Author: ATVLive

Policia në rajonin e Prishtinës ka njoftuar se vetëm në muajin korrikka shqiptuar 14,009 masa administrative për kundërvajtje të ndryshme në trafikun rrugor. Që në ditë i bie rreth 452 masa.

Për tejkalim i shpejtësisë janë shqiptuar 4082 gjoba, për parking të parregullt 3019 gjoba, për përdorim të telefonit gjatë ngasjes 1172 gjoba, për mospërdorim i rripit të sigurisë 907 gjoba, për drejtim të mjetit pa patentë shofer 321 gjoba, për xhamat të errët dhe vendosja e foljes ose materialit tjetër 285 gjoba, për skadim të afatit të regjistrimit të automjetit 280 gjoba, për tejkalim në vijë të plotë 48 gjoba, për drejtimi të motoçikletës pa patentë shofer 25 gjoba, motoçikleta të larguara nga komunikacioni 18, për drejtim të motoçikletës pa regjistrim 14 gjoba, për drejtim të automjetit nën ndikimin e alkoolit 5 gjoba ndërsa të tjera 3851.

Për kundërvajtjet më të rënda janë shqiptuar edhe: 24 masa administrative, shqiptimi i masës mbrojtëse ndalim i të drejtuarit të mjetit me veprim motorik – marrja e përkohshme e patentë shoferit. 112 masa administrative, vazhdim i masës mbrojtëse. Dhe 72 masa administrative, shqiptimi i masave mbrojtëse ndalim i të drejtuarit të mjetit me veprim motorik, marrja e përkohshme e patentë shoferit të huaj.

“Me gjithë faktin se policia në vazhdimësi është angazhuar në kontrollin për zbatimin e rregullave të trafikut nga të gjithë shfrytëzuesit e rrugës duke synuar uljen e numrit të kundërvajtjeve në trafik dhe ngjarjeve aksidentale, është parë e nevojshme që krahas kontrolleve të strukturave të policisë të punohet edhe në drejtim të ndërgjegjësimit të qytetarëve për respektimin e rregullave të qarkullimit rrugor”, njoftoi policia.

Policia e rajonit të Prishtinës thotë se do të vazhdojë me aktivitete të shtuara, me synim parandalimin e aksidenteve në komunikacionin rrugor, ndërkaq ftojmë të gjithë pjesëmarrësit në trafikun rrugor që të respektojnë sinjalistikën rrugore dhe të shtojnë kujdesin.

Ardita Sinani, këshilltarja politike e kryeministrit të Kosovës, Albin Kurti, ka thënë se është ndaluar nga policia serbe për mbi një orë në vendkalimin kufitar Muçibabë.

Sinani ka thënë se nuk ka marrë asnjë sqarim për arsyen e ndalimit ndërsa ka theksuar se ky rast do të jetë shtyje më e madhe për të folur me zë të lartë për diskriminim shtetëror serb ndaj shqiptarëve.

Derisa ka njoftuar për rastin, Sinani ka shkruar se “kjo mbase mund të jetë kostoja e të qenurit Këshilltare Politike e Kryeministrit të Republikës së Kosovës, por sigurisht nuk do të jetë mjeti me të cilin do të heshtet zëri për të drejtat e shqiptarëve të Luginës së Preshevës”.

Ky është shkrimi i saj në Facebook:

Sot, rreth orës 10:00 në vendkalimin kufitar me Republikën e Kosovës, në Muçibabë, jam ndaluar nga policia kufitare serbe për mbi një orë.

Arsyetimi i vetëm që mu dha nga policët kufitarë të Serbisë “Kemi urdhër për ndalimin tuaj dhe nuk mund të të lejojmë ta kalosh kufirin pa marrë pëlqim nga baza”.

Asnjë sqarim shtesë për arsyen, apo se kush është baza që duhet pyetur dhe marrë leje për të kaluar kufirin.

Kjo mbase mund të jetë kostoja e të qenurit Këshilltare Politike e Kryeministrit të Republikës së Kosovës, por sigurisht nuk do të jet mjeti me të cilin do të heshtet zëri për të drejtat e shqiptarëve të Luginës së Preshevës.

Ky rast, sigurisht do të jetë vetëm shtytje edhe më e madhe për të folur me zë edhe më të lartë për diskriminimin shtetërorë serb ndaj shqiptarëve.

E ndalimi nga policia në kufi, është vetëm njëra ndër to, e që është edhe metodë e vjetër politike e shtypjes e etërve politik të udhëheqësve aktual të Serbisë.

Gazeta prestigjioze gjermane “Der Spiegel” i ka kushtuar një artikull tejet të gjatë e të detajuar Presidentit të Serbisë, Aleksandar Vuçiq, të cilin e quan “zjarrëvënësin” e mundshëm të rajonit të Ballkanit Perëndimor, duke analizuar mënyrën se si ai e luan politikën në mes të Perëndimit dhe Lindjes, Brukselit e Uashingtonit në njërën anë, dhe Moskës dhe Pekinit në anën tjetër.

“Der Spiegel” i kushton rëndësi të veçantë edhe veprimeve që Beogradi zyrtar ndërmerrë në raport me Kosovën, teksa zgjerohet edhe në ngjarjen e rëndë të 29 majit ku protestues të dhunshëm “besnikë ndaj Vuçiqit” sulmojnë Misioni Paqeruajtës të NATO’s, ku mëse 90 prej tyre u lënduan. Më tej, vazhdon gazeta gjermane, Vuçiq e “përdor kartën e Kosovës”, për të qëndruar dhe rritur pushtetin e tij – si brenda vendit të vet, ashtu edhe jashtë.

“Kosova është nyja gordiane në pëlhurën evropiane dhe karta më e madhe e Aleksnadar Vuçiqit në lojën e pokerit për pushtet dhe pozitë në Ballkan. Legjione diplomatësh të lartë në emër të Brukselit dhe Uashingtonit kanë dështuar në zgjidhjen e problemit. Vuçiqit as që i shkon ndërmend të shes letrën e tij të pazarit nën vlerë”, shkruan gazeta gjermane.

“Në përgjithësi gjërat kanë dalur jashtë kontrollit në rajon. Në fund të majit ushtarë të forcës mbrojtëse të KFOR’it u përshkuan nga minoretit serb i Kosovës që i qëndron besnik Vuçiqit”.

Për Presidentin e Serbisë, autori i gazetës gjermane tregon se si ai e “e advokon veten si mbrojtës të të gjithë serbëve, përfshirë ato në Bosnje-Hercegovinë, Mal të Zi dhe Kosovë”.

“Kisha e fuqishme Ortodokse Serbe ka rol qëndror në kalkulimet e tij. Ajo i mban të lidhur mes vete 15 milionë serbë ortodoksë anembanë botës me kthetër të hekurtë”, thuhet më tej.

Policia e rajonit të Prishtinës njofton se vetëm për muajin korrik ka shqiptuar 14,009 masa administrative për kundërvajtje të ndryshme në trafikun rrugor.

Me theks të veçantë:

– Tejkalim i shpejtësisë, 4082 gjoba.

– Parking i parregullt, 3019 gjoba.

– Përdorimi i telefonit gjatë ngasjes, 1172 gjoba.

– Mos përdorimi i rripit të sigurisë, 907 gjoba.

– Drejtimi i mjetit pa patentë shofer , 321 gjoba.

– Xhamat e errët , vendosja e foljes ose materialit tjetër, 285 gjoba.

– Skadimi i afatit të regjistrimit të automjetit, 280 gjoba.

– Tejkalim në vijë të plotë, 48 gjoba.

– Drejtimi i motoçikletës -pa patentë shofer, 25 gjoba.

– Motoçikleta të larguara nga komunikacioni 18.

– Drejtimi i motoçikletës -pa regjistrim, 14 gjoba.

– Drejtimi i automjetit nën ndikimin e alkoolit, 5 gjoba.

– Të tjera , 3851.

Për kundërvajtjet më të rënda janë shqiptuar edhe;

– 124 masa administrative, shqiptimi i masës mbrojtëse ndalim i të drejtuarit të mjetit

me veprim motorik– marrja e përkohshme e patentë shoferit.

– 112 masa administrative, vazhdim i masës mbrojtëse.

– 72 masa administrative, shqiptimi i masave mbrojtëse ndalim i të drejtuarit të mjetit me veprim motorik, marrja e përkohshme e patentë shoferit të huaj.

“Policia e rajonit të Prishtinës do të vazhdojë me aktivitete të shtuara, me synim parandalimin e aksidenteve në komunikacionin rrugor, ndërkaq ftojmë të gjithë pjesëmarrësit në trafikun rrugor që të respektojnë sinjalistikën rrugore dhe të shtojnë kujdesin”, thuhet në njoftimin e policisë.

Lokali i njohur e shumë i frekuentuar në kryeqytet “Bon Vivant”, të hënën nuk është hapur për klientët, raporton Ekonomia Online. Pas përleshjes së të premtes ku mbeti i vrarë një person lokali, nuk ka pranuar mysafirë, që janë të shumtë.

Përderisa është raportuar se mbrëmë ka pasur të shtëna me armë zjarri në afërsi të Klinikës ku po trajtohet Andi Pajaziti “italiani”, i dyshuari për përfshirjen në incidentin në lokalin “Bon Vivant”, të premten mbrëma, ku u vra një person dhe u plagosën 17 të tjerë.

Drejtori i Klinikës së Ortopedisë, Gani Jashanica i tha Ekonomia Online, se ka marrë informacione jo zyrtare se ka pasur të shtëna e shtim të forcave policore, por që në Klinikë nuk ka ndodhur asgjë.

Të dielën, Gjykata Themelore e Prishtinës, ua ka caktuar nga një muaj paraburgim tre të dyshuarve që ishin të përfshirë në incident.

Njëri nga të dyshuarit Dukagjin Nikolla, i cili është në kërkim edhe nga FBI, është ende në arrati. Nga përplasja në “Bon Vivant” një person ka mbetur i vdekur dhe 17 të tjerë janë lënduar.

Një ngjarje e rëndë ka ndodhur në fshatin Dubovik të Deçanit. Një çift bashkëshortor, burrë dhe grua kanë vdekur brenda të njëjtës.

Gruaja me inicialet Gj.B, ka vdekur në Bjeshkët e Deçanit. E pak orë më pas ka vdekur edhe burri, S.B.

Kjo u konfirmua nga një banor i fshatit Dubovik.

“Ata kanë qenë në Bjeshkë. Vdekjet kanë qenë natyrale. Gruaja ka pësuar infarkt. Burri është munduar t’i dal në ndihmë gruas, duke shkuar tek disa fqinj ka pësuar sulm”, tha ai për Klankosova.tv

“Burri ka qenë edhe i sëmurë. Para një kohe ka pasur sulm në tru”, theksoi ai.

Varrimi i tyre bëhet sot në ora 17:00.

Të dielën ish-presidenti amerikan, Donald Trump vuri në shënjestër gjykatësen federale të caktuar në çështjen ku ai akuzohet për përpjekje për të ndryshuar rezultatin e zgjedhjeve presidenciale të vitit 2020. Avokati i zotit Trump ka argumentuar se veprimet që ndërmori klienti i tij pas humbjes ishin thjesht “kërkesa”.

Përmes një postimi në median sociale, zoti Trump shkruante me shkronja të mëdha se, “NUK MUND TË KEM NJË GJYKIM TË DREJTË NGA GJYKATËSJA E CAKTUAR”, duke shtuar se ai kishte në plan të kërkonte që gjykatësja Tanya Chutkan ta përjashtonte veten nga gjykimi i çështjes dhe që gjyqi të mos zhvillohej në Uashington.

Deri në momentin e publikimit të këtij lajmi nuk është paraqitur asnjë kërkesë zyrtare në gjykatë. Gjykata nuk iu përgjigj menjëherë kërkesave për koment.

Policia e Kosovës ka njoftuar për katër raste me të shtëna me armë në ahengje familjare, vetëm brenda ditës së djeshme. Tre persona janë shoqëruar në polici dhe të njëjti janë liruar pastaj me vendim të prokurorit.

Sipas raportit 24 orësh të Policisë së Kosovës, të dielën në fshatin Obiliq është arrestuar një person i dyshuar dhe të njëjtit i janë konfiskuar një armë zjarri, një pistoletë me gaz dhe 91 copë fishekë.

Personi i cili dyshohet të ketë shtënë gjatë një ahengu familjar është liruar derisa rasti sipas Policisë vazhdon në procedurë të rregullt.

Policia ka njoftuar për një tjetër rast në fshatin Shtedim të Podujevës.

“Në një aheng familjar, nga i dyshuari mashkull kosovar pronari i shtëpisë, është konfiskuar një armë me gas me një karikator pasi që dyshohet se kishte shtënë në ajër. Në vendin e ngjarjes janë gjetur dhe konfiskuar tri gëzhoja .Me urdhër të prokurorit kujdestar, rasti procedohet në procedurë të rregullt”, është bërë e ditur në raportin e Policisë.

Ndërsa në Viti, në rrugën “Rexhep Bislimi”, Policia ka arrestuar një person dhe të njëjtit i është konfiskuar një pistoletë me gaz e cila dyshohet të jetë përdorur në një aheng familjar. Personi i dyshuar është liruar dhe rasti ka vazhduar në procedurë të rregullt.

Për armëmbajtje pa leje, Policia e Kosovës ka shoqëruar në stacion edhe një person në Ferizaj.

Rasti ka ndodhur të dielën në rrugën “Tirana”.

“Është shoqëruar në stacionin policor i dyshuari mashkull kosovar, pasi që në një aheng familjar kishte shtënë me armë zjarri. Nga i dyshuari është konfiskuar një pistoletë. Në vendin e ngjarjes në cilësi të provave materiale janë gjetur dhe konfiskuar 2 gëzhoja. Me vendim të prokurorit i dyshuari është liruar dhe rasti vazhdon në procedurë të rregullt”, ka njoftuar Policia e Kosovës./KP