mënyrë të rregullt, në të kundërtën, ai thotë se do të marrin masa të tjera.

    Ai tha se ende nuk i posedon as vulat e komunës, as dokumentacionin, as veturat komunale e as gjërat e tjera që i përkasin komunës së Zubin-Potokut.

    “Jo nuk i kemi (vulat). Unë kam qenë dhe jam shumë i interesuar që gjithçka të shkojë mbi bazat të marrëveshjes. Për mua kishte me qenë e rregullt të bëhet pranim-dorëzimi i gjithçkaje në mënyrën e rregullt çfarë duhet, mirëpo do të insistojmë që ajo të bëhet asisoji, në mënyrën më të mirë të rregullt ashtu siç edhe e lypin ligjet, edhe rregulloret e pas këtyre proceseve. Mirëpo, në qoftë se jo, ne do të përdorim masa të tjera të gjërave, sepse është e vërtetë që nuk e kemi as protokollin, as vulat, as automjetet që i posedon komuna dhe ato konsideroj që keqpërdoren”, tha Zeqiri. /atvlive.tv

  • Zeqiri tregon pse nuk e bëri betimin në objektin komunal

    Zeqiri tregon pse nuk e bëri betimin në objektin komunal

    Kryetari i ri i Zubin-Potokut, Izmir Zeqiri, i cili sot bëri betimin në fshatin Çabër, në një lidhje të drejtpërdrejt në emisionin DIREKT në ATV, tha se arsyeja pse ky betim nuk u bë në objektin e komunës, erdhi pas një qëndrimi të përbashkët me Ministrinë e Pushtetit Lokal.

    “Fillimisht ne ishim të orientuar që t’i mbajmë edhe këto seanca në objektet komunale, por duke u rekomanduar edhe nga Ministria e Pushtetit Lokal, më në fund u harmonizuam edhe morëm një vendim të përbashkët dhe besoj që është më mirë kur jemi të harmonizuar dhe të jemi në qëndrime e hapa të përbashkët që është më mirë për të gjithë”, tha Zeqiri. /atvlive.tv

  • Varhelyi shkruan për takimin me Kurtin, vë theksin te Asociacioni

    Varhelyi shkruan për takimin me Kurtin, vë theksin te Asociacioni

    Komisioneri i BE-së për Zgjerim dhe Fqinjësi, Oliver Varhelyi, pas takimit me presidenten Vjosa Osmani, është takuar edhe me kryeministrin Albin Kurti dhe kabinetin e tij qeveritar.

    Për këtë takim ka shkruar Varhelyi në një postim në Twitter, duke theksuar temat për të cilat kanë biseduar.

    “Diskutim i hapur me kryeministrin Albin Kurti, zëvendëskryeministrin Besnik Bislimi dhe anëtarët e kabinetit [qeveritar] mbi progresin e rrugës europiane të Kosovës. BE-ja po ofron mbështetje të madhe për zhvillimin ekonomik të lidhur me zbatimin e mëtejshëm të reformave dhe zbatimin e marrëveshjes së dialogut, duke përfshirë Asociacionin e komunave me shumicë serbe”, tha ai.

    Në konferencën e përbashkët që pati më herët me Osmanin, Varhelyi tha se presin që marrëveshja Kosovë-Serbi të zbatohet pa kushte.

    “Është bërë progres në vitin e kaluar. Tash është esenciale që të dyja palët t’i zbatojnë të gjitha obligimet pa vonesa, sepse duhet ta shfrytëzojmë momentumin. Të ecim para me zbatimin e marrëveshjes sa më parë dhe të zbatohen pa kushte”, tha ai, duke përmendur edhe konkluzat e Këshillit Europian.

  • Policia arreston 14 persona, mbyll 17 qendra të masazhit e 15 lokale të muzikës live

    Policia arreston 14 persona, mbyll 17 qendra të masazhit e 15 lokale të muzikës live

    Drejtoria për Hetimin e Trafilkimit me Njerëz e Policisë së Kosovës ka qenë pjesë e zbatimit të operacionit “Operation Chain”, i cili është zhvilluar njëkohësisht në 47 shtete të botës. Policia e Kosovës ka bërë të ditur se për një javë ka zbatuar Planin Operativ “Stuhia 2023’, ku në këtë operacion kanë qenë të përfshirë 262 zyrtarë.

    Në kuadër të këtij operacioni janë bërë operacione në rrugë, sheshe dhe qendra tregtare për identifikim e fëmijëve në rrugë.

    Gjithashtu, në njoftimin për media është bërë e ditur se është bërë inspektimi dhe kontrollimi i lokaleve me muzikë live, qendrave të masazhit, si dhe kontroll të shtuara në të gjitha pikë-kalimet kufitare.

    Si rezultat i këtij operacionit është bërë identifikimi i 3 viktimave të trafikimit, dhe i 11 viktimave të supozuara të trafikimit, të cilat janë referuar për shërbime dhe trajtim sipas procedurave.

    Ndërkohë, janë arrestuar edhe 14 persona të dyshuar për veprën e trafikimit dhe veprave tjera që ndërlidhen me trafikimin e njerëzve.

    “Referimi i 6 rasteve në stacione policore për armë-mbajtje pa leje, dëmtim të vulave zyrtare dhe hapje ilegale të lokaleve të mbyllura, – Inspektimi/kontrollimi i 55 lokaleve ‘Muzike Live’, në të cilat janë legjitimuar 377 punëtore, nga te cilët 275 të gjinisë femërore, 188 shtetas të huaj. Nga lokalet e kontrolluara, 15 janë mbyllur nga institucioni përkatës për shkelje administrative, – Inspektim i 51 ‘Qendrave të Masazhit’, në të cilat janë legjitimuar gjithsej 153 punëtore, nga të cilët 129 të gjinisë femërore dhe 33 shtetas të huaj. Prej këtyre ‘Qendrave Masazhi’, 17 janë mbyllur nga institucioni përkatës për shkelje administrative”, thuhet në njoftimin e Policisë.

  • Lirohen çmimet e biletave të Kupës së Kosovës

    Lirohen çmimet e biletave të Kupës së Kosovës

    Pas kërkesës së klubeve që do të përballen në finalen e Kupës së Kosovës, respektivisht të Gjilanit dhe Prishtinës, janë liruar çmimet e biletave për tifozët.

    Komiteti Ekzekutiv i Federatës së Futbollit të Kosovës (FFK) ka vendosur që t’i lirojë çmimet e biletave për finalen e Kupës së Kosovës mes Gjilanit dhe Prishtinës, raporton KosovaPress.

    Çmimi i biletave në tribunën perëndimore do të jetë pesë euro, kurse në tribunë lindore tri euro e në atë jugore e veriore nga dy euro.

    Shitja e biletave do të fillojë më 29 maj, dhe do të bëhet përmes sistemit online. Tifozët e Gjilanit, “Skifterat” do të vendosen në tribunën veriore, derisa “Plisat” e Prishtinës, do të vendosen në tribunën jugore.

    Për të dyja grupet e tifozëve, FFK do t’i ndajë nga 200 bileta falas.

    Finalja mes Gjilanit dhe Prishtinës do të zhvillohet më 5 qershor me fillim nga ora 18:00, në stadiumin “Fadil Vokrri”.