ATV

Author: ATVLive

  • Lushtaku: Idetë e Albin Kurtit kanë pasoja për Kosovën, ai po eksperimenton

    Lushtaku: Idetë e Albin Kurtit kanë pasoja për Kosovën, ai po eksperimenton

    Deputeti i PDK-së, Mërgim Lushtaku, në emisionin DIREKT në ATV, tha se Albin Kurti, çdo herë ia ka huqë sa i përket shtetësisë së Kosovës dhe se idetë e tij po kanë posoja për Kosovën.

    “Albin Kurti çdo herë ia ka huqë sa i përket shtetësisë së Kosovës. E dimë shumë mirë, edhe prej procesit të Rambujesë, edhe procesit të Pavarësisë së Kosovës, edhe shtet ndërtimit, edhe funksionimit të shtetit dhe ja ku jemi sot, me gjithë atë arritje që e ka bërë PDK-ja me partnerët ndërkombëtarë. Në këtë drejtim, besoj që as këtu nuk ka dilemë që Albin Kurti, edhe këtu del i gabuar, por fatëkeqësisht po shihet se ka pasoja prapa kësaj sepse më nuk është Albin Kurti në opozitë që ato idetë e tij të pa logjikuara, të pa menduara, të pa analizuara, mund t’i implementonte në opozitë, e tash në pozitë ka mundësi edhe t’i implementojë edhe të eksperimentojë”, tha Lushtaku.

    Ai tha se Kurti po eksperimenton me Kosovën.

    “Fatkeqësisht, po eksperimenton edhe me Kosovën sepse ne e kemi parë në diskutimin edhe elektoral që vet Albin Kurti i thoshte disa fjalë si klithma elektorale, sikur ka qenë ajo “amelika, amelika”, por kam mëndu që kanë qenë vetëm sa për fushata, por po del që i ka edhe ideologji edhe orientim”, tha Lushtaku. /atvlive.tv

    Emisionin e plotë e gjeni në videon më poshtë:

  • “Rama më shumë ‘goditi’ Kurtin se sa Vuçiqin”

    “Rama më shumë ‘goditi’ Kurtin se sa Vuçiqin”

    Kryeministri i Shqipërisë, Edi Rama, ka deklaruar se e ka dorëzuar një draft të Asociacionit të komunave me shumicë serbe, te presidenti francez Emmanuel Macron, dhe kancelari gjerman, Olaf Scholz.

    Pas këtij lajmi, ka pasur reagime të ndryshme në Shqipëri si nga politika, po ashtu edhe nga shoqëria civile.

    Gazetari nga Shqipëria, Sebastian Zonja, në një lidhje të drejtpërdrejt në emisionin DIREKT në ATV, tha se lidhur me deklarimin e kryeministrit Rama, reagimet në Shqipëri kanë qenë të ndara, pro dhe kundër.

    “Reagimet mund t’i ndajmë në dy grupe. Njëra palë e cila thotë se nuk është se po flet Rama, por janë duke folur ndërkombëtarët me gjuhën e Ramës dhe pjesa tjetër e cila thotë dhe artikulon se kjo që po bënë Rama është domosdoshmërisht në krahë të Serbisë, sepse në të gjithë fjalimin e tij, po ta shohësh me kujdes, Rama ia kushton më së shumti goditjes së Albin Kurtit se sa të jetë duke e goditur presidentin Vuçiq”, tha gazetari Zonja. /atvlive.tv

    Emisionin e plotë e gjeni në videon më poshtë:

  • ​Studentët të pakënaqur me jetesën në konvikte dhe ushqyerjen në mensë

    ​Studentët të pakënaqur me jetesën në konvikte dhe ushqyerjen në mensë

    Studentët që jetojnë në konvikte në Prishtinë si dhe që ushqehen në mensë nuk janë shumë të kënaqur me shërbimet që iu ofrohen. Kjo bazuar në rezultatet e një hulumtimi të realizuar nga Parlamenti Studentor në të cilën ka përfshirë rreth 500 djem dhe vajza që jetojnë në konvikte dhe ushqehen në mensë.

    Studentët që jetojnë në 8 konviktet janë ankuar për dhoma të vogla, shtretër të dëmtuar, mungesë të dollapëve dhe të frigoriferëve.

    Denis Krasniqi, pjesë e Parlamentit Studentor, duke prezantuar rezultatet tha se të anketuarit kanë deklaruar probleme edhe me mykin, insektet dhe erën e keqe në dhomat ku jetojnë.

    “19.87% janë përgjigjur se kanë hasur në insekte,17.84% janë përgjigjur se kanë hasur në myk, nxehtësi joadekuate kanë deklaruar 43.81% që është tejet shqetësuese për neve si studentë, rrjedhje të ujit kanë hasur vetëm 7.7% dhe erë të keqe që është dhe kjo shqetësuese kanë hasur 43.61%, kurse nga asnjëra prej këtyre janë përgjigjur 25% e të anketuarve… 58.1% janë përgjigjur se hasin në banjo të papastra, 66.73% kanë thënë që mungesa e ujit të nxehtë është problem tjerët i madh për studentët që ballafaqohen vazhdimit. Sjellja e pahijshme e stafit kanë deklaruar 20.89% e studentëve, pra që stafi ka sjellje të pahijshme ndaj tyre dhe asnjëra prej këtyre janë përgjigjur 12.77%”, tha Krasniqi.

    Studentët janë shprehur se ajo çfarë i mungon më së shumti jetesës në konvikte janë programet artistike dhe kulturore, hapësira për zhvillimin e sportit dhe siguria.

    Në nivel të përgjithshëm, bazuar në të dhënat e paraqitura në lidhje me kënaqshmërinë e studentëve me jetën në konvikte tregojnë një situatë jo shumë të mirë.

    Alban Halimi, gjithashtu nga Parlamenti Studentor, u shpreh se nga ky raportim del se Qendra e Studentëve në Prishtinë ka nevojë për ndërhyrje të menjëhershme për të eliminuar këto pakënaqësi të studentëve.

    “Kënaqësia e studentëve me jetesën në konvikte, 11.5% e studentëve shprehen se janë të kënaqur me jetë në konvikte, që tregon një nivel shumë të ulët të kënaqshmërisë së përgjithshme të studentëve, ndërsa një përqindje mesatare 51.6% e studentëve janë mesatarisht të kënaqur por edhe ata kanë shqetësime të ndryshme të cilat i kemi paraqitur në këtë raportim. Ndërsa të pakënaqësitë e studentëve, 27.68% e studentëve shprehin pakënaqësi në lidhej me kushtet dhe shërbimet ne konvikte, 9.09% e studentëve janë shumë të pakënaqur dhe shprehin një shqetësim të thellë”, deklaroi Halimi.

    Numri më i madh i të anketuarve janë shprehur edhe “mesatarisht të kënaqur” edhe me cilësinë e ushqimit në mensë.

    “Mesatarisht të sigurt” janë përgjigjur në masë të madhe kur janë pyetur edhe sa ndihen të sigurtë të konsumojnë ushqim në mensë bazuar në eksperiencat personale.

    Shqetësime janë shprehur edhe me ushqime me afat të skaduar, të ftohta, radhë të gjata të pritjes e të tjera.

    “Kemi rezultuar se 73.63% janë deklaruar me radhë të gjata të pritjes, gjithashtu 61.46% janë deklaruar që ka ushqim të ftohtë, 31.64% janë deklaruar me enë të papastra, 18.25% janë deklaruar ushqim me afat të skaduar, 17.03% sasi e pamjaftueshme e ushqimit për studentët”, tha Halimi.

    Halimi tha se ka ankesa edhe për ushqime të njëjta, jo të freskëta dhe me vlera të dobëta ushqyese.

    Edhe këtu, konkluzionet e këtij hulumtimi në lidhje me kënaqësinë e studentëve në lidhje me cilësinë e ushqyerjes në mensë tregojnë një situatë jo të mirë dhe shprehin shqetësime.

    “Kur jemi të konkluzionet në raport me kënaqëshmërinë e studentëve gjatë ushqyerjes në mensë, mund të themi që kënaqësia e përgjithshme e ushqyerjes në mensë vetëm 4.12% e studentëve shprehen se janë të kënaqur me cilësinë e ushqyerjes në mensë që tregon një nivel shumë të ulët të kënaqësisë së përgjithshme të studentëve ndërkaq një përqindje mesatare 42.68% e studentëve janë mesatarisht të kënaqur me cilësinë e ushqyerjes por edhe ata kanë shqetësime të ndryshme të cilat i kemi cekur në këtë raport. Kur jemi te pakënaqësia e studentëve, 33.4% e studentëve shprehen pakënaqësi në lidhje me cilësinë e ushqyerjes në mense dhe 19.79% e studentëve janë shumë të pakënaqur dhe shprehin një shqetësim të thellë për cilësinë e dobët të ushqimeve në mensë”, tha Halimi.

    Sipas Parlamentit Studentor të gjitha përfundimet bashkë me sugjerimet e tyre për të ndërmarrë masa të menjëhershme do t’i dërgohen të gjitha institucioneve relevante. /KP

  • ​Miratohet projektligji, zhbllokohen të hyrat vetanake të komunave

    ​Miratohet projektligji, zhbllokohen të hyrat vetanake të komunave

    Kuvendi i Kosovë, me 81 vota për, ka miratuar Projektligjin për plotësim-ndryshimin e Ligjit për Buxhetin 2023, që i hap rrugë zhbllokimit të të hyrave vetanake të komunave për vitet e kaluara, transmeton KP.

    Po ashtu, deputetët e legjislativit i zgjatën mandatin Komisionit At-hoc për procesin e vettingut dhe miratuan Projektligjin për plotësim-ndryshimin e Ligjit për minierat dhe mineralet.

    Ndërkaq, Kuvendi dështoi sërish të miratohet Projektligji për shëndet riprodhues dhe fertilizim të asistuar mjekësor.

  • ​Shoqëria civile: Partitë politike, unanime në cenimin e integritetit zgjedhor

    ​Shoqëria civile: Partitë politike, unanime në cenimin e integritetit zgjedhor

    Organizatat e shoqërisë civile kanë reaguar pasi Kuvendi i Kosovës miratoi në dy lexime Projektligjin për zgjedhjet e përgjithshme. Sipas tyre, praktikat e miratimit të projektligjeve të rëndësishme, në procedura të përshpejtuara, janë në kundërshtim dhe të dëmshme me standardet e jetës parlamentare.

    Në reagimin e organizatave është theksuar se projektligji në fjalë nuk adreson nevojën për reformë zgjedhore.

    “Kuvendi i Kosovës miratoi sot projektligjin për zgjedhjet e përgjithshme, në të dy leximet brenda të njëjtës seancë, e për më shumë dhe pa kosto financiare. Praktikat e miratimit të projektligjeve të rëndësishme në procedura të përshpejtuara janë në kundërshtim dhe të dëmshme për standardet e jetës parlamentare. Ky projektligj, nuk adreson nevojën për reformë zgjedhore, që u proklamua si e tillë edhe në vetë emrin e komisionit ad-hoc. Për më tepër, përmbajtja e këtij projektligji përveç pjesës ‘kozmetike’, nuk adreson shumë prej mangësive përmbajtjesore të sistemit. e në disa raste veçse i përkeqëson ato”, është thënë në reagim.

    Organizatat e shoqërisë civile kanë deklaruar se do të ndjekin edhe format e tjera për kundërshtimin e hyrjes në fuqi të këtij ligji.

    “Ne shprehim kundërshtimin tonë dhe vazhdojmë të alarmojmë publikun dhe të gjithë akterët se reforma zgjedhore, e nisur para më shumë se një dekade, u shfrytëzua nga partitë politike për akomodim të interesave partiake në dëm të integritetit zgjedhor, e jo me qëllim burimor të përmirësimit të sistemit zgjedhor dhe nivelit të përfaqësimit politik në Kosovë. Koalicioni i OJQ-ve të cilët janë të angazhuar për rritjen e integritet zgjedhor, duke vlerësuar këtë ligj të një rëndësie të veçantë për nivelin e demokracisë Kosovare, do të ndjek edhe format tjera për kundërshtimin e hyrjes në fuqi të këtij ligji, i cili do ta cenojë integritetin zgjedhor”, është theksuar në reagim.

    Sipas tyre, projektligji i miratuar reflekton më shumë kompromis në mes të partive politike të cilat kanë shtyrë përpara interesat e tyre në raport me integritetin e kandidatëve, votimin preferencial dhe jashtë vendit.

    “Ndonëse me efektet të cilat do të cenojnë vlerat dhe standardet dhe integritetin zgjedho , me këto pasoja të këtij projektligji do të ballafaqohemi qysh në procesin e ardhshëm zgjedhor. Lista e kandidatëve dhe të zgjedhurit që mund të jenë pjesë e pjesë e Kuvendit të Kosovës, kuvendeve komunale apo kryetarë të komunave, potencialisht do të jenë individë të dënuar për vepra penale me më pak se një vit burgim, me kusht apo me gjobë – e që përbëjnë rreth 80% të rasteve vetëm viteve të fundit. Në anën tjetër, pozita e Kryesuesit dhe anëtarëve të KQZ-së do të politizohen dhe do dëmtohet kredibiliteti dhe imazhi i këtij institucioni të pavarur, për shkak se shkarkimi i tyre për shkelje të integritetit do të mund të bëhet vetëm me miratim të 2/3 të anëtarëve”, kanë deklaruar organizatat.

    Organizatat përkrahëse janë: Demokraci për Zhvillim (D4D); Fondacioni Kosovar për Shoqëri Civile (KCSF); Grupi për Studime Juridike dhe Politike (GLPS); Instituti Demokratik i Kosovës (KDI); Instituti i Kosovës për Drejtësi (IKD); Lëvizja FOL; Organizata ÇOHU./KP

  • Ky është largimi i parë nga Ballkani

    Ky është largimi i parë nga Ballkani

    Përmes një komunikate në faqen zyrtare, Ballkani ka bërë të ditur se mbrojtësi Rustem Hoxha nuk do të jetë pjesë e skuadrës nga sezoni i ardhshëm.

    Me përfundimin e kontratës së Hoxhës te Ballkani, të dy palët kanë vendosur që mos ta vazhdojnë më bashkëpunimin, raporton KosovaPress.

    Hoxha ishte pjesë e Ballkanit që nga vera e vitit 2021, kur iu bashkua kampionit kosovar nga skuadra shqiptare, KF Teuta.

    Hoxha largohet nga Ballkani si kampion.

    “Klubi e falënderon Rustem Hoxhen për kontributin e dhënë për fanellën tonë dhe i uron suksese të mëtejshme”, shkruante në njoftimin e Hoxhës.

  • ​Aksident në rrugën Prishtinë-Podujevë, lëndohet një person

    ​Aksident në rrugën Prishtinë-Podujevë, lëndohet një person

    Një person ka pësuar lëndime si pasojë e një aksidenti që ka ndodhur sot në rrugën Prishtinë-Podujevë.

    Lajmin për KosovaPress e ka konfirmuar zëdhënësja e Policisë për rajonin e Prishtinës, Flora Ahmeti, e cila ka informuar se në aksident janë përfshirë dy vetura.

    “Sot rreth orës 15:30, është pranuar informata për një aksident trafiku rrugor të ndodhur në rrugën Prishtinë-Podujevë. Në aksident janë përfshirë dy automjete, ku një persona ka pësuar lëndime trupore.”, ka bërë të ditur Ahmeti.

    Ndërkohë, njësia rajonale e trafikut është duke u marrë me rastin.

  • ​Policia arrestoi një avokat, kërkoi para nga një palë në procedurë

    ​Policia arrestoi një avokat, kërkoi para nga një palë në procedurë

    Policia e Kosovës ka arrestuar një avokat të dyshuar për veprën penale “ushtrim i ndikimit”.

    Personi i dyshuar ka kërkuar dhe pranuar para në shumën prej 8 mijë euro nga një palë në procedurë pranë Gjykatës Themelore në Gjilan.

    Sipas Policisë, i njëjti kishte thënë se këto para do t’ia jap kolegjit të gjyqtarëve në mënyrë që të nxjerrët një vendim në dobi të palës së mbrojtur nga i dyshuari, transmeton KP.

    “Policia e Kosovës ka arrestuar personin e dyshuar H.J (avokat, mashkull kosovar, viti i lindjes 1985), pasi i njëjti dyshohet se ka kryer veprën penale ‘ushtrim i ndikimit’. I dyshuari ka kërkuar dhe pranuar para në shumën prej 8000 (tetë mijë) euro nga një palë në procedurë pranë Gjykatës Themelore në Gjilan me premtimin që këto para i t’ia jap kolegjit të gjyqtarëve, në mënyrë që të njëjtit të nxjerrin vendim në favor të palës se mbrojtur nga i dyshuari”, ka bërë të ditur Policia.

    Pas intervistimit, i dyshuari është ndaluar për 48 orë./

  • Meta: Shqipëria s’duhet të propozojë politika për Kosovën pa u konsultuar me Kurtin

    Meta: Shqipëria s’duhet të propozojë politika për Kosovën pa u konsultuar me Kurtin

    Ish-presidenti i Shqipërisë, Ilir Meta është shprehur sot se situata ndërmjet Kosovës dhe Serbisë mund të ndihmohet nga Shqipëria vetëm me komunikim të drejtpërdrejt me institucionet e Kosovës.

    Meta ka potencuar se Qeveria e Shqipërisë në asnjë rast nuk duhet të propozojë politika që duhet të zbatohen brenda në Kosovë, pa u konsultuar paraprakisht me kryeministrin Albin Kurti.

    “Situata e krijuar në mes të Serbisë dhe Kosovës mund të ndihmohet nga Shqipëria vetëm përmes komunikimit të drejtpërdrejtë e konstruktiv me institucionet e Kosovës dhe Kryeministrin Kurti. Nuk ka nevojë për ndërhyrje të njëanshme dhe jotransparente, të cilat acarojnë apo përkeqësojnë situatën, e cila paraqitet delikate. Asociacioni i Komunave është një marrëveshje tashmë e pranuar nga qeveria aktuale e Kosovës, dhe ajo garantohet në Marrëveshjen e Brukselit dhe në Aneksin e Marrëveshjes së Ohrit, të realizuara me mbështetjen dhe negocimin e Bashkimit Europian dhe Shteteve të Bashkuara të Amerikës.”, ka shkruar Meta në Facebook.

    Ai është shprehur se zgjidhja se si do të arrihet Asociacioni gjendet te respektimi i marrëveshjes së Brukselit dhe Ohrit.

    Tutje, Meta ka kritikuar kryeministrin shqiptar lidhur me dorëzimin e një drafti të Asociacionit të komunave me shumicë serbe te presidenti francez, Emmanuel Macron dhe te kancelari gjerman, Olaf Scholz.

    “Z. Kurti ka treguar vazhdimisht përgjegjësi dhe vullnet të palëkundur për zbatimin e Marrëveshjes së Ohrit. Ndërsa tek Z. Vuçiç nuk e kemi parë në asnjë rast një gjë të tillë, përkundrazi një sërë veprimesh të tij kanë demonstruar të kundërtën. Z. Rama, nëse do të donte të luante një rol mund ta bënte këtë, jo duke luajtur rolin e patronazhistit mbi Kosovën, por vetëm duke i kërkuar Beogradit nënshkrimin e marrëveshjeve të Brukselit dhe Ohrit dhe zbatimin e tyre, njohjen e Kosovës nga Serbia dhe heqjen dorë nga strategjia e tensionimit të vazhdueshëm të situatës.”, ka shkruar tutje Meta.

    Ndryshe, kryeministri shqiptar, Edi Rama ka deklaruar sot se ka dorëzuar një draft të Asociacionit të komunave me shumicë serbe te presidenti francez, Emmanuel Macron dhe kancelari gjerman, Olaf Scholz. Për këtë dokument, ai ka thënë se i ka vënë në dijeni edhe presidentin e Këshillit Evropian dhe amerikanët. Rama ka thënë se drafti është i punuar nga ekspertë dhe sipas tij, pret që i njëjti të vlejë për të çuar në një nivel tjetër dialogun Kosovë-Serbi./KP

  • ​KE do t’i japë Bullgarisë 45 milionë euro për procedurat e azilit dhe kthimit

    ​KE do t’i japë Bullgarisë 45 milionë euro për procedurat e azilit dhe kthimit

    Komisioni Evropian mirëpriti të mërkurën progresin e bërë nga Bullgaria gjatë tre muajve të fundit në pilot projektin për procedurat e azilit dhe kthimit.

    Komisioni do t’i jap Bullgarisë një mbështetje të re financiare në shumën prej 45 milionë euro për zbatimin e pilot projektit, thuhet në njoftimin e Komisionit.

    Fondet do t’i shtohen programit kombëtar nën financimin e Menaxhimit të Kufirit dhe Politikës së Vizave për punët e brendshme.

    Pilot projekti në Bullgari u lansua në mars 2023 duke u bazuar në praktikat dhe përvojën e mirë në fushat e azilit, kthimit, menaxhimit të kufijve dhe bashkëpunimit ndërkombëtar.

    Zbatimi i plotë i pilot projektit parashikohet deri në shtator 2023.

    Sipas përditësimit, Bullgaria ka ndërmarrë hapa operacional me mbështetjen e Komisionit për të përmirësuar procedurat e përshpejtuara të azilit dhe ka caktuar një listë të vendeve të sigurta, në përputhje me rregullat e BE-së.

    “Për të përmirësuar zbatimin e procedurave të azilit dhe kthimit, Bullgaria po shqyrton mundësinë e nxjerrjes së një vendimi negativ për mbrojtjen ndërkombëtare së bashku me një vendim kthimi. Autoritetet po punojnë për digjitalizimin e sistemeve të azilit dhe kthimit, me mbështetjen e agjencive të BE-së dhe shërbimeve të Komisionit. Bullgaria ka forcuar gjithashtu bashkëpunimin me Europolin për të luftuar rrjetet e kontrabandës dhe për të kufizuar lëvizjet dytësore brenda BE-së. Bullgaria tashmë ka krijuar një mekanizëm kombëtar për shkëmbimin e informacionit dhe do të krijojë së shpejti një Task Force Operacionale për të luftuar kontrabandën e emigrantëve,” thuhet në përditësimin operacional./BTA