ATV

Author: ATVLive

  • Qytetarët ‘zihen ngushtë’ kur pyeten se çfarë kuptimi ka fjala ‘kili-mili’, shikoni reagimin e tyre

    Qytetarët ‘zihen ngushtë’ kur pyeten se çfarë kuptimi ka fjala ‘kili-mili’, shikoni reagimin e tyre

    Emisioni veror “n’mal A n’det” ka filluar transmetimin në ATV. Ky emision, i cili vjen në një format më ndryshe, drejtohet nga yjet e ATV-së, Roberti, Emira dhe Jeta dhe jepet çdo ditë nga e hëna deri të premten prej orës 21:10.

    Një ndër rubrikat që do ta përcjellin këtë emision është edhe rubrika “Shqipnisht”, përmes së cilës do të keni mundësinë të mësoni fjalë dhe shprehje të ndryshme që përdoren në regjione të ndryshme në Kosovë.

    Pyetja për qytetarët gjatë ditës së djeshme ishte se si e kuptojnë qytetarët shprehjen “kili-mili”, e cila ka një përdorim të gjerë në pothuajse tërë territorin e Kosovës.

    Të gjithë qytetarët e intervistuar thanë se e kanë dëgjuar këtë shprehje, mirëpo kuptimi i saj nuk ishte i njëjtë për të gjithë. /atvlive.tv

    Në videon më poshtë mund t’i shikoni përgjigjet e qytetarëve se si e kuptojnë shprehjen “kili-mili”.

  • Mërgimtari ‘shokohet’ me çmimet në Kosovë, thotë se një RedBull në Gjermani kushton 1,19euro e n’Kosovë 2.50euro

    Mërgimtari ‘shokohet’ me çmimet në Kosovë, thotë se një RedBull në Gjermani kushton 1,19euro e n’Kosovë 2.50euro

    Mërgimtarë të shumtë kanë zgjedhur rrugën ajrore për të ardhur në Kosovë që t’i kaloj ë pushimet.

    Në aeroportin “Adem Jashari” kanë ateruar mërgimtarë të shumë, të cilët vijnë në vendlindje me zemrën plotë për t’i kaluar pushimet e tyre.

    Ekipi i ATV-së ishte në aeroport për të parë atmosferën e krijuar në aeroport me rastin e ardhjes së shumë mërgimtarëve.

    Një mërgimar u shpreh mjaft i mllefosur me çmimet e shtrenjta në Kosovë.

    Ai në një bisedë për ATV-në, tha se çmimet në Kosovë janë më të larta se në Gjermani.

    “Kur t’i krahasoj çmimet e këtuhit me të atjehit, tash e pash një RedBull 2.50 euro. Atje kushton 1.19 euro. Çmimet këtu janë katastrofë”, thotë ky mërgimtar. /atvlive.tv

    Emisionin e plotë “n’mal A n’det” e gjeni në videon më poshtë:

  • Bayraktarët nuk do të mund të përdoren pa autorizimin e KFOR-it

    Bayraktarët nuk do të mund të përdoren pa autorizimin e KFOR-it

    Misioni paqeruajtës i NATO-s në Kosovë, KFOR, thotë se pret nga institucionet e Kosovës që të koordinohen në lidhje me përdorimin e të gjitha kategorive të dronëve, përfshirë edhe ata Bayraktar TB-2.

    Në një deklaratë me shkrim dërguar Radios Evropa e Lirë, KFOR-i kujton se komandanti i këtij misioni e ka autoritetin parësor mbi hapësirën ajrore të Kosovës, që nga përfundimi i luftës më 1999.

    Një ditë më herët, kryeministri i Kosovës, Albin Kurti, njoftoi se vendi ka blerë dronë Bayraktar TB-2 nga Turqia.

    Me blerjen e tyre, Kosova “është edhe më e sigurt”, tha ai dhe shtoi se oficerët e Forcës së Sigurisë së Kosovës janë trajnuar tashmë për përdorimin e dronëve.

    Se sa dronë janë blerë, nuk është e qartë.

    Por, kujton KFOR-i, hapësira e poshtme ajrore e Kosovës “mund të përdoret për nevoja specifike” dhe me “autorizim të mëparshëm nga komandanti i KFOR-it”.

    Hapësira e poshtme ajrore nënkupton lartësinë deri në 6.250 metra.

    Dronët Bayraktar TB-2 fluturojnë kryesisht në lartësi deri në 5.000 metra.

    Forca e Sigurisë e Kosovës është në proces të shndërrimit në ushtri.

    Është e paraparë që deri në vitin 2028, ajo t’i arrijë të gjitha kapacitetet operacionale për, siç thuhet, “ruajtjen e sovranitetit dhe integritetit territorial të Kosovës, si dhe të qytetarëve, pronave dhe interesave të vendit”.

    Megjithatë, ajo nuk do t’i zëvendësojë forcat e KFOR-it që vazhdojnë të kenë rreth 4.000 trupa në Kosovë.

    Blerja e dronëve Bayraktar “në funksion të mbrojtjes”

    Zëvendëskryetari i Komisionit parlamentar për çështjet e sigurisë dhe mbrojtjes në Kosovë, Enver Dugolli, thotë për Radion Evropa e Lirë se kur bëhet fjalë për çështje që bien edhe në domenin e misionit të KFOR-it, “ka bashkëpunim dhe koordinim”.

    Bazuar në obligimet ligjore që ka Forca e Sigurisë e Kosovës, thotë ai, blerja e pajisjeve ushtarake është e domosdoshme.

    “…pra, kjo çështje ka të bëjë me përgatitjen e Forcës së Sigurisë për të mbrojtur vendin, për të mbrojtur sovranitetin dhe integritetin territorial të Kosovës”, thotë Dugolli, i cili vjen nga radhët e partisë në pushtet – Lëvizjes Vetëvendosje.

    Ish-ministri i Mbrojtjes i Kosovës, Anton Quni, anëtar i Komisionit për çështje të sigurisë dhe mbrojtjes, thotë se dronët luftarakë shihen kryesisht si armë sulmi, por kjo, sipas tij, nuk nënkupton se Kosova po përgatitet për aktivitete sulmuese.

    “Krijohet përshtypja se dronët janë sisteme apo armë sulmuese. Ne gjithnjë kemi folur për operacione defensive, do të thotë kur rrezikohet territori i Republikës së Kosovës. Përderisa ne jemi në këto pozicione mbrojtëse, nuk flasim për armë sulmuese”, thotë Quni nga radhët e Lidhjes Demokratike të Kosovës – parti në opozitë.

    Duke folur për Radion Evropa e Lirë, ai shton se Qeverinë e Kosovës e presin sfida për të siguruar kompetenca ligjore për Forcën e Sigurisë, në lidhje me aktivitetet e saj në hapësirën ajrore të vendit.

    “Kjo është çështje, e cila duhet të jetë në fokusin e Qeverisë në të ardhmen. Do të thotë, të sigurojë infrastrukturën ligjore, pasi që disa kompetenca mbi kontrollin ajror janë çështje ekskluzive e NATO-s dhe KFOR-it në Kosovë. Nuk është diçka që nuk mund të tejkalohet nëse ekziston një bashkëveprim dhe një koordinim i mirë me autoritetet e NATO-s dhe me partnerët tanë”, thotë Quni.

    Vrajolli: Pajisja me armë për çfarëdo rrethane hipotetike

    Autoritetet e Kosovës nuk kanë bërë të ditur çmimin e dronëve të blerë, por në treg ata njihen si të lirë dhe efektivë.

    Mentor Vrajolli, drejtor ekzekutiv i Qendrës Kosovare për Studime të Sigurisë, vlerëson se nëse shikohen kostot e pajisjeve luftarake, të cilat sigurohen nga ushtritë e botës, fillimisht duken të pajustifikueshme, në rast se ato nuk përdoren. Nga ky këndvështrim mund të shihen edhe dronët Bayraktar të blerë nga Kosova, thotë ai.

    Por, shton Vrajolli, pajisjet luftarake jo gjithmonë blihen për t’u përdorur me çdo kusht.

    “Sektori i mbrojtjes bëhet për t’u siguruar se në çfarëdo rrethane hipotetike që mund të shfaqet, përgatitjet e mbrojtjes të jenë në nivel të duhur. Në këtë këndvështrim, ky përforcim që është bërë nga ushtria e Kosovës, nuk paraqet ndonjë problem të madh. Mbase jo domosdo ne presim që dikush do të na sulmojë. Por, nëse na sulmon, atëherë ne duhet të jemi të përgatitur”, thotë Vrajolli për Radion Evropa e Lirë.

    Çfarë është droni Bayraktar TB-2?

    Droni Bayraktar TB-2 është fluturake pa pilot, që kontrollohet nga distanca.

    Ky dron është zhvilluar në Turqi nga Selcuk Bayraktar, i diplomuar në Institutin e Teknologjisë në Masaçusets.

    Bayraktar TB-2 mund të qëndrojë në qiell deri në 27 orë dhe fluturimi mundësohet nga një motor i thjeshtë me helikë. Ky dron mund të fluturojë deri në 150 kilometra nga baza e tij.

    Ai është vlerësuar si mjaft i rëndësishëm në konfliktet në botë, përfshirë edhe atë në Ukrainë.

    Bayraktar TB-2 aktualisht përdoret nga së paku 11 ushtri të botës.

    Autoritetet e Kosovës nuk kanë bërë të ditur se kur kanë arritur dronët në Kosovë, por jozyrtarisht është thënë se kjo ka ndodhur në muajin maj, pak para stërvitjeve ushtarake “Defender Europe 2023”.

    Kosova është përjashtuar nga këto stërvitje, të udhëhequra nga SHBA-ja, për shkak të situatës së tensionuar në veriun e saj të banuar me shumicë serbe. Tash e gati dy muaj, qytetarët serbë atje janë duke kundërshtuar vendosjen në zyrat komunale të kryetarëve shqiptarë. /REL

  • ​Escobar sot raporton para Kongresit amerikan për situatën në Kosovë

    ​Escobar sot raporton para Kongresit amerikan për situatën në Kosovë

    Emisari i SHBA-së për Ballkanin Perëndimor, Gabriel Escobar, sot (e martë) do të paraqes para Kongresit amerikan një raport për zhvillimet e deritanishme lidhur me çështjen e dialogut Kosovë-Serbi.

    Sipas dokumentit, raportimi para Komisionit të Dhomës së Përfaqësuesve për Marrëdhëniet me Jashtë, do të ndërlidhet kryesisht me nevojën e zbatimit të Marrëveshjes për Rrugën drejt Normalizimit, e cila përfshin edhe obligimin për themelimin e Asociacionit të komunave me shumicë serbe.

    Sipas Escobar, AKS do të fuqizonte komunat me interesa të përbashkëta, gjuhë dhe kulturë për të koordinuar sfidat e përbashkëta në ofrimin e disa shërbimeve publike, duke përfshirë arsimin, kujdesin shëndetësor dhe zhvillimin ekonomik lokal. Për më tepër, Kosova dhe Serbia ranë dakord të njohin reciprokisht dokumentet dhe simbolet kombëtare.

    “Politika jonë në Ballkanin Perëndimor bazohet në një parim të thjeshtë: integrimin e vazhdueshëm të rajonit në strukturat euroatlantike. Ky integrim forcon Evropën si një partner gjeostrategjik; forcon qeverisjen demokratike dhe shtetin e së drejtës; dhe i bën vendet e Ballkanit Perëndimor më të sigurt dhe më të begatë – dhe në këtë mënyrë rajonin partnerë më të mirë të sigurisë dhe tregtisë për Shtetet e Bashkuara.

    Ne e kuptojmë se pengesat ndaj këtij procesi janë të vështira – duke përfshirë përparimin e ngecur në demokratizimin, korrupsionin, varësinë nga energjia ruse, politikat etnonacionaliste, ndikimin e dëmshëm të huaj dhe dezinformimin. Megjithatë, ato nuk janë të pakapërcyeshme; Ballkani Perëndimor duhet të ndërmarrë hapat e nevojshëm për t’u kualifikuar për anëtarësim. Angazhimi ynë po i ndihmon ata të luftojnë korrupsionin gërryes dhe dezinformimin që ushqen ndjeshmërinë ndaj ndikimit keqdashës – nga shtetet autoritare si Rusia dhe PRC, por edhe aktorë të këqij nga brenda. Angazhimi ynë është i fokusuar në zgjidhjen e tensioneve të vazhdueshme që kërcënojnë këtë rrugë dhe një stabilitet më të madh rajonal.

    Më lejoni të filloj me marrëdhëniet e tensionuara mes Kosovës dhe Serbisë. Në muajin shkurt dhe mars, BE-ja me mbështetjen e fortë të SHBA-së arriti një Marrëveshje përparimtare për Rrugën drejt Normalizimit të Marrëdhënieve dhe një aneks zbatimi që ofron një kornizë përmes së cilës të dy vendet përmbushin detyrimet e tyre të pavarura. Një element kyç është përmbushja e obligimit të Kosovës që nga viti 2013 për të themeluar Asociacionin e Komunave me shumicë serbe. AKS do të fuqizojë komunat me interesa të përbashkëta, gjuhë dhe kulturë për të koordinuar sfidat e përbashkëta në ofrimin e disa shërbimeve publike, duke përfshirë arsimin, kujdesin shëndetësor dhe zhvillimin ekonomik lokal. Për më tepër, Kosova dhe Serbia ranë dakord të njohin dokumentet dhe simbolet kombëtare të njëra-tjetrës. Dhe, më e rëndësishmja, në këtë marrëveshje, Serbia nuk do të lobojë më kundër anëtarësimit të Kosovës në organizatat ndërkombëtare.

    Që kur palët arritën këto marrëveshje, ka pasur provokime serioze, tensione të përshkallëzuara dhe dhunë të papranueshme nga protestuesit serbë kundër KFOR-it, policisë dhe gazetarëve në veri të Kosovës. Si përgjigje, NATO vendosi elementë të forcave rezervë për të përforcuar misionin; ajo mban një qëndrim të zgjeruar në veri të Kosovës për të siguruar një mjedis të qetë dhe të sigurt në përputhje me mandatin e saj të OKB-së. Me BE-në, ne kemi bërë thirrje për de-përshkallëzim të menjëhershëm, për të përfshirë mbajtjen e zgjedhjeve të reja komunale dhe për kryetar komunash në katër komuna në veri të Kosovës me pjesëmarrjen e serbëve etnikë dhe një rifokus në zbatimin e marrëveshjes së arritur në kuadër të Dialogut të lehtësuar nga BE-ja. Së bashku me partnerët tanë evropianë, ne mbetemi të angazhuar me Kosovën dhe Serbinë, duke u bërë thirrje të dyja palëve të përmbushin të gjitha detyrimet e tyre, të cilat janë thelbësore për përparimin e vazhdueshëm në të dyja rrugët e tyre evropiane”, thuhet në dokument.

  • ‘Në pastë met pushteti n’ty, ia paskëm kajt nanën’ – Historia e djalit që donte me dalë me jetu në Prishtinë

    ‘Në pastë met pushteti n’ty, ia paskëm kajt nanën’ – Historia e djalit që donte me dalë me jetu në Prishtinë

    Emisioni veror “n’mal A n’det” ka filluar transmetimin në ATV. Ky emision, i cili vjen në një format më ndryshe, drejtohet nga yjet e ATV-së, Roberti, Emira dhe Jeta dhe jepet çdo ditë nga e hëna deri të premten prej orës 21:10.

    Në këtë emision, pos rubrikave të shumta argëtuese, çdo ditë do të ketë edhe tregime popullore. Mbrëmë, në ciklin e tregimeve popullore, u rrëfye një histori e një burri, që punonte mësues në një shkollë në fshat. I pakënaqur me kushtet e jetës, ai dëshironte të largohej nga fshati për të jetuar në Prishtinë. Historinë e këtij tregimi e rrëfen aktori i njohur Bislim Muçaj.

    Tregimin e plotë mund ta shikoni në videon më poshtë.

    Emisionin e plotë “n’mal A n’det” e gjeni në videon më poshtë:

  • Çfarë pritet të ndodh sot në Kosovë?

    Çfarë pritet të ndodh sot në Kosovë?

    Ngjarjet e planifikuara për sot:

    – Komisioni për Shëndetësi dhe Mirëqenie Sociale takohet me Bordin dhe Drejtorin e Shërbimit Spitalor Klinik Universitar të Kosovës ku do të diskutojnë lidhur me punën, sfidat dhe planet e Bordit dhe Drejtorit të SHSKUK. (Ndërtesa e Kuvendit, salla N506, ora 10:00)

    – Qendra Lëvizjes Vetëvendosje! në Prishtinë mban konferencë për media. (Zyret e Qendres së Prishtinës, në rrugën “Rexhep Luci”, hyrja afër bankës NLB, kati i 3-të, ora 11:00)

    – Komisioni për Ekonomi, Industri, Ndërmarrësi dhe Tregti e Shqyrton Raportin vjetor të Ndërmarrjes Publike të Operatorit të Sistemit, Transmisionit dhe Tregut. (Ndërtesa e Kuvendit, salla N10, ora 11:00)

    – Komisioni për Mbikëqyrjen e Financave Publike shqyrton Raportin e auditimit për pasqyrat vjetore financiare të Fondit për Sigurime Shëndetësore, për vitin 2022. (Ndërtesa e Kuvendit, salla N302, ora 11:30)

    – Komisioni për Mjedis, Ushqim, Bujqësi, Planifikim dhe Zhvillim i shqyrton projektligjin për vlerësimin strategjik mjedisor, Projektligjin për performancën energjetike të ndërtesave, etj. (Ndërtesa e Kuvendit, salla N10, ora 13:00).

  • Grenell: Dëshmia e Escobarit nuk ka fakte nga terreni, na duhet llogaridhënie

    Grenell: Dëshmia e Escobarit nuk ka fakte nga terreni, na duhet llogaridhënie

    Ish-emisari i SHBA-së për dialogun Kosovë-Serbi, Richard Grenell, ka vlerësuar se dëshmia e diplomatit amerikan, Gabriel Escobar, i cili iu dorëzua Kongresit Amerikan lidhur me zhvillimet në rajonin për të cilin është ngarkuar me detyrë, nuk kishte fakte nga ngjarjet aktuale në terren.

    Escobar, do të japë dëshmi të martën para Komisionit të Dhomës së Përfaqësuesve për Marrëdhëniet me Jashtë, transmeton Paparaci.

    Fokus kryesor do të jenë marrëdhëniet e tensionuara mes Kosovës dhe Serbisë dhe nevoja e zbatimit të Marrëveshjes për Rrugën drejt Normalizimit, e cila përfshin edhe obligimin për themelimin e Asociacionit të Komunave me shumicë serbe.

    Megjithëkëtë, duke përmendur dy kongresmenët Michael McCaul dhe Thomas Kean, Grenell tha se të njëjtit “u manovruan” nga Departamenti amerikan i Shtetit.

    “Kjo dëshmi për Kosovën/Serbinë nuk ka fakte nga ngjarjet aktuale në terren dhe nuk ofron zgjidhje reale. Ne kemi nevojë për llogaridhënie dhe nuk është kjo”, ka shkruar Grenell në Twitter.

  • Escobar para Kongresit del me thirrje për Kosovën dhe Serbinë: Le t’i përmbushin të gjitha detyrimet e tyre

    Escobar para Kongresit del me thirrje për Kosovën dhe Serbinë: Le t’i përmbushin të gjitha detyrimet e tyre

    I dërguari i posaçëm i ShBA-së për Ballkanin Perëndimor, Gabriel Escobar, në dëshminë e tij drejtuar Komisionit për Punë të Jashtme të Dhomës së Përfaqësuesve, për angazhimin e SHBA-së në Ballkan, kujtoi tensionet në veri të Kosovës, raporton Paparaci.

    Ai u bëri thirrje të dyja palëve të përmbushin të gjitha detyrimet, të cilat, thotë ai, janë të nevojshme për përparim të vazhdueshëm në rrugëtimin e tyre evropian.

    Escobar do të raportojë nesër para Kongresit Amerikan, pikërisht për shkak të zhvillimeve në Ballkanin e Perëndimor.

    Fillimisht, ai gjatë dëshmisë përmend arritjen e marrëveshjes ndërmjet Kosovës dhe Serbisë, gjatë shkurtit dhe marsit të këtij viti, për normalizimin e marrëdhënieve mes të dyja shteteve.

    “Më lejoni të filloj me marrëdhëniet e tensionuara mes Kosovës dhe Serbisë. Në Shkurt dhe mars, BE – me mbështetjen e fortë të SHBA – arriti një përparim Marrëveshja për rrugën drejt normalizimit të marrëdhënieve dhe një zbatim aneks që sigurojnë një kornizë përmes së cilës të dyja vendet i përmbushin ato detyrimet e pavarura”, tha ai.

    Sipas tij, një element kyç është përmbushja e obligimeve të Kosovës, siç është ajo e vitit 2013 për themelimin e Asociacionin e Komunave me Shumicë serbe.

    Diplomati amerikan theksoi se Asociacioni “do fuqizojë komunat me interesa, gjuhë dhe kulturë të përbashkët për të koordinuar mbi sfidat e përbashkëta në ofrimin e disa shërbimeve publike, duke përfshirë arsimin, kujdesin shëndetësor dhe zhvillimin ekonomik lokal”.

    Për më tepër, Kosova dhe Serbia siç tha ai, ranë dakord të njihnin dokumentet dhe simbolet kombëtare të njëri-tjetrit. “Dhe – me rëndësi – sipas kësaj marrëveshjeje, Serbia nuk do të lobojë më kundër Kosovës anëtarësimi në organizata ndërkombëtare”.

    Mirëpo, ai shtoi se që kur palët kanë arritur këto marrëveshje, ka pasur serioze provokime, tensione në rritje dhe dhunë e papranueshme nga protestuesit serbë kundër KFOR-it, policisë dhe gazetarëve në veri të Kosovës.

    “Si përgjigje, NATO dislokoi elementë të forcës rezervë për të përforcuar misionin; ajo mban një qëndrim të përmirësuar në veri të Kosovës për të siguruar një mjedis të sigurt në në përputhje me mandatin e saj në OKB. Me BE-në, ne kemi bërë thirrje për deeskalim të menjëhershëm, për të përfshirë mbajtjen e zgjedhjeve të reja komunale dhe kryebashkiake në katër komunat në veri të Kosovës me pjesëmarrjen e serbëve etnikë, dhe rifokusimi i zbatimit të marrëveshjes së arritur në kuadër të Dialogut të lehtësuar nga BE-ja”, ka thënë ai.

    Mes tjerash, ai u bën thirrje Kosovës dhe Serbisë që t’i përmbushin obligimet e tyre, transmeton Paparaci.

    “Së bashku me partnerët tanë evropianë, ne mbetemi të angazhuar me Kosovën dhe Serbinë, duke u bërë thirrje të dyja palëve të përmbushin të gjitha detyrimet e tyre, të cilat janë thelbësore për të progres të vazhdueshëm në të dyja rrugët e tyre evropiane”.

    Nga ana tjetër, ai u shpreh se qytetarët e Ballkanit Perëndimor duan një të ardhme më të mirë për fëmijët e tyre – me demokraci dhe qeveri më të forta, më transparente të përgjegjshme, ku përfitojnë të gjithë.

    “Angazhimi ynë po ndihmon për të realizuar kjo ëndërr dhe angazhimi i vazhdueshëm bipartizan i Kongresit mbetet kyç për të suksesin e saj”, përfundoi ai./Paparaci.com

  • Ministri serb thotë se komandanti i ri i KFOR-it “do të jetë një gjeneral turk”

    Ministri serb thotë se komandanti i ri i KFOR-it “do të jetë një gjeneral turk”

    Ministri i Mbrojtjes në Serbi, Millosh Vuçeviq, ka pretenduar se komandanti i ri i KFOR-it do të jetë një gjeneral turk.

    Sipas tij, kontingjenti më i madh i KFOR-t do të jetë nga Turqia.

    Aktualisht, komandant i KFOR-it është gjeneralmajor Angelo Ristuccia. Ai ishte zgjedhur për këtë pozitë në ceremoninë e ndërrimit të Komandës se KFOR-it, gjatë tetorit të 2022-s.

    “Kontingjenti më i madh i NATO-s në Kosovë, si pjesë e KFOR-it, do të jetë nga Turqia. Për herë të parë komandanti i KFOR-it vjen nga Turqia”, tha Vuçeviq.

    “Turqia është një vend i madh, një fuqi dhe ka një ndikim të rëndësishëm politik dhe ekonomik në zonën e Ballkanit Perëndimor dhe ne duhet të kujdesemi që të kemi marrëdhëniet më të mira të mundshme me Turqinë, por ne e shikojmë këtë çështje. të Kosovës në mënyra krejtësisht të ndryshme, është interesante se kazermat e tyre ushtarake në Prizren quhen me emrin e Sulltan Muratit, që është një shoqatë e fortë për të gjithë ne në këtë rajon”, shtoi ai.

    Pikërisht për shkak të zhvillimeve të fundit në Kosovë, ministria e Mbrojtjes e Serbisë i ka dërguar notë proteste ambasadorit të Turqisë.

    Kryeministri i Kosovës, Albin Kurti, njoftoi të dielën se Kosova ka blerë dronë Bayraktar TB-2 nga Turqia. Ende nuk dihet se sa dronë janë blerë dhe cila është shuma e tyre.

    Megjithatë, Kurti u shpreh se me blerjen e tyre, Kosova “është edhe më e sigurt”.

    Nga ana tjetër, KFOR-i deklaroi hapësira e poshtme ajrore e Kosovës “mund të përdoret për nevoja specifike” dhe me “autorizim të mëparshëm nga komandanti i KFOR-it”.

    Hapësira e poshtme ajrore nënkupton lartësinë deri në 6.250 metra. Ndërkohë, dronët Bayraktar TB-2 fluturojnë kryesisht në lartësi deri në 5.000 metra.

  • Bislimi dhe Petkoviq takohen të mërkurën, nën ndërmjetësimin e Lajçakut

    Bislimi dhe Petkoviq takohen të mërkurën, nën ndërmjetësimin e Lajçakut

    Të mërkurën do të mbahet në Bruksel një takim mes zëvendëskryeministrit të Kosovës, Besnik Bislimi dhe kryenegociatorit të Serbisë, Petar Petkoviq.

    Burime të RTK-së kanë konfirmuar se emisari për dialogun, Miroslav Lajçak tashmë ka arritur të aranzhojë një takim të tillë.

    Ky takim pritet me interes pasi është i pari pas fillimit të shtensionimit të situatës në veri të Kosovës.