Mërgimtarët po vazhdojnë të përballen me pritje në kufinj edhe mëngjesin e sotëm.
Gjendja më e rënduar është në Merdare, ku për të dalë nga Kosova përmes kësaj pritje duhet të presin deri në 2 orë e 20 minuta.
Te Dheu i Bardhë, pritjet janë 1 orë e gjysmë, në Muçibabë 30 minuta, e në Jarinjë 10.
Nëpër pikat tjera kufitare, s’ka pritje të gjata.
Zëvendësdrejtori ekzekutiv i Administratës Tatimore të Kosovës (ATK) Ilir Murtezaj, tha për Ekonomia Online se kanë shtuar aktivitetet në monitorimin e kategorive të tatimpaguesve të cilët kanë aktivitet të shtuar gjatë sezonit të verës, siç janë këngëtarët, diskotekat e restorantet.
Qëllimi i këtij inspektimi sipas Murtezajt është që ata deri në fund të afatit të deklarimit t’i përmbushin detyrimet e tyre ndaj shtetit, në të kundërt merren masa të tjera.
“Para së gjithash qasja jonë është sektoriale dhe njëri nga sektorët e identifikuar si sektor më problematik nëse mund t’i themi në përmbushje tatimore është pikërisht sektori i gastronomisë ku dihet që ende vazhdojnë të kenë më së shumti prezencën e kuponëve fiskalë nga ana e kafiterive, restoranteve, e të tilla. Por në të njëjtën kohë kjo pjesa e gastronomisë, dhe e akomodimit nënkupton përfshirjen e grupeve të tjera të tatimpaguesve siç janë këngëtarët, diskotekat e të tjera”.
“Tashmë siç e kemi parë në publikimet tona në ditët e fundit kemi shtuar aktivitet të rritur në këtë grup të tatimpaguesve për shkak të sezonës verore. E dimë që në këtë sezon rritet edhe aktiviteti i këtyre tatimpaguesve ose bizneseve, dhe qasja jonë është që të bëhet identifikimi apo gjetjeve ose krijimit të informatave për këtë kategori të tatimpaguesve, gjithnjë me qëllim që atyre fillimisht t’ju bëjmë thirrje që të vetëdeklarojnë dhe të paguajnë detyrimet tatimore, pastaj në rast se pas përfundimit të afatit të deklarimit nuk i përmbushin detyrimet tatimore gjithsesi ekziston edhe vegla sekondare ose vegla e dytë që neve ligji na obligon që të ndërmarrim, pra kontrolli”.
Për më tepër Murtezaj tha se vetëm nga inspektimet e fundit të kryera nga inspektorët e ATK-së, që sipas tij janë diku mbi 70 të tilla, kanë hasur në afro 300 punëtorë të padeklaruar, në 100 000 kuponë të moslëshuar aspak në rend të parë, e vlera e ndëshkimeve nga këto inspektime shkon në 200 000 euro.
“Vetëm nga këto inspektimet e fundit që ishin mbi 70 kemi diku afër 300 punëtorë të padeklaruar apo të paformalizuar, pastaj janë 100 000 kuponë jo fiskalë ose mos lëshimi fare i asnjë dokumenti që i ofron si dëshmi për pagesë dhe të gjitha këto kanë bërë që zyrtarët tonë, inspektorët tonë t’i ndërmarrin veprimet juridike në shqyrtim me masa ndëshkuese. Ndoshta nuk është shumë evidente në ndëshkimet se në çfarë vlerash. Nga të gjitha këto vizita që janë realizuar deri më tani, mbi 70 vizita, e vlera e ndëshkimeve është diku mbi 200 000 euro, por që aspak nuk është objektiv apo fokus i yni që të vrapojmë pas gjobave”, tha ndër të tjera për Ekonomia Online zv.drejtori ekzekutiv i ATK-së.
Megjithatë zv.drejtori ekzekutiv i ATK-së, tha se nuk pretendojnë e as nuk e kanë si synim që përmes kontrollit apo ndëshkimeve ta përmbushin buxhetin ose objektivat e tyre.
E këtë Murtezaj e mbështeti edhe me statistika ku tha se mbi 90% të të hyrave të përgjithshme të ATK-së janë nga përmbushja vullnetare, ndërsa vetëm pak mbi 10% të hyrave të përgjithshme vijnë si rezultat i këtyre inspektimeve apo kontrolleve që realizohen nga ky institucion.
Murtezaj shtoi se ka raste ku gjenden një numër i printerave jofiskalë të gjetur e edhe i punëtorëve të padeklaruar nga ana e kategorisë së diskotekave, restoranteve e bizneseve të tjera që periudhën sezonale e kanë më të ngarkuar.
“Asnjëherë nuk është qasja jonë që ne përmes kontrollit dhe ndëshkimeve të pretendojmë të përmbushim buxhetin ose objektivat tona. Synim i vazhdueshëm i yni është që përmbushja vullnetare të jetë ai i cili realizon edhe objektiven e të hyrës tatimore, por në raste të caktuara jemi të obliguar ndaj personave apo bizneseve të cilat nuk i binden kërkesave ligjore t’i ndërmarrim veprimet tona juridike. Mund të themi lirisht se jemi në një trend të mirë sepse mbi 90% të të hyrave të përgjithshme të ATK-së janë nga përmbushja vullnetare, ndërsa pak mbi 10% të hyrave të përgjithshme vijnë si rezultat i këtyre inspektimeve apo kontrolleve që realizohen nga ATK-ja. Varësisht nga sezoni edhe planet e veprimeve tona janë të shtrira në horizontin kohor”.
“Pra, varësisht nga koha apo periudha se cilat aktivitete apo veprimtari kanë aktivitete të shtuara, ne i shtrijmë edhe aktivitetet e tona operative në terren. Në këtë rast gjatë kësaj sezone, thashë edhe më parë dihet se diskotekat kanë aktivitet të shtuar, restorantet, dhe të tjera. Dhe në këtë rast jemi duke bërë inspektime. Gjetjet tona po tregojnë se ka një mospërmbushje, një mosrespektim të zbatimit të ligjit nga ana e kësaj kategorie të tatimpagueseve dhe në këtë rast zyrtarët janë të obliguar që përveç të tjerave t’i ndërmarrin edhe masat ndëshkuese. Një fenomen që është evident gjatë këtyre inspektimeve, ka raste kur printerë jofiskalë, ka raste ku gjenden punëtorë të padeklaruar”, tha Murtezaj.
Tre persona janë vrarë dhe tre të tjerë janë plagosur nga të shtënat të premten në një qytet në afërsi të kantonit të Tuzlës në Bosnjë dhe Hercegovinë, njoftoi Ministria e Brendshme e këtij kantoni.
I dyshuari Nermin Sulejmanoviq, 35 vjeç, është gjetur i vdekur nga forcat e policisë në zonën e qytetit verilindor të Bosnjës, Gradaçacit. Ai kreu vetëvrasje.
“Sulejmanoviq e vrau ish-bashkëshorten dhe dy burra të tjerë, babë e bir, me pistoletë. Ai, po ashtu, e plagosi një polic, si dhe një burrë tjetër dhe një grua në lokacione të ndryshme në Gradaçac”, njoftoi Zyra e Prokurorit në Tuzla.
“Forcat e Policisë janë në terren. Hetimi do të kryhet nga prokurori në detyrë në bashkëpunim me hetuesit e Ministrisë së Punëve të Brendshme”.
“Policia e gjeti atë të vdekur në veturën e tij, dhe se operacioni i policisë po vazhdon”, tha ministri i Brendshëm i kantonit të Tuzlës, Hajrudin Mehanoviq për Radion Evropa e Lirë.
Ndjekja e të dyshuarit zgjati disa orë. Ai kishte publikuar hollësi nga akti i vrasjeve në dy postime të ndara në rrjetin social Instagram, por ato përmbajtje janë fshirë më vonë nga vetë rrjeti social.
Ministria e Brendshme konfirmoi se videot e shpërndara në rrjetet sociale nga i dyshuari janë fshirë.
Asociacioni i Gazetarëve të Kosovës – AGK, janë shprehur të tronditur me sulmin ndaj ekipit të portalit Nacionale, gazetarit Vullnet Krasniqi dhe kameramanit, Arbër Latifi në protestën e organizuar në Prizren.
Krasniqi dhe Latifi ishin atje për të raportuar për protestën e thirrur nga imamët lokalë kundër festivalit “Dokufest”.
Sipas raportimeve të medies, ata janë sulmuar dhe shtyrë fizikisht nga një pjesë e turmës protestuese derisa po kryenin punën e tyre.
“Ky është një sulm i papranueshëm dhe kërcënim serioz për sigurinë e gazetarëve”- janë shprehur AGK.
Asociacioni i Gazetarëve ka kërkuar nga Policia arrestimin e menjëhershëm të sulmuesve dhe përballjen e tyre të menjëhershme me drejtësinë.
Protesta është thirrur pas një performance javën e kaluar në kuadër të festivalit në përkrahje të komunitetit transgjinor, e cila nxiti reagime.
Një nga personat që shpërndarë thirrjen për protestë është edhe kryetari i Bashkësisë Islame të Kosovës në Prizren, Besim Berisha.
Derisa, Dokufest ka deklaruar se koncerti i grupit “Peaches” nuk është mbajtur në hapjen zyrtare të festivalit dhe në të nuk ka pasur qasje askush pa biletë. Sipas tyre, eventi është mbajtur në hapësirën e mbyllur brenda parkut të Marashit, pas orës 1:30 të natës dhe vetëm për një audiencë mbi 18 vjet.
Emisioni veror i ATV-së, “n’mal An’det”, vazhdon të sjellë për shikuesit argëtim, intervista dhe eksplorim kulturor.
Në këtë emision, vend të veçantë zënë mërgimtarët, të cilët bëjnë rrëfimet e tyre të ndryshme nëpër të cilat kanë kaluar.
Mbrëmë, në emisionin “n’mal An’det”, ATV transmetoi një bisedë me Hysen Aliun, mërgimtarin nga Medvegja, i cili jeton dhe vepron në Suedi tash e 30 vite.
Në vitin 1982, nga Medvegja erdhi për të studiuar në Kosovë, ndërsa 10 vite më vonë, Hysen Aliu mori drejt kurbetit.
Malli dhe dashuria që ka për Kosovën janë pjesë e pandashme për të, ndërsa me lot në sy trego se vizitat e tij, viteve të fundit janë më të rralla.
“Me Kosovën jemi të lidhur gjithsesi. Kohëve të fundit, vi ndoshta dy herë apo tri herë në vit, përndryshe prindërit e ndjerë na kanë lënë tash e disa vite. Sa ishin gjallë ata, unë kam ardhë edhe pesë herë në vit. E ndjeja veten se jam këtu dhe kam një punë me e kry diku jashtë dhe u kthejsha. Me të thënë të vërtetën, mallin e kam që njëherë, apo dëshira e mallit është që ky vend të funksionojë për të gjithë këtu brenda, duke pasur parasysh se si funksionojnë shtete jashtë Kosovës, do të thotë shtetet evropiane, që janë disa modele që ne mundohemi gjithmonë t’i etablojmë këtu, t’i këshillojmë këtu edhe politikanët e ndryshëm me të cilët kemi kontalte dhe ta bëjmë që qytetarët e Kosovës, edhe këtu ta ndijnë veten të gjithë të barabartë ta ndiejnë vetën mirë, të lirë dhe të akomoduar ashtu siç është në perëndim, që të mos kenë shtresa të ndryshme, por të jenë pothuajse të barabartë”, rrëfen Aliu.
Me nostalgji, ai flet edhe për kohën e kaluar në vendlindje.
“Që të jem i sinqertë, unë sa herë që vi në Kosovë, nëse nuk kam pasur mundësi të shkoj e ta vizitojë vendlindjen, nuk ma hjek atë mallin se kam qenë në vendlindje, edhe pse jam këtu, mundohem që gjithmonë të shkojë bile gjatë një ditë, siç ndodhi edhe javën e kaluar që na kthyen policia në shtëpi”, tregon ai.
Madje, Aliu ka një apel për të gjithë ata që po e braktisin vendin e tyre.
“Shumica e njerëzve mendojnë se ata të cilët jetojnë jashtë Kosovës e kanë një mrekulli atje. Unë i kuptoj edhe në pikëpamjen tjetër sepse janë lodhur edhe ata nga disa presione apo pabarazi këtu brenda në shtetin tonë, por më mirë se në vendin tënd nuk ka askund në botë. E vetmja shpresë dhe dëshirë me të cilën fle e zgjohet çdo ditë, është kthimi përgjithmonë në atdhe”, tha mërgimtari Hysen Aliu.
Emisioni n’mal An’det, i cili vjen në një format më ndryshe, drejtohet nga yjet e ATV-së, Roberti, Emira dhe Jeta dhe jepet çdo ditë nga e hëna deri të premten prej orës 21:10.
Në videon e më poshtme e gjeni emisionin e plotë “n’mal A n’det” që u transmetua mbrëmë:
Minatorët e minierës së “Trepçës” në Stantërg, të cilët kanë nisur të enjten protestën shkaku i mos realizimit të pagave me kohë për muajin korrik, kanë vazhduar me protestën e tyre edhe gjatë ditës së sotme.
Këtë e ka bërë të ditur për KosovaPress, Destan Kërleshi, nënkryetar i Sindikatës së Minatorëve të Trepçës në Stantërg.
Sipas tij, minatorët kanë kërkuar nga kryeshefi ekzekutiv ose dikush nga Bordi që t’i takojë ata dhe t’ju japin sqarime rreth situatës me paga, mirëpo një gjë e tillë nuk ka ndodhur.
‘Edhe sot vazhdon protesta e minatorëve si pasojë e pakënaqësisë për mos pagesën e pagave nga muaji i kaluar… Edhe dje ndërrimi i parë, i dytë dhe i tretë kanë protestuar për shkak të mos pagesës… Punëtorët kanë kërkuar nga kryeshefi ekzekutiv, por edhe nga Bordi, që të sqarojnë para minatorëve pse nuk është realizuar pagesa e muajit të kaluar, …por sigurisht nuk kanë gjetur kohë dhe arsye që të vijnë para minatorëve as kryeshefi dhe as Bordi… Gojarisht ka thënë se do të bëhet pagesa sot ose të hënën, por me shkrim nuk ka asgjë se kur do të ndodhë… Do të thotë dje tri ndërrimet, edhe sot, pastaj vikendit, kjo është një humbje e madhe për ndërmarrjen, por shpresojmë se do të hasim në mirëkuptim dhe ta gjejmë një mundësi që të bëhet pagesa sa më shpejtë që është e mundur’, ka thënë Kërleshi.
Minatorët në Mitrovicë patën hyrë në grevë edhe një muaj më parë, në korrik për mos ekzekutimin e pagave të muajit qershor. /kp
Në shesin “Shatërvan” në Prizren, aktualisht po mbahet marsh kundër DokuFest.
Marshi është thirrur nga imami i njërës prej xhamive të këtij qyteti, Besim Berisha.
Siç raportohet në këtë protestë është sulmuar gazetari i Nacionales, Vullnet Krasniqi.
Siç raporton Nacionale, ekipi i tyre që ishte prezent për të përcjellur këtë protestë, është sulmuar fizikisht.
Gazetari Vullnet Krasniqi dhe kameramani Albion Latifi janë sulmuar fizikisht nga disa persona, raporton mediumi.
Aktualisht ata janë në stacionin policor.
Emisioni veror i ATV-së, “n’mal An’det”, vazhdon të sjellë për shikuesit argëtim, intervista dhe eksplorim kulturor.
Në këtë emision, vend të veçantë zënë mërgimtarët, të cilët bëjnë rrëfimet e tyre të ndryshme nëpër të cilat kanë kaluar.
Mbrëmë, në emisionin “n’mal An’det”, ATV transmetoi një bisedë me Hysen Aliun, mërgimtarin nga Medvegja, i cili jeton dhe vepron në Suedi tash e 30 vite.
Në vitin 1982, nga Medvegja erdhi për të studiuar në Kosovë, ndërsa 10 vite më vonë, Hysen Aliu mori drejt kurbetit.
Shteti i Suedisë për të u bë vend i së ardhmes.
“Është mirë të theksohet se kam pasur fatin ta zgjedh një shtet që është vend demokratik në Evropë dhe ajo është Suedia. Është një ndër shtetet që gjithmonë punojnë për integrimin e të huajve dhe neve na u ka ofrua çdo gjë që të kemi mundësi të integrohemi. Tri vitet e para unë jam orientuar në mësimin e ligjeve të atij shteti dhe gjuha natyrisht, sepse gjuha është një themel i parë për me u futë në tregun e punës, shkaku që duhet të kesh komunikim, të dish shkrim e lexim për me pasë mundësi edhe me u futë në punë. Pas tri viteve kam kërkuar punë, e kam marrë punën dhe nga ajo ditë unë jam i punësuar edhe sot pa kurrfarë problemi dhe jam i integruar pothuajse krejtësisht, mirëpo gjithmonë me mendje në Kosovë”, rrëfen Aliun. /atvlive.tv
Bisedën e tij të plotë me ATV-në e gjeni në videon më poshtë:
Emisioni n’mal An’det, i cili vjen në një format më ndryshe, drejtohet nga yjet e ATV-së, Roberti, Emira dhe Jeta dhe jepet çdo ditë nga e hëna deri të premten prej orës 21:10.
Në videon e më poshtme e gjeni emisionin e plotë “n’mal A n’det” që u transmetua mbrëmë:
Mbrojtja e Dragisha Millenkoviqit, i cili është duke u hetuar nga Prokuroria Speciale si i dyshuar për krime lufte në burgun e Prishtinës dhe të Lipjanit ka dorëzuar një kërkesë në Qeverinë e Kosovës.
Avokati i Millenkoviqit, Dejan Vasiq, ka kërkuar nga kryeministri Albin Kurti që në cilësinë e dëshmitarit të mbrojtjes të intervistohet për këtë rast.
Duke përmendur faktin se Kurti, në kohën kur i dyshuari Millenkoviq ka punuar në burgun e Prishtinës, ka qenë i arrestuar, Vasiq thotë që dëshmia e kryeministrit është shumë e rëndësishme për klientin e tij.
ATV-ja ka pyetur në Zyrën e Kryeministrit për media, për një qëndrim rreth kërkesës së Vasiq. Qeveria përmes një përgjigje me shkrim, ka mohuar se kryeministri Kurti ka pranuar ndonjë ftesë nga institucionet e drejtësisë.
“Ka kaluar një kohë e gjatë prej kur Kryeministri Albin Kurti nuk ka pranuar ndonjë ftesë nga Gjykatat për t’u paraqitur në ndonjë cilësi. Nuk besoj që e ka marrë malli për to. As për këtë rast ai nuk pranuar ndonjë ftesë zyrtare nga institucionet e drejtësisë. Nëse gjykatat kanë ndonjë kërkesë ndaj tij, atë le ta bëjnë zyrtarisht dhe për të do të marrin përgjigje”, thuhet në përgjigjen e zyrës për komunikim në Qeverinë e Kosovës.
ATV dje ka raportuar se avokati Dejan Vasiq ka paraqitur kërkesën e tij që Kurti të jetë i fituar si dëshmitar i mbrojtjes edhe Prokurorisë Speciale.
Rasti ende është në fazën e hetimeve.
Millenkoviq u arrestua në qershor të këtij viti, e pakënaqësitë për arrestimin e tij i shprehën banorët e Graçanicës përmes protestave disa ditë me radhë./atvlive.tv
Prodhimi i drithërave në Baixo Alentejo, në Portugali, pati një nga “vitet më të këqija ndonjëherë” në vitin 2023 me një rënie që arriti deri në 90% në disa raste, për shkak të thatësirës, thanë të premten presidentët e dy shoqatave të fermerëve.
Duke folur për agjencinë Lusa, presidenti i Kooperativës Bujqësore të Bejës dhe Brinches (CABB), Fernando Rosario, e cilësoi vitin 2023 si “vit të keq” për prodhimin e drithërave në zonën e saj të ndikimit, e cila mbulon kryesisht komunat e Bejës dhe Serpas, për shkak të thatësirës, shkruan Lusa, transmeton KosovaPress.
“Ishte një vit që filloi me pak reshje dhe njerëzit filluan të shpenzojnë duke menduar se do të jetë një vit normal. Por nga fundi i dhjetorit deri në maj nuk kemi pasur asnjë pikë ujë”, tha ai.
Sipas Rosarios, ky realitet nënkuptonte se prodhimi i drithërave të shiut në rajon, domethënë gruri, elbi, dhe tërshërës ra me “më shumë se gjysmën në krahasim me një vit normal”.
“Ka shumë ferma ku produktiviteti nuk arriti në 1000 kilogramë për hektar” dhe mund të mos jetë e mundur të arrihen 10 milionë kilogramë prodhim drithërash në zonën CABB, vuri në dukje Fernando Rosario.
Ndaj, shtoi presidenti i kooperativës Beja se viti 2023 “mund të jetë një nga vitet më të këqija” për prodhimin e drithërave në Baixo Alentejo.
Më në jug, në zonën Campo Branco, e cila mbulon komunat Alentejo të Castro Verde, Almodovar dhe Ourique dhe një pjesë të komunave Aljustrel dhe Mertola, situata është identike.
“Duhet të ketë qenë një nga vitet më të këqija ndonjëherë” për prodhimin e grurit, elbit dhe tërshërës, tha Lusa Antonio Aires, president i Shoqatës së Fermerëve të Campo Branco (AACB), me qendër në Castro Verde.
Edhe në këtë qark viti “filloi shumë mirë”, me reshje shiu në janar, çka bëri që fermerët të bëjnë “një investim më të lartë krahasuar me vitet e mëparshme”.
“Por, nga pranvera, uji mungonte dhe, ndoshta, ky ishte një nga vitet më të këqija të të gjitha kohërave”, me humbje “deri në 90%”.
Antonio Aires shtoi se kishte edhe fermerë “të cilët as nuk korrnin sepse kostoja e korrjes ishte më e lartë se fitimi në drithërave, pasi kishin vetëm 200 ose 300 kilogramë për hektar”.
“Dhe kishte ferma që prodhuan 700 ose 800 kilogramë [për hektar] ku më parë prodhonin 3,000 ose 4,000”, tha ai.
Sipas “Parashikimeve Bujqësore” të Statistikave të Portugalisë, të publikuar më 31 maj, fushata e drithërave vjeshtë/dimër “duhet të jetë një nga më të këqijat”, e penguar nga një tjetër vit thatësire e madhe, e cila gjithashtu penalizoi kullotat duke shkaktuar “vështirësi të mëdha “për sektorin e blegtorisë.